នេះគឺជាព្រឹត្តិការណ៍ស្ថិតនៅក្នុងក្របខ័ណ្ឌទិវាជួបជុំ "យុវជនផ្តើមអាជីព ផ្លាស់ប្តូរថ្មីនិងច្នៃប្រតិដ្ឋនិងបរិវត្តកម្មឌីជីថល" ឆ្នាំ ២០២៦ និងវគ្គពាក់កណ្តាលផ្តាច់ព្រ័ត្រការប្រលង "គម្រោងផ្តើមអាជីពយុវជនជនបទឆ្នាំ ២០២៦" នៅតំបន់ភូមិភាគខាងជើង។
នៅក្នុងសម័យសន្ទនា បង កាញ់ ជីគ្វិន អនុប្រធានគណ:កម្មាធិការចំពោះកិច្ចយុវជន តរុណវ័យសម្ព័ន្ធយុវជនកុម្មុយនិស្ត ហូ ជីមិញ មជ្ឈិមឱ្យដឹងថា៖ កម្មវិធីគឺជាសកម្មភាពដ៏ចាំបាច់ក្នុងគោលបំណងធ្វើឱ្យគោលនយោបាយសំខាន់ៗ របស់បក្ស រដ្ឋស្តីពីការជំរុញការផ្លាស់ប្តូរថ្មីនិងច្នៃប្រតិដ្ឋ បរិវត្តកម្មឌីជីថលនិងអភិវឌ្ឍសេដ្ឋកិច្ចជនបទក្លាយទៅជាភាពជាក់សែ្ដង ក្នុងពេលជាមួយគ្នានោះដែរ បញ្ជាក់ពីតួនាទីរួមដំណើររបស់អង្គការសម្ព័ន្ធយុវជនក្នុងការឧបត្ថម្ភយុវជនផ្តើមអាជីព បង្កើតអាជីព។
យោងតាមលោក កាញ់ ជីគ្វិន បញ្ហាប្រឈមដ៏ធំបំផុតចោទឡើងសម្រាប់យុវជនផ្តើមអាជីពនាពេលបច្ចុប្បន្ននេះគឺ៖ ធ្វើម្តេចដើម្បីផលិតផលនៅតែរក្សាបាន “ដួងព្រលឹងធាតុខ្លឹមក្នុងស្រុក” របស់ភូមិនិគមឆ្ងាយដាច់ស្រយាលមួយហើយខណៈពេលនោះដែរអាចមានវត្តមាននៅលើតុអាហារអតិថិជនទូទាំងសកលលោក។ ចម្លើយតែមួយគត់គឺ “បរិវត្តកម្មឌីជីថល”។
បរិវត្តកម្មឌីជីថលក្នុង OCOP (កម្មពិធីឃុំមួយ ផលិតផលមួយ) មិនមែនគ្រាន់តែជាការដាក់ផលិតផលនៅលើវេទិកាពាណិជ្ជកម្មអេឡិចត្រូនិចដូចជា Facebook Shopee ជាដើម ឬការបង្កើតវីដេអូលក់ទំនិញតែមួយមុខប៉ុននោះទេ។ នោះគឺជាការប្រើបច្ចេកវិទ្យាដើម្បីឌីជីថលភាវូបនីយកម្មពុទ្ធិក្នុងស្រុក ធ្វើឱ្យគុណភាពមានស្តង់ដា តម្លាភាពប្រភពដើម លើកកម្ពស់លទ្ធភាពគ្រប់គ្រងសម្រាប់អង្គសំខាន់ៗ សហករណ៍ ក្រុមគ្រួសារធ្វើអាជីវកម្ម ឆ្លៀតប្រើកម្លាំងរបស់ពាណិជ្ជកម្មអេឡិចត្រូនិចនិងការផ្សាយផ្ទាល់ការលក់ទំនិញ។
អនុប្រធានគណ:កម្មាធិការចំពោះកិច្ចយុវជន តរុណវ័យសម្ព័ន្ធយុវជនកុម្មុយនិស្ត ហូ ជីមិញ មជ្ឈិមស្នើថា៖ ដើម្បីបើកទូលាយទីផ្សារក្នុងដំណាក់កាលខាងមុខ បណ្តាអង្គសំខាន់ OCOP ជាយុវជន សហករណ៍យុវជន សហគ្រិនវ័យក្មេងនិងក្រុមសហការយុវជនយកចិត្តទុកដាក់អនុវត្តយុទ្ធសាស្ត្រមុខព្រួញ ៣៖ “លក់រឿងរ៉ាវ មិនមែនលក់តែផលិតផល” ពាណិជ្ជកម្មអេឡិចត្រូនិចឆ្លងកាត់ព្រំដែននិងភ្ជាប់ផ្គត់ផ្គង់តម្រូវការឆ្លាតវៃ៖ ប្រើប្រាស់ទិន្នន័យធំ (Big Data) ដើម្បីព្យាករណ៍និន្នាការប្រើប្រាស់។
