ទីក្រុង ហូ ជីមិញ -ទីក្រុងទំនើបនិងសម្បូរទៅដោយអត្តសញ្ញាណជនជាតិ

ធូហឿង - អានហៀវ

05/05/2025 09:21

មុខមាត់ទីក្រុង ហូ ជីមិញ ក្រោយរយៈពេល ៥០ ឆ្នាំផ្លាស់ប្តូរជាមួយប្រទេសជាតិ

ក្រោយរយៈពេល ៥០ ឆ្នាំប្រទេសជាតិបង្រួបបង្រួម (ថ្ងៃទី ៣០ ខែ មេសា ឆ្នាំ ១៩៧៥ - ថ្ងៃទី ៣០ ខែ មេសា ឆ្នាំ ២០២៥) បងប្អូនជនជាតិភាគតិចនៅទីក្រុង ហូ ជីមិញ បានមានការបោះជំហានទៅមុខដ៏សំខាន់ក្នុងដំណើរការសម្របខ្លួននិងអភិវឌ្ឍសេដ្ឋកិច្ច។ ដោយសារការយកចិត្តទុកដាក់របស់បក្ស រដ្ឋ ជីវភាពបងប្អូនជនជាតិបច្ចុប្បន្ននេះត្រូវបានកែលម្អច្បាស់ក្រឡែត រួមចំណែកកសាងទីក្រុងទំនើប ស៊ីវិល័យមួយនិងសម្បូរដោយអត្តសញ្ញាណជនជាតិ។ល។

ការសម្របខ្លួននិងអភិវឌ្ឍសេដ្ឋកិច្ច

ទីក្រុង ហូ ជីមិញ បច្ចុប្បន្នមានជនជាតិភាគតិចចំនួន ៥៣ ដោយមាន ប្រជាជនជាង ៤៦៨.០០០ នាក់ ស្មើនឹង ៥,២% នៃចំនួនប្រជាជនទីក្រុង ភាគច្រើនជាបងប្អូនជនជាតិ ចិន ខ្មែរ និង ចាម។ រយៈពេល ៥០ ឆ្នាំកន្លងទៅ ជាពិសេសចាប់តាំងពីក្រោយ ដូយមើយ (ឆ្នាំ ១៩៨៦) អនុវត្តគោលការណ៍ គោលនយោបាយរបស់បក្សនិងរដ្ឋ ទីក្រុង ហូ ជីមិញ បានដំណើរការជាច្រើន កម្មវិធី គោលនយោបាយពិសេសដាច់ដោយឡែក សមស្របនឹងល័ក្ខខ័ណ្ឌ រកស៊ីចិញ្ចឹមជីវិតរបស់បងប្អូនជនជាតិ ឆ្លងតាមរយៈនោះជួយបងប្អូនជនជាតិ ងាយស្រួលសម្របខ្លួន ភ្ជាប់ខ្លួននិងអភិវឌ្ឍស្មើជាមួយប្រជាជនទីក្រុង។

"ឆ្នាំ ២០២៥ ទីក្រុង ហូ ជីមិញ ដាក់គោលដៅកំណើន GRDP (ផលិតផលសរុបលើភូមិសាស្ត្រ) ជាង ១០% ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ៨.៥០០ ដុល្លារអាមេរិក ថែរក្សារឹងមាំតួនាទី "ក្បាលម៉ាស៊ីន" សេដ្ឋកិច្ច កម្លាំងចលករកំណើនរបស់ប្រទេសទាំងមូលខិតខំ ប្រឹងប្រែងដល់ឆ្នាំ ២០៣០ ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ១៣.០០០ ដល់ ១៤.០០០ ដុល្លារ អាមេរិក។ ចក្ខុវិស័យដល់ឆ្នាំ ២០៤៥ ទីក្រុង ហូ ជីមិញ នឹងក្លាយជា មជ្ឈមណ្ឌលអំពីសេដ្ឋកិច្ច ហិរញ្ញវត្ថុនៃទ្វីបអាស៊ី ដោយមានប្រាក់ចំណូលជាមធ្យមក្នុងមនុស្សម្នាក់ សម្រេចបានចំនួន ៣៧.០០០ ដុល្លារ អាមេរិក ក្លាយជាគោលដៅដ៏ទាក់ទាញទូទាំងសកលលោក"
*- លោក ង្វៀន វ៉ាន់ឌឿក ប្រធានគណៈកម្មាធិការប្រជាជនទីក្រុង ហូ ជីមិញ។*

លោកបណ្ឌិត ភូ វ៉ាន់ហាន់ ជនជាតិ ចាម វិទ្យាធិការរង នៃវិទ្យាស្ថានវិទ្យាសាស្រ្ត សង្គមតំបន់ ណាមបូ (ភូមិភាគខាងត្បូង) ផ្តល់ប្រសាសន៍ថា ចំណុចភ្លឺមួយ ក្នុងដំណើរការសម្របខ្លួនគឺជាការគិតគូរ អប់រំអោយក្មេងៗ ជនជាតិជំនាន់ ក្រោយ។ ពីឆ្នាំ ២០០០ រហូតមកទល់ពេលនេះ ទីក្រុង ហូ ជីមិញ បានដាក់ ដំណើរការគោលនយោបាយឥតបង់ថ្លៃសិក្សាពីថ្នាក់ទី ១ ដល់ថ្នាក់ទី ១២ ឧបត្ថម្ភរៀនវិជ្ជាជីវៈនិងកម្រិតភូមិសិក្សាមធ្យមសិក្សា បរិញ្ញារង សាកលវិទ្យាល័យ និងក្រោយឧត្តមសិក្សាសម្រាប់សិស្សសាលាជនជាតិភាគតិច បង្កើតឥទិ្ធពល វិជ្ជមានក្នុងសហគមន៍ ជួយកសាងធនធានមនុស្សជា ជនជាតិភាគតិចប្រកប ដោយគុណភាពខ្ពស់មួយ មានចំណេះដឹង រួមចំណែកលើកកម្ពស់ គុណភាព ជីវភាពរស់នៅនិងជំហររបស់បងប្អូនជនជាតិភាគតិច។

បច្ចុប្បន្ននេះ ទីក្រុង ហូ ជីមិញ មានម្ចាស់អាជីវកម្មជា ជនជាតិភាគតិច កំពុងវិនិយោគទុនផលិតកម្ម ធ្វើអាជីវកម្មជាង ២៩.០០០ នាក់។ លោក លី ង៉ុកមិញ ជនជាតិ ចិន ប្រធានក្រុមប្រឹក្សាភិបាលក្រុមហ៊ុន សេរ៉ាមិច មិញឡុង ១ ចែករំលែកថា ទីក្រុង ហូ ជីមិញ តែងតែបង្កើត លក្ខខណ្ឌងាយស្រួលដើម្បី បងប្អូនជនជាតិភាគតិចអភិវឌ្ឍសេដ្ឋកិច្ច។ បណ្តាអាជីវកម្មជនជាតិ ចិន នៅ ទីក្រុង ហូ ជីមិញ បានអនុវត្តល្អនូវគោលនយោបាយ លើកទឹកចិត្តអភិវឌ្ឍ សេដ្ឋកិច្ចរបស់បក្សនិងរដ្ឋ ចាប់យកឱកាសសមាហរណកម្មយ៉ាង ឆាប់រហ័ស កៀរគរប្រភពទុន ហើយបើកទូលាយទីផ្សារ។ រយៈពេលកន្លង ទៅសម្ពន្ធ ក្រុមហ៊ុន ក្រុមហ៊ុន សហគ្រាសឯកជនរបស់ជនជាតិ ចិន ទទួល ពានរង្វាន់ ថ្នាក់ជាតិនិងទីក្រុងជាបន្តបន្ទាប់។

ភ្ញៀវទេសចរអញ្ជើញមកកាន់ទីក្រុង ហូ ជីមិញ អាចគន់មើលទីក្រុងតាមដងទន្លេ ឆ្លងកាត់នាមដ្ឋានល្បីៗ ឈ្មោះជាច្រើនដូចជា កំពង់ផែ ញ៉ារ៉ុង កំពង់ផែ បេនង៉ែ ស្ពាន ភូមី ជ្រោយ ដែន ដ (ភ្លើងក្រហម) ជាដើម

ពិធីបុណ្យអាវផាយក្លាយជាស្នាមគំនូសដ៏ត្រចះត្រចង់ក្នុងដំណើរលើកតម្កើងសម្រស់អាវផាយ រួមចំណែកផ្សព្វផ្សាយរូបភាពទីក្រុង ហូ ជីមិញ

ភ្ញៀវទេសចរស្វែងយល់ជីវភាពរស់នៅរបស់កងទ័ពនិងប្រជាជនយើងសម័យកាលសង្រ្គាមតស៊ូប្រឆាំងនឹង សហរដ្ឋ អាមេរិក សង្គ្រោះប្រទេសជាតិនៅមណ្ឌលកេរដំណែលផ្លូវរូងក្រោមដី គូជី

ពិធីបុណ្យប្រណាំងទូក ង របស់សហគមន៍ជនជាតិ ខ្មែរ នៅទីក្រុង ហូ ជីមិញ ក្រោមប្រធានបទ "ប្រទេសជាតិសប្បាយអរពេញលេញ"

ភាពសម្បូរបែបវប្បធម៌នៅកណ្តាលទីក្រុង

ជាទីក្រុងទំនើប ស៊ីវិល័យ ធំបំផុតនៅទូទាំងប្រទេស ទីក្រុង ហូ ជីមិញ គឺជា កន្លែងប្រមូលផ្តុំបណ្តាសហគមន៍ជនជាតិផ្សេងៗ គ្នាមកពីតំបន់ជាច្រើន។ ការវេញត្របាញ់ចូលគ្នារវាងបណ្តាជនជាតិបាន បង្កើតជាបរិយាកាសវប្បធម៌ បរិបូណ៌ ចម្រុះពណ៌។

យោងតាមព្រះឧបជ្ឈាយ៍ យ៉ាញ់ លុង ជនជាតិ ខ្មែរ សមាជិកលេខា ក្រុមប្រឹក្សាសង្ឃាភិបាលសមាគមព្រះពុទ្ធសាសនា វៀតណាម - សមាជិក គណៈកម្មាធិការមជ្ឈិមរណសិរ្សមាតុភូមិ វៀតណាម - ព្រះចៅអធិការវត្ត ចន្ទរង្សី (ខណ្ឌ ៣) ទីក្រុង ហូ ជីមិញ បានមានគោលនយោបាយជាច្រើនជួយ បងប្អូនជនជាតិភាគតិចថែរក្សាអត្តសញ្ញាណជនជាតិដូចជា៖ បង្កើតលក្ខខណ្ឌ ថែរក្សា អភិវឌ្ឍបណ្តាពិធីកិច្ចសាសនា បណ្តាកម្មវិធីសម្តែងវប្បធម៌ - សិល្បៈ ជនជាតិ ឧទេ្ទសនាមនិងផ្សព្វផ្សាយបន្តបណ្តាមុខអាហារប្រពៃណី។ល។

ចំពោះសហគមន៍ជនជាតិ ខ្មែរ សក្ខីកម្មមួយក្នុងចំណោម សក្ខីកម្មច្បាស់ក្រឡែត ទាំងឡាយគឺការដែលទីក្រុង ហូ ជីមិញ បានរក្សាការ រៀបចំពិធីបុណ្យប្រណាំង ទូក ង - វិញ្ញាសាកីឡាប្រពៃណីមួយពោរពេញទៅដោយ អត្តសញ្ញាណជនជាតិ ខ្មែរ នាំមកនូវក្តីសប្បាយ មោទកភាពសម្រាប់ជនជាតិ ខ្មែរ ជួយជនជាតិ ខ្មែរ យល់ បានទំនួលខុសត្រូវរបស់ខ្លួនក្នុងការថែរក្សា ពង្រីកអត្តសញ្ញាណវប្បធម៌ ខ្មែរ។

សហគមន៍ជនជាតិ ចិន នៅទីក្រុង ហូ ជីមិញ ថែរក្សាបានអត្តសញ្ញាណ វប្បធម៌ដោយឡែកឆ្លងតាមរយៈពិធីបុណ្យប្រពៃណីដូចជា៖ បុណ្យហែអ្នកតា បុណ្យសែនព្រះខែ រួមជាមួយនឹងការអភិរក្សសំណង់ ស្ថាបត្យកម្មបុរាណៗ ទាំងឡាយដូចជា៖ វត្ត ព្រះម៉ែ ធៀនហូវ អគារសមាគមនិកាយ ចិន ងៀអាន។

ខ្សែរថភ្លើងអគ្គិសនី Metro លេខ ១ (បេនថាញ់ -សួយទៀន) ជាខ្សែចរាចរណ៍សាធារណៈ ទំនើបមួយក្នុងចំណោមខ្សែចរាចរណ៍សាធារណៈដ៏ទំនើបៗ នៃទីក្រុង ហូ ជីមិញ

នាយករដ្ឋមន្រ្តីនៃរដ្ឋាភិបាលទទួលស្គាល់ជាកេរដំណែលជាតិពិសេសប្រគល់ជូនផ្ទះមេត្តាធម៌អោយលោកស្រី ង្វៀន ធូយុងលីអាន ជនជាតិ ចាម នៅសង្កាត់ តឹនធើយហៀប ខណ្ឌ ១២ (ទីក្រុង ហូ ជីមិញ)

បងប្អូនជនជាតិ ចាម អញ្ជើញទស្សនាបរិយាកាសវប្បធម៌ទីក្រុង ហូ ជីមិញ នៅភូមិ បេន ដ ២ ឃុំ តឹនភូទ្រុង ស្រុក គូជី

បងប្អូនជនជាតិ ខ្មែរ នាំគ្នាមកវត្ត ចន្ទរង្សី នៅខណ្ឌ ៣ ដើម្បីចូលរួមនូវបណ្តាសកម្មភាពវប្បធម៌ប្រពៃណី ប្រារព្ធពិធីបុណ្យចូលឆ្នាំថ្មីជាមួយគ្នា

សហគមន៍ជនជាតិ ចាម បានបង្កភាពងាយស្រួល ដើម្បីប្រជុំជីវភាព វប្បធម៌ជំនឿនៅព្រះវិហារ រៀបចំពិធីបុណ្យ កាតេ រំលឹកនឹកដល់បុព្វបុរស និងស្តេច ចាម ទាំងឡាយ សម្តែងចង្វាក់របាំ ឧបករណ៍ភ្លេងប្រពៃណីដូចជា៖ ស្គរ ហ្គីណាំង ស្រឡៃ សារ៉ាណាយ ជាដើម រួមចំណែកលើក កម្ពស់អត្តសញ្ញាណ វប្បធម៌របស់ទីក្រុង។

ក្រោយរយៈពេល ៥០ ឆ្នាំបង្រួបបង្រួមប្រទេសជាតិ អាចមើលឃើញ ថាភាពសម្បូរបែបអំពីវប្បធម៌បណ្តាជនជាតិបានធ្វើឱ្យបរិបូណ៌ជីវភាព ស្មារតីប្រជាជនទីក្រុង ហូ ជីមិញ។ ការថែរក្សានិងពង្រីក តម្លៃវប្បធម៌ជនជាតិ ភាគតិចនៅទីក្រុងដែលប្រសិទ្ធនាមលោក អ៊ំ ហូ បានរួមចំណែកយ៉ាងសកម្ម កសាងធ្លុងមហាសាមគ្គីប្រជាជាតិទាំងមូល អភិវឌ្ឍខឿនវប្បធម៌ វៀតណាម ជឿនលឿនពោរពេញទៅដោយអត្តសញ្ញាណជនជាតិ៕

អត្ថបទ៖ ធូហឿង រូបថត៖ អានហៀវ
ប្រែសម្រួលដោយ៖ សឺន ហេង