រស់នៅជីវិតល្អ បវរសាសនាធ្វើតាមគំរូលោក អ៊ំ
ក្នុងប៉ុន្មានឆ្នាំកន្លងទៅ គណៈកម្មាធិការរណសិរ្សមាតុភូមិទីក្រុង ហូជីមិញ បានដាក់ពង្រាយគំរូ "លំហវប្បធម៌ ហូជីមិញ" នៅមូលដ្ឋានប្រជានិវេសន៍ ជាពិសេសនៅបណ្តាគ្រឹះស្ថានសាសនា ជំនឿដោយប្រើប្រាស់ទម្រង់រូបភាព វិធីសាស្រ្តពិពិធភាពជាច្រើន។ "ជ្រុងមួយនៃវប្បធម៌រៀនសូត្រ ហូជីមិញ" នៅវិហារ កាវដាយ ប៊ិញហ្វា នៅសង្កាត់ ប៊ិញថាញ់ ត្រូវបានចាត់ទុកថាជាកន្លែងសិក្សារៀនសូត្ររបស់សហសេវិកសាសនានិងសម្ពន្ធយុវជនសង្កាត់។
សហសេវិកសាសនា ង៉ុក ភុងថាញ់ គណៈគ្រប់គ្រងវិហារ កាវដាយ ប៊ិញហ្វា បានអោយដឹងថា “យើងខ្ញុំតែងតែចាត់ទុកការសិក្សា និងអនុវត្តតាមសតិអារម្មណ៍ សីលធម៌ ស្ទីលរស់នៅនិងធ្វើការរបស់ ហូជីមិញ ជាខ្លឹមសារសំខាន់មួយក្នុងការអនុវត្តសាសនា។ នៅក្នុងឱកាសអប់រំទេសនា អ្នកមុខអ្នកការនិងសាសនិកតែងតែណែនាំ និងពិភាក្សាអំពីសតិអារម្មណ៍របស់លោកប្រធាន ហូជីមិញ អំពីមេត្តាធម៌ វិរិយៈ- ប្រិតសំចៃ -ស្អាតស្អម -សច្ចៈទៀងត្រង់ ស្មារតីសាមគ្គីភាពប្រជាជាតិ និងចិត្តស្រឡាញ់រាប់រកមនុស្សម្នារបស់ ហូជីមិញ ចាត់ទុកតម្លៃទាំងនេះជិតស្និទ្ធនឹងសច្ចភាព “មេត្តាធម៌ - យុត្តិធម៌ - សច្ចភាព - ប្រាជ្ញា - ទំនុកចិត្ត” ដែលសាសនា កៅដាយ ប្រកាន់ខ្ជាប់”។
“ទន្ទឹមនឹងនោះ វិហារ ប៊ិញហ្វា ក៏ដាក់តាំងបង្ហាញរូបភាព ឯកសារ សម្រង់ពាក្យប្រៀនប្រដៅរបស់អ៊ំ ហូ នៅតំបន់ប្រជុំជីវភាពសហគមន៍ រៀបចំឱកាសសិក្ខាសាលា សន្ទនាប្រធានបទស្តីពី “លំហវប្បធម៌ ហូជីមិញ” ដើម្បីជួយសាសនិកយល់កាន់តែច្បាស់អំពីសតិអារម្មណ៍ ស្ទីលរស់នៅនិងធ្វើការដ៏សាមញ្ញថ្លៃថ្នូររបស់លោក។
យើងខ្ញុំក៏បំផុសចលនាសកម្មភាពសប្បុរសធម៌ ដូចជាគិតគូរក្រុមគ្រួសារក្រីក្រ បរិច្ចាគឈាមមនុស្សធម៌ ដាំដើមឈើការពារបរិស្ថានជាដើម។ ចាត់ទុកថានេះជាលក្ខណៈជាក់ស្តែងបំផុតដើម្បីបង្ហាញពីស្មារតីនៃការ ‘រស់នៅល្អ បវរសាសនា‘ ធ្វើតាមគំរូលោកអ៊ំ ហូ ដ៏មហិមា” សហសេវិកសាសនា ង៉ុក ភុងថាញ់ ចែករំលែកបន្ថែម។
