ក្នុងនោះ ខេត្ត ក្វាងទ្រី មានឃុំចំនួន ៤ លិចទឹកជម្រៅចាប់ពី ០,២ ដល់ ១,០ ម៉ែត្រ ទីក្រុង ហ្វេ មានចំនួន ៣២ ឃុំ សង្កាត់លិចទឹកជម្រៅចាប់ពី ០,៥ ដល់ ២ ម៉ែត្រ ទីក្រុង ដាណាំង មានចំនួន ៣៩ ឃុំ សង្កាត់ ក្នុងនោះចំនួន ២៩ ឃុំសង្កាត់លិចទឹកយ៉ាងជ្រៅ ឃុំ សង្កាត់ចំនួន ១០ ត្រូវកាត់ផ្តាច់ចេញពីគេ ខេត្ត ក្វាងង៉ាយ មានចំនួន ១៥ ឃុំ សង្កាត់លិចទឹកជម្រៅចាប់ពី ០,៣ ដល់ ៣ ម៉ែត្រ។
ភ្លៀងទឹកជំនន់បានធ្វើឱ្យស្រូវ ដំណាំបន្លែបង្ការត្រូវជន់លិច ខូចខាតអន្តរាយចំនួន ៤.៣៧៦ ហិកតា កើនឡើងចំនួន ១.៨៤១ ហិកតាបើប្រៀបធៀបទៅនឹងរសៀលថ្ងៃទី ២៩ ខែ តុលា ដំណាំហូបផ្លែចំនួន ៦៥៧ ហិកតារងការខូចខាត ផ្ទះចំនួន ៥១ ខ្នងត្រូវរលំបាក់ កួចរសាត់ទៅ ផ្ទះចំនួន ១២២ ខ្នងរងការខូចខាត កើនឡើងចំនួន ២២ ខ្នង ផ្ទះចំនួន ១២៨.០២៤ ខ្នងត្រូវលិចលង់ កើនឡើងចំនួន ៤៣០ ខ្នង បសុសត្វ បសុបក្សីចំនួន ១៦.៣៤២ ក្បាលបានងាប់ ត្រូវទឹកកួចនាំទៅ។
ព្រមជាមួយនឹងនោះ ភ្លៀងទឹកជំនន់ធ្វើឱ្យមនុស្សស្លាប់ បាត់ខ្លួនចំនួន ១៨ នាក់ក្នុងនោះមនុស្សចំនួន ១០ នាក់បានស្លាប់ (ហ្វេ ចំនួន ២ នាក់ ដាណាំង ចំនួន ៧ នាក់ ឡឹមដុង ១ នាក់) មនុស្សចំនួន ៨ នាក់បាត់ខ្លួន (ក្វាងទ្រីចំនួន ២ នាក់ ហ្វេ ចំនួន ២ នាក់ ដាណាំង ចំនួន ៤ នាក់) មនុស្សចំនួន ២២ នាក់រងរបួស (ដាណាំង ចំនួន ២១ នាក់ ហ្វេ ១ នាក់)។
ក្រៅពីនេះ ដោយសារឥទ្ធិពលនៃភ្លៀងទឹកជំនន់ ផ្លូវជាតិចំនួន ២០ ខ្សែ កើនឡើងចំនួន ៩ ខ្សែបើប្រៀបធៀបទៅនឹងរសៀលថ្ងៃទី ២៩ ខែ តុលា រួមមាន 9B, 9C, 9, 14B, 14D, 14E, 14H, 14G, 15D, 24, 24B, 24C, 28B, 40B, 49, 49B, 49C, ផ្លូវ ហូ ជីមិញ កំណាត់ផ្លូវ ឡាស៊ើន - ហ្វាលៀន ផ្លូវ ហូ ជីមិញ ខ្សែខាងលិច ផ្លូវទ្រឿងសឺនដុង (ខាងកើត) ត្រូវកកស្ទះដោយសារទឹកជន់លិច បាក់ស្រុតដី។
ខេត្ត ក្វាងទ្រី មានទីតាំងជាច្រើននៅលើផ្លូវជាតិលេខ 15D, 49C, 9B, 9C, 9; ផ្លូវខេត្ត 565C, 571, 582, 582B, 584, 587, 588, 787 ត្រូវជន់លិច បាក់ស្រុតដី បង្កការកកស្ទះចរាចរណ៍។
ទីក្រុង ហ្វេ មានការបាក់ស្រុតចំនួន ៣៨ កន្លែង ទីតាំងមួយចំនួនធ្ងន់ធ្ងរដូចជា៖ ឃុំ ខែត្រែ ចំនួន ១៧ ចំណុចនៅច្រកភ្នំ កាទឺ ខ្សែផ្លូវខេត្ត 14B; ២ ចំណុចនៅលើផ្លូវជាតិ 49 (ឃុំ ប៊ិញដៀន; Km23+800); ៦ ចំណុចបាក់ស្រុតដី នៅតាមអ័ក្សផ្លូវ ហូ ជីមិញ; តាមផ្លូវខេត្តនៅតែជន់លិចយ៉ាងជ្រៅ មិនអាចធ្វើដំណើរទៅមកបាន។
