អ្នកយកព័ត៌មាន៖ សូមសមមិត្តរៀបរាប់ឡើងវិញបណ្តាលទ្ធផលលេចធ្លោក្នុងការអនុវត្តកម្មវិធីគោលដៅជាតិនិងគោលនយោបាយសម្រាប់បងប្អូនជនជាតិភាគតិចនិងតំបន់ភ្នំរយៈពេលកន្លងទៅ?
អនុរដ្ឋមន្ត្រី អ៊ី វិញទើរ៍៖ ដំណាក់កាល ២០២១ - ២០២៥ កម្មវិធីគោលដៅជាតិកាត់បន្ថយភាពក្រីក្រប្រកបដោយចីរភាពបានរួមចំណែកដ៏សំខាន់ក្នុងការអនុវត្តបណ្តាគោលដៅកាត់បន្ថយភាពក្រីក្រ។ អត្រាក្រុមគ្រួសារក្រីក្រថយ ចុះជាមធ្យមចំនួន ១ ដល់ ១,៥% ក្នុងមួយឆ្នាំ ខណៈពេលអត្រាក្រុមគ្រួសារក្រីក្រតំបន់ជនជាតិភាគតិចនិងតំបន់ភ្នំ ថយចុះជាង ៣% ក្នុងមួយឆ្នាំ។ ជាពិសេសនៅតាមស្រុកក្រីក្រ អត្រាថយចុះពី ៤ ដល់ ៥% ក្នុងមួយឆ្នាំ។
កម្មវិធីគោលដៅជាតិបានអនុវត្តជាង ១០.៥៨៧ គំរូ គម្រោងកាត់បន្ថយភាពក្រីក្រដោយមានការចូលរួមរបស់ប្រជាជនចំនួន ២០៥.៥៨៥ ក្រុមគ្រួសារ។ ក្នុងនោះ គម្រោងឧបត្ថម្ភដល់ផលិតកម្ម កសិកម្ម ចំនួន ៦.១៧៤ បានជួយក្រុមគ្រួសារចំនួន ៩៩.៥៩៤ កែលម្អវិធីសាស្រ្តដាំដុះ ប្រើបច្ចេកវិទ្យាខ្ពស់ លើកកម្ពស់ទិន្នផលនិងគុណភាពផលិតផល។
លទ្ធផលអនុវត្តកម្មវិធីគោលដៅជាតិបានជំរុញការអភិវឌ្ឍសេដ្ឋកិច្ច - សង្គមតំបន់បងប្អូនជនជាតិនិងតំបន់ភ្នំ រួមចំណែកដល់ការកាត់បន្ថយភាពក្រីក្រនិងដោះស្រាយតម្រូវការរបស់ប្រជាជនជាសារវន្ត។ ជាពិសេស អត្រាកាត់បន្ថយភាពក្រីក្រតំបន់ជនជាតិភាគតិចសម្រេចបានជាមធ្យមចំនួន ៣,៤% ខ្ពស់ជាងបើធៀបនឹងអត្រាកាត់បន្ថយ ភាពក្រីក្រនិយាយរួមនៃប្រទេសទាំងមូល រួមចំណែកបង្រួញគម្លាតអភិវឌ្ឍរវាងតំបន់នានា។
អ្នកយកព័ត៌មាន៖ សម័យប្រជុំលើកទី ១០ រដ្ឋសភានីតិកាលទី ១៥ បានឯកភាពគ្នាគួបបញ្ចូលកម្មវិធីគោលដៅជាតិចំនួន ៣ (កសាងជនបទថ្មី កាត់បន្ថយភាពក្រីក្រប្រកបដោយចីរភាព អភិវឌ្ឍសេដ្ឋកិច្ច - សង្គមតំបន់បងប្អូន ជនជាតិនិងតំបន់ភ្នំ) ឱ្យនៅតែមួយ។ សមមិត្តមានក្តីរំពឹងទុកអ្វីអំពីកម្មវិធីនេះ?
