បច្ចេកវិទ្យាឌីជីថលចូលទៅក្នុងជីវភាពរស់នៅ
នៅភូមិ ណាចៀង ឃុំ ម៉ាយចូវ ទូរស័ព្ទឆ្លាតវៃកំពុងក្លាយជាឧបករណ៍មានអត្ថប្រយោជន៍ចំពោះក្រុមគ្រួសារធ្វើអាជីវកម្មទេសចរណ៍សហគមន៍។ នៅមូលដ្ឋានទេសចរណ៍របស់បងស្រី ហា ធីឡា ទូទាត់ប្រាក់តាមលេខកូដ QR បានក្លាយជារឿងជិតដិតធម្មតា។ ភ្ញៀវទេសចរអាចផ្ទេរប្រាក់ ឬស្កេនលេខកូដដើម្បីទូទាត់ប្រាក់សម្រាប់បង់ថ្លៃសេវាកន្លែងស្នាក់នៅ អាហារហូបចុកនិងទិញផលិតផលក្នុងស្រុក។
យោងតាមបងស្រី ហា ធីឡា គ្រួសារម្ចាស់ការប្រើលេខកូដ QR ព្រមទាំងបង្ហោះផលិតផល សេវាកម្មឡើងបណ្តាប្រព័ន្ធផ្សព្វផ្សាយបណ្តាញសង្គម ដើម្បីទាក់ទាញអតិថិជនកាន់តែច្រើន។ វិធីសាស្រ្តនេះជួយឱ្យប្រតិបត្តិការមានភាពងាយស្រួល មានតម្លាភាព ព្រមទាំងជួយផ្សព្វផ្សាយរូបភាពនិងផលិតផលរបស់គ្រួសារទៅកាន់ភ្ញៀវទេសចរផងដែរ។
មិនត្រឹមតែជួយដល់សកម្មភាពធ្វើអាជីវកម្មប៉ុននោះទេ បច្ចេកវិទ្យាឌីជីថលកំពុងតែផ្លាស់ប្តូរទម្លាប់របស់ប្រជាជនពីមួយជំហានទៅមួយជំហានទៀតផង។ បច្ចុប្បន្នភូមិ ណាចៀង មានក្រុមគ្រួសារចំនួន ១៥៨ នឹងប្រជាជនជាង ៦៥០ នាក់។ ឆ្លងតាមរយៈការប្រជុំជីវភាព សហគមន៍ កិច្ចប្រជុំភូមិ និងសកម្មភាពរបស់ក្រុមបច្ចេកវិទ្យាឌីជីថលសហគមន៍ ប្រជាជនត្រូវបានណែនាំអំពីរបៀបប្រើប្រាស់ទូរស័ព្ទឆ្លាតវៃ ប្រើសេវាសាធារណៈតាមអនឡាញ ទូទាត់តាមអេឡិចត្រូនិច និងការពារព័ត៌មានផ្ទាល់ខ្លួននៅលើបរិយាកាសអ៊ីនធឺណិត។
យោងតាមលោកស្រី ង្វៀន ធីគ្វិញឡាន ប្រធានការិយាល័យវប្បធម៌ - សង្គមកិច្ចឃុំ ម៉ាយចូវ ខេត្ត ភូ ថ ឱ្យដឹងថា ការប្រើបច្ចេកវិទ្យាកំពុងនាំមកប្រសិទ្ធភាពជាក់ស្តែងក្នុងការរស់នៅ។ ក្រុមបច្ចេកវិទ្យាឌីជីថលសហគមន៍កំពុងពង្រីកតួនាទីជាស្ពានមេត្រី ជួយប្រជាជនចូលប្រើកម្មវិធីឌីជីថល សេវាសាធារណៈតាមអនឡាញ និងទូទាត់ដោយមិនប្រើសាច់ប្រាក់។
ក្នុងវិស័យទេសចរណ៍ បច្ចេកវិទ្យាបើកបន្ថែមវិធីសាស្រ្តផ្សព្វផ្សាយរូបភាព គោលដៅនិងផលិតផលពិសេសដោយឡែករបស់មូលដ្ឋាន ជួយឱ្យក្រុមគ្រួសារធ្វើអាជីវកម្មខិតជិតភ្ញៀវទេសចរកាន់តែងាយស្រួល។ ស្របពេលនោះ ឃុំ ម៉ាយចូវ កំពុងប្រើបច្ចេកវិទ្យាក្នុងការធានាសន្តិសុខសណ្តាប់ធ្នាប់ពីមួយជំហានទៅមួយជំហាន។ ប្រព័ន្ធកាមេរ៉ាត្រូវបានដំឡើងតាមបណ្តោយខ្សែផ្លូវ ទីប្រជុំជន និងគោលដៅទេសចរណ៍សំខាន់ៗ នានា ជួយដល់ការងារគ្រប់គ្រង ឃ្លាំមើល រួមចំណែកបង្កើតបរិស្ថានប្រកបដោយសុវត្ថិភាពជូនប្រជាជននិងភ្ញៀវទេសចរ។
ម៉ាយចូវ លេចធ្លោជាមួយនឹងការនាំបច្ចេកវិទ្យាទៅក្នុងសកម្មភាពទេសចរណ៍សហគមន៍ និងជីវភាពប្រជានិវេសន៍ ចំណែកសង្កាត់ ហ្វាប៊ិញ យុវជនកំពុងក្លាយជាកងកម្លាំងស្នូលជួយប្រជាជនទទួលបានសេវាកម្មឌីជីថល។
អំឡុងប៉ុន្មានថ្ងៃនេះ នៅមជ្ឈមណ្ឌលសេវាកម្មរដ្ឋបាលសាធារណៈសង្កាត់ ហ្វាប៊ិញ រូបភាពសមាជិកសម្ពន្ធយុវជន យុវជនស្ម័គ្រចិត្តក្នុងឯកសណ្ឋានអាវពណ៌ខៀវស្រងាត់ណែនាំប្រជាជនបំពេញបែបបទរដ្ឋបាល ប្រើប្រាស់សេវាសាធារណៈតាមអនឡាញត្រូវបានប្រទះឃើញជាញឹកញាប់។ ដោយមានឧត្តមភាពឈ្លាសវៃនឹងបច្ចេកវិទ្យា សមាជិកសម្ពន្ធយុវជន យុវជនជួយប្រជាជន ជាពិសេសមនុស្សមានវ័យអាយុច្រើន និងអ្នកមិនសូវប្រើឧបករណ៍ឌីជីថល ប្រតិបត្តិការចាំបាច់។
ក្នុងឆមាសទី ១ ឆ្នាំ ២០២៦ ទូទាំងសង្កាត់មានជាង ៣០០ លើកសមាជិកសម្ពន្ធយុវជន យុវជនចូលរួមក្នុងក្រុមបច្ចេកវិទ្យាឌីជីថលសហគមន៍ រៀបចំសកម្មភាពជួយណែនាំអំពីការប្រើប្រាស់គណនីទូទាត់តាមអេឡិចត្រូនិចចំនួន ២ ជូន ៥០០ លើកនាក់ និងសកម្មភាពជួយណែនាំសេវាសាធារណៈតាមអនឡាញចំនួន ៣ ជូន ៣០០ លើកនាក់។
អ្នកស្រី ង្វៀន ធីប៊ិច ក្រុមទី ៨ សង្កាត់ ហ្វាប៊ិញ បានឱ្យដឹងថា ពីមុនអ្នកស្រីមិនដឹងអំពីសេវាសាធារណៈតាមអ៊ីនធឺណិតទេ។ អាស្រ័យដោយបានសមាជិកសម្ពន្ធយុវជន យុវជនណែនាំ អ្នកស្រីយល់ឃើញថាការបំពេញបែបបទងាយស្រួលជាង ហើយនឹងបន្តប្រើប្រាស់ក្នុងប្រតិបត្តិការលើកក្រោយទៀត។
មិនត្រឹមតែជួយប្រជាជនប៉ុននោះទេ សម្ពន្ធយុវជនសង្កាត់ ហ្វាប៊ិញ ក៏ម្ចាស់ការប្រើបច្ចេកវិទ្យាទៅក្នុងសកម្មភាពសម្ពន្ធយុវជន ឃោសនា និងការរៀបចំចលនាទៀតផង។ ទំព័រអ្នកគាំទ្រ ឆានែល TikTok ត្រូវបានរក្សាជាប្រចាំដើម្បីផ្សព្វផ្សាយសកម្មភាព បង្កើនអន្តរកម្មជាមួយនឹងសមាជិកសម្ពន្ធយុវជន យុវជនស្ម័គ្រចិត្ត។ ឧបករណ៍បញ្ញាសិប្បនិម្មិតបានប្រើប្រាស់សម្រាប់បម្រើការងារឃោសនាពីមួយជំហានទៅមួយជំហាន។ ចលនា "ប្រជាសិក្សាឌីជីថលសម្រាប់យុវជន" ត្រូវបានដាក់ដំណើរការ រួមចំណែកផ្តល់ចំណេះដឹងបច្ចេកវិទ្យា បំណិនឌីជីថល និងជំនាញប្រើប្រាស់បណ្តាញអ៊ីនធឺណិតប្រកបដោយសុវត្ថិភាព។
ផ្តើមពីគំរូទៅដល់សហគមន៍
ចំណុចរួមក្នុងវិធីសាស្រ្តរបស់ ម៉ាយចូវ និងសង្កាត់ ហ្វាប៊ិញ គឺបរិវត្តកម្មឌីជីថលមិនបានអនុវត្តតាមទិសដៅឃ្លាតឆ្ងាយពីជីវភាពទេ ប៉ុន្តែចាប់ផ្តើមជាមួយនឹងតម្រូវការជាក់ស្តែងរបស់ប្រជាជន។ ម្ខាងផ្តោតលើការបញ្ចូលបច្ចេកវិទ្យាទៅក្នុងទេសចរណ៍ ផ្សព្វផ្សាយផលិតផល ទូទាត់ និងធានាសន្តិសុខ។ ម្ខាងទៀតពង្រីកតួនាទីរបស់យុវជនដើម្បីជួយប្រជាជនក្នុងការប្រើប្រាស់សេវាសាធារណៈ ការទូទាត់តាមអេឡិចត្រូនិច និងប្រព័ន្ធឌីជីថល។
