ជំនួយបន្ថែមកម្លាំងជំរុញឆ្លងកាត់លំបាកវេទនា
ស្ថិតនៅតែលតោលលើកំពូលកូនភ្នំខ្ពស់ កណ្តាលឃុំព្រំដែន ឡាវចាយ (ខេត្ត ត្វៀនក្វាង) សាលាចំណេះទូទៅជនជាតិបង្រៀននិងរៀនពេញមួយថ្ងៃបឋមសិក្សានិងអនុវិទ្យាល័យ ស៊ីនចាយ គឺជាចំណុចសាលាមួយក្នុងចំណោមចំណុចសាលាចំនួន ២៤៨ ត្រូវបានមជ្ឈិមផ្តល់អាទិភាពវិនិយោគតាម គោលការណ៍ធំអំពីអភិវឌ្ឍអប់រំតំបន់លំបាក។ នៅលើភូមិសាស្ត្រភ្នំក្រមថ្ម ឧបសគ្គគ្រោះថ្នាក់ ជីវភាពខ្វះខាតគ្រប់បែបសព្វយ៉ាង គោលការណ៍នេះ ប្រៀបដូចជាចរន្ត កម្លាំងរស់ថ្មីមួយ ជំនួយបន្ថែមកម្លាំងជំរុញដើម្បីគ្រូនិងសិស្សឆ្លងកាត់ការលំបាក ច្បាមសាលារៀន រក្សាថ្នាក់រៀន។
"ក្រសួង ផ្នែកត្រូវតែអនុវត្តជាបន្ទាន់ ក្នុងនោះអនុវត្តឲ្យបានយ៉ាងឆាប់រហ័ស មោះមុតដើម្បីបញ្ចប់ការសាងសង់សាលារៀនចំនួន ១០០ ខ្នងនៅតាមឃុំព្រំដែនមុនថ្ងៃទី ៣០ ខែ សីហា ឆ្នាំ ២០២៦"។ លោកនាយករដ្ឋមន្ត្រីនៃរដ្ឋាភិបាល ផាម មិញជិញ។
បច្ចុប្បន្នសាលាចំណេះទូទៅជនជាតិបង្រៀននិងរៀនពេញមួយថ្ងៃបឋមសិក្សានិងអនុវិទ្យាល័យ ស៊ីនចាយ មានកម្មាភិបាលគ្រូបង្រៀនបុគ្គលិកចំនួន ២៩ នាក់។ ឆ្នាំសិក្សា ២០២៤ - ២០២៥ សាលាមាន ១០ ថ្នាក់សិក្សាដោយមានសិស្សចំនួន ២៣៦ នាក់ភាគច្រើនជាជនជាតិ យ៉ាវ។ សិស្សសាលាជិត ៥០% ស្ថិតក្នុងក្របខ័ណ្ឌ ក្រុមគ្រួសារក្រីក្រ ជិតខ្សែបន្ទាត់នៃភាពក្រីក្រ។ ទោះជាយ៉ាងនេះក៏ដោយ អត្រាឧស្សាហ៍ព្យាយាមនៅតែសម្រេចបានចំនួន ៩៧,៣%។ តួលេខ នេះបង្ហាញឱ្យឃើញស្មារតីឆ្លងកាត់ការលំបាកយ៉ាងខ្លាំងក្លារបស់គ្រូផងក៏ដូចជាសិស្សសាលា នៅតំបន់ព្រំដែនទៀតផង។
លោកគ្រូ លី ង៉ុកហ៊ុង នាយកសាលាបានឱ្យដឹងថា៖ "យើងខ្ញុំកំពុងខ្វះបន្ទប់នៅសម្រាប់សិស្សសាលាបង្រៀន និងរៀនពេញមួយថ្ងៃ មានបន្ទប់ត្រូវនៅចូលគ្នាពី ៣០ ដល់ ៤០ ប្អូន។ អគារបរិភោគអាហារទ្រុឌទ្រោមមិនមានទីធ្លាលេងកំសាន្ត។ ទោះជាដូច្នេះឆ្នាំនេះសាលានៅតែខិតខំប្រឹងប្រែងកែលម្អ សម្អាតបរិវេណសាលា រៀបចំឲ្យបាន ល្អសម្រាប់ឆ្នាំសិក្សាថ្មី"។