“ដោយមានតួនាទីជាអង្គការតំណាងនិងរួមដំណើរ សម្ព័ន្ធយុវជនកុម្មុយនិស្ត ហូ ជីមិញ មជ្ឈិម តែងតែកំណត់ភារកិច្ចគន្លឹះគឺចូលរួមបង្កើតបរិស្ថានឧបត្ថម្ភយុវជនផ្តើមអាជីពផ្អែកលើមូលដ្ឋានគ្រឹះវិទ្យាសាស្ត្របច្ចេកវិទ្យានិងបរិវត្តកម្មឌីជីថល” បង កាញ់ ជីគ្វិន សង្កត់ធ្ងន់ដូច្នេះ។
នៅក្នុងសម័យសន្ទនា វាគ្មិននិងសមាជិកសមាជិកានៃសម្ព័ន្ធយុវជនកុម្មុយនិស្ត ហូ ជីមិញ យុវជនយុវនារីផ្តោតលើការសន្ទនាអំពីដំណោះស្រាយជាច្រើនក្នុងគោលបំណងយុវជនជនបទ សហករណ៍និងអាជីវកម្មប្រើបណ្តាញចែកចាយឌីជីថល ស្នើវិធានការសាមញ្ញកម្ម បង្រួញខ្លីដំណើរការចុះបញ្ជីផលិតផល OCOP ជំរុញការភ្ជាប់ ប្រើប្រាស់ផលិតផល OCOP។ កិច្ចសន្ទនាក៏បានបញ្ជាក់ពីតួនាទីរបស់អង្គការសម្ព័ន្ធយុវជនក្នុងការអមដំណើរ ឧបត្ថម្ភយុវជនក្នុងការផ្តើមអាជីព កសាងអាជីពនិងចូលរួមអនុវត្តកម្មវិធី OCOP។ ឆ្លងតាមរយៈនោះ គំរូ របៀបធ្វើមានប្រសិទ្ធភាពល្អ គំនិតច្នៃប្រតិដ្ឋតជាច្រើនរបស់យុវជនក្នុងការអភិវឌ្ឍសេដ្ឋកិច្ចជនបទ ផ្តើមអាជីពនិងកសាងផលិតផល OCOP ត្រូវបានចែករំលែកនៅក្នុងព្រឹត្តិការណ៍។
វាយតម្លៃខ្ពស់បណ្តាគំរូផ្តើមអាជីព ទេសចរណ៍សហគមន៍កំពុងធ្វើ អ្នកជំនាញការ ផាម ហៃគ្វិញ វិទ្យាធិការនៃវិទ្យាស្ថានអភិវឌ្ឍទេសចរណ៍ អាស៊ី ថ្លែងថា យុវជនម្នាក់ៗ ត្រូវតែធ្វើឱ្យសុក្រឹតបណ្តាស្តង់ដារគុណភាព បង្កើតជារឿងរ៉ាវពិតប្រាកដសម្រាប់ផលិតផលនីមួយៗ ដោយឡែករបស់ខ្លួន ប្រើប្រាស់បច្ចេកវិទ្យាដើម្បីអភិក្រមអតិថិជនកាន់តែច្រើនថែមតៀត។
អ្នកស្រី ម៉ា ធីជូ ជា កល ម្នាក់ (អ្នកមានឥទ្ធិពល) នៅឃុំ មឿងខឿង ដោយមានបទពិសោធន៍ផ្តើមអាជីព ១៥ ឆ្នាំ ថ្លែងថាមុនពេលបង្កើតចេញផលិតផល យុវជនត្រូវឆ្លើយឱ្យបាន ពីរ សំណួរ៖ តើតម្លៃលក់រាយនិងតម្លៃចែកចាយជាប៉ុន្មានទៅដើម្បីផលិតផលអាចប្រកួតប្រជែងនៅលើទីផ្សារ។ ក្រៅពីនោះ ផលិតផលត្រូវតែឆ្លើយតមតាមលក្ខណៈវិនិច្ឆ័យអំពីសុវត្ថិភាពភោជនាហារ អនាម័យភោជនាហារ ការពិសោធនិងការប្រកាសត្រូវតាមបទប្បញ្ញត្តិ។ យោងតាមអ្នកស្រី ជូ ក្នុងអំឡុងពេលដំណើរធ្វើផលិតផលឱ្យសុក្រឹត យុវជនអាចទទួលបានការឧបត្ថម្ភពីអាជ្ញាធរមូលដ្ឋាន អង្គការសម្ព័ន្ធយុវជនកុម្មុយនិស្ត ហូ ជីមិញ សមាគមសម្ព័ន្ធយុវជន វៀតណាម និងក្លឹបផ្តើមអាជីពទាំងឡាង។
