យុវជនទីក្រុង ហូ ជីមិញ ឈានមុខធ្វើបរិវត្តកម្មឌីជីថលក្នុងសហគមន៍ - អត្ថបទបន្តចប់៖

រំដោះកម្លាំងយុវជនវ័យក្មេង កសាងប្រជាពលរដ្ឋឌីជីថលពីមូលដ្ឋាន

អានហៀវ

31/08/2026 10:08

ការដាក់ពង្រាយកងជួរស្ម័គ្រចិត្ត "រដូវក្តៅឌីជីថល" ទាំងឡាយនៅតាមឃុំ សង្កាត់ តំបន់ពិសេសចំនួន ១៦៨ របស់ទីក្រុង ហូ ជីមិញ មិនត្រឹមតែជួយប្រជាជនចូលប្រើបណ្តាសេវាសាធារណៈតាមប្រព័ន្ធអនឡាញងាយស្រួលប៉ុននោះទេ ថែមទាំងបញ្ជាក់ពីតួនាទីឈានមុខរបស់យុវជនក្នុងការកសាងប្រជាពលរដ្ឋឌីជីថលពីមូលដ្ឋានតែម្តងទៀងផង។

សមាជិកសម្ព័ន្ធយុវជន យុវជននៅសង្កាត់ ប៊ិញថាញ់ ជួយបក្ខជនវ័យចំណាស់ទាំងឡាយប្រើប្រាស់កម្មវិធី “សៀវភៅបង្កាន់ដៃបក្ខជនអេឡិចត្រូនិច” នៅលើទូរស័ព្ទដៃ។

ក៏ប៉ុនតែ ការអនុវត្តជាក់ស្តែងក៏បង្ហាញឱ្យឃើញពី “ចំណុចកកស្ទះ” មិនតិចឡើយអំពីហេដ្ឋារចនាសម្ព័ន្ធបច្ចេកទេស បំណិនឌីជីថលរបស់ប្រជាជននិងភាពឆបនៃវេទិកាបច្ចេកវិទ្យាទាំងឡាយ។ ប្រការនោះដាក់ចេញតម្រូវការបន្តលើកស្ទួយតួនាទីរបស់កងកម្លាំងយុវជន ស្របពេលនោះដែរធ្វើឱ្យសុក្រឹតបណ្តាដំណោះស្រាយដើម្បីធ្វើបរិវត្តកម្មឌីជីថលស៊ីជម្រៅ ជាក់ស្តែងនិងមាននិរន្តរភាពថែមទៀត។

សំណើពីបទពិសោធន៍ជាក់ស្តែងមូលដ្ឋាន
ឆ្លងតាមរយៈបទពិសោធន៍ជាក់ស្តែងក្នុងការជំនួយនៅតាមតំបន់ប្រជុំជននិងមជ្ឈមណ្ឌលសេវារដ្ឋបាលសាធារណៈ កងជួរ “រដូវក្តៅឌីជីថល” ទាំងឡាយកំណត់អត្តសញ្ញាណគ្រឿងរារាំងធំបំផុតបច្ចុប្បន្ននេះគឺគម្លាតបំណិនបច្ចេកវិទ្យា ជាពិសេសគឺចំពោះមនុស្សវ័យចំណាស់។

ការណែនាំប្រជាជនដំឡើងកម្មវិធី "ប្រជាពលរដ្ឋឌីជីថលទីក្រុង ហូ ជីមិញ" នៅសង្កាត់ ប៊ិញថាញ់។

បង លី ហ៊ឺវហ្វាងយ៉ាង អនុលេខាសម្ព័ន្ធយុវជនកុម្មុយនិស្ត ហូ ជីមិញ សង្កាត់ ប៊ិញថាញ់ ឱ្យដឹងថា មនុស្សវ័យចំណាស់ជួបការលំបាកលំបិនជាច្រើនពេលប្រតិបត្តិការលើទូរស័ព្ទឆ្លាតវៃនិងចងចាំគណនី។ ទន្ទឹមនឹងនោះ កម្មវិធីមួយចំនួនដូចជា “សៀវភៅបង្កាន់ដៃបក្ខជនអេឡិចត្រូនិច” នៅតែជួបបញ្ហាប្រព័ន្ធដំណើរការលើសកម្រិតឬស្ថិតក្នុងដំណាក់កាលថែទាំគុណភាពនៅពេលដែលមានអ្នកប្រើប្រាស់ច្រើន ប៉ះពាល់ដល់ការបំពេញសកម្មភាពសាខាបក្ខភាគនិងចាត់ចែងការងារ។ បង យ៉ាង លើកសំណើអង្គភាពគ្រប់គ្រងទាំងឡាយចាំបាច់លើកគុណភាពប្រព័ន្ធ សាមញ្ញកម្មដល់ការប្រើប្រាស់និងធានាដំណើរការបានយ៉ាងរលូន។

ដោយយល់ស្របនឹងទស្សនៈនេះដែរ បង ដាំង បាធិញ អនុលេខាសម្ព័ន្ធយុវជនកុម្មុយនិស្ត ហូ ជីមិញ សង្កាត់ ថុងតីហូយ សង្កត់ធ្ងន់ថា គោលដៅសំខាន់បំផុតមិនមែនស្ថិតនៅត្រឹមតែក្នុងការដំឡើងកម្មវិធីប៉ុននោះទេ ថែមទាំងជាការជួយប្រជាជនប្រើស្ទាត់និងបង្កើតទម្លាប់ប្រើសេវាឌីជីថលជារៀងរាល់ថ្ងៃទៀតផង។

ស្ថិតនៅជ្រុងមូលដ្ឋាន លោក ង្វៀន ឌិញង៉ឹន ប្រធានអនុសង្កាត់ ១០ សង្កាត់ ប៊ិញថាញ់ ចែករំលែកថា ទោះបីជាប្រជាជនឯកភាពខ្ពស់ចំពោះគោលការណ៍បរិវត្តកម្មឌីជីថលក៏ដោយ ការចូលប្រើកម្មវិធីពេលខ្លះដាច់រយៈបណ្តាលឱ្យមូលដ្ឋាននៅតែបន្តប្រើវិធានការក្រដាសស្នាមក្នុងពេលជាមួយគ្នាទៀតផង។ ព្រោះហេតុដូច្នោះហើយ ប្រព័ន្ធបច្ចេកវិទ្យាទាំងនេះត្រូវការបន្តបានធ្វើឱ្យសុក្រឹតបន្ថែមទៀតតាមទិសដៅស្និទ្ធស្នាលនិងងាយប្រតិបត្តិការថែមទៀត។

ដើម្បីប្រជាជនឃើញបានតួនាទីរបស់យុវជនវ័យក្មេង
បង ង៉ូ មិញហាយ លេខាសម្ព័ន្ធយុវជនទីក្រុង ហូ ជីមិញ ឱ្យដឹងថា ក្នុងយុទ្ធនាការយុវជនស្ម័គ្រចិត្តរដូវក្តៅ សម្ព័ន្ធយុវជនទីក្រុង ហូ ជីមិញ អនុវត្តគោលដៅស្នូលចំនួន ១៨។ ចំណុចលេចធ្លោគឺការបង្កើតបណ្តាកងជួរ "រដូវក្តៅឌីជីថល" ក្នុងគោលបំណងជំរុញបរិវត្តកម្មឌីជីថលផ្សារភ្ជាប់ជាមួយនឹងសសរស្តម្ភចំនួនបីរួមមាន៖ អាជ្ញាធរឌីជីថល សេដ្ឋកិច្ចឌីជីថល សង្គមឌីជីថលនិងលើកកម្ពស់លទ្ធភាពឌីជីថលជូនប្រជាជនឆ្លងតាមរយៈចលនា "ប្រជាសិក្សាឌីជីថល"។ កងកម្លាំងទាំងឡាយផ្តោតលើការជំនួយសេវាសាធារណៈតាមប្រព័ន្ធអនឡាញ ឌីជីថលភាវូបនីយកម្មទិន្នន័យ ឃោសនាសុវត្ថិភាពព័ត៌មាននិងប្រតិបត្តិការគំរូអាជ្ញាធរមូលដ្ឋានពីរថ្នាក់។ បង ហាយ បញ្ជាក់ថា សកម្មភាពស្ម័គ្រចិត្តត្រូវតែផ្តើមចេញពីតម្រូវការជាក់ស្តែងដើម្បីបង្កើតលទ្ធផលច្បាស់លាស់ នាំមកនូវប្រសិទ្ធភាពជាក់ស្តែង។

អ្នកស្ម័គ្រចិត្តទាំងឡាយរបស់កងជួរ "រដូវក្តៅឌីជីថល" នៅសង្កាត់ ថុងតីហូយ តែងតែប្រចាំការជួយប្រជាជនធ្វើបណ្តាបែបបទរដ្ឋបាលនៅលើបរិយាកាសឌីជីថលជានិច្ច។

វាយតម្លៃអំពីតួនាទីរបស់យុវជន លោក ដាំង មិញថុង អនុលេខាគណៈកម្មាធិការបក្សទីក្រុង ហូ ជីមិញ ស្នើឱ្យកងកម្លាំងយុវជនចូលរួមកាន់តែស៊ីជម្រៅទៅក្នុងភារកិច្ចបរិវត្តកម្មឌីជីថលថែមទៀត សាយភាយពុទ្ធិនិងស្មារតីលះបង់។ លោកស្នើឱ្យអង្គការសម្ព័ន្ធយុវជនគ្រប់លំដាប់ថ្នាក់បន្តផ្លាស់ប្តូរថ្មីវិធីសាស្ត្រប្រតិបត្តិការតាមទិសដៅស៊ីជម្រៅ ដោះស្រាយបណ្តាបញ្ហាជាក់ស្តែងក្នុងគោលបំណងនាំមកនូវតម្លៃប្រកបដោយនិរន្តរភាពជូនដល់សហគមន៍៕

អត្ថបទនិងរូបថត៖ អានហៀវ - កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ឋ

កាសែតព័ត៌មាននិងជនជាតិ