អនុរដ្ឋមន្ត្រីក្រសួងកសិកម្មនិងបរិស្ថាន ង្វៀន ហ្វាងហៀប ឱ្យដឹងថា ចាប់ពីដើមឆ្នាំ ២០២៦ រហូតមកដល់បច្ចុប្បន្ន ស្ថាប័នមានសមត្ថកិច្ចធ្វើឱ្យសុក្រឹតចំនួន ៥៤ ឯកសារណែនាំអនុវត្តកម្មវិធី បង្កើតមូលដ្ឋានគ្រឹះច្បាប់ដើម្បីក្រសួង ផ្នែកនិងមូលដ្ឋាននានាដំណើរការអនុវត្ត។ ស្របពេលជាមួយគ្នានេះដែរ សៀវភៅបង្កាន់ដៃណែនាំ កម្មវិធីក៏ត្រូវបានចេញផ្សាយហើយខេត្ត ក្រុងភាគច្រើនបានបង្កើតគណៈកម្មាធិការបង្គាប់ការថ្នាក់ខេត្ត។
ចំណុងថ្មីលេចធ្លោនៃកម្មវិធីគឺជំរុញការធ្វើវិមជ្ឈការឱ្យថ្នាក់ក្រោម ធ្វើវិមជ្ឈការសិទ្ធិអំណាច។ មជ្ឈិមគ្រប់គ្រងគោលដៅ គោលនយោបាយនិងត្រួតពិនិត្យឃ្លាំមើល។ មូលដ្ឋានម្ចាស់ការរៀបចំអនុវត្តតាមល័ក្ខការណ៍មូលដ្ឋានសម្រេច មូលដ្ឋានធ្វើ មូលដ្ឋានទទួលខុសត្រូវ។ ក្រមលក្ខណៈវិនិច្ឆ័យជនបទថ្មីត្រូវបានកែសម្រួលបង្រួមមកត្រឹម ១០ ក្រុមលក្ខណៈវិនិច្ឆ័យបង្រួមជាងដំណាក់កាលមុន (គឺ ១៩ ក្រុមលក្ខណៈវិនិច្ឆ័យ)។ ខ្សែបន្ទាត់នៃភាពក្រីក្រត្រូវបានកែសម្រួលសមស្របជាមួយកម្រិតជីវភាពរស់នៅជាក់ស្តែង។ ប្រភពទុនផ្តល់អាទិភាពឱ្យតំបន់ដែលមានការលំបាកលំបិន ជៀសវាងផ្គួបបញ្ចូលពង្រាយស្មើនិងមិនកៀរគរហួសកម្លាំងប្រជាជន។
ថវិការដ្ឋសរុបចាត់ចែងសម្រាប់ដំណាក់កាល ២០២៦ - ២០៣០ ប្រហែល ៤២៣ ពាន់ពាន់លានដុង។ ថវិកាមជ្ឈិមធានាប្រហែល ១០០ ពាន់ពាន់លានដុង ថវិកាមូលដ្ឋានប្រហែល ៣០០ ពាន់ពាន់លានដុង ចំណែកដែលនៅសល់នឹងត្រូវបានកៀរគរពីឥណទានគោលនយោបាយ។ ទុនអាទិភាពនឹងត្រូវបានផ្តល់ទៅឱ្យឃុំដែលមានស្ថានភាពលំបាកខ្លាំង ឃុំតំបន់សុវត្ថិភាព តំបន់ព្រំដែន កោះសមុទ្រនិងតំបន់បងប្អូនជនជាតិជនជាតិភាគតិចនិងតំបន់ភ្នំ។
គោលដៅដល់ឆ្នាំ ២០៣០ ទូទាំងប្រទេសមាន ៦៥% នៃចំនួនឃុំសម្រេចបានស្តង់ដារជនបទថ្មី ១០% នៃឃុំសម្រេចបានជនបទថ្មីទំនើបនិងខេត្ត ក្រុងចំនួន ៥ សម្រេចភារកិច្ចនេះ។ អត្រាក្រុមគ្រួសារក្រីក្រពហុវិមាត្រទូទាំងប្រទេសថយចុះពី ១ ដល់ ១,៥% ក្នុងមួយឆ្នាំ ដោយឡែកតំបន់ជនជាតិភាគតិចនិងតំបន់ភ្នំធ្លាក់ចុះក្រោម ១០%។