ស្រដៀងគ្នានេះដែរ គឺឃុំព្រំដែន អៀដាល និង អៀទើយ (ខេត្ត ក្វាងង៉ាយ) មានសាលារៀនសរុប ចំនួន ៧ ខ្នងដោយមានសិស្សជាង ៣.៤០០ នាក់ក្នុងនោះចំនួន ៦០% ជាសិស្សជនជាតិភាគតិច។ ដោយមានការយកចិត្តទុកដាក់របស់បក្ស រដ្ឋ សាលារៀនទាំងឡាយនៅទីនេះត្រូវបានសាងសង់ធំទូលាយ ស្អាតបាតគួរសម។ កងជួរគ្រូបង្រៀនត្រូវបានលើកកម្ពស់ទាំងអំពីបរិមាណនិងគុណភាព។
អាជ្ញាធរមូលដ្ឋានក៏បានជួសជុល សាងសង់បង្គន់អនាម័យ ប្រព័ន្ធទឹកស្អាត មូលដ្ឋានសម្ភារៈសម្រាប់សិស្សសាលាបង្រៀននិងរៀនពេញមួយថ្ងៃឱ្យ ហើយរួចរាល់។ អាស្រ័យហេតុនេះ អត្រាកុមារជនជាតិភាគតិចអាយុពី ៣ ទៅ ៥ ឆ្នាំទៅសាលារៀនដើម្បីត្រៀមខ្លួនចូលរៀនថ្នាក់ទី ១ សម្រេចបានចំនួន ១០០% សិស្សសាលាជនជាតិភាគតិចកម្រិតបឋមសិក្សា បញ្ចប់កម្មវិធីអប់រំរួចរាល់សម្រេចបានជាង ៩៧% សិស្សសាលា ជនជាតិភាគតិចកម្រិតអនុវិទ្យាល័យ មានលទ្ធផលសិក្សាពីមធ្យមឡើងទៅសម្រេចបានជិត ៩៧%។ល។
គោលការណ៍ត្រឹមត្រូវ លក្ខណៈមនុស្សសាស្រ្ត
ឆ្លងតាមរយៈពិនិត្យពិច័យឡើងវិញ ទូទាំងប្រទេសមាន ២២ ខេត្ត ទីក្រុង ដោយមានឃុំព្រំដែនដីគោកសរុបចំនួន ២៤៨។ នៅតាមឃុំព្រំដែនដីគោក មានសាលាចំណេះទូទៅចំនួន ៩៥៦ ដោយមានទ្រង់ទ្រាយជាង ៦២៥.០០០ សិស្ស ចំនួនសិស្សសរុបមានតម្រូវការអន្តេវាសិករៀននិងបង្រៀនពេញមួយថ្ងៃ គឺជាង ៣៣២.០០០ នាក់។ មូលដ្ឋានសម្ភារៈត្រូវការវិនិយោគបន្ថែមដើម្បី ធានាលក្ខខណ្ឌសិក្សារៀនសូត្រ ប្រជុំជីវភាពជូនសិស្សសាលាគឺជាង ៦.០០០ បន្ទប់រៀនទ្រឹស្តី ជិត ៨.០០០ បន្ទប់អន្តេវាសិកដ្ឋាន ជិត ៤.០០០ ផ្ទះបាយ អគារ បរិភោគអាហារ បន្ទប់គ្រប់គ្រងសិស្ស បន្ទប់ប្រជុំជីវភាពរួម អគារវប្បធម៌ បន្ទប់កិច្ចការសាធារណៈសម្រាប់គ្រូបង្រៀនជាង ៣.៤០០ បន្ទប់។ល។
ប្រឈមមុខនឹងការពិតនោះ ការិយាល័យនយោបាយ បានមានសេចក្តីប្រកាសលេខ 81-TB/TW ចុះថ្ងៃទី ១៨ ខែ កក្កដា ឆ្នាំ ២០២៥ សេចក្តីសន្និដ្ឋានស្តីពី គោលការណ៍វិនិយោគសាងសង់សាលាចំណេះទូទៅអន្តេវាសិកបឋមសិក្សានិង អនុវិទ្យាល័យអន្តរកម្រិតនៅឃុំព្រំដែនដីគោកចំនួន ២៤៨ ក្នុងនោះក្នុងឆ្នាំ ២០២៥ សាកល្បងអនុវត្តគំរូវិនិយោគសាងសង់ថ្មីឬ កែលម្អសាលារៀនចំនួន ១០០ ខ្នង តែម្តង នាយករដ្ឋមន្ត្រីនៃរដ្ឋាភិបាលបានបង្គាប់ការបណ្តាក្រសួង៖ អប់រំនិងបណ្តុះបណ្តាល ស្ថាបនកម្ម ហិរញ្ញវត្ថុ ជនជាតិនិងសាសនា កសិកម្មនិងបរិស្ថានសហការជាមួយខេត្ត ទីក្រុងចំណុះមជ្ឈិមអនុវត្តសេចក្តីសន្និដ្ឋាន របស់ការិយាល័យនយោបាយ។
