លេខាគណៈកម្មាធិការបក្សឃុំ ជឺសេ លោក លី អាញ់ សាង អតីតលេខាគណៈកម្មាធិការបក្សស្រុក ជឺសេ ឱ្យដឹងថា កម្លាំងជំរុញចម្បងបង្កើតចលនការសម្រាប់តំបន់ដីបាសាល់ក្រហម ជឺសេ ផ្លាស់ប្ដូរគឺការដែលធនាគារគោលនយោបាយសង្គមមូលដ្ឋានបានប្រមូលផ្តុំប្រភពទុនឥណទានដ៏ធំគួរសម ជាង ២៥០ ពាន់លានដុង អាទិភាពនិយោគទាន់ពេលវេលា ជួយក្រុមគ្រួសារក្រីក្រនិងមុខសញ្ញាគោលនយោបាយអភិវឌ្ឍតំបន់ដាំដុះដំណាំឧស្សាហកម្ម តំបន់ចិញ្ចឹមសត្វលក្ខណៈពាណិជ្ជកម្ម ផ្សារភ្ជាប់ជាមួយនឹងការជំរុញការកែច្នៃកសិផល យ៉ាងខ្លាំងក្លា។
ប្រភពទុនគោលនយោបាយបានធ្វើឱ្យផ្លាស់ប្តូរមុខមាត់ភូមិ អាអ៊្វីន ចំណុះឃុំ អាលបា កន្លែងរស់នៅរបស់បងប្អូនជនជាតិក្នុងស្រុកចំនួន ៨៨១ ក្រុមគ្រួសារ។ លោក ឌិញហ៊្អីន ស្ថិតក្នុងក្រុមគ្រួសារក្រីក្រ ពីឆ្នាំ ២០២០ គ្រួសារលោកប្រើប្រាស់ប្រភពទុនគោលនយោបាយបណ្តាក់ទុនចិញ្ចឹមគោបន្តពូជ ៣ ក្បាល។ រហូតដល់ពេលនេះ ហ្វូងគោរបស់គ្រួសារលោកបានកើនឡើងចំនួន ៧ ក្បាល។
លេខាសាខាបក្ខភាគ នាយកធនាគារគោលនយោបាយសង្គម ជឺសើ លោក ង្វៀន ឌិញលី ថ្លែងមតិនៅក្នុងកិច្ចប្រជុំបង្កើតគណៈកម្មការតំណាងក្រុមប្រឹក្សាភិបាល - ធនាគារគោលនយោបាយសង្គមថ្នាក់ឃុំនៅលើភូមិសាស្ត្រ។
“គ្រួសារខ្ញុំបានរដ្ឋឧបត្ថម្ភបុលទុនដើម្បីអភិវឌ្ឍការចិញ្ចឹមសត្វ។ ក្រៅពីនេះ គ្រួសារថែមទាំងមានដំឡូងមីនិងស្រូវចំនួន ១ ហិកតាទៀតផង។ ដោយសារបានណែនាំអំពីបច្ចេកទេសថែទាំបានជាដំណាំលូតលាស់ល្អ។ គ្រួសារខ្ញុំព្យាយាមឆ្នាំនេះនឹងរួចផុតក្រីក្រ” លោក ហ៊្អីន រៀបរាប់ដូច្នេះ។
លំហូរឥណទានគោលនយោបាយនៅលើខ្ពង់រាប ជឺសេ តាំងពីរយៈពេល ២៣ ឆ្នាំកន្លងមកនេះ ក៏ត្រូវបានរក្សាខ្ជាប់មិនដាច់រយៈមួយថ្ងៃនិងថែមទាំងគ្របដណ្តប់លើភូមិសាស្ត្រទាំងអស់ទំហំចំនួន ៦៤.៣០០ ហិកតាទៀតផង មកដល់នឹងភូមិ និគម មកដល់ ១០០% ក្រុមគ្រួសារក្រីក្រ គ្រួសារបងប្អូនជនជាតិភាគតិច។ កងជួរកម្មាភិបាលឥណទានតែងតែស្វិតស្វាញ អស់ពីចិត្តពីថ្លើម ច្នៃប្រតិដ្ឋក្នុងការងារកៀរគរ បង្កបង្កើតប្រភពទុន ជញ្ជូននាំទុនទាន់ពេលវេលា សុវត្ថិភាព អនុវត្តទិសស្លោក "ប្រតិបត្តិការនៅនឹងផ្ទះ ទម្លាក់ថវិកានៅនឹងឃុំតែម្តង" សហការយ៉ាងជិតស្និទ្ធជាមួយអង្គការនយោបាយសង្គម ជាមួយបណ្តាញក្រុមប្រិតសំចៃនិងបុលប្រាក់នៅភូមិនិគមតំបន់ប្រជុំជន ដោយមានប្រព័ន្ធកន្លែងប្រតិបត្តិការបោះទីតាំងពាសពេញភូមិសាស្ត្រ បង្កល័ក្ខខ័ណ្ឌអំណោយផលបំផុតដើម្បីប្រជាជនអភិក្រមប្រភពទុនអនុគ្រោះរបស់រដ្ឋគ្រប់គ្រាន់ ឆាប់រហ័ស៕
អត្ថបទនិងរូបថត៖ ដុងយឺ
ប្រែសម្រួល៖ ពេជ្រពិសិដ្ឋ