ទីក្រុង ដាណាំ មានផ្លូវខូចប្រវែង ១.៨០០ ម៉ែត្រ បាក់ស្រុតដីនៅតាមច្រាំងថ្ម Taluy ដី ថ្មចំនួន ៦២.៨៤៥ ម៉ែត្រគុបនៅតាមខ្សែផ្លូវជាតិ 14B, 14D, 14E, 14H, 14G, 24C, 40B តាមខ្សែផ្លូវខេត្ត 601, 606, 612, 614, 615 និងផ្លូវគមនាគមន៍ជនបទ។
ខេត្ត ក្វាងង៉ាយ មានទីតាំងបាក់ស្រុតច្រាំងថ្ម Taluy ជាង ១៧០ កន្លែង ដី ថ្មកំពប់ចេញលើផ្ទៃផ្លូវ ប្រឡាយរំដោះទឹកនៅបណ្តោយតាមខ្សែផ្លូវជាតិ ផ្លូវខេត្តនិងខ្សែផ្លូវជាតិ 14C, 24, 24B, 24C, 40B; DT: 622B, 622C, 623, 623B, 624, 626, 627C, 628, 673, 676; ផ្លូវ ង៉ុកហ្វាង - ម៉ាំងប៊ូត - ទូមើរ៉ុង - ង៉ុកលិញ ត្រូវបាក់ស្រុតដីដោយមានបរិមាណដី ថ្មប៉ាន់ប្រមាណប្រហែល ២២.៥០០ ម៉ែត្រគុបនិងខ្សែផ្លូវឃុំត្រូវបាក់ស្រុត ខូចខាត បិទខ្ទប់ តំបន់ស្ថានីយ៍ វ៉ាន់សា - ហ្វេ បញ្ឈប់រថភ្លើងដឹកអ្នកដំណើរ SE1/2, SE3/4, SE7/8 ជាបណ្តោះអាសន្នដែលចេញដំណើរពី ហាណូយ និង សៃហ្គន; រថភ្លើង SE19/20 ចេញដំណើរពី ហាណូយ និង ដាណាំង រថភ្លើង HD1,2,3,4 ចេញដំណើរពី ហ្វេ និង ដាណាំង។
ដើម្បីបន្តពុះពារផលវិបាកគ្រោះមហន្តរាយធម្មជាតិ ក្រសួងកសិកម្មនិងបរិស្ថានស្នើក្រសួង ផ្នែក មូលដ្ឋានដែលរងផលប៉ះពាល់បន្តអនុវត្តសារទូរលេខលេខ 203/CĐ-TTg យ៉ាងម៉ឹងម៉ាត់របស់នាយករដ្ឋមន្ត្រីនៃរដ្ឋាភិបាល៖ ស្តីពីការផ្តោតលើការទប់ទល់ជាបន្ទាន់និងពុះពារផលវិបាកភ្លៀង ទឹកជំនន់ធំនៅភូមិភាគកណ្តាលនិងបញ្ជាចង្អុលបង្ហាញនិងណែនាំរបស់នាយករដ្ឋមន្ត្រីនៅក្នុងកិច្ចប្រជុំអនឡាញជាបន្ទាន់ជាមួយមូលដ្ឋានមួយចំនួននៅភូមិភាគកណ្តាលស្តីពីការងារទប់ទល់ ពុះពារផលវិបាកនៃគ្រោះមហន្តរាយធម្មជាតិ ភ្លៀងទឹកជំនន់នៅព្រឹកថ្ងៃទី ២៩ ខែតុលា ក្នុងនោះមូលដ្ឋានទាំងឡាយរៀបចំការចុះសួរសុខទុក្ខ លើកទឹកចិត្ត ឧបត្ថម្ភប្រជាជនទាន់ពេលវេលា ជាពិសេសគឺគ្រួសារដែលមានអ្នកស្លាប់ បាត់ខ្លួន អនុវត្តគោលនយោបាយឧបត្ថម្ភដ៏ល្អបំផុតចំពោះប្រជាជនភ្លាមៗ ជួយឧបត្ថម្ភការរៀបចំបុណ្យសពសម្រាប់អ្នកដែលបានស្លាប់ជាអកុសល ព្យាបាលអ្នករងរបួស បន្តរៀបចំ បន្លាស់ទីលំនៅ ជម្លៀសប្រជាជនចេញផុតពីតំបន់គ្រោះថ្នាក់ មានហានិភ័យបាក់ស្រុតដី ជំនន់ធំលិចសាយពេញពាស ជំនន់រំលាជាដាច់ខាត។ ធានាស្បៀងអាហារ សម្ភារៈប្រើប្រាស់ដ៏ចាំបាច់ប្រចាំថ្ងៃ ទឹកស្អាត ថ្នាំសម្លាប់មេរោគ ។ល។ ជូនប្រជាជន ប្រើគ្រប់វិធានការត្រូវតែជួយផ្គត់ផ្គង់ឱ្យបានជូនប្រជាជននៅតំបន់ត្រូវលិចជ្រៅ កាត់ផ្តាច់ បាក់ស្រុតដី បាក។
