យោងតាមការវាយតម្លៃរបស់គណៈកម្មាធិការប្រជាជនខេត្ត យ៉ាឡាយ ក្រោយពីរៀបចំអង្គភាពរដ្ឋបាលឡើងវិញ បណ្តាញសុខាភិបាលមូលដ្ឋានត្រូវបានរៀបចំឡើងវិញដោយមានស្ថានីយ៍សុខាភិបាលចំនួន ១៣៥ និងចំណុចសុខាភិបាលចំនួន ៣៦៩។ ក៏ប៉ុន្តែ ស្ថានីយ៍ជាច្រើនកំពុងគ្រប់គ្រងភូមិសាស្រ្តដ៏ធំទូលាយជាងមុន បម្រើចំនួនប្រជាជនកាន់តែច្រើនថែមទៀត ខណៈពេលមូលដ្ឋានគ្រឿងសម្ភារៈបរិក្ខារពេទ្យតាមមិនទាន់តម្រូវការជាក់ស្តែងនៅឡើយទេ។ បច្ចុប្បន្ននេះ ទូទាំងខេត្តមានចំនួន ១០៩ ក្នុងចំណោម ១៣៥ ស្ថានីយ៍សុខាភិបាលមិនទាន់ឆ្លើយតបគ្រប់គ្រាន់ចំនួនបន្ទប់មុខងារតាមការកំណត់នៅឡើយដែរ ចំនួន ១១៦ ស្ថានីយ៍ត្រូវបានវាយតម្លៃថាគ្រឿងសម្ភារៈបរិក្ខារពេទ្យមិនទាន់ឆ្លើយតបបានតម្រូវការ។ ចំនួន ១២០ ស្ថានីយ៍មិនទាន់បានបំពាក់ឧបករណ៍ធ្វើតេស្តនិងចំនួន ១៣៣ ស្ថានីយ៍មិនទាន់មានឧបករណ៍ស្កែនរូបភាពរោគវិនិច្ឆ័យ។ មូលដ្ឋានជាច្រើននៅខ្វះហេដ្ឋារចនាសម្ព័ន្ធបច្ចេកវិទ្យាព័ត៌មាន ឧបករណ៍រក្សាទុកថ្នាំពេទ្យនិងបរិក្ខារពេទ្យដ៏ចាំបាច់ផងដែរ។
គួរកត់សម្គាល់ថា ការលំបាកលំបិនទាំងនេះភាគច្រើនប្រមូលផ្តុំនៅតាមឃុំតំបន់ភ្នំ តំបន់ជ្រៅ តំបន់ឆ្ងាយនិងតំបន់បងប្អូនជនជាតិភាគតិច កន្លែងមានល័ក្ខខ័ណ្ឌសេដ្ឋកិច្ច - សង្គមនៅមានកម្រិត សមត្ថភាពធ្វើតុល្យការថវិកាមូលដ្ឋានទាប ខណៈពេលតម្រូវការវិនិយោគលើហេដ្ឋារចនាសម្ព័ន្ធ គ្រឿងសម្ភារៈបរិក្ខារពេទ្យកាន់តែកើនឡើងពីមួយថ្ងៃទៅមួយថ្ងៃ។ របាយការណ៍របស់គណៈកម្មាធិការប្រជាជនខេត្តក៏បង្ហាញឱ្យឃើញផងដែរថា សំណង់ស្ថានីយ៍សុខភាពជាច្រើនបានរងការទ្រុឌទ្រោម ត្រូវបានវិនិយោគឆ្លងតាមរយៈជាច្រើនដំណាក់កាលបានជាខ្វះឯកភាពគ្នា ការកែលម្អ សាងសង់ថ្មីនៅជួបការលំបាកលំបិនអំពីប្រភពទុននិងគម្រោងការក្រោយពីរៀបចំអង្គភាពរដ្ឋបាលឡើងវិញ។