អនុលេខាសម្ព័ន្ធយុវជនកុម្មុយនិស្ត ហូ ជីមិញ ខេត្ត ឡាវកាយ ដុង ម៉ាញ់លិញ ឱ្យដឹងថា សម្ព័ន្ធយុវជនកុម្មុយនិស្ត ហូ ជីមិញ គ្រប់លំដាប់ថ្នាក់មិនធ្វើជំនួសយុវជនទេ ប៉ុន្តែផ្តោតលើការតម្រង់ទិសដៅ ភ្ជាប់ប្រភពកម្លាំងនិងកសាងប្រព័ន្ធអេកូឡូស៊ីផ្តើមអាជីព។ ចំណុចស្នូលឧបត្ថម្ភគឺស្តារប្រភពទុន បណ្តុះបណ្តាលទិសស្លោក “កាន់ដៃបង្គាប់ការ” និងជំរុញការអភិវឌ្ឍសេដ្ឋកិច្ចសមូហភាព។
គឺជាអង្គភាពមួយក្នុងចំណោមអង្គភាពទទួលការប្រគល់ការងាររបស់ធនាគារគោលនយោបាយសង្គម លេខាសម្ព័ន្ធយុវជនកុម្មុយនិស្ត ហូ ជីមិញ ខេត្ត ឡាវកាយ កំពុងគ្រប់គ្រងប្រាក់កម្ចីដែលមិនទាន់បានសងប្រហែល ២.៧០០ ពាន់លានដុងដោយមានជាង ៣០.០០០ ក្រុមគ្រួសារខ្ចីប្រាក់ឆ្លងតាមរយៈជិត ១.០០០ ក្រុមប្រិតសំចៃនិងកម្ចីទុន។ នេះគឺជាប្រភពកម្លាំងសំខាន់ជួយយុវជនវិនិយោគលើការអភិវឌ្ឍផលិតកម្ម ចិញ្ចឹមសត្វ ដាំដុះដំណាំ និងធ្វើអាជីវកម្ម។
ស្របពេលនោះដែរ ជារៀងរាល់ឆ្នាំ លេខាសម្ព័ន្ធយុវជនកុម្មុយនិស្ត ហូ ជីមិញ ខេត្ត រៀបចំកម្មវិធីហ្វឹកហ្វឺនតាមទិសដៅអនុវត្ត ឧបត្ថម្ភយុវជនក្នុងការបង្កើតសហគ្រាស សហករណ៍ ក្រុមផលិតកម្មនិងភ្ជាប់ជាមួយការលក់ផលិតផល លើកកម្ពស់លទ្ធភាពប្រកួតប្រជែងនៅលើទីផ្សារពីមួយជំហានទៅមួយជំហាន។
ក្រៅពីនេះ ជារៀងរាល់ឆ្នាំ លេខាសម្ព័ន្ធយុវជនកុម្មុយនិស្ត ហូ ជីមិញ ខេត្តរៀបចំកម្មវិធីបណ្តុះបណ្តាលហ្វឹកហ្វឺនជាច្រើនតាមទម្រង់ប្រយុទ្ធជាក់ស្ដែងស្របពេលនោះដែរណែនាំយុវជនយុវតីទាំងឡាយបង្កើតគំរូអភិវឌ្ឍសេដ្ឋកិច្ច ពីសហគ្រាស សហករណ៍រហូតដល់ក្រុមផលិតកម្មនិងនាំផលិតផលរបស់ខ្លួនសាយភាយនៅលើទីផ្សារកាន់តែច្រើនថែមទៀត។ នៅក្នុងកម្មវិធីនេះ អ្នកជំនាញការ អ្នកដំណាងសង្កត់ធ្ងន់លើតួនាទីដ៏សំខាន់នៃបរិវត្តកម្មឌីជីថលនិងភ្ជាប់ក្នុងការអនុវត្តផ្តើមអាជីព អភិវឌ្ឍទេសចរណ៍។ ស្របពេលនោះស្នើ អង្គការសម្ព័ន្ធយុវជនកុម្មុយនិស្ត ហូ ជីមិញ តាមខេត្តចាំបាច់សហការជាមួយអាជ្ញាធរមូលដ្ឋានគ្រប់លំដាប់ថ្នាក់ដោះស្រាយការទើសទាក់អំពីដើមទុន ភ្ជាប់ជាមួយបណ្តាញលក់ចេញនិងការឧបត្ថម្ភទាំងឡាយដើម្បីយុវជនឡើងបណ្តាវេទិកាពាណិជ្ជកម្មអេឡិចត្រូនិច ភ្ជាប់ការឧបត្ថម្ភផ្តល់ប្រឹក្សាច្បាប់ជូនបណ្តាម្ចាស់គំរូក្នុងការការពារពាណិជ្ជសញ្ញាផលិតផល ជំរុញយ៉ាងខ្លាំងក្លាការផ្សព្វផ្សាយទៅដល់ប្រជាជន ភ្ញៀវទេសចរនិងលើកកម្ពស់គុណភាពប្រភពធនធានមនុស្សដែលធ្វើការងារក្នុងវិស័យទេសចរណ៍ជាដើម៕
អត្ថបទ៖ ហឿងធូ - ទីភ្នាក់ងារព័ត៌មានវៀតណាមផ្សាយ
ប្រែសម្រួល៖ ពេជ្រពិសិដ្ឋ
