នេះត្រូវបានគេចាត់ទុកថាជាពិធីបុណ្យដ៏ធំរបស់បងប្អូនជនជាតិភាគតិចមូលដ្ឋានស្រដៀងនឹងឱ្យកាសបុណ្យចូលឆ្នាំថ្មីរបស់ជនជាតិ គិញ។ ក្នុងថ្ងៃបុណ្យនេះ អំបុកគឺជាមុខអាហារសំខាន់មិនអាចខ្វះបាននៅក្នុងស្ពកសំណែន។ មូលដ្ឋានជាច្រើនរបស់ខេត្ត ឡាវកាយ កំពុងស្តារនិងអភិវឌ្ឍមុខរបរធ្វើអំបុកប្រពៃណី អភិរក្សពិធីកិច្ចវប្បធម៌មុខរបរប្រពៃណី ស្របពេលនោះដែរលើកស្ទួយតម្លៃសេដ្ឋកិច្ចកសិកម្ម ទេសចរណ៍។
បងប្រុស អាន វ៉ាន់ផុង ឃុំ ចៀងគាន បានឱ្យដឹងថា ក្នុងពិធីស៊ីលៀងបាយថ្មីរបស់ជនជាតិ តៃ ពីអំបុក គេអាចកែច្នៃទៅជាមុខអាហារដ៏ឆ្ងាញ់ជក់ចិត្តជាច្រើនមុខផ្សេងគ្នាដូចជា បាយដំណើប បង្អែម បបរ នំ ។ល។ ដោយមានរសជាតិផ្អែមឈ្ងុយ ពណ៌សម្បុរទាក់ភ្នែកដើម្បីសែនគ្រឿងសំណែន។ ប្រសិនបើនៅតាមមូលដ្ឋានជាច្រើន មុខរបរធ្វើអំបុកកំពុងសាបរលាបបន្តិចម្តងៗ នៅខេត្ត ឡាវកាយ ដោយសារពិធីស៊ីលៀងបាយថ្មី ពិធីបុណ្យអំបុកតំបន់ភ្នំបានក្លាយជាលក្ខណៈវប្បធម៌ភោជនាហារដ៏ល្អប្រពៃត្រូវបានរក្សាជាប្រចាំ ស្នងបន្តរបស់បងប្អូនបណ្តាជនជាតិភាគតិច។
យោងតាមស្ថិតិរបស់ឃុំ បាក់ហា បច្ចុប្បន្ននេះ នៅតាមភូមិ តាចាយ ណាហូយ ។ល។ បានមានរាប់រយក្រុមគ្រួសារចូលរួមផលិតអំបុក។ ចូលដល់រដូវកាល ផ្សារណាត់ បាក់ហា លក់ដូរអំបុកស្រស់រាប់រយគីឡូក្រាមជារៀងរាល់ថ្ងៃ។ តម្លៃលក់ប្រែប្រួលចាប់ពី ១២០.០០០ ទៅ ១៥០.០០០ ដុងក្នុងមួយគីឡូក្រាម នាំមកនូវប្រភពចំណូលគួរឱ្យកត់សម្គាល់។ គ្រួសារទាំងឡាយអាចរកចំណូលបានឡើងដល់រាប់សិបលានដុងក្នុងមួយរដូវអំបុក រួមចំណែកកែលម្អជីវភាពរស់នៅ។ មិនត្រឹមតែផ្អាក់នៅត្រឹមអំបុកស្រស់ប៉ុននោះទេ មាមីងបងប្អូនក៏កែច្នៃផលិតផលពីអំបុកជាច្រើនបន្ថែមទៀតដូចជា នំអំបុក បាយដំណើបអំបុក បង្អែមអំបុក ស្រាត្រាំអំបុក ។ល។
អ្នកស្រី លូ ធីតឿយ ក្រុមសហការភូមិ ណាឡ បានឲ្យដឹងថា ចាប់តាំងពីពាក់កណ្តាលខែ សីហា ក្រុមសហការបានមានអំបុកផ្គត់ផ្គង់ចេញទៅទីផ្សារ។ អ្នកស្រី លូ ធីតឿយ ចែករំលែកបន្ថែមថា "អំបុកត្រូវបានផលិតថ្មីជាបន្តបន្ទាប់ចែកចេញជាច្រើនលើកក្នុងមួយថ្ងៃ។ ក្រុមសហការក៏ដូចជាជាង ៣០ ក្រុមគ្រួសារនៃភូមិមានផលិតអំបុកតែងតែមានលិខិតដាក់ពាក់ទិញទៅសព្វទីកន្លែងក្នុងនិងក្រៅខេត្ត ត្រូវបានអតិថិជននិយមចូលចិត្ត ជឿទុកចិត្តហូបក្នុងរយៈពេលជាច្រើនឆ្នាំកន្លងមកហើយ"។
ក្នុងពិធីបុណ្យ ភ្ញៀវទេសចរនិងអ្នកស្រុកអាចសម្របខ្លួនចូលទៅក្នុងបរិយាកាសដ៏ផុសផុលដោយមានខ្សែសកម្មភាព៖ ដាក់តាំងបង្ហាញអំបុក ទូឡេ - ភោគផលល្បីឈ្មោះរបស់ដែនដី ពិធីប្រលងដាល់អំបុក ជល់ពពែ ដាក់តាំងបង្ហាញស្ពកលៀងប្រពៃណី ប្រលងសម្លៀកបំពាក់ជនជាតិ ឆ្លងកាត់ការពិសោធដំណើរការធ្វើអំបុកដំណើប តានណាឡុង ។ល។ ល្បែងប្រជាប្រិយដ៏ទាក់ទាញជាច្រើនដូចជា ទាញព្រ័ត្រ បិទភ្នែកចាប់ទា ឡើងលើបង្គោលខ្លាញ់ លោតការុងក្រចៅ រុញដំបង ដើរជើងទោម ដើរស្ពានឃ្លេងឃ្លោង ។ល។ ក៏ត្រូវបានរៀបចំឡើង បង្កើតជាទីធ្លាលេងកម្សាន្តសប្បាយរីករាយ ផ្សារភ្ជាប់សហគមន៍។ សកម្មភាពសិល្បៈប្រជាប្រិយ ការប្រលង “សម្រស់នារីដែនដីអំបុក” ។ល។ សង្ឃឹមថានឹងនាំមកនូវបរិយាកាសសិល្បៈសម្បូរទៅដោយអត្តសញ្ញាណ ទាក់ទាញភ្ញៀវទេសចរយ៉ាងច្រើនកុះករ៕
អត្ថបទ៖ ហឿងធូ - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ
