បច្ចុប្បន្នខេត្ត ដៀនបៀន មានអ្នកមានប្រជាប្រិយភាពជាង ១.២៤០ នាក់បានទទួលស្គាល់។ មិនត្រឹមតែជា "ស្ពានមេត្រី" សំខាន់រវាងគណៈកម្មាធិការបក្ស អាជ្ញាធរនឹងប្រជាជន ពួកគាត់ថែមទាំងសកម្មចលនាបងប្អូនជនជាតិ ផ្លាស់ប្តូរចនាសម្ពន្ធដំណាំ សត្វចិញ្ចឹមអនុវត្តវិទ្យាសាស្រ្ត - បច្ចេកទេសចូលផលិតកម្ម រួមគ្នាកសាងស្រុកកំណើតទៀតផង។
លោក ឡ ក្វាងវិញ នៅភូមិ ហោង ឡេចកាង ឃុំ ថាញ់ចាន់ ស្រុក ដៀនបៀន បានបងប្អូនជនជាតិក្នុងភូមិគោរពរាប់អាន ផ្ដល់សេចក្ដីទុកចិត្ត បោះឆ្នោតជ្រើសតាំងធ្វើជាអ្នកមានប្រជាប្រិយភាពពីឆ្នាំ ២០១០ រហូតមកទល់ពេលនេះ។
យល់ដឹងបានតួនាទី ភារកិច្ច លោកតែងចំណាយពេលវេលាសួរសុខទុក្ខ ចលនាបងប្អូនជនជាតិអនុវត្តគោលការណ៍របស់បក្ស គោលនយោបាយ ច្បាប់របស់រដ្ឋ។
ដើម្បីកែលម្អសេដ្ឋកិច្ចគ្រួសារ លោកធ្វើគំរូអនុវត្តទម្រង់ដាំក្រូចថ្លុងសម្បកខៀវសាច់ក្រហម ក្រូច ត្រសក់ ជីកអណ្តូង ព្រលែងត្រី។ល។ នៅលើផ្ទៃដីរបស់គ្រួសារ។
មិនត្រឹមតែនាំមកប្រាក់ចំណូលរាប់រយលានដុងក្នុងមួយឆ្នាំ លោក ឡ ក្វាងវិញ ថែមទាំងបើកចិត្តបើបេះដូងជាស្រេចចែករំលែក ឧបត្ថម្ភបទពិសោធន៍ចិញ្ចឹម ដាំដំណាំជាមួយមាមីងបងប្អូននៅក្នុងភូមិ ជួយប្រជាជនជាច្រើនក្រុមគ្រួសារលើកកម្ពស់ប្រាក់ចំណូល លុបបំបាត់ភាពអត់ឃ្លានកាត់បន្ថយភាពក្រីក្រ។
អញ្ជើញមកដល់ភូមិ ណាអាន់ ឃុំ លន់យ៉យ ស្រុក ដៀនបៀនដុង ផ្ទះរបស់លោក ឡ វ៉ាន់ទ្រុក ដូចជា "ចំណុចណាត់ជួប" មួយរបស់បងប្អូនជនជាតិ ពេលចង់ចែករំលែក សម្តែងចិត្តគំនិត បំណងប្រាថ្នាម្តងៗ។
មិនមែនត្រឹមតែយ៉ាងនេះ គ្រួសារលោក ឡ វ៉ាន់ទ្រុក ក៏ជាគំរូនាំមុខគេក្នុងចលនាបរិចាគដីធ្វើផ្លូវចលនាមាមីងបងប្អូនរួមវិភាគទាន កម្លាំងពលំវិភាគទាន ទ្រព្យសម្បត្តិធ្វើផ្លូវបេតុងជនបទជិត ១.០០០ ម៉ែត្រទៀតផង។
លោក ឡ វ៉ាន់ទ្រុក ចែករំលែកថា "ជាអ្នកមានប្រជាប្រិយភាព បានជាខ្ញុំគិតថាចង់ចលនាបានបងប្អូនជនជាតិ នោះគឺខ្លួនខ្ញុំត្រូវតែធ្វើជាគំរូ នាំមុខគេក្នុងចលនាផ្សេងៗ ជានិច្ច។ មានតែដូច្នេះគឺបងប្អូនជនជាតិទើបជឿនិងធ្វើតាម"។
គំរូឧស្សាហ៍ព្យាយាម និយាយដើរទន្ទឹមនឹងធ្វើ ។ល។ អ្នកមានប្រជាប្រិយភាពជាច្រើននៅខេត្ត ដៀនបៀន ត្រូវបានគណៈកម្មាធិការបក្ស អាជ្ញាធរ អង្គការមហាជននិងបងប្អូនជនជាតិជឿទុកចិត្តស្រឡាញ់រាប់អាន។
នោះគឺលោក ពើ យ៉ឹនស៊ិញ នៅឃុំ ស៊ីនធៅ ស្រុក មឿងញា លោក ឡ ង៉ុកអាញ់ នៅទីរួមស្រុក មឿងលន់ ស្រុក ដៀនបៀនដុង លោក តុង វ៉ាន់សឿង នៅភូមិ ហោងហ៊ីន ឃុំ ថាញ់លួង ស្រុក ដៀនបៀន លោក តាវ វ៉ាន់វីន នៅឃុំ ចានឿ ស្រុក ណឹមពោ។ល។
នាំមុខគេ ធ្វើមុនដើម្បីប្រជាជនឃើញប្រជាជនជឿទុកចិត្តរួចធ្វើតាម នោះហើយជារបៀបដែលអ្នកមានប្រជាប្រិយភាពនៅខេត្ត ដៀនបៀន យកបានចិត្តប្រជាជន។
ពួកគាត់ពិតជាបក្សីមេហ្វូង រឹងមាំ ស្មោះស្ម័គ្រ ដឹកនាំបងប្អូនជនជាតិឆ្លងកាត់ការលំបាកលំបិន ឧបសគ្គ ផ្លាស់ប្តូរផ្នត់គំនិត វិធីធ្វើ សាមគ្គីរួមកសាងភូមិនិគមត្រជាក់ត្រជុំបរិបូ សុភមង្គល ស៊ីវិល័យ៕
អត្ថបទ៖ ហៀនតឹម
រូបថត៖ ហ្វាងតឹម - ហឿងហៀន - ផ្សាយដោយទីភ្នាក់ងារព័ត៌មានវៀតណាម
បញ្ចូលទិន្នន័យដោយ៖ យ័ញលើយ
