*អ្នកយកព័ត៌មាន៖ ការអនុវត្តសារាចរលេខ ១៩-CT/TW ចុះថ្ងៃទី ១០ ខែមករា ឆ្នាំ ២០១៨ របស់គណៈលេខាស្តីពីការពង្រឹងការងារនៅតំបន់ជនជាតិខ្មែរ ក្នុងស្ថានភាពថ្មី តើលោកវាយតម្លៃការងារអភិវឌ្ឍន៍សេដ្ឋកិច្ច-សង្គម លើកកម្ពស់ជីវភាពរស់នៅបងប្អូនជនជាតិខ្មែរនៅខេត្ត សុកត្រាំង?
-លោក ឡឹម ហ្វាងម៉ូវ៖ ខេត្ត សុកត្រាំង ជាខេត្តមួយមានជនជាតិភាគតិចច្រើនកុះករ ដោយមានជាង ៣៥% នៃចំនួនប្រជាជនខេត្ត ក្នុងនោះជនជាតិខ្មែរមានជិត ៣៦២.០០០ នាក់ ស្មើនឹង ៣០.១៩% រស់នៅជាក្រុម និង ផ្សារភ្ជាប់ជាមួយជនជាតិ គិញ ចិន និងជនជាតិដទៃទៀត។
អនុវត្តសារាចរលេខ ១៩-CT/TW របស់គណៈលេខា គណៈកម្មាធិការបក្សខេត្ត គណៈកម្មាធិការប្រជាជនខេត្ត សុកត្រាំង បានដឹកនាំ និងណែនាំជាប្រចាំដល់គណៈកម្មាធិការបក្ស និងអាជ្ញាធរគ្រប់លំដាប់ថ្នាក់ ផ្តោតលើការអនុវត្តគោលនយោបាយ ដំណើរការគម្រោងជាច្រើន... ពាក់ព័ន្ធដល់ប្រជាជនខ្មែរ គិតគូរជីវភាពរស់នៅខាងសម្ភារៈ និងស្មារតីជានិច្ចកាល បង្កើតគ្រប់លក្ខខណ្ឌសម្រាប់ប្រជាជនខ្មែរក្នុងការអភិវឌ្ឍសេដ្ឋកិច្ច អភិរក្ស និងលើកស្ទួយអត្តសញ្ញាណវប្បធម៌ជនជាតិ។ អាស្រ័យហេតុនេះ រួមចំណែកលើកកម្ពស់កំណើនសេដ្ឋកិច្ចសង្គមរបស់ខេត្ត។ លើកកម្ពស់ការអប់រំ សុខភាព និងវប្បធម៌ លើកកម្ពស់ជីវភាពខាងសម្ភារៈ និងស្មារតីរបស់ប្រជាជនទូទៅ និងជនជាតិខ្មែរជាពិសេស។ សន្តិសុខនយោបាយ សណ្តាប់ធ្នាប់សង្គមត្រូវបានធានា សាមគ្គីភាពជាតិត្រូវបានរក្សារឹងមាំ។
ការអនុវត្តល្អនៃសារាចរលេខ 19-CT/TW របស់គណៈលេខា បាននាំមកនូវភាពរីកចម្រើនក្នុងការអភិវឌ្ឍសេដ្ឋកិច្ច-សង្គម ក៏ដូចជាមុខមាត់ថ្មីនៅក្នុងតំបន់បងប្អូនជនជាតិខ្មែរក្នុងខេត្ត។ រហូតមកដល់ពេលនេះ ប្រព័ន្ធហេដ្ឋារចនាសម្ព័ន្ធសំខាន់ៗត្រូវបានវិនិយោគ និងសាងសង់យ៉ាងស៊ីសង្វាក់គ្នា។ នៅឃុំទាំងឡាយដែលមានប្រជាជនខ្មែររស់នៅច្រើនកុះករ មានសាលារៀនអនុវិទ្យាល័យ ស្ថានីយ៍ពេទ្យ ផ្លូវថ្នល់ទៅកាន់មណ្ឌលឃុំ។ ១០០% នៃឃុំ សង្កាត់ ក្រុង និង ១០០% នៃអនុសង្កាត់ ភូមិ មានអគ្គិសនីពីបណ្តាញជាតិ ១០០% នៃឃុំសម្រេចតាមលក្ខណៈវិនិច្ឆ័យជាតិ ១០០% នៃឃុំ សង្កាត់ និងទីប្រជុំជនត្រូវបានគ្របដណ្ដប់ដោយវិទ្យុ ទូរទស្សន៍ ធានាបម្រើសេចក្តីតម្រូវការប្រជុំជីវភាពស្មារតី របស់បងប្អូនជនជាតិខ្មែរ...
ទន្ទឹមនឹងការអនុវត្តល្អនូវគោលការណ៍ គោលនយោបាយរបស់បក្ស រដ្ឋចំពោះប្រជាជនខ្មែរ អាចសង្កេតឃើញថា ស្មារតីពុះពារជំនះការលំបាក ខិតខំកែលម្អខ្លួន ឯងរបស់ប្រជាជនត្រូវបានលើកកម្ពស់កាន់តែខ្លាំងឡើង។ គំរូសមូហភាព និងបុគ្គលខ្មែរឆ្នើម ជាច្រើននាក់ក្នុងផលិតកម្ម និងអាជីវកម្ម ត្រូវបានកោតសរសើរ ផ្តល់រង្វាន់។ ផ្តើមពីនោះជីវភាពខាងសម្ភារៈ និងស្មារតីរបស់ប្រជាជនខ្មែរមានភាពប្រសើរឡើងជាបន្តបន្ទាប់។
* អ្នកយកព័ត៌មាន៖ រួមជាមួយនឹងការអនុវត្តព្រមៗនៃគោលនយោបាយជនជាតិ កម្មវិធី គម្រោងទាំងឡាយ... ជាពិសេសកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមរបស់ជនជាតិភាគតិច និងតំបន់ភ្នំ ដំណាក់កាល ២០២១ - ២០៣០ ដំណាក់កាលទី ១ (២០២១ - ២០២៥) តើជីវភាពជនជាតិភាគតិចក្នុងខេត្តបានផ្លាស់ប្តូរយ៉ាងណាដែរ?
- លោក ឡឹម ហ្វាងម៉ូវ៖ ពីប្រភពកម្លាំងនៃកម្មវិធីគោលដៅជាតិចំនួន ០៣ ខេត្ត សុកត្រាំង បានរួមបញ្ចូលការវិនិយោគ ធ្វើឱ្យប្រសើរឡើង និងផ្លាស់ប្តូរហេដ្ឋារចនាសម្ព័ន្ធសេដ្ឋកិច្ចសង្គម នៅតំបន់ជនជាតិភាគតិច។ អាស្រ័យហេតុនេះ ១០០% នៃឃុំមានផ្លូវម៉ូតូទៅកណ្តាល ជាង ៩៩% នៃគ្រួសារនៅតំបន់ជនជាតិភាគតិចមានលទ្ធភាពប្រើប្រាស់បណ្តាញអគ្គិសនីជាតិ។ អត្រាគ្រួសារប្រើប្រាស់ទឹកមានអនាម័យឈានដល់ ៩៩,៦៥%។ ខេត្តទាំងមូលបានគាំទ្រការផ្លាស់ប្តូរអាជីព សម្រាប់គ្រួសារចំនួន ៤.៦០៧ ជាមួយនឹងគំរូអភិវឌ្ឍន៍ផលិតកម្មចំនួន ៦៧ ដែលរួមចំណែកដល់ការ ធ្វើពិពិធកម្មជីវភាពសហគមន៍ និងការកាត់បន្ថយភាពក្រីក្រប្រកបដោយចីរភាព។
លើវិស័យវប្បធម៌-សង្គម ការអប់រំ-សុខភាព និងបរិស្ថាន ពិធីបុណ្យ ពិធីប្រពៃណីរបស់ជនជាតិខ្មែរ ចិន... នៅលើភូមិសាស្ត្រខេត្តត្រូវបានអភិរក្ស និងពង្រីកតម្លៃ សន្តិសុខនយោបាយ សណ្តាប់ធ្នាប់សង្គមត្រូវបានពង្រឹង។ ការងារកសាងបក្ស រដ្ឋាភិបាល រណសិរ្សមាតុភូមិ សហជីពទទួលបានលទ្ធផលវិជ្ជមានជាច្រើន។ ធ្លុងសាមគ្គីភាពដ៏អស្ចារ្យរវាងបណ្តាជនជាតិត្រូវបានបង្រួបបង្រួម និងពង្រឹងឥតឈប់ឈរ។
ការអនុវត្តប្រកបដោយប្រសិទ្ធភាពនូវគោលនយោបាយជនជាតិនៅតំបន់ជនជាតិភាគតិចបានលើកកំពស់គុណភាពជីវិតរបស់ប្រជាជន ដោយហេតុនេះធ្វើឱ្យប្រជាជនកាន់តែមានទំនុកចិត្តលើការដឹកនាំរបស់បក្ស ជំរុញការរួបរួមជាតិដ៏ធំធេងរបស់ជនជាតិ បង្កើតឱ្យមានការផ្លាស់ប្តូរយ៉ាងរឹងមាំ ការអភិវឌ្ឍន៍សេដ្ឋកិច្ច-សង្គមរបស់ខេត្ត។ នៅឆ្នាំ ២០២៣ តែមួយ អត្រាកំណើនសេដ្ឋកិច្ចរបស់ខេត្តនឹងឈានដល់ ៦.៥៤% GDP ជាមធ្យមសម្រាប់មនុស្សម្នាក់គឺ ៦០.១០ លានដុងក្នុងមនុស្សម្នាក់ក្នុងមួយឆ្នាំ។ នៅចុងឆ្នាំ ២០២៣ ខេត្ត សុកត្រាំង នឹងមានគ្រួសារជនជាតិភាគតិចក្រីក្រចំនួន ៤.១១៦ គ្រួសារ កាត់បន្ថយចំនួនគ្រួសារក្រីក្រចំនួន ៦.៥៤៥ បើធៀបនឹងឆ្នាំ ២០២១។
អំពីកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច និងតំបន់ភ្នំ ដំណាក់កាលឆ្នាំ ២០២១ - ២០៣០ ដំណាក់កាលទី១ (២០២១ - ២០២៥) គណៈកម្មាធិការបក្ស និងអាជ្ញាធរក្នុងខេត្តនាពេលកន្លងទៅថ្មីៗ បានផ្តោតសំខាន់លើការធ្វើសមកាលកម្មលើខ្លឹមសារ សមាសភាគ អនុគម្រោង។ គម្រោងក្រោមកម្មវិធី នៅចុងឆ្នាំ ២០២៤ ខេត្តទាំងមូលនឹងអនុវត្ត ឧមត្ថម្ភដីលំនៅឋានសម្រាប់ ៣០២ គ្រួសារ ឧមត្ថម្ភលំនៅឋានសម្រាប់ ៣.០៣១ គ្រួសារ ការគាំទ្រការផ្លាស់ប្តូរការងារសម្រាប់ ៥.៧២៧ គ្រួសារ និងចែកចាយទឹកផ្គត់ផ្គង់សម្រាប់ ២.៩៧០ គ្រួសារ។ កសាងគម្រោងផ្គត់ផ្គង់ទឹកកណ្តាលភូមិចំនួន ០៤ ដែលមានគ្រួសារទទួលផលប្រមាណ ១.៦៥៥ គ្រួសារ ការដាក់បម្រើគំរូចំនួន ១២៤ ដើម្បីឧមត្ថម្ភដល់ការអភិវឌ្ឍផលិតកម្ម និងធ្វើពិពិធកម្មជីវភាពសហគមន៍។ សាងសង់គម្រោងផ្លូវគមនាគមន៍ ជនបទចំនួន ១៥៧ វិនិយោគ និងជួសជុលគម្រោងបណ្តាញទីផ្សារចំនួន ១៤ ថែទាំគម្រោងហេដ្ឋារចនាសម្ព័ន្ធ ចំនួន ១៣៥៕
*អ្នកយកព័ត៌មាន៖ សូមគោរពអរគុណច្រើន!
អានហៀវ - ធូហឿង (អនុវត្ត)
ប្រែសម្រួលដោយ៖ សឺនហេង