នៅសង្កាត់ ហ្វាប៊ិញ គណៈកម្មាធិការអចិន្ត្រៃយ៍សម្ពន្ធយុវជនសង្កាត់បានរក្សា និងពង្រីកទូលាយគំរូ "ក្រុមបច្ចេកវិទ្យាឌីជីថលសហគមន៍" "កងជួរយុវជនជួយផ្នែកបរិវត្តកម្មឌីជីថលសហគមន៍" ទាក់ទាញសមាជិកសម្ពន្ធយុវជន យុវជនចុះទៅកាន់ក្រុមគ្រួសារនីមួយៗ ដោយផ្ទាល់ដើម្បីណែនាំអំពីការដំឡើង និងប្រើប្រាស់កម្មវិធីទូទាត់ប្រាក់តាមអេឡិចត្រូនិច សៀវភៅសុខភាពអេឡិចត្រូនិច VNeID ស្វែងរកព័ត៌មាន និងបំពេញបែបបទរដ្ឋបាលមួយចំនួនតាមអនឡាញ។
យោងតាមលោក ង្វៀន វ៉ាន់ហ៊ុង អនុប្រធានគណៈកម្មាធិការរណសិរ្សមាតុភូមិវៀតណាមសង្កាត់ ហ្វាប៊ិញ និងជាលេខាសម្ពន្ធយុវជនសង្កាត់ ហ្វាប៊ិញ មានប្រសាសន៍ យុវជនមិនត្រឹមតែជាកងកម្លាំងឆ្លាតវៃក្នុងការទទួលយកបច្ចេកវិទ្យាប៉ុននោះទេ ថែមទាំងចូលរួមដោយផ្ទាល់ និងសាយភាយតម្លៃឌីជីថលដល់សហគមន៍ទៀតផង។ ផ្តើមពីការងារជាក់ស្តែងនៅមូលដ្ឋាន យុវជនសង្កាត់ ហ្វាប៊ិញ កំពុងបញ្ជាក់តួនាទីជាអ្នកត្រួសត្រាយផ្លូវបន្តិចម្តងៗ រួមចំណែកនាំបរិវត្តកម្មឌីជីថលមានប្រសិទ្ធភាពជាក់ស្តែងនិងក្លាយជាកម្លាំងចលករជំរុញការអភិវឌ្ឍសេដ្ឋកិច្ច - សង្គម។
លោក ង្វៀន វ៉ាន់ហ៊ុង មានប្រសាសន៍បន្តថា ក្នុងរយៈពេលខាងមុខ ក្រសួងសម្ពន្ធយុវជនគ្រប់លំដាប់ថ្នាក់សង្កាត់ ហ្វាប៊ិញ បន្តកំណត់បរិវត្តកម្មឌីជីថលជាភារកិច្ចសំខាន់ លើកកម្ពស់គុណភាពកងជួរយុវជនឈានមុខ រក្សាចលនា "ប្រជាសិក្សាឌីជីថល" ជំរុញបណ្តុះបណ្តាលបំណិនឌីជីថល និងបំណិនសុវត្ថិភាពព័ត៌មានសម្រាប់សមាជិកសម្ពន្ធយុវជន យុវជន ព្រមទាំងលើកទឹកចិត្ត ជួយយុវជនឱ្យបង្កើតករច្នៃប្រតិដ្ឋរាល់គំរូ ផលិតផលដោយប្រើប្រាស់បច្ចេកវិទ្យា រួមចំណែកកសាងអាជ្ញាធរឌីជីថល សេដ្ឋកិច្ចឌីជីថល និងសង្គមឌីជីថល។
ផ្តើមពីគំរូជាក់លាក់នៅក្នុងសង្កាត់ ម៉ាយចូវ និងសង្កាត់ ហ្វាប៊ិញ អាចមើលឃើញថា បរិវត្តកម្មឌីជីថលនៅមូលដ្ឋានមិនចាំបាច់ចាប់ផ្តើមពីវិធានការយ៉ាងធំៗ នោះទេ តែបង្កើតចេញពីការផ្លាស់ប្តូរជិតដិតក្នុងការរស់នៅ។ នៅពេលប្រជាជនចេះប្រើប្រាស់បច្ចេកវិទ្យាដើម្បីធ្វើប្រតិបត្តិការកាន់តែស្រណុក ផ្សព្វផ្សាយផលិតផលកាន់តែមានប្រសិទ្ធភាព និងទទួលបានសេវាសាធារណៈកាន់តែងាយស្រួល បច្ចេកវិទ្យាឌីជីថលនឹងក្លាយជាផ្នែកជាក់ស្តែងនៅក្នុងការរស់នៅពីមួយជំហានទៅមួយជំហាន បង្កើតមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ច - សង្គមមូលដ្ឋានក្នុងយុគសម័យឌីជីថល៕
អត្ថបទនិងរូបថត៖ វូហា
ប្រែសម្រួល៖ អៀងថាន់
