វត្ត ឃ្លាំង - កេរដំណែលស្ថាបត្យកម្មសិល្បៈដ៏ឆ្នើមនៅ សុកត្រាំង
វត្ត ឃ្លាំង គឺជាកន្លែងប្រជុំជីវភាពវប្បធម៌ ជំនឿរបស់ប្រជាជនក្នុងតំបន់កុះករ មានទីតាំងនៅលេខ ៥៣ វិថី តូនឌឹកថាំង សង្កាត់ ៦ (ទីក្រុង សុកត្រាំង)។ នេះជាវិស្វកម្មសាសនាដំបូងបង្អស់របស់ប្រជាជនខ្មែរនៅលើដែនដីខេត្តសុកត្រាំង។
វត្តនេះមានអាយុកាល ៥០០ ឆ្នាំ មានទីធ្លាធំទូលាយ ផ្ទៃដីសរុប ៣.៨២៥ ម៉ែត្រការ៉េ តែងតែមានម្លប់ដើមឈើធំៗ ក្នុងនោះមានច្រើនដើមត្នោត។ វិស្វកម្មភាគច្រើននៅក្នុងបរិវេណវត្តសាងសង់តាមរចនាបថបុរាណនៃផ្ទះខ្ពស់ផុតពីដីដ៏ប្រណិតរបស់ជនជាតិខ្មែរបុរាណភាគខាងត្បូង ហើយត្រូវបានឆ្លាក់ តុបតែងលម្អដោយមានភ្ញីវល្លិ៍ ក្បូរក្បាច់រចនាដ៏ស្រស់ឆើត ស្មុគ្រស្មាញក្និចក្នក់។
បើប្រៀបធៀបទៅនឹងវត្តខ្មែរជាច្រើនផ្សេងទៀតនៃខេត្តសុកត្រាំង វត្តឃ្លាំងនៅតែរក្សាបាននូវ លក្ខណៈពិសេសដាច់ដោយឡែកនៃស្ថាបត្យកម្មខ្មែរបុរាណ ដ៏មានតម្លៃទាំងផ្នែកសិល្បៈ និងសោភ័ណភាព។ មិនត្រឹមតែប៉ុណ្ណោះលក្ខណៈសំខាន់ៗនៃលំនាំស្ថាបត្យកម្ម ខ្មែរ ក៏មានបូកបញ្ចូលនូវក្បូរក្បាច់រចនា តុបតែងលម្អរបស់ជនជាតិ គិញ នៅគ្រោងទ្វារ របស់ជនជាតិចិននៅលើសសរ រូបត្រីត្រីឆ្ពិន នាគ និងអក្សរហានត្រូវបានគូរនៅលើសសរ។ ប្រការនេះឆ្លុះបញ្ចាំងពីការវេញបញ្ចូលគ្នាវប្បធម៌ក្នុងវិស័យតុបតែង សិល្បៈរវាងជនជាតិទាំងបីមានតាំងពីយូរយារណាស់មកហើយនៅ សុកត្រាំង។
វត្ត ឃ្លាំង ត្រូវបានចាត់ចំណាត់កេរដំណែលស្ថាបត្យកម្មសិល្បៈថ្នាក់ជាតិ ជាគោលដៅទេសចរណ៍មួយដែលមិនអាចរំលងបាននៅពេលធ្វើដំណើរទៅកាន់ សុកត្រាំង។
វត្តដែលមានពុទ្ធបដិមាធំបំផុតនៅប្រទេសវៀតណាម
វត្តបុទុមវង្សា សំរោង ស្ថិតនៅផ្ទះលេខ ៣៦៧ តូន ឌឹកថាំង សង្កាត់ ៥ (ទីក្រុង សុកត្រាំង) ត្រូវបានគេស្គាល់ជាយូរមកហើយថាជាកន្លែងស្ថាបត្យកម្មវប្បធម៌ខ្មែរដ៏វិសេសវិសាល ទាក់ទាញភ្ញៀវទេសចរជាច្រើនមកទស្សនា ធ្វើដំណើរកម្សាន្ត។
