ប្រភពកម្លាំងដ៏ធំប៉ុន្តែមិនងាយផ្លាស់ប្តូរ
ក្រោយពីរៀបចំក្បាលម៉ាស៊ីន ទីក្រុង ហូ ជីមិញ មានឱកាសរៀបចំមូលនិធិទ្រព្យសម្បត្តិសាធារណៈដ៏ធំឡើងវិញ។ ទីក្រុងបានស្នើឱ្យចាត់ការចំនួន ៩.៨១៩ មូលដ្ឋានអគារ ដីធ្លី ដោយឡែកក្រុមដែលសេសសល់ ចំនួន ២១២ ក្នុងចំណោម ២៩៦ មូលដ្ឋានក៏បានសម្រេចចិត្តចាត់ការហើយ។
នាយកមន្ទីរហិរញ្ញវត្ថុទីក្រុង ហូ ជីមិញ ហ្វាង វូថាញ់ ឱ្យដឹងថា មុនថ្ងៃទី ១ ខែ កក្កដា ឆ្នាំ ២០២៥ វិធានការចាត់ចែងទីស្នាក់ការត្រូវបានម្ចាស់ការកសាងតាមគោលការណ៍ឆ្លៀតប្រើប្រាស់មូលដ្ឋានដែលមានស្រាប់ឱ្យអស់។ បច្ចុប្បន្ននេះ ទីក្រុងប្រគល់ឱ្យមជ្ឈមណ្ឌលគ្រប់គ្រងអគារនិងពិនិត្យវិនិច្ឆ័យសំណង់ទទួលចំនួន ១៥១ មូលដ្ឋាន មជ្ឈមណ្ឌលអភិវឌ្ឍមូលនិធិដីធ្លីទទួលចំនួន ១៣ ឡូត៍ដី មជ្ឈិមផ្ទេរឱ្យចំនួន ៨០ មូលដ្ឋាន។
ទោះបីជាទ្រព្យសម្បត្តិបានប្រមូលផ្តុំមកមជ្ឈមណ្ឌលគ្រប់គ្រងក៏ដោយ ការផ្លាស់ប្តូរមុខងារទៅជាសាលារៀន មណ្ឌលសុខាភិបាល វប្បធម៌នៅតែចួបឧបសគ្គជាច្រើន។ សំណង់ជាច្រើនមានធារដីតូច ស្ថិតនៅឆ្ងាយពីតំបន់ប្រជុំជនឬរងការទ្រុឌទ្រោម ថវិកាចំណាយលើការជួសជុលដ៏ធំ។ អនុប្រធានគណៈកម្មាធិការប្រជាជនទីក្រុង ហូ ជីមិញ ង្វៀន កុងវិញ លើកឡើងថាតម្រូវការសាលារៀនថ្នាក់រៀនដ៏ធំប៉ុន្តែមូលនិធិដីធ្លីក៏នៅរាយប៉ាយទៅវិញ ទាមទារផ្នែកអប់រំនិងមូលដ្ឋានត្រូវពិនិត្យពិច័យមធ្យ័តតាមចំនួនប្រជាជនឡើងវិញ។
ក្រៅពីនោះ គឺជាបញ្ហាទើសទាក់អំពីច្បាប់ដូចជាខ្វះប័ណ្ណកម្មសិទ្ធិប្រើប្រាស់ដីធ្លី វិវាទដីធ្លី ធ្លាប់ឱ្យជួលខុសច្បាប់និងខ្វះប្រភពថវិការក្សាប្រតិបត្តិការជាប្រចាំក្រោយពីផ្លាស់ប្តូរមុខងារ។
តម្រូវការយន្តការថ្មីត្រួសត្រាយផ្លូវ
សេចក្តីសម្រេច 31/2026/NQ-CP បានបំពេញបន្ថែមយន្តការពិសេសដោយឡែកជួយកាត់បន្ថយពេលវេលាចាត់ការអគារ ដីដែលសេសសល់។ ប្រធានគណៈកម្មាធិការប្រជាជនថ្នាក់ខេត្តអាចសម្រេចចិត្តលើវិធានការប្រើប្រាស់តាំងពីមូលដ្ឋាននីមួយៗ ទ្រព្យសម្បត្តិប្រគល់ឱ្យអង្គការគ្រប់គ្រងអគារអាចឱ្យជួលឆ្លងតាមរយៈការបិទប្រកាសតម្លៃឬឱ្យថ្លៃប្រកួតប្រជែងតាមកាលកំណត់យូរបំផុត ១០ ឆ្នាំទោះបីជាខ្វះឯកសារផ្លូវច្បាប់ក៏ដោយ។
ទីក្រុងផ្តល់អាទិភាពដល់ការចាត់ចែងអគារ ដីធ្លីដែលសេសសល់ដល់សុខាភិបាល អប់រំ វប្បធម៌ មានតែបណ្តាមូលដ្ឋានដែលមិនបំពេញតាមតម្រូវការប៉ុននោះទើបងាកទៅធ្វើអាជីវកម្មអគារប្រើប្រាស់បង្កើតប្រភពចំណូល។ អនុលេខាគណៈកម្មាធិការបក្សទីក្រុង ហូ ជីមិញ ង្វៀន ផឿកឡុក សង្កត់ធ្ងន់ថា នេះជាឱកាសបំពេញបន្ថែមប្រភពកម្លាំងអភិវឌ្ឍ ត្រូវការមានវឌ្ឍនភាពច្បាស់លាស់និងយកប្រសិទ្ធភាពបម្រើប្រជាជនធ្វើជារង្វាស់។ គណៈកម្មាធិការបក្សបានស្នើឱ្យចាត់ការតាមគោលការណ៍ "ច្បាស់លាស់ ៥ យ៉ាង"៖ មនុស្សច្បាស់លាស់ ការងារច្បាស់លាស់ ភារកិច្ចច្បាស់លាស់ សមត្ថកិច្ចច្បាស់លាស់ ពេលវេលាច្បាស់លាស់និងលទ្ធផលច្បាស់លាស់។
ប្រធានគណៈកម្មាធិការប្រជាជនទីក្រុង ហូ ជីមិញ ង្វៀន វ៉ាន់ដឿក បញ្ជាក់ថា ទីក្រុងនឹងបង្កល័ក្ខខ័ណ្ឌផ្លាស់ប្តូរបណ្តាមូលដ្ឋានដែលសេសសល់ឱ្យឆាប់រហ័ស។ គោលដៅចុងក្រោយគឺនាំយកទ្រព្យសម្បត្តិសាធារណៈមកបម្រើជីវភាពប្រចាំថ្ងៃវិញ បង្កើតប្រភពកម្លាំងអភិវឌ្ឍសេដ្ឋកិច្ច - សង្គមនិងជៀសវាងការខ្ជះខ្ជាយ៕
អត្ថបទតចប់៖ ការចាត់វិធានការតាមអាសយដ្ឋានជាក់លាក់នីមួយៗ
អត្ថបទនិងរូបថត៖ ហ្វាងត្វៀត - កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ឋ
