ក្នុងសម័យប្រជុំ ក្រុមប្រឹក្សាប្រជាជនខេត្តបានពិនិត្យមើល ធ្វើសច្ចានុមតិសេចក្តីសម្រេចចិត្តស្តីពីការបែងចែកផែនការវិនិយោគសាធារណៈរយៈពេលមធ្យមដោយចំណាយថវិការដ្ឋដំណាក់កាលឆ្នាំ ២០២៦ - ២០៣០ សេចក្តីសម្រេចបែងចែកថវិការដ្ឋ និងផែនការវិនិយោគសាធារណៈឆ្នាំ ២០២៦។
តាមរយៈនោះ ទុនវិនិយោគសាធារណៈរយៈពេលមធ្យមសរុបរបស់ខេត្តគ្រោងទុកថានឹងសម្រេច ១២៥.០០០ ពាន់លានដុង ផ្តល់អាទិភាពសំណង់ហេដ្ឋារចនាសម្ព័ន្ធយុទ្ធសាស្ត្រ ចរាចរណ៍តភ្ជាប់តំបន់ បរិវត្តកម្មឌីជីថល អប់រំ សុខាភិបាល និងគម្រោងការបង្កើតកម្លាំងចលករកំណើន។
ខេត្តបែងចែកថវិកាចំនួន ៥.៧៧៨,៤៦៣ ពាន់លានដុងអនុវត្តកម្មវិធីគោលដៅជាតិកសាងជនបទថ្មី កាត់បន្ថយភាពក្រីក្រប្រកបដោយចីរភាព និងអភិវឌ្ឍសេដ្ឋកិច្ច - សង្គមនៅតំបន់បងប្អូនជនជាតិភាគតិចនិងតំបន់ភ្នំ ក្នុងនោះ ថវិកាមជ្ឈិមជាង ២.៤៣៨ ពាន់លានដុង ថវិកាមូលដ្ឋានបដិភាគជាង ៣.៣៤០ ពាន់លានដុង រួមចំណែកបង្រួមគម្លាតអភិវឌ្ឍន៍រវាងតំបន់និងតំបន់ លើកកម្ពស់ជីវភាពរស់នៅរបស់ប្រជាជន។
ក្រៅពីរៀបចំទុនវិនិយោគ សម័យប្រជុំពិនិត្យមើលគោលនយោបាយសុខុមាលភាពដោយផ្ទាល់ចំនួនពីរសម្រាប់បងប្អូនជនជាតិភាគតិច។ ក្នុងនោះរួមមានសេចក្តីសម្រេចកំណត់គោលនយោបាយឧបត្ថម្ភអត្រាការប្រាក់ចំពោះក្រុមគ្រួសារបងប្អូនជនជាតិភាគតិចនៅផ្ទាល់កន្លែង រួមចំណែកបង្កើតល័ក្ខខ័ណ្ឌទទួលប្រភពទុនឥណទាន អភិវឌ្ឍផលិតកម្ម បង្កើនប្រាក់ចំណូល។ ប្រតិភូក៏បានពិភាក្សា ផ្តល់សច្ចានុមតិសេចក្តីសម្រេចស្តីអំពីគោលនយោបាយឧបត្ថម្ភចំពោះសិស្ស និស្សិតជាជនជាតិភាគតិច ដើម្បីបង្កើតល័ក្ខខ័ណ្ឌសិក្សា លើកកម្ពស់គុណភាពធនធានមនុស្សសម្រាប់តំបន់បងប្អូនជនជាតិភាគតិចនាពេលខាងមុខ។
តាមរយៈនោះ ដំណាក់កាល ២០២៦ - ២០៣១ សិស្ស និស្សិតជាជនជាតិភាគតិចមានលំនៅអចិន្ត្រៃយ៍នៅក្នុងខេត្តគម្រប់ពី ៣ ឆ្នាំឡើងទៅ កំពុងសិក្សាតាមគ្រឹះស្ថានអប់រំសាកលវិទ្យាល័យ បរិញ្ញារង កម្រិតមធ្យមទូទាំងប្រទេសនឹងទទួលបានប្រាក់ឧបត្ថម្ភសម្រាប់ប្រជុំជីវភាពចំនួន ៤០០.០០០ ដុងក្នុងមនុស្សម្នាក់ក្នុងមួយខែ ក្នុងរយៈពេល ១០ ខែរៀងរាល់ឆ្នាំសិក្សា។
ដំណាក់កាល ២០២៦ - ២០៣០ ក្រុមគ្រួសារបងប្អូនជនជាតិភាគតិចខ្ចីទុនពីធនាគារពាណិជ្ជកម្មសម្រាប់ផលិតកម្ម ធ្វើអាជីវកម្មបានឧបត្ថម្ភការប្រាក់កម្ចី ៤០% ច្រើនបំផុតចំនួន ១០ លានដុងក្នុងមួយក្រុមគ្រួសារក្នុងមួយឆ្នាំ។ គោលនយោបាយទាំងពីរនេះត្រូវបានរំពឹងថានឹងបង្កើតល័ក្ខខ័ណ្ឌសម្រាប់បងប្អូនជនជាតិលើកកម្ពស់ អភិវឌ្ឍការងាររកស៊ីចិញ្ចឹមជីវិត រួមចំណែកបង្រួមគម្លាតអភិវឌ្ឍន៍រវាងតំបន់បងប្អូនជនជាតិភាគតិច និងតំបន់ផ្សេងៗ។