មិនត្រឹមតែនៅវិហារ កៅដាយ ប៊ិញហ្វា ប៉ុណ្ណោះទេ “លំហវប្បធម៌ ហូជីមិញ” ក៏បានរីកសាយភាយយ៉ាងខ្លាំងនៅក្នុងសហគមន៍ជនជាតិ ចិន នៅសង្កាត់ ចើលើន ផងដែរ។ លោកស្រី ង៉ូ ឡេចូវ អនុប្រធានគណៈកម្មការអចិន្ត្រៃយ៍នៃសមាគមនិកាយ អូនឡាំង បានអោយដឹងថា “សមាគមនិកាយគឺជាកន្លែងសម្រាប់ប្រជុំសកម្មភាពវប្បធម៌ ជំនឿផ្សារភ្ជាប់យ៉ាងជិតស្និទ្ធជាមួយសហគមន៍ចិនរបស់យើងខ្ញុំ។ ក្រៅពីតួនាទីរក្សាអត្តសញ្ញាណប្រពៃណី សមាគមនិកាយក៏ជាអង្គភាពមួយក្នុងចំណោមអង្គភាពឈានមុខក្នុងការអនុវត្ត “លំហវប្បធម៌ ហូជីមិញ” នៅសង្កាត់ ចើឡើន ផងដែរ។
នៅ "លំហវប្បធម៌ ហូជីមិញ" នៅសមាគមនិកាយ អូនឡាំង បណ្តាឯកសារ រូបភាពអំពីដំណើរជីវិតនិងបុព្វហេតុរបស់លោកប្រធាន ហូជីមិញ ត្រូវបានដាក់តាំងបង្ហាញជាទីគោរព លាយបញ្ចូលជាមួយនឹងលំហវប្បធម៌ដ៏ពិសេសនៃសមាគមនិកាយ ក្នុងគោលបំណងបង្ហាញពីការតបគុណ និងការគោរពចំពោះ អ៊ំ ហូ ស្របពេលរួមចំណែករីកសាយភាយសតិអារម្មណ៍ សីលធម៌ ស្ទីលរស់នៅនិងធ្វើការរបស់លោកដល់បងប្អូនជនជាតិ ចិន។
"សមាគមនិកាយថែមទាំងភ្ជាប់ការកសាងលំហវប្បធម៌ ហូជីមិញ ជាមួយនឹងសកម្មភាពសង្គមដ៏មានអត្ថន័យដូចជាចលនាតបស្នងសងគុណ ទំនុកបម្រុងអ្នកម្តាយវីរជនវៀតណាម ឧបត្ថម្ភគាំពារយោធិនពិការធ្ងន់ គិតគូរក្រុមគ្រួសារក្រីក្រ និងផ្តល់ជូនអាហារូបករណ៍ស្ពានមេត្រីសុបិនឲ្យសិស្សសាលាមានស្ថានភាពលំបាកលំបិនខ្លាំង។
មិនបង្អង់នៅត្រឹមនោះឡើយ សមាគមនិកាយ អូនឡាំង នៅថែមទាំងពង្រីកទូលាយ បំពេញបន្ថែមរូបភាពនៃសកម្មភាពវប្បធម៌ អប់រំ និងរៀបចំសម្រាប់សិស្សានុសិស្សមកពីសាលារៀនលើមូលដ្ឋានមកទស្សនា ជួយក្មេងៗជំនាន់ក្រោយយល់កាន់តែច្បាស់អំពីប្រពៃណីនៃសាមគ្គីភាព និងវប្បធម៌របស់ជនជាតិ ចិន ផ្សារភ្ជាប់នឹងសតិអារម្មណ៍ ហូជីមិញ" លោកស្រី ង៉ូ ឡេចូវ សង្កត់ធ្ងន់។
នាំមកកៀកជិតជាមួយមជ្ឈដ្ឋានយុវជន
ដើម្បីនាំយកតម្លៃវប្បធម៌ប្រពៃណីដ៏ល្អរបស់លោកប្រធាន ហូជីមិញ ឲ្យកាន់តែខិតជិតមជ្ឈដ្ឋានយុវជន ប្រព័ន្ធរណសិរ្សមាតុភូមិនៅតាមសង្កាត់ ឃុំ តំបន់ពិសេសក្នុងទីក្រុង ហូជីមិញ បានជំរុញយ៉ាងខ្លាំងក្លាការធ្វើបរិវត្តកម្មឌីជីថល បង្កើតការរីកសាយភាយយ៉ាងខ្លាំងនៃសតិអារម្មណ៍ និងស្ទីលរស់នៅនិងធ្វើការរបស់លោកប្រធាន ហូជីមិញ ក្នុងជីវិតសម័យទំនើប។
លោក វ៉ មិញទ្រៀត ប្រធានគណៈកម្មាធិការរណសិរ្សមាតុភូមិសង្កាត់ ចើលើន បានអោយដឹងថា៖ “អនុវត្តចង្អុលបង្ហាញរបស់គណៈកម្មាធិការបក្សសង្កាត់ គណៈកម្មាធិការរណសិរ្សមាតុភូមិសង្កាត់ ចើលើន បានចលនាគ្រឹះស្ថានសាសនាលើមូលដ្ឋានរក្សាទុកនិងពង្រីកទូលាយគំរូលំហវប្បធម៌ ហូជីមិញ។ នេះត្រូវបានចាត់ទុកថាជាសកម្មភាពសំខាន់ៗ គោលបំណងលើកតម្កើង និងរីកសាយភាយនូវបណ្តាតម្លៃដ៏វិសេសវិសាលក្នុងសតិអារម្មណ៍សីលធម៌ ស្ទីលរស់នៅនិងធ្វើការ ហូជីមិញ។ ស្របពេលរួមចំណែកដល់ការបំផុសគំនិត ពង្រឹងស្មារតីសាមគ្គីភាព ផ្សារភ្ជាប់ក្នុងចំណោមបណ្តាជនជាតិភាគតិច និងសាសនិកបណ្តាសាសនានៅក្នុងមូលដ្ឋានសង្កាត់”។
