គោលនយោបាយឧបត្ថម្ភជាក់ស្តែងកំពុងតែធ្វើឱ្យជីវភាពរស់នៅរបស់ប្រជាជនល្អប្រសើរឡើងមួយជំហានទៅមួយជំហាន ផ្លាស់ប្តូរមុខមាត់តំបន់បងប្អូនជនជាតិ ខ្មែរ ព្រមទាំងពង្រឹងទំនុកចិត្តរបស់បងប្អូនជនជាតិទៅលើគោលការណ៍ គោលនយោបាយរបស់បក្សនិងរដ្ឋ។
គំរូការងាររកស៊ីចិញ្ចឹមជីវិតប្រកបដោយប្រសិទ្ធភាព
ទីក្រុង កឹនធើ មានជនជាតិ ខ្មែរ ជាង ៥៤០.០០០ នាក់រស់នៅ មានជាង ១៤% នៃចំនួនប្រជាជន រស់នៅតាមឃុំ សង្កាត់ ៣៨ ក្នុងនោះមាន ៨ ឃុំចំណុះតំបន់ ១ មាន ១១ ឃុំចំណុះតំបន់ ២ និងមាន ១៩ ឃុំចំណុះតំបន់ ៣។ ទីក្រុងមានភូមិ តំបន់ ៤០៦ ត្រូវបានកំណត់ចំណុះតំបន់បងប្អូនជនជាតិភាគតិច ក្នុងចំណោមនេះមានភូមិ តំបន់ចំនួន ១៦៤ ស្ថិតក្នុងក្របខណ្ឌលំបាកខ្លាំង។
តំបន់ ដាយងៀថាំង (សង្កាត់ មីស្វៀន) បច្ចុប្បន្នមានក្រុមគ្រួសារចំនួន ៩៨៣ ក្នុងនោះជាង ៩០% ជាបងប្អូនជនជាតិ ខ្មែរ។ ធ្លាប់ជាតំបន់មួយប្រឈមមុខនឹងការលំបាកជាច្រើន ដោយមានការបន្តកម្លាំងពីគោលនយោបាយជនជាតិ ជីវភាពរស់នៅរបស់មាមីងបងប្អូននៅទីនេះបានកែលម្អប្រសើរឡើងហើយ បច្ចុប្បន្ននៅសល់ចំនួន ១៥ ក្រុមគ្រួសារក្រីក្រនិងចំនួន ៩ ក្រុមគ្រួសារជិតបន្ទាត់ភាពក្រីក្រប៉ុននោះ។
នៅឃុំ ត្រឹនដេ ផ្តើមពីគំរូឧបត្ថម្ភការងាររកស៊ីចិញ្ចឹមជីវិតចំណុះកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច - សង្គមនៅតំបន់បងប្អូនជនជាតិភាគតិចនិងតំបន់ភ្នំ ក្រុមគ្រួសារ ខ្មែរ ជាច្រើនមានលក្ខខណ្ឌអភិវឌ្ឍផលិតកម្ម ស្ថិរភាពការរស់នៅពីមួយជំហានទៅមួយជំហាន។ រហូតមកដល់បច្ចុប្បន្ន ឃុំទាំងមូលនៅត្រឹមតែចំនួន ៥៣ ក្រុមគ្រួសារក្រីក្រនិងចំនួន ២០៦ ក្រុមគ្រួសារជិតបន្ទាត់ភាពក្រីក្រប៉ុននោះ។
គ្រួសាររបស់អ្នកស្រី ថាច់ ធីក្វាង (អាយុ ៧៨ ឆ្នាំ នៅក្នុងភូមិ ឡឹមដូ) គឺជាក្រុមគ្រួសារមួយក្នុងចំណោមក្រុមគ្រួសារមានការផ្លាស់ប្តូរយ៉ាងច្បាស់ក្រឡែតអាស្រ័យដោយមានការឧបត្ថម្ភការងាររកស៊ីចិញ្ចឹមជីវិតទាន់ពេលវេលា។ អ្នកស្រី ក្វាង រៀបរាប់៖ "កាលពីមុន ខ្ញុំមិនមានដីផលិតកម្មទេ រស់នៅជាមួយប្តីនិងកូន ប្រភពចំណូលចម្បងអាស្រ័យលើការងារស៊ីឈ្នួល ចំណូលមិនទៀង ខ្វះមុខខ្វះក្រោយ គ្រួសារខ្ញុំធ្លាប់ចិញ្ចឹមគោ ដោយសង្ឃឹមថានឹងធ្វើឱ្យស្ថានភាពសេដ្ឋកិច្ចល្អប្រសើរឡើង ប៉ុន្តែទ្រង់ទ្រាយតូច ហើយមិនសូវមានប្រសិទ្ធភាពទេ"។
