ត្រូវបានដំណើរការជាមួយនឹងស្មារតី "គ្រប់យ៉ាងដើម្បីអនាគតកូនក្មួយបណ្តាជនជាតិភាគតិច" "យុទ្ធនាការពេញបន្ទុក ១០០ ថ្ងៃនិងយប់" មិនត្រឹមតែជាការកសាងហេដ្ឋារចនាសម្ព័ន្ធប៉ុននោះទេ ថែមទាំងជានិមិត្តរូបនៃចិត្តមេត្តា ការប្តេជ្ញាចិត្តនយោបាយពេញទំហឹងរបស់បក្សនិងរដ្ឋ ក្នុងគោលបំណងបង្រួញខ្លីគម្លាតអប់រំរវាងតំបន់ភ្នំ និងតំបន់ទំនាប។
ដើម្បីសម្រេចរួចរាល់បរិមាណការងារដ៏ធំសម្បើម បរិយាកាសពលកម្មយ៉ាងរួសរាន់បានសាយភាយពាសពេញបណ្តាការដ្ឋានពី ឡាយចូវ កាវបាំង ហាទិញ ដល់ ដាក់ឡាក់ ឡឹមដុង។ កម្មាភិបាល យុទ្ធជនការពារព្រំដែន នគរបាល វិស្វករ កម្មករ និងប្រជាជននៅមូលដ្ឋានរាប់ពាន់នាក់បានបើកប្រតិបត្តិការព្រមៗ គ្នា។
នៅការដ្ឋានសាលាចំណេះទូទៅអន្តេវាសិកជនជាតិ អន្តរកម្រិតបឋមសិក្សា និងមធ្យមសិក្សាបឋមភូមិនៅបណ្តាឃុំ បួនដូន អៀឡូប និង អៀរ្វេ (ខេត្ត ដាក់ឡាក់) កម្មករចំនួន ៣០០ នាក់ត្រូវបានកៀរគរ ធ្វើការ ៣ វេនជាបន្តបន្ទាប់។ នគរបាលខេត្ត ឡាយចូវ ក៏បានកៀរគរកម្មាភិបាល យុទ្ធជនចំនួន ២០០ នាក់ ជួយពន្លឿនវឌ្ឍនភាពសាងសង់គម្រោងវិទ្យាល័យអន្តេវាសិកចំនួន ៤ នៅឃុំ ប៉ាតឹន ហួប៊ុម ប៊ុមនឿ និង យ៉ាវសាន។
នៅកណ្តាលកម្តៅថ្ងៃខ្លាំងនៃភូមិភាគកណ្តាល កម្មាភិបាល យុទ្ធជនប្រហែល ៣០០ នាក់ចំណុះបញ្ជាការដ្ឋានយោធា ខេត្ត ក្វាងទ្រី បានមានវត្តមានដោយព្រមៗ គ្នានៅសាខាសាលាចំនួន ៣ ស្ថិតនៅតាមឃុំ ធឿងត្រាច់ ហឿងភុង និង យ៉ឹនហ្វា ជាដើម។ រហូតមកដល់បច្ចុប្បន្ននេះ បានមានសាលារៀនចំនួន ២១ ក្នុងចំណោម ១០០ សាលាកំពុងបញ្ចប់ ការសាងសង់ ចំនួន ៥១ ក្នុងចំណោម ១០០ សាលាសាងសង់រួចរាល់ផ្នែករចនាសម័្ពន្ធខាងក្រោមស្ទើរតែទាំងស្រុង ចំនួន ២២ ក្នុងចំណោម ១០០ សាលាកំពុងប្រមូលផ្តុំសាងសង់ជាន់ទី ៣ ផ្នែករចនាសម័្ពន្ធខាងលើជាដើម។
ដោយមានស្មារតីសាមគ្គី ឆន្ទៈមោះមុត និងការសម្របសម្រួលមានរបៀបរបប ផ្នែកការងារតាំងពីបន្ទប់រៀន បន្ទប់អន្តេវាសិកដ្ឋាន ទីធ្លាសាលារៀនរហូតដល់តំបន់បន្ទប់អនាម័យកំពុងសង់ឱ្យហើយរួចរាល់ជាបន្តិចម្តងៗ។ សំណង់សាងសង់ទាំងឡាយនឹងសម្រេចរួចរាល់ត្រូវតាមពេលវេលាកំណត់ ដើម្បីឱ្យសិស្សសាលាបានបើកបវេសនកាលឆ្នាំសិក្សាថ្មីក្នុងសាលារៀនធំទូលាយស្អាតបាត គ្រប់គ្រាន់ល័ក្ខខ័ណ្ឌសិក្សារៀនសូត្រ និងប្រជុំជីវភាព៕
អត្ថបទ៖ ឡេវ៉ឹន
រូបថត៖ ទីភ្នាក់ងារព័ត៌មានវៀតណាម
បញ្ចូលទិន្នន័យ៖ ចន្ថា
