លោក យ៉ាញ់មេន គ្រូបង្រៀននៅសាលាមធ្យមសិក្សាបំពេញវិជ្ជា បាលី ណាមបូ មានប្រសាសន៍ថា សាលារៀនបានបំពាក់ប្រព័ន្ធអេក្រង់ LED តភ្ជាប់ផ្ទាល់ក្នុងថ្នាក់រៀនដើម្បី សម្រួលក្នុងការងាររៀនសូត្រប្រកបដោយប្រសិទ្ធភាព។ ឯកសារត្រូវបានដាក់បញ្ចាំងពីឧបករណ៍របស់គ្រូបង្រៀនទៅលើអេក្រង់ជួយសិក្ខាកាម និងសមណសិស្សងាយស្រួលតាមដានខ្លឹមសារ ផ្ទៀងផ្ទាត់ព័ត៌មាន និងកត់ចំណាំមេរៀនឆាប់រហ័ស។
វិធីសាស្រ្តនេះមិនត្រឹមតែលើកកម្ពស់លទ្ធភាពអន្តរកម្មប៉ុណ្ណោះទេ ថែមទាំងជួយដល់សិក្ខាកាម និងសមណសិស្សក្រេបជញ្ជក់ចំណេះដឹងផ្ទាល់ភ្នែក ហើយរស់រវើកផងដែរ។
ដើម្បីលើកកម្ពស់ប្រសិទ្ធភាពការងារបរិវត្តកម្មឌីជីថល សាលារៀនបានផ្តោតសំខាន់ការវិនិយោគលើឧបករណ៍បច្ចេកវិទ្យាបម្រើសកម្មភាពបង្រៀន និងរៀន រួមទាំងប្រព័ន្ធតភ្ជាប់អ៊ីនធឺណិត ឧបករណ៍បញ្ជូន wifi និងឧបករណ៍បញ្ចាំងរូបភាពទំនើប។
បច្ចុប្បន្ននេះ ទូទាំងសាលារៀនមានការិយាល័យមួយ (ការិយាល័យអង្គភាព - រដ្ឋបាល - កិច្ចការសិក្សា) ពីរផ្នែក (ផ្នែកធម្មជាតិវិទ្យា និងសង្គមវិទ្យា - ខ្មែរ - បាលី) និង ៧ ថ្នាក់រៀនសុទ្ធតែត្រូវបានភ្ជាប់អ៊ីនធឺណិតទាំងអស់ រួមចំណែកជំនួយដល់ការធ្វើបច្ចុប្បន្នភាពព័ត៌មាន លើកកម្ពស់គុណភាពបង្រៀន និងគ្រប់គ្រងឱ្យទាន់ពេលវេលា ហើយមានប្រសិទ្ធភាព។
ការងារធ្វើបរិវត្តវិធីសាស្រ្តបង្រៀន ពិនិត្យ និងវាយតម្លៃការរៀនសូត្របន្តបានជំរុញយ៉ាងខ្លាំងក្លាតាមទិសដៅអភិវឌ្ឍន៍គុណភាព និងសមត្ថភាពរបស់សិក្ខាកាម។ សាលារៀនក៏ផ្តោតសំខាន់ផ្តួចផ្តើមផែនការបំប៉នសិក្ខាកាមនិងសមណសិស្សពូកែ ស្របពេលនោះរៀបចំការបង្រៀនអមសិស្សខ្សោយក្នុងគោលបំណងលើកកម្ពស់គុណភាពអប់រំទាំងស្រុង។
ក្រៅពីនេះ សាលាបានអនុវត្តបច្ចេកវិទ្យាព័ត៌មានយ៉ាងសកម្ម លើកកម្ពស់ប្រសិទ្ធភាពនៃបណ្តាញសង្គម ដោយបង្កើតក្រុម Zalo សម្រាប់សមណសិស្សនិងសិក្ខាកាមជាមួយគ្រូ និងអ្នកដឹកនាំសាលា ដើម្បីផ្តល់ព័ត៌មានភ្លាមៗ និងអនុវត្តផែនការអប់រំប្រកបដោយភាពបត់បែន។