ដោយឃើញថាគ្រួសារនេះមានទ្រុងក្រោលនិងពិសោធន៍ចិញ្ចឹមស្រាប់ អាជ្ញាធរមូលដ្ឋានបានដាក់ក្រុមគ្រួសារអ្នកស្រី ក្វាង ទៅក្នុងគំរូចិញ្ចឹមគោបន្តពូជ។ ដោយផ្តើមពីគោពូជពីរក្បាលដំបូង គ្រួសារនេះចិញ្ចឹមបានហ្វូងគោ និងលក់គោបានជាច្រើនលើក មានប្រាក់ចំណូលបន្ថែមសម្រាប់ផ្គត់ផ្គង់ជីវភាព។ ត្រឹមតែប៉ុន្មានខែមុន គ្រួសារអ្នកស្រីលក់គោ ៤ ក្បាល រកចំណូលបានរាប់សិបលានដុង។ បច្ចុប្បន្នហ្វូងគោមានគោញី ៦ ក្បាលកំពុងផើម និងកូនគោ ២ ក្បាល សង្ឃឹមទៅអនាគតនឹងបន្តផ្តល់ប្រភពចំណូលស្ថិរភាពក្នុងរយៈពេលខាងមុខ។
យកប្រជាជនធ្វើជាកត្តាគន្លឺះនៃដំណើរការអភិវឌ្ឍន៍
យោងតាមតំណាងមន្ទីរជនជាតិ និងទីក្រុង កឹនធើ ក្នុងឆមាសទី ១ ឆ្នាំ ២០២៦ កិច្ចការបង្គាប់ការនិងការអនុវត្តកម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចកំពុងត្រូវបានអនុវត្តយ៉ាងស៊ីចង្វាក់គ្នា និងម៉ឺងម៉ាត់។
តាមរយៈនោះ មន្ទីរបានសហការជាមួយនឹងមន្ទីរហិរញ្ញវត្ថុ និងអង្គភាពពាក់ព័ន្ធពិនិត្យពិច័យធ្វើសំយោគឡើងវិញ ដាក់ពង្រាយប្រភពទុនពីបណ្តាឆ្នាំមុនៗ (២០២២ - ២០២៥) ត្រូវបានអនុញ្ញាតឱ្យអូសអន្លាយដល់ឆ្នាំ ២០២៦ ដោយមានថវិកាសរុបជិត ២០៨,៦ ពាន់លានដុង។ គ្រោងថា ប្រភពទុននេះនឹងត្រូវបានបើកលុយ ១០០% តាមផែនការនៅចុងឆ្នាំ ២០២៦។
អនុវត្តកម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិ និងតំបន់ភ្នំដំណាក់កាល ២០២១ - ២០២៥ មូលដ្ឋាននានាក្នុងភូមិសាស្រ្ត កឹនធើ បានរៀបចំប្រភពធនធានគួរឲ្យកត់សម្គាល់សម្រាប់វិនិយោគលើហេដ្ឋារចនាសម្ព័ន្ធ ឧបត្ថម្ភការងាររកស៊ីចិញ្ចឹមជីវិត និងកាត់បន្ថយភាពក្រីក្រ។ ភូមិសាស្រ្ត សុកត្រាំង និង ហូវយ៉ាង ពីមុនត្រូវបានបែងចែកថវិកាជាង ១.៥២០ ពាន់លានដុង ដើម្បីអនុវត្តកម្មវិធី។ ទីក្រុង កឹនធើ (ចាស់) ក៏សកម្មគួបផ្សំជាង ៦៤ ពាន់លានដុងពីថវិកាក្នុងស្រុកសម្រាប់ឧបត្ថម្ភការអភិវឌ្ឍផលិតកម្មជូនបងប្អូនជនជាតិ ខ្មែរ។
