កសាងបរិស្ថានរស់នៅប្រកបដោយសុវត្ថិភាព ជិតដិត សមធម៌ ដើម្បីឱ្យកុមារធំលូតលាស់គ្រប់ជ្រុងជ្រោយ

កុងម៉ៅ

01/06/2026 07:35

នាឱកាសទិវាកុមារអន្តរជាតិ (ថ្ងៃទី ១ ខែ មិថុនា) និងខែ សកម្មភាព ដើម្បីកុមារ ឆ្នាំ ២០២៦ នៅព្រឹកថ្ងៃទី ២៨ ខែ ឧសភា លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង ដឹកនាំក្រុមការងារខេត្តអញ្ជើញសួរសុខទុក្ខ និងជូនអំណោយប្អូនៗ កុមារកំពុងសិក្សានៅសាលាកុមារពិការខេត្ត អានយ៉ាង។

អញ្ជើញជូនអំណោយដោយផ្ទាល់ដៃ (មួយចំណែកៗ មានតម្លៃ ១ លានដុង) ជូនប្អូនៗ កុមារដែលមានជីវភាពខ្វះខាតកំពុងសិក្សានៅសាលាកុមារពិការខេត្ត អានយ៉ាង លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង រួមជាមួយនឹងក្រុមការងារបានអញ្ជើញទៅសួរសុខទុក្ខ លើកទឹកចិត្ត ជូនពរប្អូនៗ កុមារឱ្យមានសុខភាពមាំមួន សុខសប្បាយ ចេះស្តាប់បង្គាប់ ឧស្សាហ៍រៀនសូត្រ ប្រឹងប្រែងជម្នះការលំបាក ក្លាយជាពលរដ្ឋមានប្រយោជន៍នាពេលអនាគត។

លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង អញ្ជើញសួរសុខទុក្ខ និងលើកទឹកចិត្តប្អូនៗ សិស្សសាលាដែលកំពុងសិក្សានៅសាលាកុមារពិការខេត្ត អានយ៉ាង។

យោងតាមលោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង មានប្រសាសន៍ថា ក្នុងអំឡុងពេលប៉ុន្មានឆ្នាំកន្លង ខេត្ត អានយ៉ាង តែងតែផ្តល់អាទិភាពប្រភពកម្លាំងសំខាន់ៗ សម្រាប់ការងារសុខុមាលភាពសង្គម និងកុមារតាមរយៈគោលនយោបាយពិសេសដាច់ដោយឡែកដូចជា មិនបង់ថ្លៃសិក្សា ឧបត្ថម្ភថ្លៃស្នាក់នៅ ថ្លៃហូបចុក ថ្លៃសម្រាប់ការធ្វើដំណើរទៅមកសម្រាប់សិស្សសាលានៅតំបន់លំបាកលំបិន និងតំបន់បងប្អូនជនជាតិភាគតិច។

លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង (ទី ៥ រាប់ពីឆ្វេងទៅ) និងលោក ង៉ូ ផឿងវូ អនុប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង អញ្ជើញជូនអំណោយទៅកុមារដែលស្ថិតក្នុងស្ថានភាពលំបាកខ្លាំងកំពុងតែសិក្សានៅសាលាកុមារពិការខេត្ត អានយ៉ាង។

លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង អញ្ជើញពិនិត្យពិច័យសម្ភារបម្រើការចិញ្ចឹម ការអប់រំ ការថែទាំ និងការស្តារនីតិសម្បទាសម្រាប់កុមារពិការ។

ក្នុងខែសកម្មភាពដើម្បីកុមារឆ្នាំនេះ លោកស្រី ត្រឹន ធីថាញ់ហឿង អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ វៀតណាម ខេត្ត អានយ៉ាង ស្នើឱ្យគ្រប់លំដាប់ថ្នាក់ ផ្នែក មូលដ្ឋាននានាក្នុងខេត្តបន្តកសាងបរិស្ថានរស់នៅប្រកបដោយសុវត្ថិភាព ជិតដិតដើម្បីឱ្យកុមារធំលូតលាស់គ្រប់ជ្រុងជ្រោយ។ ទន្ទឹមនោះ ម្ចាស់ការអនុវត្តវិធានការបង្ការ ទប់ស្កាត់ការលង់ទឹក និងរងរបួសសម្រាប់កុមារ អនុវត្តល្អគោលដៅសុខភាព ការអប់រំ និងការការពារកុមារនៅក្នុងបរិស្ថានអ៊ីនធើណិត បង្កើនការអប់រំបំណិនការពារខ្លួន និងការអភិវឌ្ឍប្រព័ន្ធអេកូឡូស៊ីឌីជីថលមានតម្លាភាព។ល។