គិតមកដល់បច្ចប្បន្ននេះ នៅក្នុងសង្កាត់ ចើលើន បានមានចំនួន ៧ "លម្អវប្បធម៌ហូជីមិញ" ត្រូវបានបង្កើតឡើងនៅតាមគ្រឹះស្ថានសាសនាក្នុងចំណោមគ្រឹះស្ថានសាសនា ជំនឿសរុបចំនួន ៣១។ "យើងខ្ញុំនឹងបន្តចលនាដើម្បីពង្រីកគំរូនេះនៅពេលខាងមុខ គោលបំណងបង្កើតប្រជុំជីវភាពវប្បធម៌បន្ថែមទៀត អប់រំតម្លៃសីលធម៌ ហូជីមិញ ក្នុងសហគមន៍" លោក ទ្រៀត ចែករំលែក។
ទន្ទឹមនឹងនោះ គណៈកម្មាធិការរណសិរ្សមាតុភូមិសង្កាត់ ចើលើន រួមជាមួយបណ្តាគ្រឹះស្ថានសាសនាបានធ្វើឲ្យទៅជាភាពជាក់សែ្ដងការ "សិក្សារៀនសូត្រ និងធ្វើតាមសតិអារម្មណ៍ សីលធម៌ ស្ទីលរស់នៅនិងធ្វើការហូជីមិញ" ជាមួយនឹងសកម្មភាពជាក់ស្តែងជាច្រើនដូចជា៖ ការរៀបចំពិធីបុណ្យសុខុមាលភាពសង្គមលើកដំបូងនៅឆ្នាំ ២០២៥ កម្មវិធី "ម្ហូបបួស ចើលើន ចំណងមេត្រីភាព - រួមដៃគ្នាដើម្បីសហគមន៍" ឬអាហារមេត្រីភាព ផ្តល់ជូនអាហារូបករណ៍ និងគិតគូរបុណ្យចូលឆ្នាំ តេត ជូនបងប្អូនជនជាតិភាគតិច សាសនិក។
ជាពិសេស ក្នុងបរិបទទីក្រុង ហូជីមិញ កំពុងជំរុញយ៉ាងខ្លាំងក្លាធ្វើបរិវត្តកម្មឌីជីថល គណៈកម្មាធិការរណសិរ្សមាតុភូមិសង្កាត់ ចើលើន បានត្រៀមជាស្រេចអនុវត្តបច្ចេកវិទ្យាយ៉ាងសកម្មទៅក្នុង "លំហវប្បធម៌ ហូជីមិញ"។ "យើងខ្ញុំតែងតែសហការយ៉ាងជិតស្និទ្ធជាមួយគ្រឹះស្ថានសាសនាដើម្បីអភិវឌ្ឍខ្លឹមសារតាំងពិព័រណ៍ច្បាស់លាស់ ធានាបាននូវភាពជិតស្និទ្ធមួយ។ ទីលំហនីមួយៗ មានលេខកូដ QR ជួយប្រជាជនឆែករកព័ត៌មាន ឯកសារ រូបភាពអំពីដំណើរជីវិត បុព្វហេតុរបស់លោកប្រធាន ហូជីមិញ បានយ៉ាងងាយស្រួល។ ឆ្លងតាមរយៈនោះ ប្រជាជនគ្រប់ជាន់ថ្នាក់ ជាពិសេសមជ្ឈដ្ឋានយុវជនអាចចូលប្រើប្រាស់បានយ៉ាងឆាប់រហ័ស ហើយងាយប្រើ" លោក វ៉ មិញទ្រៀត ចែករំលែកបន្ថែម។
