អត្ថបទទី ១: "ខួរក្បាលឌីជីថល" សម្រាប់ទីក្រុងឆ្លាតវៃរបស់ទីក្រុង ហូ ជីមិញ
បញ្ញាសិប្បនិម្មិតកំពុងក្លាយជាបច្ចេកវិទ្យាជាមូលដ្ឋានគ្រឹះក្នុងដំណើរការកសាងទីក្រុងឆ្លាតវៃ។ ចំពោះទីក្រុង ហូជីមិញ បញ្ញាសិប្បនិម្មិតមិនត្រឹមតែបង្កើតបានឧបករណ៍ជំនួយដល់ប្រតិបត្តិការប៉ុននោះទេ ថែមទាំងដាក់ចេញតម្រូវការកសាងហេដ្ឋារចនាសម្ព័ន្ធទិន្នន័យឯកភាពគ្នាទៀតផង បង្កើតមូលដ្ឋានគ្រឹះសម្រាប់គំរូអភិបាលកិច្ចទីក្រុងទំនើបបម្រើប្រជាជននិងអាជីវកម្មឱ្យកាន់តែមានប្រសិទ្ធភាពថែមទៀត។
បញ្ញាសិប្បនិម្មិត AI ក្លាយជាបច្ចេកវិទ្យាមូលដ្ឋានគ្រឹះនៃទីក្រុងឆ្លាតវៃ
ក្រោយពីអនុវត្តសេចក្តីសម្រេចលេខ 57-NQ/TW អស់រយៈពេលជាងមួយឆ្នាំកន្លះ ទីក្រុង ហូ ជីមិញ កំពុងឈានចូលដំណាក់កាលអភិវឌ្ឍថ្មីដោយមានទ្រង់ទ្រាយធំ ទាមទារត្រូវតែផ្លាស់ប្តូរថ្មីវិធីសាស្រ្តអភិបាលកិច្ចទីក្រុងតាមទិសដៅទំនើប បញ្ហាលើកឡើងមិនត្រឹមតែស្ថិតនៅក្នុងការវិនិយោគលើបច្ចេកវិទ្យាប៉ុននោះទេ ថែមទាំងត្រូវការផ្លាស់ប្តូរគំនិតអភិបាលកិច្ចយ៉ាងខ្លាំងក្លាដើម្បីបំពេញតាមស្ថានភាពជាក់ស្តែងនៃទីក្រុងធំកម្រិតយក្សមួយ។
នៅក្នុងបរិបទនោះ បញ្ញាសិប្បនិម្មិតកំពុងលេចចេញដូចជាបច្ចេកវិទ្យាមូលដ្ឋានស្នូល បើកចេញទិសដៅប្រើវិធីសាស្រ្តថ្មីៗ ជួយទីក្រុងកសាងគំរូអភិបាលកិច្ចផ្អែកលើទិន្នន័យ។ ការជំនួយពីបច្ចេកវិទ្យាធ្វើឱ្យការងារគ្រប់គ្រងក្លាយជាល្អឥតខ្ចោះបំផុត លើកកម្ពស់គុណភាពសេវាសាធារណៈនិងនាំមកនូវប្រយោជន៍ជាក់ស្តែងបម្រើប្រជាជននិងអាជីវកម្មល្អថែមទៀត។
ដើម្បីសម្រេចគោលដៅនេះ ទីក្រុង ហូ ជីមិញ កំពុងដំណើរការសាកល្បងគំរូទីក្រុងឆ្លាតវៃនៅថ្នាក់ឃុំ។ ការប្រើវេទិកាទាំងឡាយដូចជាមជ្ឈមណ្ឌលប្រតិបត្តិការឆ្លាតវៃនិងឌីជីថលភ្លោះ (Digital Twin) អនុញ្ញាតឱ្យមានការរួមបញ្ចូលទិន្នន័យនិងត្រួតពិនិត្យពេលវេលាជាក់ស្តែង ឆ្លងតាមរយៈនោះជំនួយថ្នាក់ដឹកនាំមូលដ្ឋានធ្វើការសម្រេចចិត្តយ៉ាងឆាប់រហ័សនិងត្រឹមត្រូវ។
ទិន្នន័យ - មូលដ្ឋានគ្រឹះដើម្បី AI បញ្ចេញប្រសិទ្ធភាព
ប្រសិនបើ AI ត្រូវបានចាត់ទុកថាជា "ខួរក្បាលឌីជីថល" នៃទីក្រុងឆ្លាតវៃនោះទិន្នន័យគឺជាប្រភពសារធាតុចិញ្ចឹមដ៏សំខាន់ដើម្បីប្រតិបត្តិការ។ ទីក្រុងជាច្រើនកំពុងផ្លាស់ប្តូរទៅជាប្រព័ន្ធប្រតិបត្តិការឯកភាពគ្នា ភ្ជាប់ទិន្នន័យពីវិស័យផ្សេងៗ ជាច្រើនដូចជាចរាចរណ៍ បរិស្ថាននិងសន្តិសុខដើម្បីបង្កើតប្រភពទិន្នន័យប្រើរួមគ្នាសម្រាប់បណ្តាប្រព័ន្ធ AI ប្រើប្រាស់។
តម្រូវការប្រើបណ្តាវេទិកាឌីជីថលក៏កើតចេញពីការគ្រប់គ្រងស្មុគស្មាញជាក់ស្តែងនៅថ្នាក់មូលដ្ឋាន។ តួយ៉ាងដូចនៅសង្កាត់ ភូញួន ដោយមានចំនួនប្រជាជនច្រើន ដង់ស៊ីតេចរាចរណ៍ខ្ពស់ ការរួមបញ្ចូលគ្នារវាងប្រព័ន្ធបង្ហាញព័ត៌មានរួម (Dashboard) ត្រួតពិនិត្យសូចនាករសេដ្ឋកិច្ច - សង្គមជាមួយនឹងបច្ចេកវិទ្យាឌីជីថលជួយថ្នាក់ដឹកនាំមើលឃើញផ្ទាល់ ធ្វើបច្ចុប្បន្នភាពតាមពេលវេលាជាក់ស្តែង។
ក្នុងដំណើរការជាក់ស្តែងបង្ហាញឱ្យឃើញថាប្រសិទ្ធភាពនៃបញ្ញាសិប្បនិម្មិត AI អាស្រ័យទៅលើគុណភាពនិងលទ្ធភាពភ្ជាប់ទិន្នន័យយ៉ាងខ្លាំង។ នៅពេលដែលហេដ្ឋារចនាសម្ព័ន្ធទិន្នន័យត្រូវបានធ្វើឱ្យល្អឥតខ្ចោះនិងដំណើរការស៊ីចង្វាក់គ្នា នេះនឹងក្លាយជាមូលដ្ឋានគ្រឹះដ៏រឹងមាំដើម្បីទីក្រុង ហូ ជីមិញ កសាងគំរូអភិបាលកិច្ចទីក្រុងទំនើបដោយជោគជ័យនិងធ្វើការសម្រេចចិត្តបានត្រឹមត្រូវ។
អត្ថបទបញ្ចប់៖ បញ្ញាសិប្បនិម្មិត AI ដោះស្រាយបញ្ហាទាំងឡាយនៃទីក្រុងធំកម្រិតយក្ស។
អត្ថបទនិងរូបថត៖ លឺវនៀម - កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ឋ