វត្ត សំរោង ត្រូវបានសាងសង់ឡើងក្នុងឆ្នាំ ១៧៨៥ ឈ្មោះពេញជាភាសាខ្មែរគឺ វត្តបុទុមវង្សា សំរោង។ តាមអ្នកស្រុករៀបរាប់ឡើងវិញថា វត្តមានប្រវត្តិយូរលង់ណាស់មកហើយ ពីមុនជាវត្តតូចមួយមានដំបូលប្រក់ស័ង្កសីបានបន្សល់ទុកនិងបន្តជាច្រើនជំនាន់។
វត្តសំរោងត្រូវបានតុបតែងក្បាច់រចនា ខ្មែរ មាននិមិត្តសញ្ញាវប្បធម៌ជាច្រើន មានផ្ទៃដី ៥ ហិកតា រួមទាំងព្រះវិហារ ទីធ្លាសាលាឆទាន កុដិព្រះសង្ឃ បណ្ណាល័យដែលមានសៀវភៅជាង ១.៥០០ ក្បាល សម្រាប់បម្រើដល់សិស្សានុសិស្ស ប្រជាជន និងពុទ្ធបរិស័ទក្នុងស្រុក។
វត្តសំរោងទាក់ទាញភ្ញៀវទេសចរពីទីជិតទីឆ្ងាយ ដោយសារតែភាពស្រស់ស្អាតដូចព្រះបរមរាជវាំង ការបូកបញ្ចូលស្ថាបត្យកម្មដ៏អស្ចារ្យរូបពុទ្ធបដិមា ព្រះសក្យមុនី ដ៏ធំបំផុតនៅក្នុងប្រទេសវៀតណាម។ ព្រះពុទ្ធបដិមាត្រូវបានសាងសង់ក្នុងទីតាំងបដិមាផ្ទុំដោយមានភ្នែកប្រកបដោយមេត្តាសម្លឹងមើលសត្វលោក មានប្រវែង ៦៣ ម៉ែត្រ កម្ពស់ ២២.៥ ម៉ែត្រ តម្កល់លើដីប្រហែល ២៨ ម៉ែត្រ និងទម្ងន់ ៤៩០ តោន។ រូបពុទ្ធបដិមានេះត្រូវបានលាបពណ៌សំខាន់ពីរគឺ ស ពណ៌បៃតងខ្ចី ហើយត្រូវបានគេច្នៃយ៉ាងប្រណិត។
វត្តសំរោង គឺជាកន្លែងឈប់លម្ហែដ៏គួរឱ្យចាប់អារម្មណ៍មួយក្នុងការធ្វើដំណើរដើម្បីស្វែងយល់ពីទេសចរណ៍ សុកត្រាំង ជាទីកន្លែងដែលតែងតែភ្ញៀវទេសចរជ្រើសរើសដើម្បីទៅទស្សនា និងបួងសួងសុំសេចក្តីសុខ។
| ខេត្ត សុកត្រាំង កំពុងផ្តោតការយកចិត្តទុកដាក់អនុវត្តគម្រោង “អភិរក្ស ពង្រីកតម្លៃវប្បធម៌ប្រពៃណីរបស់ជនជាតិភាគតិចភ្ជាប់ជាមួយនឹងការអភិវឌ្ឍទេសចរណ៍” ក្រោមកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមរបស់ជនជាតិភាគតិចក្នុងដំណាក់កាលឆ្នាំ ២០២១ - ២០៣០។ នេះជាមធ្យោបាយមួយដើម្បីតម្លៃវប្បធម៌របស់ជនជាតិ ខ្មែរ ព្រមទាំងតម្លៃស្ថាបត្យកម្ម និងស្មារតីពីវត្តអារាម ដើម្បីអភិរក្ស ផ្សព្វផ្សាយ និងរួមចំណែកកសាងវប្បធម៌រួមរបស់វៀតណាម - វប្បធម៌ជឿនលឿន សំបូរបែបប្រកបទៅដោយអត្តសញ្ញាណជាតិ រួបរួមក្នុងពិពិធកម្មនៃ បងប្អូនបណ្តាជនជាតិទាំងអស់៕ |
អត្ថបទ៖ ធូហឿង - រូបថត៖ អានហៀវ
ប្រែសម្រួលដោយ៖ សឺនហេង