អនុរដ្ឋមន្ត្រី អ៊ី វិញទើរ៍៖ ការរួមបញ្ចូលវិញមិនមែនដើម្បីកាត់បន្ថយបណ្តាគោលនយោបាយអនុគ្រោះនោះទេប៉ុន្តែកើនឡើងនៅគ្រប់ជ្រុងជ្រោយ។ ទីមួយ ពេលគួបបញ្ចូលមក កម្មវិធីនឹងបង្កើនការវិនិយោគដល់បណ្តាតំបន់ស្នូលក្រីក្រ។ ទីពីរ ការកសាងជនបទថ្មីនឹងប្រមូលផ្តុំយ៉ាងខ្លាំងឱ្យតំបន់ជនជាតិភាគតិចតំបន់លំបាកលំបិនបំផុត។ ជំនួសឱ្យការអនុវត្តដល់ឆ្នាំ ២០៣០ ក៏កម្មវិធីនេះអូសបន្លាយដល់ឆ្នាំ ២០៣៥ វិញហើយក្រោយពីនោះគ្រោងនឹង មានកម្មវត្ថុ គោលនយោបាយផ្សេងៗ ទៀត។
ប្រទេសជាតិកំពុងឈានចូលដំណាក់កាលអភិវឌ្ឍថ្មី កម្មវិធីរួមបញ្ចូលដំណាក់កាល ២០២៦ - ២០៣៥ នាំឱកាសយ៉ាងធំមកដល់តំបន់បងប្អូនជនជាតិភាគតិច និងតំបន់ភ្នំ។ ជាក់ស្តែងគឺចាត់ទុកការវិនិយោគលើការអភិវឌ្ឍសេដ្ឋកិច្ច - សង្គមគឺជាភារកិច្ចដ៏សំខាន់ដើម្បីអភិវឌ្ឍប្រកបដោយចីរភាពលើកកម្ពស់ជីវភាពសម្ភារៈនិងស្មារតីរបស់ ប្រជាជន រួមចំណែកបង្រួញគម្លាតបន្តិចម្តងៗ អំពីកម្រិតជីវភាពរស់នៅ ប្រាក់ចំណូលរបស់បងប្អូនជនជាតិភាគតិចធៀបនឹងមធ្យមរួមនៃប្រទេសទាំងមូល។ល។
អ្នកយកព័ត៌មាន៖ ក្រសួងជនជាតិ និងសាសនាមានកម្មវិធី ផែនការអ្វីខ្លះដើម្បីអនុវត្តល្អការងារជនជាតិនិងសាសនាក្នុងដំណាក់កាលថ្មី ដែរសមមិត្ត?
អនុរដ្ឋមន្ត្រី អ៊ី វិញទើរ៍៖ ដំណាក់កាល ២០២៦ - ២០៣០ ក្រសួងនឹងអាទិភាពដល់ "តំបន់ស្នូលក្រីក្រ" និងតំបន់ភ្នំដោយមានគោលដៅលើកកម្ពស់ប្រាក់ចំណូលនិងកាត់បន្ថយភាពក្រីក្រជូនបងប្អូនជនជាតិភាគតិចនិងតំបន់ភ្នំ ខិតខំដល់ចុងដំណាក់កាល ២០២៦ - ២០៣០ ប្រាក់ចំណូលជាមធ្យមរបស់បងប្អូនជនជាតិភាគតិចកើនឡើងគួរ ឱ្យកត់សម្គាល់ (គ្រោងនឹងសម្រេចបាន ៤៦,៤ លានដុងនៅចុងឆ្នាំ ២០២៥ ហើយកើនឡើងបន្តក្នុងដំណាក់កាលថ្មី)។
ក្រសួងសហការជាមួយក្រសួង ផ្នែកនិងមូលដ្ឋាន ផ្តោតលើការវិនិយោគកសាងហេដ្ឋារចនាសម្ព័ន្ធដ៏ចាំបាច់ដូចជាគមនាគមន៍ អគ្គិសនី ទឹកប្រើប្រាស់ សាលារៀន ស្ថានីយសុខភាព ព័ត៌មាន - ទូរគមនាគមន៍ ស្របពេលនោះដែរ ឧបត្ថម្ភដល់ការអភិវឌ្ឍផលិតកម្ម មធ្យោបាយចិញ្ចឹមជីវិតប្រកបដោយចីរភាព កាត់បន្ថយភាពក្រីក្រច្រើនជ្រុងជ្រោយ លើកកម្ពស់ប្រាក់ចំណូលនិងជីវភាពរស់នៅរបស់ប្រជាជន។
ទន្ទឹមនឹងនោះ ក្រសួងនឹងអនុវត្តកម្មវិធីលើកកម្ពស់គុណភាពអប់រំបណ្តុះបណ្តាលវិជ្ជាជីវៈជូនពលករតំបន់ជនជាតិភាគតិចនិងតំបន់ភ្នំ បំប៉ន បណ្ដុះបណ្ដាលកងជួរកម្មាភិបាល ភ្នាក់ងាររដ្ឋការ បុគ្គលិករដ្ឋការដែលធ្វើការងារជនជាតិនិងសាសនា ជាពិសេសគឺកម្មាភិបាលជនជាតិភាគតិច ស្របពេលនោះដែរផ្តោតលើការអភិរក្សនិងលើកស្ទួយ អត្តសញ្ញាណវប្បធម៌ប្រពៃណី ផ្សារភ្ជាប់ជាមួយនឹងអភិវឌ្ឍទេសចរណ៍។ល។
ដោយមានកម្មវិធីទាំងឡាយនិងផែនការដែលរៀបរាប់ខាងលើ ក្រសួងជនជាតិនិងសាសនាប្តេជ្ញាចិត្តអនុវត្តល្អការងារជនជាតិនិងសាសនាក្នុងដំណាក់កាលថ្មី រួមចំណែកកសាងប្រទេសជាតិ អភិវឌ្ឍឆាប់រហ័សនិរន្តរភាព សាមគ្គីនិងស្ថិរភាព៕
អ្នកយកព័ត៌មាន៖ សូមអរគុណសមមិត្ត!
ផលិតដោយ៖ ង្វៀន វៀតតូន
បញ្ចូលទិន្នន័យ៖ យ័ញលើយ
