រាល់សកម្មភាពវប្បធម៌ សិល្បៈ កីឡា និងពិធីបុណ្យសម្រាប់បងប្អូនជនជាតិត្រូវបានយកចិត្តទុកដាក់ សាសនាទាំងឡាយដំណើរការស្របតាមគោលការណ៍ណែនាំ គោលដៅ ចូលរួមយ៉ាងសកម្មក្នុងរាល់សកម្មភាពធានាសុខុមាលភាពសង្គម។ កិច្ចការជនជាតិ និងសាសនានៅទីក្រុងត្រូវបានគ្រប់លំដាប់ថ្នាក់ គ្រប់ផ្នែកអនុវត្តយ៉ាងល្អ រួមចំណែកពង្រឹងធ្លុងមហាសាមគ្គីភាពជនជាតិទាំងមូល សាមគ្គីភាពរវាងសាសនាទាំងឡាយ។
លោក ត្រឹន វ៉ាន់ហ្វៀន ស្នើថា នាពេលខាងមុខ គណៈកម្មាធិការបង្គាប់ការកិច្ចការសាសនា និងជនជាតិបន្តក្តាប់ស្ថានការណ៍ សកម្ម ធ្វើសេនាធិការទាន់ពេលវេលាអំពីកិច្ចការជនជាតិ និងសាសនាដល់គណៈកម្មាធិការបក្សដោយមានពាក្យស្លោកថា "ស្មោះត្រង់ វិជ្ជមាន គោរព តស៊ូ ទន់ភ្លន់ មានប្រសិទ្ធភាព" ធ្វើសេនាធិការអំពីការរៀបចំជំនួប និងអញ្ជើញទៅទស្សនាកន្លែងទីសក្ការៈបូជា បងប្អូនជនជាតិកាន់សាសនាក្នុងឱកាសសំខាន់ៗ ដើម្បីយល់ពីគំនិត គោលបំណងធម្មានុរូបរបស់សមណសក្តិសាសនា បងប្អូនជនជាតិកាន់សាសនា។ គណៈកម្មាធិការប្រជាជនទីក្រុងពង្រឹងការក្តាប់អំពីស្ថានភាព ដឹកនាំការដោះស្រាយរាល់សំណើ និងអនុសាសន៍ធម្មានុរូបរបស់បងប្អូនជនជាតិ សាសនា និងឧប្បត្តិហេតុពាក់ព័ន្ធទាំងឡាយកើតឡើង។
មន្ទីរហិរញ្ញវត្ថុបានចំណាំគួបផ្សំធនធានពីកម្មវិធីគោលដៅជាតិទៅក្នុងការអភិវឌ្ឍតំបន់បងប្អូនជនជាតិ និងសាសនា។ គណៈកម្មាធិការឃោសនា និងចលនាមហាជននៃគណៈកម្មាធិការបក្សទីក្រុងបានសហការជាមួយមន្ទីរកិច្ចការជនជាតិ និងសាសនារក្សាទំនាក់ទំនងជាប្រចាំ កសាងកងជួរអ្នកមានកិត្យានុភាព និងបន្តពង្រីកតួនាទីរបស់អ្នកមានកិត្យានុភាពក្នុងសហគមន៍បងប្អូនជនជាតិ និងសាសនា។ គណៈកម្មាធិការរណសិរ្សមាតុភូមិ វៀតណាម និងអង្គការសមាជិកយកចិត្តទុកដាក់បំផុសរាល់ចលនាប្រឡងប្រណាំងស្នេហាជាតិ សុខុមាលភាពសង្គម សហការជាមួយបណ្តាផ្នែកពាក់ព័ន្ធជួយអភិវឌ្ឍសេដ្ឋកិច្ចក្នុងសហគមន៍បងប្អូនជនជាតិ និងសាសនា។
លោក ឡឹម ហ្វាងមៅ ប្រធានមន្ទីរកិច្ចការជនជាតិ និងសាសនាទីក្រុងមានប្រសាសន៍ថា ក្នុងរយៈពេលថ្មីៗ នេះ ស្ថានភាពផលិតកម្ម និងជីវភាពរបស់បងប្អូនជនជាតិភាគតិចនៅក្នុងភូមិសាស្រ្តត្រូវបានរក្សាស្ថិរភាពជាសារវន្ត។ រាល់របប គោលនយោបាយសម្រាប់បងប្អូនជនជាតិភាគតិចត្រូវបានដំណើរការទាន់់ពេលវេលា ពេញលេញ គោលដៅទាំងឡាយអំពីអភិវឌ្ឍន៍សេដ្ឋកិច្ច - សង្គមក្នុងតំបន់ជនជាតិភាគតិចបានរួមចំណែកជាវិជ្ជមានដល់ការកែលម្អជីវភាពរស់នៅ បង្កើនប្រាក់ចំណូលនិងជំរុញអភិវឌ្ឍន៍សេដ្ឋកិច្ចក្នុងស្រុក។ស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅក្នុងតំបន់ជនជាតិភាគតិចត្រូវបានរក្សាលំនឹងហើយ។ ការឃោសនា និងចលនាអនុវត្តគោលការណ៍ មាគ៌ារបស់បក្ស និងគោលនយោបាយ ច្បាប់របស់រដ្ឋត្រូវបានដំណើរការជាប្រចាំ បន្តរក្សាមានប្រសិទ្ធភាព លើកកម្ពស់ការយល់ដឹងក្នុងសហគមន៍ជនជាតិភាគតិច និងរួមចំណែកពង្រឹងធ្លុងមហាសាមគ្គីភាពជនជាតិ។
ស្ថានភាពនៃសកម្មភាពជំនឿ សាសនាក្នុងភូមិសាស្រ្តមានស្ថិរភាពជាសារវន្ត ដោយមានការយកចិត្តទុកដាក់ និងបង្កើតលក្ខខណ្ឌងាយស្រួលពីអាជ្ញាធរមូលដ្ឋានពីរថ្នាក់។ រាល់តីសក្ការៈបូជាជំនឿ អង្គការសាសនាស្របច្បាប់ដំណើរការស្របតាមធម្មនុញ្ញ ធម្មវិន័យ ច្បាប់សាសនា និងគោរពតាមបញ្ញត្តិច្បាប់ស្តីពីសាសនា និងជំនឿ ធានាសន្តិសុខនិងសណ្តាប់ធ្នាប់។
ទីក្រុង កឹនធើ មានសាសនាចំនួន ១៣ ដោយមានសមណសក្តិជាង ១.៣៧០ រូប អ្នកមុខអ្នកការជាង ៣.៥៥០ រូប អ្នកប្រតិបត្តិធម៌ចំនួន ២.៤១៥ អង្គនិងរូប និងអ្នកកាន់សាសនាជាង ១,៣ លាននាក់។ បងប្អូនជនជាតិភាគតិចមានប្រជាជនជិត ៤៩៥.០០០ នាក់ ក្នុងនោះ បងប្អូនជនជាតិ ខ្មែរ មានប្រជាជនជាង ៤១១.០០០ នាក់ ជនជាតិ ចិន មានប្រជាជនជាង ៨២.០០០ នាក់ បងប្អូនជនជាតិផ្សេងមានប្រជាជនជាង ១.០០០ នាក់៕
អត្ថបទ និងរូបថត៖ ហុងថាយ
ប្រែសម្រួល៖ ចន្ថា