មូលដ្ឋានពិនិត្យពិច័យឡើងវិញ ប្រសិនត្រូវការជួយឧបត្ថម្ភអង្ករ ស្បៀងអាហារ អាហារក្រៀម ។ល។ ស្របពេលនោះដែរគិតគូរវិធានការដោះស្រាយផលវិបាក ស្តារសកម្មភាពទាំងឡាយឡើងវិញភ្លាមៗ បន្ទាប់ពីទឹកជំនន់ស្រកចុះ ជាពិសេសថ្នាក់រៀន សាលារៀននិងមូលដ្ឋានសុខាភិបាល មិនទុកឱ្យក្មួយៗ ខ្វះកន្លែងសិក្សារៀនសូត្រ មិនទុកឱ្យអ្នកជំងឺ ខ្វះកន្លែងព្យាបាលជំងឺ មិនទុកឱ្យប្រជាជនខ្វះអាហារបរិភោគ ខ្វះសម្លៀកបំពាក់ ត្រូវអត់ឃ្លានទុគ៌ត។ រួមជាមួយនឹងនោះ រៀបចំកម្លាំង មធ្យោបាយ គ្រឿងសម្ភារៈជួយអនាម័យផ្លូវថ្នល់ ធ្វើប្រព្រឹត្តកម្មបរិស្ថាន បង្ការប្រយុទ្ធប្រឆាំងជំងឺរាតត្បាត ស្តារផលិតកម្មឡើងវិញភ្លាមៗ ក្រោយពីពេលភ្លៀងទឹកជំនន់ ប្រមូលស្ថិត វាយតម្លៃត្រឹមត្រូវ គ្រប់សព្វការខូចខាតក្រោយភ្លៀងទឹកជំនន់ដើម្បីរាយការណ៍ជូនលំដាប់ថ្នាក់មានសមត្ថកិច្ចតាមការកំណត់។
ក្រសួងការពារជាតិ យោធភូមិភាគ ៥ យោធភូមិភាគ ៤ កងកម្លាំងនគរបាលបន្តចល័តកងកម្លាំង មធ្យោបាយដូចជាទូក កាណូត ។ល។ សម្រាប់ការងារបង្ការទប់ស្តាត់គ្រោះមហន្តរាយធម្មជាតិ។
ក្រសួងកសិកម្មនិងបរិស្ថាននិងក្រសួងសុខាភិបាលបានបង្កើនធនធានមនុស្សចូលក្នុងតំបន់នេះ ធានាបានស្បៀងអាហារ គ្រឿងឧបភោគបរិភោគ ទឹកស្អាត ថ្នាំសម្លាប់មេរោគជូនប្រជាជន។
ក្រសួងឧស្សាហកម្មនិងពាណិជ្ជកម្ម ក្រសួងវិទ្យាសាស្ត្រនិងបច្ចេកវិទ្យាបានដឹកនាំកងកម្លាំង សម្ពន្ធក្រុមហ៊ុន EVN សហគ្រាសទូរគមនាគមន៍ដូចជា VNPT និង Viettel រួសរាន់ជួសជុល ផ្តល់ភ្លើង សេវាទូរគមនាគមន៍ឡើងវិញក្នុងអំឡុងពេលឱ្យបានឆាប់បំផុតដើម្បីធានាថាប្រជាជនក្តាប់បានព័ត៌មានពេញលេញ ទាន់ពេលវេលា។
ស្ថាប័នមានសមត្ថកិច្ចម្ចាស់ការសហការជាមួយស្ថាប័ន អង្គភាពមានពាក់ព័ន្ធ ប្រព័ន្ធធនាគារ អង្គការឥណទានឆាប់ដាក់ដំណើរការអនុវត្តគោលនយោបាយឧបត្ថម្ភអំពីពន្ធ ឥណទាន ធានារ៉ាប់រង ។ល។ ដើម្បីប្រជាជន អាជីវកម្មត្រូវអន្តរាយដោយគ្រោះមហន្តរាយធម្មជាតិឆាប់បានស្តារឡើងវិញ ផលិតកម្ម អាជីវកម្ម។
បច្ចុប្បន្ននេះ មូលដ្ឋាននានាបន្តពិនិត្យពិច័យឡើងវិញ ធ្វើសំយោគទិន្នន័យខូចខាតអន្តរាយនិងរៀបចំពុះពារផលវិបាក៕
ទឹកជំនន់ពីទន្លេ ត្រាបុង បង្កជន់លិចជ្រៅតំបន់លំនៅឋាននៅលើផ្លូវជាតិ 1A ឃុំ ប៊ិញស៊ើន ខេត្ត ក្វាងង៉ាយ។ រូបថត៖ ផាមគឿង - ទីភ្នាក់ងារព័ត៌មានវៀតណាម
អត្ថបទ៖ ថាំងទ្រុង - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ
