កម្មវិធីនិងចលនាប្រឡងប្រណាំង "ប្រទេសទាំងមូលរួមដៃគ្នាលុបបំបាត់ផ្ទះបណ្ដោះអាសន្ន ផ្ទះធ្លុះធ្លាយទ្រុឌទ្រោមក្នុងឆ្នាំ ២០២៥" បានសម្រេចជាស្ថាពរ។ នេះជារបត់ប្រវត្តិសាស្ត្រ អព្ភូតហេតុយ៉ាងអស្ចារ្យ វៀតណាម ក្នុងកិច្ចការកាត់បន្ថយភាពក្រីក្រប្រកបដោយនិរន្តរភាព។
យោងតាមការពិនិត្យពិច័យឡើងវិញ ដល់ចុងឆ្នាំ ២០២៣ ទូទាំងប្រទេសនៅតែមានផ្ទះបណ្ដោះអាសន្ន ផ្ទះធ្លុះធ្លាយទ្រុឌទ្រោមជិត ៤០០.០០០ ខ្នង ជាទូទៅគឺក្រុមគ្រួសារស្ថិតក្នុងក្របខ័ណ្ឌក្រីក្រ ស្ថានភាពលំបាកលំបិន ក្រុមគ្រួសារបងប្អូនជនជាតិភាគតិច។
ប្រឈមនឹងស្ថានភាពនោះ អង្គប្រជុំមជ្ឈិម ៨ នីតិកាលទី ១៣ បានចេញសេចក្តីសម្រេចចិត្តលេខ 42-NQ/TW ចុះថ្ងៃទី ២៤ ខែ វិច្ឆិកា ឆ្នាំ ២០២៣ ដោយមានគោលដៅដល់ឆ្នាំ ២០៣០ "លុបបំបាត់ផ្ទះបណ្តោះអាសន្ន ផ្ទះធ្លុះធ្លាយទ្រុឌទ្រោមទាំងស្រុងជូនក្រុមគ្រួសារក្រីក្រ ក្រុមគ្រួសារជិតខ្សែបន្ទាត់នៃភាពក្រីក្រ ប្រជាជនរងផលប៉ះពាល់ដោយ គ្រោះមហន្តរាយធម្មជាតិ ការប្រែប្រួលអាកាសធាតុ ជាពិសេសគឺអ្នកមានគុណបំណាច់ជាមួយបដិវត្តន៍"។ ថ្ងៃទី ៥ ខែ តុលា ឆ្នាំ ២០២៤ នាយករដ្ឋមន្រ្តីនៃរដ្ឋាភិបាលបំផុសចលនា ដំណាក់កាលពេញបន្ទុក "៤៥០ ថ្ងៃយប់" បញ្ចប់ការលុបបំបាត់ផ្ទះបណ្តោះអាសន្ន ផ្ទះធ្លុះធ្លាយទ្រុឌទ្រោមនៅទូទាំងប្រទេសមុនថ្ងៃទី ៣១ ខែ តុលា ឆ្នាំ ២០២៥។ ក្នុងអំឡុងពេលដំណើរការ គណៈបង្គាប់ការមជ្ឈិមសម្រេចចិត្តកាត់បន្ថយពេលវេលាខិតខំបញ្ចប់កម្មវិធីមុនថ្ងៃទី ៣១ ខែ សីហា ឆ្នាំ ២០២៥។
កម្មវិធីត្រូវបានបក្សទាំងមូល កងទ័ពទាំងមូល ប្រជាជនទាំងមូលគាំទ្រយ៉ាងសកម្ម។ រហូតមកដល់ពេលនេះ ទូទាំងប្រទេសបានសាងសង់ថ្មី ជួសជុលផ្ទះចំនួន ៣៣៤.២៣៤ ខ្នង (សាងសង់ថ្មីចំនួន ២៥៥.៣១០ ខ្នង ជួសជុលផ្ទះចំនួន ៧៨.៩២៤ ខ្នង) ឆាប់ហើយមុនចំនួន ៥ ឆ្នាំ ៤ ខែ បើធៀបនឹងគោលដៅនៃសេចក្តីសម្រេចចិត្ត ៤២ និងហើយមុន ៤ ខែបើធៀបនឹងគោលដៅពេលដែលបំផុសចលនា។ ក្នុងនោះ បានសម្រេចរួចរាល់ផ្ទះលំនៅទាំងអស់ជូនអ្នកមានគុណបំណាច់ សាច់ញាតិយុទ្ធជនពលីមុនថ្ងៃទី ២៤ ខែ កក្កដា។ រួមជាមួយនឹងថវិការដ្ឋទូទាំងប្រទេស បានកៀរគរថវិកាបានជាង ២៤.៧៦១ ពាន់លានដុង ជាង ២,៧ លានថ្ងៃឈ្នួលពលកម្ម ដោយមានជាង ៤៥៤.០០០ លើកនាក់ជួយឧបត្ថម្ភសាងសង់ ជួសជុលផ្ទះលំនៅ។
នៅអង្គប្រជុំបូកសរុបកម្មវិធីនិងប្រឡងប្រណាំង "ទូទាំងប្រទេសរួមដៃគ្នាលុបបំបាត់ផ្ទះបណ្តោះអាសន្ន ផ្ទះធ្លុះធ្លាយទ្រុឌទ្រោមក្នុងឆ្នាំ ២០២៥" លោកនាយករដ្ឋមន្ត្រីនៃរដ្ឋាភិបាល ផាម មិញជិញ បញ្ជាក់ថាការបញ្ចប់ការលុប បំបាត់ផ្ទះបណ្តោះអាសន្ន ផ្ទះធ្លុះធ្លាយទ្រុឌទ្រោមលើវិសាលភាពទូទាំងប្រទេសគឺ "គម្រោងជាតិពិសេស" នៃ "គំនិតបក្ស ទឹកចិត្តប្រជាជន" របស់ "មនោសញ្ចេតនាប្រជាជាតិ ភក្ដីភាពបងប្អូនជនរួមជាតិ"។ នេះក៏ជាអព្ភូតហេតុយ៉ាងអស្ចារ្យ វៀតណាម ក្នុងកិច្ចការកាត់បន្ថយភាពក្រីក្រប្រកបដោយនិរន្តរភាព ជាសមិទ្ធិផលលេចធ្លោ តម្រូវការជាក់ស្តែងអបអរសាទរខួបអនុស្សាវរីយ៍ ៨០ ឆ្នាំបដិវត្តន៍ខែ សីហា បុណ្យឯករាជ្យជាតិថ្ងៃទី ២ ខែ កញ្ញា រំលឹកខួបអនុស្សាវរីយ៍ ៨០ ឆ្នាំប្រពៃណីនគរបាលប្រជាជននិងអបអរសាទរមហាសន្និបាតបក្សគ្រប់លំដាប់ថ្នាក់ ឆ្ពោះទៅ មហាសន្និបាតលើកទី ១៤ របស់បក្ស៕
អត្ថបទ៖ វៀតតូន
រូបថត៖ ទីភ្នាក់ងារព័ត៌មាន វៀតណាម
បញ្ចូលទិន្នន័យ៖ យ័ញលើយ
