បណ្តាដំណើរដ៏កក់ក្តៅ ប្រកបដោយលក្ខណៈមនុស្សសាស្រ្ត
ឃុំ ណាប៊ុង នៅតំបន់ព្រំដែនខេត្ត ដៀនបៀន មានចំនួនក្រុមគ្រួសាររហូតដល់ ៥០% ជាក្រុមគ្រួសារក្រីក្រ។ រួមដំណើរជាមួយនឹងប្រជាជនក្នុងដំណើររួចផុតពីភាពក្រីក្រ កម្មាភិបាល យុទ្ធជននៃប៉ុស្តិ៍ការពារព្រំដែន ណាប៊ុង បានអនុវត្ត "ច្បាម ៣ ជាមួយគ្នា ៤" ដោយមានជំនួយឧបត្ថម្ភជាក់ស្តែង។
បងប្រុស វ៉ាង អាស៊ិញ (ឃុំ ណាប៊ុង) ចែករំលែក៖ ទទួលបានជំនួយពីកងទ័ពការពារព្រំដែន គ្រួសារខ្ញុំបានអភិវឌ្ឍហ្វូងជ្រូកនិងសត្វទ្វេបាទ អាស្រ័យហេតុនោះហើយជីវភាពបានស្ថិរភាពពីមួយជំហានទៅមួយជំហាន។ "ប្រជាជនក្នុងភូមិនរណាៗ ក៏ដូចរូបខ្ញុំដែរ សុទ្ធតែដឹងគុណកម្មាភិបាល យុទ្ធជន ប៉ុស្តិ៍ការពារព្រំដែន ណាប៊ុង"។ បងប្រុស ស៊ិញ រំភើបចិត្តពោលដូច្នេះ។
នៅឃុំ ក្វាងទ្រឹក (ខេត្ត ឡឹមដុង) ប៉ុស្តិ៍ការពារព្រំដែន ដាក់យ៉ាង បានទទួលចិញ្ចឹមប្អូន ណុង តឹនផាត (អាយុ ៩ ឆ្នាំ សិស្សសាលាបឋមសិក្សា អាម៉ាត្រាងលើង) ពីឆ្នាំ ២០១៩។ គ្រួសាររបស់ប្អូន ផាត លំបាកលំបិនខ្លាំង គ្មានចម្ការស្រែលើដើម្បីដាំដុះ រីឯម្តាយរបស់ប្អូនក៏ទៅចោលផ្ទះតាំងពីប្អូននៅតូចម៉្លេះ។ ក្លាយជាកូនធម៌ប៉ុស្តិ៍ការពារព្រំដែនជិត ៦ ឆ្នាំកន្លងទៅ ប្អូន ផាត បានធំដឹងក្តីដូចកុមាររាប់រយនាក់ផ្សេងទៀតបានប៉ុស្តិ៍ការពារព្រំដែនទាំងឡាយនៅខេត្ត ឡឹមដុង ទទួលធ្វើជាកូនធម៌ក្នុងបណ្តាកម្មវិធី "កូនធម៌ប៉ុស្តិ៍ការពារព្រំដែន" និង "ទ្រជំហានប្អូនទៅសាលារៀន"។
ធ្លាប់រស់នៅក្នុងផ្ទះឫស្សីស្បូវទ្រុឌទ្រោមដ៏ធ្ងន់ធ្ងរ ពេលទទួលផ្ទះថ្មី បងស្រី លី តាម៉ៃ នៅភូមិ ណាណាម ឃុំ បាតសាត (ខេត្ត ឡាវកាយ) ចែករំលែក៖ "គ្រួសារខ្ញុំលំបាកលំបិនណាស់ ឥឡូវនេះបានអាជ្ញាធរមូលដ្ឋានជាពិសេសគឺកម្មាភិបាល យុទ្ធជននៃប៉ុស្តិ៍ការពារព្រំដែន បាតសាត រួមជាមួយនឹងសម្ពន្ធយុវជនឃុំជួយសាងសង់ផ្ទះមាំទាំ។ គ្រួសារខ្ញុំលែងស្ថិតក្នុងស្ថានភាពទទូរព្រះអាទិត្យបាំងភ្លៀង ផ្តោតធ្វើការរកស៊ីអភិវឌ្ឍសេដ្ឋកិច្ច ចិញ្ចឹមកូនចៅស៊ីរៀន"។
ទីពឹងផ្អែករឹងមាំក្នុងដួងចិត្តប្រជាជន
ឧត្តមសេនីយ៍ទោ ង្វៀន អាញ់ទន់ អគ្គស្នងការនយោបាយ កងទ័ពការពារព្រំដែនឱ្យដឹងថា ដំណាក់កាល ២០២១ - ២០២៥ កងទ័ពការពារព្រំដែនបានរួមជាមួយនឹងប្រទេសទាំងមូលអនុវត្តកម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិច និងតំបន់ភ្នំ។ នៅពេលប្រជាជនត្រូវការ ពិសេសគឺអំឡុងពេលមានគ្រោះធម្មជាតិ ព្យុះ និងទឹកជំនន់បង្កឡើង