ក្រោយពេលរៀនចប់ផ្នែកគរុកោសល្យភាសា អង់គ្លេស អ្នកគ្រូ ង្វៀន ហុងនឺ (អាយុ ៣៦ ឆ្នាំ ជនជាតិ ជើ រ៉) ត្រឡប់មកស្រុកកំណើតវិញហើយ បង្ហាត់បង្រៀននៅសាលាបឋមសិក្សា ង្វៀនខ្វៀន ឃុំ ស៊ន់ថាញ់ (ខេត្ត ដុងណាយ)។ ផ្គួបបញ្ចូលអត្ថបទបង្រៀនយ៉ាងប៉ិនប្រសប់ទៅក្នុងបទ ចម្រៀង បំប្លែងវាក្យសព្ទទៅជាហ្គេម អ្នកគ្រូ នឺ ជួយប្អូនៗ កូនសិស្សជាច្រើន លើកកម្ពស់លទ្ធភាពនិយាយ សរសេរអក្សរ អង់គ្លេស។
អ្នកគ្រូ នឺ ក៏ជាអ្នកមានប្រជាប្រិយភាពវ័យក្មេងបំផុតខេត្ត ដុងណាយ រួមចំណែកថែរក្សា និងសាយភាយវប្បធម៌ ជើ រ៉ ទៀតផង។ ក្រោយរយៈ ពេល ៥ ឆ្នាំឃ្មាតខ្មី អ្នកគ្រូបានជួយប្អូនតូចៗ ជាង ២០ នាក់ចេះនិយាយភាសា ជើ រ៉ និងស្ទាត់ជំនាញចង្វាក់រាំអំណរស្រូវថ្មីក្នុងពិធីបុណ្យ សៃយ៉ងវ៉ា។ អ្នកគ្រូ ឧស្សាហ៍នាំប្អូនៗ ទៅសម្តែងនៅតាមពិធីបុណ្យនានា ជួយប្អូនៗ កាន់តែ ស្រឡាញ់ចូលចិត្តភាសា ជើ រ៉ ថែមទៀត។
អ្នកគ្រូ ង្វៀន ហុងនឺ បានខេត្ត ដុងណាយ ជូនរង្វាន់ប័ណ្ណសរសើរ លិខិត សរសើរជាច្រើន។ ឆ្នាំ ២០២៤ អ្នកគ្រូបានមន្ទីរវប្បធម៌ កីឡា និងទេសចរណ៍ ខេត្ត ដុងណាយ អញ្ជើញឱ្យធ្វើជាតំណាងបងប្អូនជនជាតិ ជើ រ៉ ចូលរួមបង្ហាញ ពិធីបុណ្យ សៃយ៉ងវ៉ា ឡើងវិញបម្រើការកសាងសំណុំឯកសារ ទទួលស្គាល់ បេតិកភណ្ឌវប្បធម៌៕
អត្ថបទ និងរូបថត៖ ឡេស៊ន់
បញ្ចូលទិន្នន័យ៖ យ័ញលើយ
