ប្អូន ហា ធីង៉ាត ស្នាក់នៅភូមិ ហាវលី ឱ្យដឹងថា ប្អូនចាប់កំណើតនិងធំដឹងក្ដីឡើងនៅលើដែនដី តីង្វៀន ពោរពេញទៅដោយកម្តៅថ្ងៃនិងខ្យល់។ ក្នុងឱកាសបុណ្យចូលឆ្នាំថ្មី ប្អូនបានពូៗ មីងៗ ក្នុងភូមិបង្រៀនបណ្តាលក្ខណៈវប្បធម៌ពិសេសដាច់ដោយឡែករបស់ជនជាតិ មឿង មកឱ្យ។ មកដល់ឥឡូវនេះ ប្អូនអាចចូលរួមរាំស្វែជាមួយសិប្បករ វិចិត្រការិនីក្នុងភូមិបានហើយ ឆ្លងតាមរយៈនោះ រួមចំណែកចូលក្នុងការអភិរក្សនិងលើកស្ទួយតម្លៃវប្បធម៌ប្រពៃណីរបស់ជនជាតិ មឿង នៅខេត្ត ក្វាងង៉ាយ។
យោងតាមលោក សៀង ថាញ់ភូ ប្រធានគណៈកម្មាធិការប្រជាជនឃុំ សាឡោន ឃុំមានជនជាតិចំនួន ១៥ ក្នុងនោះមានជនជាតិភាគតិចចំនួន ៤ នៅផ្ទាល់កន្លែង។ ក្នុងអំឡុងពេលកន្លងទៅ គណៈកម្មាធិការប្រជាជនឃុំបានផ្តោតសំខាន់លើការថែរក្សា អភិរក្សនិងលើកស្ទួយតម្លៃដ៏វិសេសវិសាលទាំងឡាយរបស់បណ្តាជនជាតិ ក្នុងនោះមានជនជាតិ មឿង នៅភូមិ ហាវលី ផងដែរ។ ប្រជាជននៅក្នុងភូមិបានថែរក្សារាល់ទំនៀមទម្លាប់យ៉ាងសកម្មក្នុងអំឡុងថ្ងៃពិធីបុណ្យទាន បុណ្យចូលឆ្នាំ បង្កើតបានជាឃុំព្រំដែន សាឡោង សម្បូរបែមចម្រុះពណ៌វប្បធម៌បណ្តាជនជាតិ ចូលរួមចំណែកនាំឃុំសម្រេចបានស្តង់ដារជនបទថ្មី ឆ្ពោះទៅរកជនបទថ្មីកម្រិតលើកកម្ពស់។
“ក្នុងអំឡុងពេលខាងមុខ ការអនុវត្តកម្មវិធីគោលដៅជាតិ ឃុំ សាឡោង ក៏បានកំណត់ភូមិ ហាវលី ដោយមានបងប្អូនជនជាតិ មឿង ភាគច្រើនរស់នៅទីនោះ នឹងតំណភ្ជាប់ជាមួយភូមិក្បែរៗ នោះ បង្កើតជាគោលដៅទេសចរណ៍សហគមន៍ផ្សារភ្ជាប់នឹងការលើកស្ទួយតម្លៃវប្បធម៌របស់បងប្អូនជនជាតិនៅផ្ទាល់កន្លែង ក្នុងគោលបំណងទាញយកផលប្រព័ន្ធអេកូវប្បធម៌នៅលើភូមិសាស្ត្រឃុំប្រកបដោយប្រសិទ្ធភាព។ ឆ្លងតាមរយៈនោះ ជួយប្រជាជនមិនត្រឹមតែថែរក្សាប៉ុននោះទេ ថែមទាំងលើកកម្ពស់ជីវភាព ប្រាក់ចំណូលពីការថែរក្សាអត្តសញ្ញាណវប្បធម៌របស់ខ្លួនទៀតផង” លោក សៀង ថាញ់ភូ បញ្ជាក់ដូច្នេះ៕
អត្ថបទនិងរូបថត៖ យឺទាន់ - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ
