* លើកកម្ពស់មនសិការប្រជាជនល្អ
ដងផ្លូវដីក្រហមហុយទ្រលោមនៅរដូវប្រាំង និងផ្លូវភក់ជោកជាំក្នុងរដូវវស្សានៅភូមិ ភូប៊ិញ (ឃុំ ភូរៀង) ឥឡូវនេះត្រូវបានជំនួសដោយផ្លូវកៅស៊ូធំទូលាយហើយ។ ក៏ប៉ុន្តែ ផ្លូវផ្តល់លក្ខណៈងាយស្រួលបង្កបញ្ហាប្រឈមថ្មីចំពោះសុវត្ថិភាពចរាចរណ៍។ ការបើកបរលើសល្បឿនកំណត់ ការបើកបរមិនប្រុងប្រយ័ត្នជាដើម តែងតែបង្កហានិភ័យអសុវត្ថិភាពចរាចរណ៍។ ក្រោយការរួមបញ្ចូលខេត្តក្រុង នគរបាលឃុំ ភូរៀង បានសហការឃោសនាដើម្បីលើកកម្ពស់ស្មារតីជូនប្រជាជន។ អាស្រ័យហេតុនេះ ស្ថានភាពយុវជនបើកល្បឿនលឿន មិនប្រុងប្រយ័ត្ន មិនពាក់មួកសុវត្ថិភាពជាដើមបានថយចុះ។
បង សាលីម ប្រធានក្រុមសន្តិសុខភូមិ ភូប៊ិញ បានឲ្យដឹងថា ចាប់តាំងពីបង្កើតក្រុមសន្តិសុខភូមិមក ស្ថានភាពអសន្តិសុខសណ្តាប់ធ្នាប់នៅក្នុងភូមិសាស្រ្តបានថយចុះ។ ជាពិសេស យុវជនចាប់អារម្មណ៍លើការអភិវឌ្ឍសេដ្ឋកិច្ច និងស្មារតីធានាសន្តិសុខ សណ្តាប់ធ្នាប់ក្នុងមូលដ្ឋាន។
បង ដៀវទី អ្នកភូមិម្នាក់បានចែករំលែកថា ចាប់តាំងពីមានផ្លូវក្រាលកៅស៊ូស្អាតបាតនោះ យុវជនជាច្រើនបានបើកបររទេះល្បឿនលឿន គ្រោះថ្នាក់ខ្លាំងណាស់។ ដោយបានកងកម្លាំងនគរបាលក្រើនរំលឹក ចលនារឿយៗ ស្ថានភាពនេះបានថយចុះ។ សាមីខ្លួនក៏ដូចជាប្រជាជនក្នុងភូមិបានយល់ដឹងកាន់តែខ្លាំងអំពីការធានាសុវត្ថិភាពចរាចរណ៍ និងរក្សាសន្តិសុខសណ្តាប់ធ្នាប់ក្នុងភូមិ។
លោក ដៀវជិញ ប្រធានភូមិ ភូប៊ិញ មានប្រសាសន៍ថា៖ “ភាគច្រើនប្រជាជននៅក្នុងភូមិជាបងប្អូនជនជាតិភាគតិច ប្រកបរបរធ្វើស្រែចំការ ឬធ្វើការស៊ីឈ្នួលជាចម្បង។ ដោយសារការយល់ដឹងនៅមានកម្រិត យើងខ្ញុំតែងតែផ្សព្វផ្សាយយ៉ាងសកម្ម ដើម្បីឲ្យប្រជាជនយល់ និងគោរពច្បាប់។ ជាពិសេស យើងខ្ញុំតែងតែដាស់តឿនរំលឹកយុវជនឲ្យគោរពច្បាប់ចរាចរណ៍ផ្លូវគោកឲ្យបានម៉ឺងម៉ាត់ និងសណ្តាប់ធ្នាប់សង្គម”។
កងកម្លាំងនគរបាលតែងតែអមរួមដំណើរក្នុងការការពារសន្តិសុខក្នុងភូមិ។ នគរបាលឃុំចូលរួមចំណែកមិនតិចទេក្នុងការស្តារសន្តិសុខសណ្តាប់ធ្នាប់ភូមិឡើងវិញ។ លោក ដៀវជិញ ប្រាប់ថា ប្រជាជនស្ម័គ្រចិត្តគោរពច្បាប់ដើម្បីការពារសាមីខ្លួន និងសហគមន៍។
* រួមដៃគ្នាការពារភាពសុខសាន្តភូមិ
នៅភូមិ ភូធន់ (ឃុំ ភូរៀង) ដែលមានប្រជាជនជាង ៩០% ជាបងប្អូនជនជាតិភាគតិច ជីវភាពរស់នៅរបស់ប្រជាជនមានភាពប្រសើរឡើងយ៉ាងច្បាស់ក្រឡែត និងរក្សាស្តិសុខសណ្តាប់ធ្នាប់បានលំនឹង។
លោក ដៀវឡូម ព្រឹទ្ធាចារ្យភូមិត្រូវបានមនុស្សម្នាជាច្រើនបានស្គាល់ថាជាជំនួយការពីចម្ងាយរបស់រដ្ឋាភិបាលមូលដ្ឋានដើម្បីផ្សព្វផ្សាយរាល់គោលនយោបាយជូនមាមីងបងប្អូន។ យោងតាមព្រឹទ្ធាចារ្យភូមិបានឲ្យដឹងថា ដោយសារអាជ្ញាធរមូលដ្ឋានក៏ដូចជានគរបាលឃុំចុះផ្សព្វផ្សាយជាប្រចាំទើបយុវជនក្នុងភូមិបានចេញទៅធ្វើការជាកម្មករយ៉ាងសកម្ម ហើយសេដ្ឋកិច្ចក៏កាន់តែមានស្ថិរភាព។ ព្រឹទ្ធាចារ្យភូមិមិនត្រឹមតែជាសាក្សីប៉ុននោះទេថែមទាំងជាអ្នកត្រួសត្រាយផ្លូវក្នុងការចលនាមាមីងបងប្អូនរក្សាសន្តិសុខ សណ្តាប់ធ្នាប់ អភិវឌ្ឍសេដ្ឋកិច្ចតំបន់ជនជាតិភាគតិចនៅទីនេះ។ លើសពីនេះ ព្រឹទ្ធាចារ្យភូមិ ដៀវឡូម ក៏ជាអ្នកនាំមុខគេក្នុងកិច្ចការ “រក្សាភ្លើង” និងផ្សព្វផ្សាយដល់ប្រជាជនរក្សានូវអត្តសញ្ញាណវប្បធម៌ជាតិ។ អាស្រ័យហេតុនោះ ប្រជាជននៅទីនេះបន្តលើកតម្កើង ថែរក្សារបរតម្បាញសំពត់សង្កិមនិងត្បាញរវៃប្រពៃណី។
ភូមិ ភូធ្វឹន មានក្រុមគ្រួសារប្រជាជនប្រហែល ៣០% គោរពសាសនា។ ដោយសារការឃោសនាជាទៀងទាត់ និងសកម្មរបស់បូជាចារ្យ ដៀវលើប បានបង្កើត "ស្ពានមេត្រី" សំខាន់ដើម្បីឲ្យប្រជាជនចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ និងការរស់នៅល្អប្រសើរបវរសាសនា។ តាមរយៈប្រជុំជីវភាព លោកតែងតែក្រើនរំលឹកប្រជាជនឲ្យគោរពច្បាប់ និងអភិវឌ្ឍសេដ្ឋកិច្ចសង្គម។ ស្មារតីរបស់ប្រជាជនអំពីការថែរក្សាសន្តិសុខ សណ្តាប់ធ្នាប់ត្រូវបានកែលម្អប្រសើរឡើង។ ប្រជាជនតែងតែមានការប្រុងប្រយ័ត្នចំពោះឧក្រិដ្ឋកម្មជាច្រើនប្រភេទ។ សាមីលោកផ្ទាល់តែងតែឃោសនា និងដាស់តឿនប្រជាជនកុំឲ្យប្រព្រឹត្តល្មើសច្បាប់ ធ្វើអាជីវកម្មយ៉ាងវិជ្ជមាន កសាងភូមិមានសុវត្ថិភាព និងស្រស់បំព្រង។
ក្រោយការរួមបញ្ចូលខេត្តក្រុង នគរបាលឃុំ ភូរៀង យកចិត្តទុកដាក់ជាពិសេសក្នុងការធានាសន្តិសុខ សណ្តាប់ធ្នាប់សង្គមនៅភូមិសាស្រ្ត ជាពិសេសគឺនៅតំបន់ជនជាតិភាគតិច និងតំបន់សាសនាតែម្តង។
វរសេនីយ៍ទោ ត្រឹន ស្វឹនសាង អនុប្រធានប៉ុស្តិ៍នគរបាលឃុំ ភូរៀង បានឲ្យដឹងថា អង្គភាពយកចិត្តទុកដាក់លើការធានាសន្តិសុខ សណ្តាប់ធ្នាប់ និងសុវត្ថិភាពក្នុងឃុំក៏ដូចជាតាមតំបន់ជនជាតិភាគតិច និងតំបន់ដែលមានបងប្អូនជនជាតិជាច្រើនកាន់សាសនា។ នគរបាលឃុំសហការជាមួយនឹងអាជ្ញាធរមូលដ្ឋានដើម្បីពង្រឹងការឃោសនា ចលនាប្រជាជន និងបងប្អូនជនជាតិកាន់សាសនាឲ្យគោរពតាមមាគ៌ា គោលការណ៍របស់បក្ស គោលនយោបាយ និងច្បាប់របស់រដ្ឋ។ តាមរយៈនោះ កងកម្លាំងក្តាប់បានចិត្តគំនិត និងសេចក្តីប្រាថ្នារបស់មាមីងបងប្អូនដើម្បីធ្វើសេនាធិការដល់គណៈកម្មាធិការបក្ស អាជ្ញាធរមូលដ្ឋានឲ្យមានវគោលការណ៍ គោលនយោបាយសមស្រប។
គណៈកម្មាធិការបក្ស និងអាជ្ញាធរមូលដ្ឋានតែងតែកំណត់ការឃោសនាជាការសំខាន់។ នគរបាលឃុំ ភូរៀង សហការជាមួយនឹងគណៈកម្មាធិការបក្សភូមិដើម្បីដឹកនាំ បញ្ជាណែនាំការកសាង និងអភិវឌ្ឍន៍ចលនា “ប្រជាជនទាំងមូលការពារសន្តិសុខជាតិ” នៅមូលដ្ឋាន តាមរយៈនោះរក្សាសន្តិសុខសណ្តាប់ធ្នាប់ភូមិសាស្រ្ត។
តាមវរសេនីយ៍ទោ ត្រឹន ស្វឹនសាង អង្គភាពតែងតែផ្លាស់ប្តូរ ធ្វើបច្ចុប្បន្នភាពព័ត៌មានតាមរយៈប្រធានភូមិ ព្រឹទ្ធាចារ្យភូមិ អ្នកមានកិត្យានុភាព អ្នកមុខអ្នកការសាសនា... តាមរយៈការប្រជុំជីវភាពក្នុងភូមិ ពួកគាត់នឹងតំណាងអង្គភាពចុះផ្សព្វផ្សាយដោយផ្ទាល់ និងក្រើនរំលឹកប្រជាជនកុំឱ្យប្រព្រឹត្តិល្មើសច្បាប់ រក្សាសន្តិសុខសណ្តាប់ធ្នាប់ អភិវឌ្ឍសេដ្ឋកិច្ចសង្គមក្នុងមូលដ្ឋាន។
ព្រឹទ្ធាចារ្យភូមិ អ្នកមានកិត្យានុភាព អ្នកមុខអ្នកការសាសនាជាស្ពានមេត្រីដែលចូលរួមចំណែកក្នុងការជំរុញប្រសិទ្ធភាពគោលនយោបាយនវានុវត្តន៍ អភិវឌ្ឍសេដ្ឋកិច្ចនិងសង្គមនៅមូលដ្ឋាន៕
ផលិត៖ កហ្កឿយហ៍
ប្រែសម្រួល និង បញ្ចូលទិន្នន័យ៖ អៀងថាន់