មិនត្រឹមតែបង្អង់នៅការធ្វើឌីជីថលភាវូបនីយកម្មប៉ុណ្ណោះទេ គំរូនេះក៏បង្កើតលក្ខខណ្ឌសម្រាប់គ្រឹះស្ថានសាសនាក្នុងការធ្វើបច្ចុប្បន្នភាពព័ត៌មានថ្មីៗ ជាប្រចាំ ដោយរួមបញ្ចូលគោលនយោបាយ និងគោលការណ៍ណែនាំរបស់បក្ស និងរដ្ឋស្តីពីការសិក្សារៀនសូត្រ ធ្វើតាម អ៊ំ។ “យើងខ្ញុំសង្ឃឹមថា លំហវប្បធម៌ ហូជីមិញ នីមួយៗនឹងតែងតែមានភាពច្នៃប្រតិដ្ឋ រស់រវើក ហើយជិតស្និទ្ធ ដើម្បីប្រជាជននៅពេលមកកាន់ទីនេះទទួលអារម្មណ៍ស្មារតីពី អ៊ំ ហូ បង្កើនការយល់ដឹងអំពីដាស់ឲ្យក្រោកដោយខ្លួនឯង លត់ដំដោយខ្លួនឯងក្នុងជីវិតប្រចាំថ្ងៃ”។ លោក វ៉ មិញទ្រៀត អះអាងបញ្ជាក់។
ការកសាង "លំហវប្បធម៌ ហូជីមិញ" ឆ្ពោះទៅគោលដៅបង្កើតមនុស្សម្នាវៀតណាមក្នុងដំណាក់កាលថ្មី - ដោយមានគំនិតថ្មី វិធីធ្វើថ្មី និងបង្កើតបានតម្លៃថ្មី ក្លាយជាសកម្មភាពជាក់ស្តែងបំផុត នាំមកនូវអត្ថប្រយោជន៍ជាក់ស្តែងជូនប្រជាជន។
លោកស្រី ហ្វាង ម៉ៃហ្វ៊ិញហ្វា ប្រធានគណៈកម្មាធិការរណសិរ្សមាតុភូមិសង្កាត់ ប៊ិញថាញ់ មានប្រសាសន៍ថា នាពេលខាងមុខ សង្កាត់នឹងបន្តចូលរួមជាមួយគ្រឹះស្ថានសាសនា កំណត់ទិសដៅ និងឧបត្ថម្ភបណ្តាសកម្មភាពជាក់ស្តែងជាងទៀត។ គោលដៅគឺជួយបងប្អូនសាសនិកយល់ដឹងកាន់តែស៊ីជម្រៅអំពីទិសស្លោក "សាសនាភ្លឺស្វាង - ជីវិតរុងរឿង" រួមចំណែកការអនុវត្តទិសដៅសកម្មភាពដ៏ល្អសម្រាប់សុភមង្គលរបស់ប្រជាជនសង្កាត់ ប៊ិញថាញ់។
ទន្ទឹមនឹងការរក្សាទុកលំហវប្បធម៌សារវត្ថុ សង្កាត់ថែមទាំងកំពុងឆ្ពោះទៅរកការកសាង "លំហវប្បធម៌ ហូជីមិញ" តាមទិសដៅថ្មី ទាំងតម្រូវការផង ទាំងបញ្ហាប្រឈមផង។ ក្រៅពីគំរូឃោសនាផ្សព្វផ្សាយដូចជា៖ ពិភាក្សាស្តីពីបទយកការណ៍ពិសេស ចែកចាយខិត្តប័ណ្ណរួមបញ្ចូលទៅក្នុងសកម្មភាពសាសនា គណៈកម្មាធិការរណសិរ្សមាតុភូមិ សង្កាត់ ប៊ិញថាញ់ នឹងអភិវឌ្ឍគំរូ "លំហវប្បធម៌ ហូជីមិញ" នៅលើមូលដ្ឋានគ្រឹះឌីជីថល។
“នេះជាប្តេជ្ញាចិត្តរបស់គណៈកម្មាធិការរណសិរ្សមាតុភូមិសង្កាត់ ប៊ិញថាញ់ គោលបំណងជួយសាសនិក ទោះបីជា មិនមានវត្តមានដោយផ្ទាល់នៅមូលដ្ឋានក៏ដោយ ក៏នៅតែអាចចូលមើល ស្វែងយល់និងទទួលអារម្មណ៍បានពីលទ្ធផល តម្លៃដែលគ្រឹះស្ថានសាសនាបាននិងកំពុងអនុវត្ត។ ដោយហេតុដូច្នោះ រីកសាយភាយយ៉ាងខ្លាំងក្លា ស្មារតីនៃការសិក្សារៀនសូត្រ និងធ្វើតាមសតិអារម្មណ៍ សីលធម៌ ស្ទីលរស់នៅនិងធ្វើការរបស់លោក ហូជីមិញ ឲ្យកាន់តែខ្លាំងក្លាឡើង ជាក់ស្តែង ជិតស្និទ្ធ និងស៊ីជម្រៅទៅក្នុងជីវភាពរស់នៅរបស់ប្រជាជន” លោកស្រី ហ្វ៊ិញហ្វា ចែករំលែក៕
អត្ថបទនិងរូបថត៖ អាន ហៀវ
ប្រែសម្រួលដោយ៖ សឺន ហេង
