ភូមិបាក់ហ្វា នៅឃុំតឹនសឺន ខេត្តបាក់និញជាកន្លែងរស់នៅរបស់សហគមន៍ជនជាតិ នុង តាំងពីយូរលង់មកហើយ មានប្រជាជនចំនួន១៦០ក្រុមគ្រួសារ ក្នុងនោះមានចំនួន ១៧ ក្រុមគ្រួសាររក្សាបានផ្ទះបុរាណនៅល្អដូចដើមស្ទើរតែទាំងស្រុង និងរៀបចំគម្រោងការក្លាយជាមជ្ឈមណ្ឌលអភិវឌ្ឍទេសចរណ៍សហគមន៍។
នេះគឺជាផ្ទះទាំងឡាយដែលមានជញ្ជាំងសង់ពីដី ដំបូលប្រក់ក្បឿងញីឈ្មោលតាមលក្ខណៈ ពិសេសដាច់ដោយឡែករបស់បងប្អូនជនជាតិ នុង ផ្សារភ្ជាប់ជាមួយនឹងលម្ហផលិតកម្មកសិកម្ម និងការប្រជុំជីវភាពរបស់គ្រួសារ។
ប្រជាជនជាច្រើនក្រុមគ្រួសារនៅក្នុងបរិវេណផ្ទះបុរាណនៅតែរក្សាបានរបៀបរបបរស់នៅតាមប្រពៃណី ស្លៀកពាក់សម្លៀកបំពាក់ជនជាតិ ត្រៀមខ្លួនជាស្រេចទទួលស្វាគមន៍ ផ្លាស់ប្តូរជាមួយនឹងភ្ញៀវទេសចរ។ ក្លឹបសិល្បៈប្រជាប្រិយទាំងឡាយ ជាពិសេសគឺច្រៀងបទចម្រៀងប្រជាប្រិយ នុង បានរក្សាជាប្រចាំ។
អញ្ជើញមកកាន់ភូមិបាក់ហ្វាភ្ញៀវទេសចរមិនត្រឹមតែបានទស្សនាលម្ហរស់នៅលក្ខណៈវប្បធម៌ប្រជាប្រិយពីដើមសុទ្ធ របរត្បាញសំពត់សង្កិមប្រពៃណីប៉ុននោះទេ ថែមទាំងបាន "រស់នៅភូមិជាមួយ ស្តាប់បទចម្រៀងប្រជាប្រិយ ពិសាម្ហូបអាហារ ឆ្លងកាត់ពិសោធន៍ ធ្វើពលកម្មកសិកម្ម" ជាមួយនឹងសហគមន៍ជនជាតិ នុង នៅទីនេះទៀតផង។
លោក វី វ៉ាន់អាន ប្រធានគណៈកម្មាធិការប្រជាជនឃុំតឹនសឺនឱ្យដឹងថា មូលដ្ឋានកំពុងកសាងគម្រោងមេទូទៅ ស្នើប្រភពធនធានវិនិយោគ ដើម្បីរៀបចំអភិរក្សបរិវេណផ្ទះបុរាណឲ្យនៅដូចដើមដដែល ព្រមទាំងវិនិយោគហេដ្ឋារចនាសម្ព័ន្ធគមនាគមន៍ កែលម្អទេសភាព បង្កើតលម្ហប្រជុំសកម្មភាពសហគមន៍បម្រើភ្ញៀវទេសចរ។
ដោយមានការតម្រង់ទិសដៅច្បាស់លាស់ ការចូលរួមប្រកបដោយសង្គតិភាពរបស់អាជ្ញាធរ អ្នកស្រាវជ្រាវ និងសហគ្រាសទេសចរសហគមន៍ភូមិបាក់ហ្វាកំពុងឈរនៅមុខឱកាសអភិវឌ្ឍន៍ ដោយមានមូលដ្ឋានគ្រឹះអភិរក្សវប្បធម៌ លើកស្ទួយតួនាទីកត្តា គន្លឹះរបស់សហគមន៍ប្រជានិវេសន៍៕
អត្ថបទ និងរូបថត៖ យ៉ាញ់ឡាម
បញ្ជូលទិន្នន័យ៖ ចន្ទ រាជិនី
