លោក ដាវ ង៉ុកយុង អបអរសាទរដល់មូលដ្ឋានពុទ្ធសាសនាទក្ខិណនិកាយ ខ្មែរ ព្រះសង្ឃ ពុទ្ធបរិស័ទ អ្នកមានប្រជាប្រិយភាពក្នុងចំណោមបងប្អូនជនជាតិ ខ្មែរ ក្នុងឱកាសបុណ្យចូលឆ្នាំថ្មីប្រពៃណី (ប្រព្រឹត្តឡើងពីថ្ងៃទី ១៤ ដល់ ១៦ មេសា)។
លោកបញ្ជាក់ច្បាស់ថា នាពេលកន្លងទៅ ថ្នាក់ដឹកនាំបក្ស រដ្ឋ អាជ្ញាធរទីក្រុង កឹនធើ តែងតែយកចិត្តទុកដាក់ បង្កលក្ខខណ្ឌងាយស្រួលដល់អង្គការ មូលដ្ឋានពុទ្ធសាសនាទក្ខិណនិកាយ ខ្មែរ បងប្អូនជនជាតិ ខ្មែរ អភិវឌ្ឍ ឆ្លងតាមរយៈនោះ រក្សា អភិរក្ស ពង្រីកអត្តសញ្ញាណវប្បធម៌ ជំនឿ សាសនា ទំនៀមទម្លាប់របស់បងប្អូនជនជាតិនៅមូលដ្ឋាន។
បណ្តាអង្គការពុទ្ធសាសនាទក្ខិណនិកាយ ខ្មែរ បានសហការជាមួយរណសិរ្សមាតុភូមិ មន្ទីរ គណៈកម្មការ ផ្នែកនិងអាជ្ញាធររៀបចំសកម្មភាពដ៏មានអត្ថន័យជាក់ស្តែងជាច្រើន ក្នុងនោះមានជាច្រើនសកម្មភាពមនុស្សធម៌សប្បុរសធម៌ ថែទាំកុមារ អ្នកមានស្ថានភាពលំបាកលំបិន។ល។
វិទ្យាស្ថានពុទ្ធសាសនាទក្ខិណនិកាយ ខ្មែរ បានបណ្តុះបណ្តាលសមណនិស្សិតរាប់រយអង្គជាប់សញ្ញាបត្របញ្ចប់ការសិក្សា ចងសម្ពន្ធជាមួយនឹងសាកលវិទ្យាល័យជាច្រើនបណ្តុះបណ្តាលបរិញ្ញាបត្រនិងអនុបណ្ឌិតផ្នែកខាងសាសនវិទ្យា។
ក្រៅពីមុខងារអប់រំ វិទ្យាស្ថានថែមទាំងរៀបចំសកម្មភាពសាសនាប្រពៃណីជាច្រើនទៀតផង។ ក្រៅពីនេះ អង្គការពុទ្ធសាសនាទក្ខិណនិកាយ ខ្មែរ ចូលរួមក្នុងសកម្មភាពកិច្ចការសាសនាជាច្រើនរបស់សមាគមពុទ្ធសាសនា វៀតណាម បំពេញល្អការងារជំនាញ បន្តលើកកម្ពស់ជីវភាពសម្ភារៈនិងស្មារតីរបស់ប្រជាជន ។ល។
រដ្ឋមន្ត្រីក្រសួងជនជាតិនិងសាសនា លោក ដាវ ង៉ុកយុង ស្នើថា សមាគមព្រះសង្ឃស្នេហាជាតិទីក្រុង កឹនធើ បន្តពង្រីកលទ្ធផលដែលសម្រេចបាន បំពេញល្អតួនាទីជា "ស្ពានមេត្រី" រវាងបក្ស រដ្ឋ ដើម្បីឃោសនា អប់រំព្រះសង្ឃ បងប្អូនជនជាតិពុទ្ធបរិស័ទ ខ្មែរ លើកកម្ពស់វិជ្ជាសម្បទានិងគោរពតាមគោលការណ៍របស់បក្ស គោលនយោបាយ ច្បាប់របស់រដ្ឋដ៏ល្អ ។ល។
បងប្អូនជនជាតិ ព្រះសង្ឃ អ្នកមានប្រជាប្រិយភាពក្នុងចំណោមជនជាតិ ខ្មែរ ទីក្រុង បន្តពង្រីកលទ្ធផល ស្នាដៃដែលសម្រេចបាន ពលកម្ម ផលិតកម្ម សិក្សារៀនសូត្រ ធ្វើការងារយ៉ាងសកម្ម ពង្រឹងនិងកសាងសាសនា ធ្លុងមហាសាមគ្គីប្រជាជាតិទាំងមូលកាន់តែរឹងមាំពីមួយថ្ងៃទៅមួយថ្ងៃឥតឈប់ឈរ រួមចំណែកកសាងស្រុកកំណើត ប្រទេសជាតិកាន់តែសម្បូររុងរឿង ស៊ីវិល័យ ។ល។
ក្នុងឱកាសនេះ លោករដ្ឋមន្ត្រី ដាវ ង៉ុកយុង ជូនអំណោយដល់អ្នកមានប្រជាប្រិយភាពក្នុងចំណោមបងប្អូនជនជាតិ ខ្មែរ ចំនួន ៣០ នាក់ ក្រុមគ្រួសារជនជាតិ ខ្មែរ ក្រីក្រចំនួន ១០ គ្រួសារនៅខណ្ឌ អូម៉ូន និងស្រុក កើ ដ ចូលរួមពិធីសម្ភោធផ្ទះថ្មីនៅក្រុមគ្រួសារលោកស្រី លៀវ ធីវ៉ាង (ភូមិ ធើយហៀប ទីរួមខេត្ត ធើយឡាយ ស្រុក ធើយឡាយ)៕
អត្ថបទនិងរូបថត៖ ង៉ុកធៀន
ប្រែសម្រួលដោយ៖ យ័ញលើយ