លោក យឺ ផាមហ៊ឺវឃ្វៀន អនុលេខាសម្ពន្ធយុវជនខេត្ត ប្រធានក្រុមប្រឹក្សានៃក្រុមកុមារជំទង់ឈានមុខ នាយកមជ្ឈមណ្ឌលសកម្មភាពយុវជនកុមារ និងផ្តើមអាជីពយុវជនខេត្ត អានយ៉ាង ជូននិមិត្តរូប "ទីលានកម្សាន្តកុមារ" ដោយមានតម្លៃ ២០ លានដុងជូនសាលាកុមារពិការខេត្ត អានយ៉ាង។

ក្នុងឱកាសទិវាកុមារអន្តរជាតិ ថ្ងៃទី ១ ខែ មិថុនា និងខែសកម្មភាពដើម្បីកុមារ ឆ្នាំ ២០២៦ គណៈកម្មាធិការអចិន្ត្រៃយ៍នៃគណៈកម្មាធិការបក្សខេត្តបានបង្កើតក្រុមការងារនានាទៅសួរសុខទុក្ខ និងចែកអំណោយឱ្យកុមារដែលស្ថិតក្នុងស្ថានភាពលំបាកខ្លាំងនៅក្នុងភូមិសាស្រ្តខេត្ត ក្នុងនោះ យកចិត្តទុកដាក់ជាពិសេសចំពោះកុមារនៅតំបន់ជ្រៅ តំបន់ឆ្ងាយដាច់ស្រយាល តំបន់បងប្អូនជនជាតិ និងស្ថិតក្នុងស្ថានភាពលំបាក។ ឆ្លងតាមរយៈនោះ ជួយប្អូនៗ កុមារសម្របខ្លួនក្នុងសហគមន៍ បានថែទាំទាំងផ្នែកសម្ភារ និងស្មារតីឲ្យកាន់តែល្អប្រសើរ។

ការជូនអំណោយឲ្យប្អូនៗ កុមារដែលស្ថិតក្នុងស្ថានភាពលំបាកកំពុងសិក្សានៅសាលាកុមារពិការខេត្ត អានយ៉ាង។

សាលាកុមារពិការខេត្ត អានយ៉ាង (មានទីតាំងនៅសង្កាត់ មីធើយ ខេត្ត អានយ៉ាង) ត្រូវបានបង្កើតឡើង និងដំណើរការតាំងពីឆ្នាំ ១៩៩២។ នេះគឺជាសាលាតែមួយគត់នៅក្នុងខេត្តដែលបង្ហាត់បង្រៀនជំនាញដោយឡែកជូនសិស្សពិការ។ បច្ចុប្បន្ន សាលារៀនមានចំនួន ៣០ ថ្នាក់រៀន សិស្សចំនួន ២៩៨ នាក់។ សាលាបង្ហាត់បង្រៀនថ្នាក់អន្តរាគមន៍អប់រំទូទៅឆាប់ឲ្យកុមារមានអាយុចាប់ពី ១ ទៅ ៦ ឆ្នាំ និងថ្នាក់អប់រំចាប់ពីថ្នាក់ទី ១ ដល់ទី ៩។

ក្នុងឱកាសនេះ មន្ទីរអប់រំនិងបណ្តុះបណ្តាល សម្ពន្ធយុវជនខេត្ត អានយ៉ាង ក៏បានជូនសាលាកុមារពិការខេត្ត អានយ៉ាង អំណោយមួយចំណែកដែលមានតម្លៃ ៥ លានដុង និង “ទីលានកម្សាន្តកុមារ” មានតម្លៃ ២០ លានដុង សំដៅឧបត្ថម្ភកិច្ចការបម្រើតម្រូវការសិក្សា ប្រជុំជីវភាពសម្រាប់ប្អូនៗ សិស្ស៕

អត្ថបទនិងរូបថត៖ កុងម៉ៅ
ប្រែសម្រួល៖ អៀងថាន់

(ទីភ្នាក់ងារព័ត៌មានវៀតណាម)