អនុប្រធានគណៈកម្មាធិការប្រជាជនខេត្ត យ៉ាឡាយ ង្វៀន ថាញ់លិច ឱ្យដឹងថា ខេត្តកំពុងផ្តោតលើកាប្រភពកម្លាំងអាទិភាពឱ្យស្ថានីយ៍សុខាភិបាលតំបន់ជ្រៅ តំបន់ឆ្ងាយ តំបន់លំបាកលំបិន ចំពោះស្ថានីយ៍សុខាភិបាលនៅតាមឃុំ សង្កាត់មានល័ក្ខខ័ណ្ឌអំណោយផលជាងនឹងកាត់បន្ថយកម្រិតវិនិយោគដើម្បីផ្តោតប្រភពកម្លាំងសម្រាប់បណ្តាភូមិសាស្ត្រនៅខ្វះខាតជាច្រើន ធានាការប្រើប្រាស់ថវិកាប្រកបដោយប្រសិទ្ធភាពលើកកម្ពស់លទ្ធភាពទទួលបានសេវាថែទាំសុខភាពរបស់ប្រជាជន។
ដើម្បីអនុវត្តការកំណត់ទិសដៅនេះឲ្យទៅជាភាពជាក់សែ្ដង មន្ទីរសុខាភិបាលបានលើកជូនគណៈកម្មាធិការប្រជាជនខេត្តពិចារណាបញ្ជីរាយនាមវិនិយោគសាធារណៈរយៈពេលមធ្យមដំណាក់កាលឆ្នាំ ២០២៦ - ២០៣០ បន្ថែម ដោយមានគម្រោងចំនួន ៤៦ រួមមាន ២៣ គម្រោងសាងសង់ កែលម្អហេដ្ឋារចនាសម្ព័ន្ធសុខាភិបាលនិងចំនួន ២៣ គម្រោងទិញគ្រឿងបរិក្ខារពេទ្យ។ គម្រោងអាទិភាពកែលម្អមន្ទីរពេទ្យ មជ្ឈមណ្ឌលសុខាភិបាល ស្ថានីយ៍សុខាភិបាលឃុំ បំពាក់ឧបករណ៍ធ្វើតេស្ត ស្កែនរូបភាពរោគវិនិច្ឆ័យ ប្រពោធនកម្មសង្គ្រោះបន្ទាន់ បច្ចេកវិទ្យាព័ត៌មាននិងល័ក្ខខ័ណ្ឌប្រតិបត្តិការចាំបាច់ទាំងឡាយ ជាពិសេសគឺភូមិសាស្ត្រតំបន់ភ្នំ តំបន់ជ្រៅ តំបន់ឆ្ងាយនិងតំបន់ព្រំដែន។
យោងតាមការកំណត់ទិសដៅបស់ខេត្ត ព្រមជាមួយនឹងការវិនិយោគលើវិស័យសុខាភិបាលមូលដ្ឋាន ខេត្ត យ៉ាឡាយ នឹងបង្កើតមន្ទីរពេទ្យនិងមជ្ឈមណ្ឌលសុខាភិបាលខ្សែរយៈតំបន់មានជំនាញវិជ្ជាជីវៈខ្ពស់ពីមួយជំហានទៅមួយជំហាន ដើរតួនាទីជាស្នូលក្នុងការឧបត្ថម្ភដល់ខ្សែរយៈសុខាភិបាលឃុំក្នុងការពិនិត្យ ព្យាបាលជំងឺ សង្គ្រោះបន្ទាន់និងការបញ្ជូនអ្នកជំងឺទៅព្យាបាលបន្ត។ ការផ្តល់អាទិភាពប្រភពកម្លាំងដល់សុខាភិបាលមូលដ្ឋានត្រូវបានរំពឹងថានឹងរួមចំណែកលើកកម្ពស់គុណភាពថែទាំសុខភាពបឋម កាត់បន្ថយគម្លាតក្នុងការទទួលបានសេវាសុខាភិបាលរវាងតំបន់ផ្សេងៗ និងឆ្លើយតបទៅនឹងតម្រូវការអភិវឌ្ឍនៃផ្តែកសុខាភិបាលខេត្ត យ៉ាឡាយ ក្នុងដំណាក់កាលថ្មី៕
អត្ថបទ៖ ក្វាងថៃ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