មូលដ្ឋានទាំងឡាយត្រូវពិនិត្យពិច័យឡើងវិញ រៀបចំគម្រោងការស្វែងរកទីតាំងធានាអំពីផ្ទៃក្រឡា បណ្តាហេដ្ឋារចនាសម្ព័ន្ធអគ្គិសនី ទឹក ទូរគមនាគមន៍ដើម្បី សាងសង់សាលារៀន អំពាវនាវប្រជាជនបរិច្ចាគដីដើម្បីសាងសង់សាលារៀន។ ក្រសួងសំណង់រចនាគំរូសាលារៀនដោយមានមុខងារគ្រប់គ្រាន់សមស្របជាមួយនឹង តម្រូវការរបស់មុខសញ្ញាសិស្សសាលានិងជាមួយវប្បធម៌ សណ្ឋានដី ធាតុអាកាស អាកាសធាតុនៃតំបន់ភូមិភាគនីមួយៗ។
នាយករដ្ឋមន្ត្រីស្នើឱ្យកៀរគរប្រភពកម្លាំង សង្គមជាអតិបរមា ក្នុងនោះប្រភពធនធានរដ្ឋជាចម្បង ស្របពេលនោះកៀរគរ កងកម្លាំងកងទ័ពនគរបាល រណសិរ្សមាតុភូមិនិងអង្គការនយោបាយសង្គម សង្គមទាំងមូលរួមដៃគ្នាបង្កើតកម្លាំងចម្រុះ បង្កើតចលនាប្រកួតប្រជែងកសាងសាលារៀននៅតាមឃុំព្រំដែន។
នាពេលថ្មីៗ នេះ ចូលរួមពិធីបើកការដ្ឋានសាងសង់សាលាបឋមសិក្សានិង អនុវិទ្យាល័យអន្តរកម្រិតឃុំ ស៊ីប៉ាភីន (ខេត្ត ដៀនបៀន) - សំណង់ដំបូងត្រូវបាន អនុវត្តតាមគោលការណ៍របស់ការិយាល័យនយោបាយ លោកអគ្គលេខាបក្ស តូឡឹម បញ្ជាក់ច្បាស់ថា ការវិនិយោគសាងសង់ចំនួន ២៤៨ សាលាអន្តេវាសិកអន្តរ កម្រិតគឺជាគោលការណ៍ដ៏ត្រឹមត្រូវមានអត្ថន័យលក្ខណៈមនុស្សសាស្រ្តដ៏ជ្រាលជ្រៅ បង្ហាញពីការយកចិត្តទុកដាក់ពិសេសរបស់បក្ស រដ្ឋចំពោះបងប្អូនជនជាតិតំបន់ ព្រំដែន តំបន់ជ្រៅ តំបន់ឆ្ងាយដាច់ស្រយាល នៅមានការលំបាកលំបិនច្រើន។
កសាងសាលារៀនបន្ទប់រៀនមិនត្រឹមតែដើម្បីក្មួយៗ មានលក្ខខណ្ឌសិក្សា កាន់តែល្អប្រសើរប៉ុននោះទេ ថែមទាំងឆ្ពោះទៅរកគោលដៅលើកកម្ពស់គុណភាពជីវភាព ប្រជាជនតំបន់ព្រំដែន រួមចំណែកថែរក្សាអធិបតេយ្យភាពទឹកដីប្រទេសជាតិ តាំងពីឫសគល់នោះគឺជានរៈជន ជាសហគមន៍អ្នកស្រុក ផ្សារភ្ជាប់នឹងដី នឹងព្រៃឈើនឹងខ្សែបន្ទាត់បង្គោលព្រំដែន៕
អត្ថបទ៖ ឌឹក ថ - ឡេវ៉ឹន
រូបថត៖ ទីភ្នាក់ងារព័ត៌មាន វៀតណាម
បញ្ចូលទិន្នន័យ៖ យ័ញលើយ