សម័យប្រជុំពិនិត្យមើល ផ្តល់សច្ចានុមតិសេចក្តីសម្រេចជាច្រើនស្តីអំពីការបែងចែកថវិកាសម្រាប់កម្មវិធីគោលដៅជាតិ អភិវឌ្ឍវប្បធម៌ បង្ការទប់ស្កាត់គ្រឿងញៀន បង្កើតមូលនិធិឧបត្ថម្ភអភិវឌ្ឍសហករណ៍ និងគោលនយោបាយមួយចំនួនក្នុងវិស័យឧស្សាហកម្មពាណិជ្ជកម្ម ការបង្ការនិងពន្លត់អគ្គីភ័យ ការការពារបរិស្ថាន។
មានសេចក្តីសម្រេចសំខាន់ៗ ចំនួន ១៧ ត្រូវបានផ្តល់សច្ចានុមតិក្នុងសម័យប្រជុំនេះ ក្នុងនោះមានសេចក្តីសម្រេច ២ ស្តីអំពីការលុបចោលសេចក្តីសម្រេចរបស់ក្រុមប្រឹក្សាប្រជាជនរបស់ខេត្តទាំង ២ គឺខេត្ត ឡឹម ដុងនិង ប៊ិញធន់ (មុនពេលរួមបញ្ចូលគ្នា) ក្នុងវិស័យឧស្សាហកម្មពាណិជ្ជកម្ម និងអធិការកិច្ច ដោយសារតែលែងសមស្រប។
សន្និដ្ឋានសម័យប្រជុំ លោក លឺវ វ៉ាន់ទ្រុង អនុលេខានៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត ឡឹមដុង សង្កត់ធ្ងន់ថា សេចក្តីសម្រេចបានអនុមតិនៅក្នុងសម័យប្រជុំនេះមានខ្លឹមសារសំខាន់ៗ ជាច្រើន។ ដើម្បីធានាថាសេចក្តីសម្រេចទាំងនេះឆាប់ជ្រួតជ្រាបចូលទៅក្នុងជីវភាពរស់នៅ បង្ហាញឱ្យឃើញប្រសិទ្ធភាព លោកបានស្នើសុំឱ្យគណៈកម្មាធិការប្រជាជនខេត្តបង្គាប់ការស្ថាប័នជំនាញសហការជាមួយក្រុមប្រឹក្សាប្រជាជនខេត្ត ពិនិត្យពិច័យឡើងវិញនូវខ្លឹមសារ អនុវត្តដោយធានាចំគោលដៅទាំងស្រុង។
អំពីផែនការវិនិយោគសាធារណៈស្នើគណៈកម្មាធិការប្រជាជនខេត្តបង្គាប់ការវិនិយោគិនឱ្យពន្លឿនការទម្លាក់ថវិកាទុនវិនិយោគសាធារណៈប៉ុន្តែមិនព្រោះតែពន្លឿនដំណើការធ្វើឱ្យបន្ធូរបន្ថយគុណភាពសំណង់ឡើយ។ គម្រោងថ្មីទាំងឡាយបើកក្នុងឆ្នាំ ២០២៧ គណៈកម្មាធិការប្រជាជនខេត្តនឹងតាមដានវិនិយោគិនយ៉ាងយូរបំផុតត្រឹមថ្ងៃទី ១៥ ខែ តុលា ត្រូវបញ្ចប់រួចរាល់ឯកសាររចនាប្លង់ ជៀសវាងការពន្យារពេលរង់ចាំឯកសារ និងត្រូវបដិសេធដូចកាលពីឆ្នាំ ២០២៦។ អាទិភាពទុនសម្រាប់សំណង់ដែលបានបំពេញបែបបទវិនិយោគ ឆាប់ដោះស្រាយស្ថានភាពនៃការកែតម្រូវដើមទុនច្រើនលើកច្រើនសារ។
អំពីគោលនយោបាយឧបត្ថម្ភក្រុមគ្រួសារបងប្អូនជនជាតិភាគតិច សិស្ស និស្សិតជាជនជាតិភាគតិច លោក លឺវ វ៉ាន់ទ្រុង បានវាយតម្លៃថា នេះជាសេចក្តីសម្រេចស្តីអំពីយន្តការគោលនយោបាយដើម្បីធ្វើឱ្យជាក់ច្បាស់គោលដៅរបស់គណៈកម្មាធិការបក្ខភាគខេត្តរហូតដល់ឆ្នាំ ២០៣០ ឡឹមដុង ជាសារវន្តលែងមានក្រុមគ្រួសារក្រីក្រ។ ដូច្នេះហើយ លោកស្នើឱ្យគណៈកម្មាធិការប្រជាជនខេត្តបើកចំហល័ក្ខខ័ណ្ឌមុខសញ្ញាបានទទួលកម្រិតឧបត្ថម្ភក៏ដូចជាបែបបទតាមលំដាប់់លំដោយដើម្បីកំណត់ចំគោលដៅមុខសញ្ញាបានទទួលផល ធានាថាគ្មានករណីណាមួយត្រូវមើលរំលងឡើយ៕
ព័ត៌មាននិងរូបថត៖ ជូ គ្វឹកហ៊ុង
ប្រែសម្រួល៖ អៀងថាន់