យោងតាមតំណាងគណៈកម្មាធិការបក្សទីក្រុង កឹនធើ កសាងជនបទថ្មី កាត់បន្ថយភាពក្រីក្រប្រកបដោយចីរភាព និងអភិវឌ្ឍតំបន់បងប្អូនជនជាតិភាគតិចគឺជាភារកិច្ចជាប្រចាំ យូរអង្វែងរបស់ប្រព័ន្ធនយោបាយទាំងមូល។ ទីក្រុងកំណត់យកប្រជាជនធ្វើជាកត្តាគន្លឹះនៃដំណើរការអភិវឌ្ឍ ដោយផ្តោតលើការឧបត្ថម្ភបច្ចេកទេស ប្រភពធនធាន បង្កើតលក្ខខណ្ឌសម្រាប់ប្រជាជនសកម្មក្នុងការអភិវឌ្ឍផលិតកម្ម បង្កើនប្រាក់ចំណូល។
ស្របពេលនោះ ទីក្រុង កឹនធើ តម្រង់ទិសដៅកសាងជនបទថ្មីឆ្ពោះទៅរកទំនើបកម្ម ថែរក្សាអត្តសញ្ញាណវប្បធម៌ និងសម្របខ្លួនទៅនឹងការប្រែប្រួលអាកាសធាតុ អភិវឌ្ឍសេដ្ឋកិច្ចជនបទតាមគំរូបៃតង វិលជុំ អេកូឡូស៊ី កែលម្អគុណភាពការរស់នៅរបស់ប្រជាជនពីមួយជំហានទៅមួជំហាន និងបង្រួមគម្លាតអភិវឌ្ឍន៍រវាងតំបន់ជនជាតិភាគតិចជាមួយនឹងតំបន់ផ្សេងៗ។
ក្រៅពីវិធានការអភិវឌ្ឍន៍សេដ្ឋកិច្ច ទីក្រុង កឹនធើ បន្តអភិរក្ស លើកស្ទួយអត្តសញ្ញាណវប្បធម៌របស់បណ្តាជនជាតិ ពង្រឹងធ្លុងមហាសាមគ្គីប្រជាជាតិទាំងមូល អនុវត្តគោលនយោបាយឧបត្ថម្ភការងាររកស៊ីចិញ្ចឹមជីវិតព្រមៗ គ្នាប្រកបដោយស្ថិរភាព ធ្វើពិពិធកម្មគំរូផលិតកម្មសមស្របជាមួយនឹងមូលដ្ឋាននីមួយៗ ផ្តល់អាទិភាពដល់តំបន់លំបាក និងតំបន់មានបងប្អូនជនជាតិភាគតិចរស់នៅច្រើនកុះករ។
ទីក្រុងក៏ជំរុញការបណ្តុះបណ្តាលវិជ្ជាជីវៈភ្ជាប់នឹងតម្រូវការទីផ្សារការងារ អនុវត្តគោលនយោបាយឥណទានអនុគ្រោះ សុខុមាលភាពសង្គម និងវិធានការទប់ស្កាត់ភាពក្រឡើងវិញ។ ស្របពេលនោះ ផ្តល់អាទិភាពដល់ការវិនិយោគលើហេដ្ឋារចនាសម្ព័ន្ធសំខាន់ៗ កែលម្អស្ថានភាពរស់នៅរបស់ប្រជាជនតាមរយៈគោលនយោបាយឧបត្ថម្ភលំនៅ ទឹកប្រើប្រាស់ ការងាររកស៊ីចិញ្ចឹមជីវិត ការអប់រំ សុខាភិបាល និងអនាម័យបរិស្ថាន៕
ផលិត៖ អានហៀវ - ទ្រុងកៀន
ប្រែសម្រួល៖ អៀងថាន់