នៅទីក្រុង ដុងណាយ ទោះបីជាជួបការទើសទាក់ដោយសារចំនួនប្រជាជនជាជនជាតិភាគតិចស្មើនឹង ៩,៤% រៀបចំគម្រោងការបុកស៊ីត ដីរុក្ខកម្មត្រួតស៊ីគ្នា ហេដ្ឋារចនាសម្ព័ន្ធជនបទមិនទាន់ស៊ីសង្វាក់គ្នា មូលដ្ឋាននៅតែលើកគោលដៅដល់ឆ្នាំ ២០៣០ មានឃុំ ១០០% សម្រេចបានស្តង់ដារជនបទថ្មី យ៉ាងហោចបំផុតចំនួន ១០ ឃុំសម្រេចបានស្តង់ដារទំនើប។ ទីក្រុងខិតខំលែងនៅមានក្រុមគ្រួសារក្រីក្រប្រភេទ A ស្ទើរតែទាំងស្រុងនិងលែងនៅមានឃុំ ភូមិដែលលំបាកលំបិនខ្លាំង។
អនុប្រធានគណៈកម្មាធិការប្រជាជនទីក្រុង ដុងណាយ ង្វៀន ធីហ្វាង ឱ្យដឹងថា កម្មវិធីគឺជាកម្លាំងចលករអភិវឌ្ឍសេដ្ឋកិច្ចជនបទ លើកកម្ពស់ជីវភាពប្រជាជន ធានាសុខុមាលភាពសង្គមនិងជំនួយគោលដៅកំណើនសេដ្ឋកិច្ចពីរខ្ទង់លេខ។ ដំណាក់កាល ២០២៦ - ២០៣០ ទីក្រុងនឹងចេញយន្តការពិសេសដោយឡែកស្តីពីការចងសម្ព័ន្ធផលិតកម្ម OCOP ឥណទាននិងផលិតកម្មប្រកបដោយសុវត្ថិភាព។
នៅ និញប៊ិញ ខេត្តបានបង្កើតគណៈកម្មាធិការបង្គាប់ការថ្នាក់ខេត្តនិងថ្នាក់ឃុំ។ មូលដ្ឋានខិតខំដល់ឆ្នាំ ២០៣០ ប្រាក់ចំណូលប្រជាជនជនបទលើស ២,៥ ដល់ ៣ ដងបើប្រៀបធៀបទៅនឹងឆ្នាំ ២០២០ អត្រាក្រុមគ្រួសារក្រីក្រក្រោម ១,០% មានពី ៧០% ចំនួនឃុំសម្រេចបានស្តង់ដារជនបទថ្មីនិងអភិវឌ្ឍ ២០០ ផលិតផល OCOP ពីលំដាប់ផ្កាយ ៣ ឡើងទៅបន្ថែមទៀត។
នៅខេត្ត តីនិញ ប្រធានគណៈកម្មាធិការប្រជាជនខេត្ត លោក លេ វ៉ាន់ហាន់ ឱ្យដឹងថា ខេត្តបានបញ្ចប់ការកំណត់ភូមិសាស្ត្រទទួលផល ជំរុញបរិវត្តកម្មឌីជីថល បណ្តុះបណ្តាលវិជ្ជាជីវៈនិងឧបត្ថម្ភមធ្យោបាយចិញ្ចឹមជីវិតយ៉ាងខ្លាំងក្លា។ ទោះបីជាជួបការលំបាកដោយសារតែយន្តការណែនាំរបស់មជ្ឈិមមិនទាន់ចេញគ្រប់គ្រាន់ ខេត្ត តីនិញ នៅតែខិតខំធ្វើឱ្យឃុំចំនួន ៦ សម្រេចបានស្តង់ដារជនបទថ្មី កាត់បន្ថយចំនួន ២០% ក្រុមគ្រួសារក្រីក្រមានសមត្ថភាពពលកម្ម បង្កើនអត្រាប្រើប្រាស់ទឹកស្អាតនៅតំបន់ជនបទឡើងពី ៧៦% ឡើងទៅនិងអត្រាធានារ៉ាប់រងសុខភាពសម្រេចបានជាង ៩០%៕
អត្ថបទ៖ ហាំងត្រឹន - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
