យកចិត្តទុកដាក់យ៉ាងម៉ត់ចត់អំពីស្ថានភាពផលិតកម្ម អាជីវកម្មនៃជីវភាពរស់នៅរបស់បងប្អូនជនជាតិខ្មែរនៅលើភូមិសាស្ត្រ និងអបអរសាទរបងប្អូនជនជាតិខ្មែរក្នុងឱកាសពិធីបុណ្យសែនដូនតា ស្របពេលនោះជម្រាបជូនអំពីស្ថានភាពអភិវឌ្ឍន៍សេដ្ឋកិច្ច-សង្គមរបស់មូលដ្ឋានបន្ទាប់ពីការច្របាច់បញ្ចូល អនុលេខាគណៈកម្មាធិការបក្សទីក្រុង លោក ង្វៀន ទន់អាញ បានឲ្យដឹងថា ទីក្រុង កឹនធើ ថ្មីមានចំនួនប្រជាជន ១១% ជាបងប្អូនជនជាតិភាគតិច ក្នុងនោះជនជាតិ ខ្មែរ មានចំនួន ៨៦%។ បងប្អូនជនជាតិភាគតិចនិយាយរួម និងបងប្អូនជនជាតិខ្មែរនិយាយដោយឡែកនៅខេត្តសុកត្រាំងចាស់បានរួមចំណែកសំខាន់ជាច្រើនក្នុងការអភិវឌ្ឍសេដ្ឋកិច្ច-សង្គមនៅមូលដ្ឋាន។ គួរកត់សម្គាល់ថា នៅក្នុងប្រព័ន្ធនយោបាយនៃទីក្រុង កឹនធើ ថ្មី មានកម្មាភិបាលជនជាតិខ្មែរជាច្រើនកាន់មុខតំណែងសំខាន់ៗ ស្នូល។
លោក ង្វៀន ទន់អាញ សង្ឃឹមថា បងប្អូនជនជាតិខ្មែរ អ្នកមានប្រជាប្រិយភាព អាចារ្យនិងព្រះចៅអធិការបន្តលើកតម្កើងប្រពៃណីប្រឡងប្រណាំងស្នេហាជាតិ។ រួមចំណែកដល់ការអភិវឌ្ឍសេដ្ឋកិច្ច សង្គម ការពារជាតិ និងសន្តិសុខរបស់ទីក្រុង។ ថ្នាក់ដឹកនាំទីក្រុងតែងតែរួមដំណើរ ស្តាប់ និងផ្លាស់ប្តូរយោបល់ពីព្រះសង្ឃ និងប្រជាជនខ្មែរក្នុងការកសាង និងអភិវឌ្ឍន៍ទីក្រុង។
ព្រះតេជគុណ សឺន ភឿក លើយ ព្រះចៅអធិការវត្តអូរជុំ (ង៉ាណាំ) ដោយសារការយកចិត្តទុកដាក់របស់បក្ស និងរដ្ឋ ជីវភាពរស់នៅរបស់បងប្អូនជនជាតិខ្មែរក្នុងមូលដ្ឋានមានការរីកចម្រើនគួរឲ្យកត់សម្គាល់។ រដ្ឋាភិបាលបានអនុវត្តភ្លាមៗនូវគោលនយោបាយឧបត្ថម្ភផលិតកម្ម ជួយប្រជាជនបង្កើនផលិតកម្ម និងប្រាក់ចំណូល អាស្រ័យហេតុនេះជួយគ្រួសារជាច្រើនរួចផុតពីភាពក្រីក្រ និងមានជីវភាពកាន់តែមានស្ថិរភាព និងល្អប្រសើរជាងមុន។
ព្រះតេជគុណ សឺន ភឿក លើយ ចែករំលែកថា៖ បងប្អូនជនជាតិខ្មែរនៅក្នុងភូមិស្រុកបច្ចុប្បន្នមានជាង ៥០០ ក្រុមគ្រួសារ មានមនុស្សជាង ២.២០០ នាក់។ ដោយសារគោលនយោបាយអភិវឌ្ឍសេដ្ឋកិច្ច វិនិយោគលើហេដ្ឋារចនាសម្ព័ន្ធដឹកជញ្ជូន ថែទាំសុខភាព និង អប់រំ ជីវភាពរស់នៅរបស់ប្រជាជនបានផ្លាស់ប្តូរច្រើន។
ឥឡូវនេះ ស្ទើរតែគ្រប់គ្រួសារភាគច្រើនមានម៉ូតូ ផ្ទះរឹងមាំ មិនមានផ្ទះបណ្ដោះអាសន្ន ឬដាច់រហែក។ កូនក្មួយទទួលបានការអប់រំពេញលេញ។ ជនជាតិខ្មែរនៅទីនេះ ចងចាំជានិច្ច ហើយអរគុណចំពោះការយកចិត្តទុកដាក់របស់បក្ស និងរដ្ឋ។
លោក ត្រឹន វៀតថាយ ប្រធានគណៈកម្មាធិការប្រជាជនសង្កាត់ ង៉ាណាំ មានប្រសាសន៍ថា ទូទាំងសង្កាត់មានជាង ១.៤០០ ក្រុមគ្រួសារ ដោយមានប្រជាជនខ្មែរជាង ៦ ពាន់នាក់។ នាពេលថ្មីៗនេះ រដ្ឋាភិបាលក្នុងតំបន់បានអនុវត្តគំរូអភិវឌ្ឍន៍សេដ្ឋកិច្ចជាច្រើនសម្រាប់តំបន់ជនជាតិភាគតិច បង្កលក្ខខណ្ឌសម្រាប់ប្រជាជនក្នុងការទទួលបានប្រភពឥណទានអនុគ្រោះ។ ចាប់តាំងពីពេលនោះមក គំរូដ៏មានប្រសិទ្ធភាពជាច្រើនត្រូវបានបង្កើតឡើង ដូចជា ត្បាញ កាត់ដេរ ការផលិតស្រូវគុណភាពខ្ពស់ជាដើម រួមចំណែកកាត់បន្ថយអត្រាភាពក្រីក្ររបស់ប្រជាជនខ្មែរមកត្រឹម ០.៦% នៃប្រជាជនខ្មែរសរុប៕
ដំណឹងនិងរូបថត៖ ទន់ភី
ប្រែសម្រួល៖ សឺន ហេង