ជាមួយនឹងការធ្វើឱ្យប្រសើរឡើងនូវសមត្ថភាពនៃការអនុវត្តបច្ចេកវិទ្យាព័ត៌មានក្នុងការបង្រៀន ការគ្រប់គ្រង និងការវាយតម្លៃ កម្មវិធីបណ្តុះបណ្តាលសម្រាប់ថ្នាក់គ្រប់គ្រង និងគ្រូបង្រៀនស្នូលត្រូវបានអនុវត្តក្រោមប្រធានបទ "គ្រូបង្រៀនអភិវឌ្ឍរួមគ្នា" ភ្ជាប់ជាមួយការតម្រង់ទិស "ទម្លាយការអភិវឌ្ឍវិទ្យាសាស្ត្រ និងបច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ"។ ផ្តោតលើខ្លឹមសារប្រធានបទនៃការណែនាំអំពីអាជីព និងការអប់រំក្នុងមូលដ្ឋាន ការប្រើប្រាស់បញ្ញាសិប្បនិម្មិត (AI) ក្នុងការបង្រៀន និងការវាយតម្លៃ ការប្រើប្រាស់កម្មវិធីគ្រប់គ្រងសាលារៀន ការដាក់កំណត់ត្រាសិស្សឌីជីថល... ដើម្បីរួមចំណែកលើកកម្ពស់ប្រសិទ្ធភាពនៃបរិវត្តឌីជីថលក្នុងវិស័យអប់រំ កសាងក្រុមគ្រូបង្រៀនអាចសម្របខ្លួនទៅនឹងតម្រូវការនៃការច្នៃប្រឌិត និងអភិវឌ្ឍន៍ប្រកបដោយចីរភាព។
ទន្ទឹមនឹងនោះ សាលារៀនក៏បានសហការជាមួយស្ថានីយ៍វិទ្យុ និងទូរទស្សន៍ សុកត្រាំង (ចាស់) ដើម្បីផ្សាយតាមកញ្ចក់ទូរទស្សន៍ ពង្រីកបណ្តាញផ្តល់ចំណេះដឹងជូនសិស្សានុសិស្ស។
ព្រះតេជគុណ ថាច់ ដូ សមណសិស្សឆ្នាំទី១ នៃសាលាមធ្យមសិក្សាបំពេញវិជ្ជា បាលី ណាមបូ សង្ឃដីកា៖ “សាស្ត្រាចារ្យទាំងឡាយតែងតែណែនាំសមណសិស្សឱ្យធ្វើបច្ចុប្បន្នភាពកម្មវិធីកម្មវិធីឌីជីថល ទាញយកព័ត៌មាន និងប្រើប្រាស់កម្មវិធីឆ្លាតវៃប្រកបដោយប្រសិទ្ធភាព។ ក្រៅពីនេះ សមណសិស្សក៏បានត្រៀមអោយខ្លួននូវជំនាញបច្ចេកទេសជាមូលដ្ឋាន ដូចជាការឆែករកមើលសទ្ទានុក្រម បាលី - ខ្មែរ ដើម្បីបម្រើការសិក្សាឱ្យកាន់តែប្រសើរឡើង”។
មិនត្រឹមតែជួយកាត់បន្ថយពេលវេលា និងថវិកាប៉ុណ្ណោះទេ គំរូសិក្សាឌីជីថលក៏បើកចេញបរិកាសបត់បែន ជំនួយដល់សិក្ខាកាមអនុវត្តដើម្បីកៀកចូលជិតឃ្លាំងឯកសារដ៏ធំ ងាយស្រួលស្វែងរកព័ត៌មាន និងទាញយកចំណេះដឹងស៊ីជម្រៅ។ ប្រសិនបើកាលពីអតីតកាល សិក្ខាកាម សមណសិស្សអនុវត្តភាគច្រើនសិក្សាតាមរយៈសៀវភៅ ឥឡូវនេះអាចចូលប្រើឯកសារសិក្សាបានគ្រប់ពេលវេលា គ្រប់ទីកន្លែង សមស្របសម្រាប់តម្រូវការសិក្សាផ្ទាល់ខ្លួន។
ឌីជីថលភាវូបនីយកម្មកំពុងផ្លាស់ប្តូរយ៉ាងខ្លាំងនូវវិធីនៃការរៀនសូត្រ នាំមកនូវអត្ថប្រយោជន៍ជាក់ស្តែងជាច្រើនដល់សិស្ស និងគ្រូបង្រៀន។ ជំនួសឱ្យការកំណត់ដោយពេលវេលា លំហ ឬវិធីសាស្រ្តប្រពៃណី សិក្ខាកាមសព្វថ្ងៃនេះអាចទទួលបានចំណេះដឹងយ៉ាងងាយស្រួលនៅលើឧបករណ៍ដូចជាកុំព្យូទ័រ កុំព្យូទ័រយួរដៃ ថេប្លេត ឬស្មាតហ្វូន។
“ការអនុវត្តផែនការឆ្នាំសិក្សា ២០២៤-២០២៥ នៃវិស័យអប់រំ ក្រោមប្រធានបទ “ក្បួនច្បាប់ទំនួលខុសត្រូវ នវានុវត្តន៍ច្នៃបង្កើត លើកកម្ពស់គុណភាពអប់រំ និងបណ្តុះបណ្តាល” សាលារៀនបានផ្តោតលើការលើកកម្ពស់ការអនុវត្តបច្ចេកវិទ្យាព័ត៌មានក្នុងការបង្រៀន និងរៀន។
ការអនុវត្តឌីជីថលបានរួមចំណែកធ្វើឱ្យប្រសើរឡើងនូវប្រសិទ្ធភាពនៃការបណ្តុះបណ្តាល បង្កើតលក្ខខណ្ឌអំណោយផលសម្រាប់សិស្សានុសិស្ស និងគ្រូបង្រៀនក្នុងការទទួលបានចំណេះដឹងគ្រប់ពេលវេលា គ្រប់ទីកន្លែង។ អាស្រ័យហេតុនេះ រួមចំណែកលើកកម្ពស់ការអភិវឌ្ឍវិស័យអប់រំឱ្យស៊ីជម្រៅ និងចីរភាព ស្របតាមតម្រូវការនៃការបង្កើតថ្មីក្នុងសម័យកាលបច្ចុប្បន្ន" លោក ថាច់ រិទ្ធ នាយករងសាលាមធ្យមសិក្សាបំពេញវិជ្ជា បាលី ណាមបូ បានអោយដឹង។
យោងតាមលោក ថាច់ រិទ្ធ ដើម្បីបង្កើនប្រសិទ្ធភាពនៃបរិវត្តន៍ឌីជីថលក្នុងវិស័យអប់រំ សាលារៀនបានអនុវត្តកម្មវិធីបណ្តុះបណ្តាលដើម្បីបង្កើនជំនាញក្នុងការប្រើប្រាស់ឧបករណ៍បច្ចេកវិទ្យា និងកម្មវិធីដើម្បីជំនួយដល់ថ្នាក់គ្រប់គ្រង គ្រូបង្រៀន និងបុគ្គលិក។ រហូតមកដល់បច្ចុប្បន្ន គ្រូបង្រៀន ១០០% អាចប្រើប្រាស់បច្ចេកវិទ្យាព័ត៌មានបានយ៉ាងស្ទាត់ជំនាញ បំពេញតាមតម្រូវការនៃការបង្រៀនក្នុងបរិស្ថានឌីជីថល។
កម្មវិធីបរិវត្តឌីជីថលបាននិងកំពុងបង្កើតផ្លាស់ប្តូរជាវិជ្ជមានក្នុងការងារបង្រៀននៅសាលាមធ្យមសិក្សាបំពេញវិជ្ជា បាលី ណាមបូ។ មិនត្រឹមតែការផ្លាស់ប្តូរវិធីសាស្រ្តបង្រៀន និងរៀនប៉ុណ្ណោះទេ ការធ្វើបរិវត្តឌីជីថលក៏បើកទិសដៅអភិវឌ្ឍន៍ប្រកបដោយចីរភាពសម្រាប់ការអប់រំផ្សារភ្ជាប់នឹងវប្បធម៌ជនជាតិក្នុងយុគសម័យឌីជីថល៕
ផលិតដោយ៖ សឺន ហេង
