ធ្វើឱ្យគោលនយោបាយក្លាយទៅជាភាពជាក់ស្តែងដោយគម្រោងដ៏មានប្រសិទ្ធភាព
នាអំឡុងថ្ងៃបុណ្យឯករាជ្យជាតិ (ថ្ងៃទី ២ ខែ កញ្ញា) យើងខ្ញុំមានឱកាសសិក្សាស្រាវជ្រាវតំបន់ខ្សែបន្ទាត់ព្រំដែន តីនិញ មុខមាត់ជនបទបានប្រែថ្មីយ៉ាងច្បាស់ក្រឡែត។ ផ្លូវក្រាលកៅស៊ូត្រង់ភ្លឹង ប្រព័ន្ធធារាសាស្ត្រទំនើបរួមជាមួយនឹងសាលារៀនដ៏រឹងមាំកំពុងតែបង្កើតបានជាទិដ្ឋភាពដ៏ស្រស់បំព្រងតំបន់ព្រំសីមាប៉ែកខាងនិរតី។
ខេត្ត តីនិញ មានចំនួន ១៩ ឃុំព្រំដែនជាប់នឹងប្រទេស កម្ពុជា ដោយមានខែ្សបន្ទាត់ព្រំដែនប្រវែងជិត ៣៦៩ គីឡូម៉ែត្រ។ អំឡុងឆ្នាំកន្លងទៅ ខេត្តផ្តល់អាទិភាពលើប្រភពកម្លាំងវិនិយោគលើវិស័យអគ្គិសនី ផ្លូវថ្នល់ សាលារៀន ស្ថានីយសុខភាព។ បន្ទប់រៀនថ្មីៗ ជាច្រើនជួយកូនក្មួយបងប្អូនជនជាតិស្ងប់ចិត្តសិក្សារៀនសូត្រ។ ក្តីត្រេកអរដ៏ធំបំផុតរបស់កសិករគឺជាប្រព័ន្ធធារាសាស្ត្របញ្ជូនទឹកពីបឹង យៅតៀន ឆ្លងកាត់ទន្លេ វ៉ាម កដុង បានដោះ “សម្រេក” ឱ្យដែនដីហួតហែង ជួយមាមីងបងប្អូនម្ចាស់ការធ្វើវប្បកម្ម រដូវកាលកក់ក្តៅសម្បូរស្តុកស្តម្ភ។
មន្ទីរឧស្សាហកម្មនិងពាណិជ្ជកម្មខេត្ត តីនិញ ក៏កៀរគរការចូលរួមជាង ២,៥ ពាន់លានដុងដំឡើងភ្លើងបំភ្លឺថាមពលពន្លឺព្រះអាទិត្យចំនួន ១.១៣១ សម្រាប់និងឧបត្ថម្ភចំនួន ១០០ លានដុងដល់ឃុំព្រំដែននីមួយៗ។ ពន្លឺភ្លើងជួយមាមីងបងប្អូនធ្វើដំណើរទៅមកសុវត្ថិភាពនិងជួយកងកម្លាំងសមត្ថកិច្ចចុះល្បាត។
លោក យ៉ាញ់ សារឿន (ភូមិ ថាញ់ឡុង ឃុំ និញដៀន) អ្នកមានប្រជាប្រិយភាពក្នុងសហគមន៍ ខ្មែរ ចែករំលែកដោយសោមនស្សរីករាយថា៖ មាមីងបងប្អូនត្រេកអរយ៉ាងខ្លាំងដោយសារបានថ្នាក់ដឹកនាំយកចិត្តទុកដាក់។ ពន្លឺភ្លើងជួយការធ្វើដំណើរទៅមកនៅពេលយប់ងាយស្រួល សុវត្ថិភាព។ ប្រជាជននឹងថែរក្សាសំណង់ដើម្បីពង្រីកប្រសិទ្ធភាពយូរអង្វែងនិងសហការក្នុងការការពារសន្តិសុខតំបន់ព្រំដែនទៀតផង។
"ស្ពានមេត្រីភាព" រវាងអាជ្ញាធរជាមួយនឹងបងប្អូនជនជាតិ
បច្ចុប្បន្ន ទូទាំងខេត្ត តីនិញ មានចំនួន ១៧ ជនជាតិភាគតិចដោយមានមនុស្សចំនួន ៣៥.៥៨៩ នាក់ ស្មើនឹង ១,១២% នៃចំនួនប្រជាជន។ នៅតាមភូមិ ស្រុក អ្នកមានប្រជាប្រិយភាពគឺជា "ស្ពានមេត្រីភាព" នាំយកគោលនយោបាយទៅដល់ប្រជាជន។
នៅអនុសងា្កត់ ថាញ់ហៀប (សង្កាត់ ប៊ិញមិញ) មានចំនួន ៥៥ ក្រុមគ្រួសារជនជាតិ តាមូន លោកស្រី ឡឹម ធីនៀម សមាជិកគណៈកម្មាធិការនៃសមាគមនារីសង្កាត់ តែងតែនាំមុខគេក្នុងចលនាទាំងឡាយ។ លោកស្រីចលនាមាមីងបងប្អូនចុះឈ្មោះកំណត់អត្តសញ្ញាណអេឡិចត្រូនិច ថែរក្សាវប្បធម៌និងលើកកម្ពស់ប្រុងប្រយ័ត្ន ចំពោះជនអាក្រក់។ លោកស្រី នៀម ចែករំលែកថា ខ្លួនឯងផ្ទាល់និងគ្រួសារត្រូវតែធ្វើជាគំរូដើម្បីចលនាមាមីងបងប្អូនសាមគ្គី បង្ការប្រយុទ្ធប្រឆាំឧក្រិដ្ឋជននិងការពារសន្តិសុខមាតុភូមិ។
លើសពីនោះ ខេត្តយកចិត្តទុកដាក់អប់រំនិងការបណ្តុះបណ្តាលវិជ្ជាជីវៈយ៉ាងខ្លាំង។ ខេត្ត តីនិញ មានសិស្សសាលាជនជាតិភាគតិចចំនួន ៩១០ នាក់រៀនកម្រិតវិទ្យាល័យនិងចំនួន ២៣ ប្អូនកំពុងសិក្សានៅកម្រិតបរិញ្ញារង រៀនវិជ្ជាជីវៈ។ យុវជនយុវនារីទទួលបានការឧបត្ថម្ភផ្តើមអាជីពឆ្លងតាមរយៈដាំដុះ ចិញ្ចឹមសត្វ ផលិតទំនិញ OCOP ទេសចរណ៍សហគមន៍។
ដំណាក់កាល ២០២៦ - ២០៣០ ខេត្តគ្រោងនឹងកៀរគរប្រហែល ១៧.៤១១ ពាន់ពាន់លានដុងជួយបណ្តាឃុំតំបន់ជនជាតិភាគតិចកសាងតំបន់ជនបទថ្មីនិងកាត់បន្ថយភាពក្រីក្រប្រកបដោយនិរន្តរភាព។ ហេដ្ឋារចនាសម្ព័ន្ធផ្លូវថ្នល់ ទូរគមនាគមន៍ អ៊ីនធឺណិតត្រូវបានអភិវឌ្ឍឱ្យមានភាពស៊ីសង្វាក់គ្នា។ ចាប់ពីពេលនេះរហូតដល់ដំណាច់ឆ្នាំ ខេត្ត តីនិញ ខិតខំមានឃុំចំនួន ៦ សម្រេចស្តង់ដារជនបទថ្មីបន្ថែមទៀត កាត់បន្ថយចំនួនក្រុមគ្រួសារក្រីក្រយ៉ាងហោចណាស់ចំនួន ២០% លើកកម្ពស់ប្រាក់ចំណូលនិងថែទាំសុខភាពជូនប្រជាជន៕
អត្ថបទនិងរូបថត៖ យ៉ាងផឿង - អាហៀវ/កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ឋ
