ភូមិហាសឺន ឃុំង៉ុកឡាក់ ខេត្តថាញ់ហ្វាជាភូមិមានបងប្អូនជនជាតិ យ៉ាវ ខោរឹតជើង (យ៉ាវ គ្វឹនចែត) រស់នៅច្រើនបំផុត។ បច្ចុប្បន្នបងប្អូនជនជាតិ យ៉ាវ មានចំនួន ២៦៣ ក្រុមគ្រួសារ មានមនុស្សចំនួន ១.០៨៦ នាក់។
ឲ្យតែចូលដល់ឱកាសនេះជារៀងរាល់ឆ្នាំ ពេលរដូវកាលប្រមូលផលហើយ ជនជាតិ យ៉ាវ ខោ
រឹតជើងនៅទីនេះក៏រៀបចំទុកដាក់ផ្ទះសម្បែង តុបតែងហ៊ឹង បម្រុងគ្រឿងរណ្តាប់ដើម្បីទទួលបុណ្យឆ្នាំចាស់ផ្លាស់ឆ្នាំថ្មី។
ពិធីកិច្ចសែនព្រេនដោយបូជាចារ្យចំនួន ៣ រូបស្ទាត់ភាសា យ៉ាវ បុរាណធ្វើពិធីសែនព្រេន។ បូជាចារ្យជំនួសមុខម្ចាស់ផ្ទះ ជូនដំណឹងចំពោះ បានវឿង បុព្វបុរស និងអមនុស្សការងារទាំងឡាយដែលធ្វើបានហើយ និងមិនទាន់ធ្វើបានក្នុងឆ្នាំ បួងសួងសុំឲ្យអ្នករាល់គ្នាមានកម្លាំងមាំមួន មានសំណាងល្អក្នុងឆ្នាំថ្មី។ល។
ពិធីសែនព្រេនជាផ្នែកសំខាន់បំផុតរបស់បុណ្យឆ្នាំចាស់ផ្លាស់ឆ្នាំថ្មី។ ជាធម្មតា ថ្នាក់ព្រឹទ្ធាចារ្យក្នុងគ្រួសារ និងបូជាចារ្យនឹងរៀបចំហ៊ឹងចំនួន ៣ ស្ពកសំណែនចំនួន ៣ ដើម្បីសែន បានវឿង (លោកបុព្វបុរសរបស់ជនជាតិ យ៉ាវ) សែនបុព្វបុរស និងសែនអមនុស្ស។
ពេលពិធីសែនព្រេនរួចស្រេចហើយ ម្ចាស់ផ្ទះរៀបស្ពកដើម្បីឲ្យកូនចៅ បងប្អូន មិត្រភក្ដិ ភ្ញៀវកិត្តិយសមូលជុំគ្នាទទួលទានបុណ្យឆ្នាំចាស់ផ្លាស់ឆ្នាំថ្មី។ ក្នុងស្ពកមិនអាចខ្វះអាហារ ៣ មុខរួមមាន៖ ក្បាលជ្រូក (ឬសាច់ជ្រូកមួយផ្នែក) មាន់ឈ្មោល និងនំបាញ់យ៉ី។
ក្រៅពីការសែនពិធី ទទួលទាន ជនជាតិ យ៉ាវ នឹងស្លៀកសម្លៀកបំពាក់ប្រពៃណីស្រស់ស្អាតបំផុតដើម្បីទៅសួរសុខទុក្ខ ជូនពរគ្នាក្នុងថ្ងៃបុណ្យឆ្នាំចាស់ផ្លាស់ឆ្នាំថ្មី។ បរិយាកាសត្រេកអរ រំភើបរីករាយបីដូចជាលម្អសម្រស់និទាឃរដូវបន្ថែមនៅបណ្តាភូមិនិគមជនជាតិ យ៉ាវ។
លោក ទ្រៀវ វ៉ាន់ជិញ លេខាសាខាបក្សភូមិ ហាសឺន ឱ្យដឹងថា ទោះបីនៅជួបការលំបាកលំបិនច្រើន ក៏ប៉ុន្តែជីវភាពរបស់ជនជាតិ យ៉ាវ នៅទីនេះកំពុងប្រែប្រួលពីមួយថ្ងៃទៅមួយថ្ងៃ។ ដោយមានការខិតខំរបស់អាជ្ញាធរមូលដ្ឋាន និងប្រជាជនក្នុងពេលអនាគតមិនយូរទេ ភូមិនិគមជនជាតិ យ៉ាវ នឹងក្លាយជាភូមិនិគមជនបទថ្មី ស៊ីវិល័យ សម្បូររុងរឿង៕
អត្ថបទ និងរូបថត៖ ហ្វាម៉ាយ
បញ្ចូលទិន្នន័យ៖ សិរីសួស្តី