កងទ័ពការពារព្រំដែនរួមជាមួយនឹងកងកម្លាំងប្រដាប់អាវុធទាំងឡាយ មិនក្រែងរអែងនឹងការលំបាកលំបិន គ្រោះថ្នាក់ ជម្លៀសមនុស្សនិងទ្រព្យសម្បត្តិជួយបងប្អូនជនជាតិលំនឹងជីវភាព។ ក្រៅពីនោះ កងទ័ពការពារព្រំដែនចូលរួមជាមួយអាជ្ញាធរមូលដ្ឋានដាក់ដំណើរការកម្មវិធីអភិវឌ្ឍសេដ្ឋកិច្ច វប្បធម៌សង្គម ធានាការពារជាតិ សន្តិសុខ រក្សាសណ្តាប់ធ្នាប់សុវត្ថិភាពសង្គមនៅលើភូមិសាស្រ្ត។
គួរឱ្យចាប់អារម្មណ៍ កម្មវិធី "និទាឃរដូវការពារព្រំដែនផ្តល់ភាពកក់ក្តៅដល់បេះដូងអ្នកភូមិ" រហូតមកដល់ពេលនេះបានផ្តល់ជូនដល់ប្រជាជនបណ្តាមូលដ្ឋានចំនួន ១៧,៦៦ ពាន់លានដុង សំណង់ស៊ីវិលចំនួន ១៥០ ផ្ទះ "ជម្រកកក់ក្តៅនៅជាយដែន" ចំនួន ១.២៤៤ ខ្នង គោពូជចំនួន ៤៥៤ ក្បាល និងអំណោយជាច្រើនទៀតដែលមានតម្លៃសរុបចំនួន ២៧០ ពាន់លានដុង។
ដោយមានកម្មវិធី "ទ្រជំហានប្អូនទៅសាលារៀន" "កូនធម៌ប៉ុស្តិ៍ការពារព្រំដែន" ជាមធ្យមជារៀងរាល់ឆ្នាំមានកូនសិស្សប្រហែល ៣.០០០ នាក់ (ពីថ្នាក់ទី ១ ដល់ទី ១២) ត្រូវបានឧបត្ថម្ភនិងទទួលចិញ្ចឹមដោយកម្រិត ឧបត្ថម្ភសម្រាប់ក្មួយម្នាក់ចំនួន ៥០០.០០០ ដុងក្នុងមួយខែ តម្លៃថវិកាសរុបជិត ២០០ ពាន់លានដុង។
កងទ័ពការពារព្រំដែនសហការជាមួយនឹងសមាគមសហព័ន្ធនារី វៀតណាម កៀរគរថវិកាជាង ២៩១ ពាន់លានដុង អនុវត្តកម្មវិធី "រួមដំណើរជាមួយនារីជាយដែន" ក្នុងទម្រង់ប្រកបការងាររកស៊ីចិញ្ចឹមជីវិត ផ្តើមអាជីពសំណង់ស៊ីវិល សៀវភៅប្រិតសំចៃ ចិញ្ចឹមសត្វចតុបាទ។ល។ ជូនសមាជិកសមាគមនារីនៅព្រំដែន និងកម្មវិធីចលនាគំរូជាច្រើនទៀត។ល។
សកម្មភាពមេត្តាធម៌ទាំងឡាយរបស់កម្មាភិបាល យុទ្ធជនការពារព្រំដែនបានរួមចំណែកពង្រឹងសាមគ្គីភាពកងទ័ព - ប្រជាជនបន្ថែមលម្អរូបភាព "កងទ័ពអ៊ំ ហូ" ក្នុងដួងចិត្តប្រជាជនបណ្តាជនជាតិនៅព្រំដែន រួមចំណែកកសាងព្រំដែនដ៏រឹងមាំសម្បូររុងរឿង កសាងយុទ្ធសាស្រ្តទឹកចិត្តប្រជាជនរឹងមាំ ការពារបូរណភាពអធិប្បតេយ្យភាពទឹកដី សន្តិសុខព្រំដែនជាតិ៕
ឧត្តមសេនីយ៍ត្រី វ៉ាន់ ង៉ុកក្វេ អនុប្រធាននយោបាយនៃបញ្ជាការដ្ឋានកងទ័ពការពារព្រំដែនមានប្រសាសន៍ថា៖ "ដំណាក់កាល ២០២៦ - ២០៣០ ដោយមានទំហំទុនវិនិយោគជិត ៩.០០០ ពាន់លានដុង កងទ័ពការពារព្រំដែននឹងបន្តដំណើរការគម្រោងផ្ទះលំនៅ ទឹកប្រើប្រាស់ផ្លូវគមនាគមន៍ ធារាសាស្ត្រ។ល។ នៅតំបន់បងប្អូនជនជាតិភាគតិច ផ្តល់អាទិភាពចំពោះបណ្តាឃុំលំបាកលំបិនខ្លាំង ភូមិលំបាកលំបិនខ្លាំង"។
អត្ថបទ៖ វៀតតូន រូបថត៖ ទីភ្នាក់ងារព័ត៌មានវៀតណាម
បញ្ចូលទិន្ន័យ៖ អៀងថាន់
