យើងខ្ញុំមកកាន់ភូមិ កំពង់ទ្រព្យ អា ឃុំ អានហៀប ស្រុក ចូវថាញ់ (ខេត្ត សុកត្រាំង) បានជួបសំណេះសំណាលជាមួយប្រធានភូមិលោកស្រី សឺន ធីហុង។ លោកស្រី ហុង បាននាំយើងខ្ញុំដើរលើដងផ្លូវអន្តរភូមិក្រាលកៅស៊ូស្មើធេងហើយត្រេកអរបង្ហាញអំពីសមិទ្ធិផលរបស់ បងប្អូនជនជាតិ។ កំពង់ទ្រព្យ អា ជាភូមិមានប្រជាជនខ្មែរច្រើនកុះករ អត្រាស្មើនឹង ៦០% នៃចំនួនសរុប ៦៤១ គ្រួសារក្នុងចំនួនប្រជាជន ២៨.៧៥៧ នាក់។ ប្រជាជនភាគច្រើនប្រកបរបរចិញ្ចឹមជីវិតដោយការដាំស្រូវ ដំណាំបន្លែបង្ការ ចិញ្ចឹមសត្វ។ បើប្រៀបធៀបទៅនឹងពេលមុន ជីវភាពរស់នៅរបស់ប្រជាជនក្នុងភូមិមានភាពប្រសើរឡើងគួរឱ្យកត់សម្គាល់ ចំណូលជាមធ្យមសម្រេចបានពី៤ទៅ៥លានក្នុងមនុស្សម្នាក់ក្នុង១ខែ។
នៅភូមិ យ៉ុងជួអា ខ្ញុំបានទៅសួរសុខទុក្ខក្រុមគ្រួសាររបស់លោក គីតាយ មានម្តាយជាជនជាតិ ខ្មែរ ហើយឪពុកជាជនជាតិ ចិន។ គ្រួសារគាត់ស្ថិតក្នុងក្របខណ្ឌក្រីក្រនៃមូលដ្ឋាន។ ពីមុនគាត់ធ្វើការជាមេជាង ប្រពន្ធរបស់គាត់ធ្វើការជាកម្មករស៊ីឈ្នួល ប្រាក់ចំណូលរបស់គាត់មិនស្ថិតស្ថេរ គាត់ត្រូវមើលថែម្តាយចាស់ជរា និងកូនតូចៗពីរនាក់ក្នុងវ័យសិក្សា ដូច្នេះហើយជីវិតតែងតែជួបការខ្វះខាត។ ចាប់តាំងពីទទួលបានការឧបត្ថម្ភសាងសង់ផ្ទះ និងដើមទុនជិត ៦០លានដុង លោក គីតាយ មានលុយទិញម៉ូតូជាមធ្យោបាយធ្វើដំណើរ ហើយរួមនឹងប្រពន្ធដាក់ពាក្យធ្វើការនៅហាងនំប៉័ង ទទួលបានប្រាក់ចំណូលស្ថិរភាព ២០០ - ៣០០ ពាន់ដុងក្នុងមួយថ្ងៃ។
លោក ទ្រឿង ក្វក់ដៀន ប្រធានគណៈកម្មាធិការប្រជាជនស្រុក ចូវថាញ់ បានឲ្យដឹងថា ចូវថាញ់ មានជនជាតិភាគតិចចំនួន ១០ រួមរស់នៅដោយមានប្រជាជនជិត ៥ម៉ឺននាក់ អត្រាស្មើនឹង ៥១,៩៦% នៃចំនួនប្រជាជនស្រុក។ នាពេលកន្លងទៅថ្មីៗ ស្រុកបានបញ្ចប់នូវគោលដៅស្ទើរតែទាំងអស់នៃកម្មវិធី គោលដៅជាតិសម្រាប់ការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចដំណាក់កាល ២០២១ - ២០២៥។ អត្រាគ្រួសារក្រីក្រក្នុងតំបន់បងប្អូនជនជាតិភាគតិចបានថយចុះជារៀងរាល់ឆ្នាំពី ៣% - ៤% ។
យោងតាមរបាយការណ៍របស់គណៈកម្មាធិការជនជាតិខេត្ត សុកត្រាំង បានឲ្យដឹងថា ផ្តើមពីប្រភពកម្លាំងរបស់បណ្តាកម្មវិធីគោលដៅជាតិ ខេត្ត សុកត្រាំង គួបផ្សំការវិនិយោគ ធ្វើឱ្យប្រសើរឡើង និងផ្លាស់ប្តូរថ្មីនូវហេដ្ឋារចនាសម្ព័ន្ធសេដ្ឋកិច្ច-សង្គមនៃតំបន់ជនជាតិភាគតិច បច្ចុប្បន្នឃុំ ១០០% មានផ្លូវយានយន្តទៅកណ្តាលមជ្ឈមណ្ឌល ជាង ៩៩% ក្រុមគ្រួសារនៅតំបន់ជនជាតិភាគតិច មានលទ្ធភាពប្រើប្រាស់ បណ្តាញអគ្គិសនីជាតិ អត្រាគ្រួសារប្រើប្រាស់ទឹកស្របអនាម័យសម្រេច ៩៩.៦៥%។ ទូទាំងខេត្តបានឧបត្ថម្ភការផ្លាស់ប្តូរអាជីពសម្រាប់គ្រួសារចំនួន ៤.៦០៧ ដោយមានគំរូអភិវឌ្ឍន៍ផលិតកម្មចំនួន ៦៧ រួមចំណែកដល់ការធ្វើពិពិធកម្មជីវភាពសហគមន៍ និងការកាត់បន្ថយភាពក្រីក្រប្រកបដោយចីរភាព។
លោក ឡឹម ហ្វាងម៉ូវ ប្រធានគណៈកម្មាធិការជនជាតិខេត្ត សុកត្រាំង បានឲ្យដឹងថា ការអនុវត្តស៊ីសង្វាក់គ្នា ទាន់ពេលវេលា និងមានប្រសិទ្ធភាពនៃកម្មវិធីគោលដៅជាតិសម្រាប់ការអភិវឌ្ឍន៍ សេដ្ឋកិច្ចសង្គមនៃតំបន់ជនជាតិភាគតិច ដំណាក់កាល ២០២១ - ២០២៥ រួមជាមួយនឹងសន្តិសុខសង្គម និង គោលនយោបាយកាត់បន្ថយភាពក្រីក្រប្រកបដោយចីរភាពបានលើកកម្ពស់ឥទ្ធិពលវិជ្ជមាន។ ជីវភាពរស់នៅ របស់គ្រួសារក្រីក្រ និងកៀកកម្រិតក្រីក្រនៅតំបន់ជនជាតិភាគតិចមានភាពប្រសើរឡើងជាលំដាប់ ហើយបងប្អូនជនជាតិមានឱកាសទទួលបានគោលនយោបាយ និងប្រភពកម្លាំងពីរដ្ឋ និងសហគមន៍សម្រាប់ការអភិវឌ្ឍន៍សេដ្ឋកិច្ច និងបង្កើតការងារ និងបង្កើនប្រាក់ចំណូល ដែលជាកត្តាចាំបាច់ក្នុងសង្គម តម្រូវការត្រូវបានបំពេញ។ ចាប់តាំងពីពេលនោះមក ប្រជាជនកាន់តែមានទំនុកចិត្តលើការដឹកនាំរបស់បក្ស លើកកម្ពស់ការថ្លុងមហាសាមគ្គីបណ្តាជនជាតិ បង្កើតឱ្យបានការផ្លាស់ប្តូរយ៉ាងរឹងមាំក្នុងការអភិវឌ្ឍសេដ្ឋកិច្ច-សង្គមរបស់ខេត្ត។
ខេត្ត សុកត្រាំង ខិតខំប្រឹងប្រែងដល់ឆ្នាំ ២០២៩ សម្រេចឃុំ សង្កាត់ និងទីរួមស្រុក ១០០% នៃតំបន់ជនជាតិភាគតិចនឹងមានការកែលម្អផ្លូវរថយន្តទៅកាន់មណ្ឌលឃុំដែលក្រាលកៅស៊ូ ឬចាក់បេតុង។ ១០០% នៃផ្លូវពីភូមិមួយទៅភូមិមួយដល់មណ្ឌលឃុំ ត្រូវរឹងមាំតាមស្តង់ដារ។ ១០០% នៃជនជាតិភាគតិចមានអគ្គិសនីប្រើប្រាស់បណ្តាញជាតិ។ ៧៧.៥% នៃជនជាតិភាគតិចមានទឹកស្អាតប្រើប្រាស់ ១០០% នៃជនជាតិភាគតិចមានលទ្ធភាពប្រើប្រាស់ទូរគមនាគមន៍ ព័ត៌មាន និងប្រព័ន្ធផ្សព្វផ្សាយជាសំឡេង។ ១០០% នៃកម្មករជនជាតិភាគតិចត្រូវការការបណ្តុះបណ្តាលវិជ្ជាជីវៈ។ អត្រាគ្រួសារក្រីក្រក្នុងចំណោម ជនជាតិភាគតិចថយចុះពី ២% ទៅ ៣% ក្នុងមួយឆ្នាំៗ មិនមានឃុំ ភូមិដែលមានការលំបាកខ្លាំង ១០០% នៃឃុំនៅតំបន់ជនជាតិភាគតិចត្រូវតាមស្តង់ដារជនបទថ្មី៕
អត្ថបទ៖ ធូហឿង - រូបថត៖ អានហៀវ
ប្រែសម្រួលដោយ៖ សឺនហេង
