ឡាវកាយ ជាខេត្តតំបន់ភ្នំនៃភូមិភាគខាងជើងដោយមានបងប្អូនជនជាតិភាគតិចជាង ៦៦ ភាគរយនៃចំនួនប្រជាជនដូចជា៖ ម៉ុង យ៉ាវ តៃ ហាញី....។ អាស្រ័យដោយផ្តោតការយកចិត្តទុកដាក់ជាសំខាន់ទៅលើការកសាងប្រព័ន្ធសុខាភិបាលនៅមូលដ្ឋាន លើកបង្កើនគុណភាពមុខជំនាញដោយឥតឈប់ឈរ ផ្នែកសុខាភិបាលខេត្ត ឡាវកាយ បានឆ្លើយតបតម្រូវការពិនិត្យ ព្យាបាលជំងឺរបស់ប្រជាជនជាបណ្តើរៗ…។
វេជ្ជបណ្ឌិតក្នុងគម្រោងបំភ្លឺក្រមសីលធម៌គ្រូពេទ្យនៅលើតំបន់ភ្នំ់
ដំណើរការអនុវត្តគម្រោងសាកល្បងបញ្ជូនគ្រូពេទ្យស្ម័គ្រចិត្តវ័យក្មេងមកបំពេញការងារនៅតំបន់ភ្នំ តំបន់ជ្រៅ តំបន់ឆ្ងាយដាច់ស្រយាល ព្រំដែន កោះសមុទ្រ តំបន់មានលក្ខខណ្ឌសេដ្ឋកិច្ច - សង្គមលំបាកលំបិន (គម្រោង ៥៨៥) នៃក្រសួងសុខាភិបាល ក្នុងរយៈពេលជាង ៨ ឆ្នាំកន្លងផុតទៅ ផ្នែកសុខាភិបាលខេត្ត ឡាវកាយ ត្រូវបានជំនួយបញ្ជូនគ្រូពេទ្យស្ម័គ្រចិត្ត ៦ នាក់អញ្ជើញមកបំពេញការងារនៅស្រុក មឿងឃឿង បាក់ហា បាតសាត និង សាប៉ា ព្រមទាំងបណ្តុះបណ្តាលវេជ្ជបណ្ឌិតឯកទេសកម្រិត ១ ចំនួន ២០ នាក់សម្រាប់មន្ទីរពេទ្យខ្សែរយៈស្រុក។
វេជ្ជបណ្ឌិតផ្នែកសម្ភព ស៊ុង សែវ ត្វ ជនជាតិ ម៉ុង ពិនិត្យមើលជំងឺជូនទារកទើបសម្រាលបាន ៩ ម៉ោង របស់ស្ត្រីសម្រាលកូន ហាង សែវសឺវ (ជនជាតិ ម៉ុង នៅភូមិ សាវ កូស៊ីន ឃុំ ណឹមលឺ) នៅមន្ទីរពេទ្យពហុព្យាបាលស្រុក មឿងឃឿង
ឆ្លើយតបបានល្អតម្រូវការអំពីមុខជំនាញវិជ្ជាជីវៈ វេជ្ជបណ្ឌិតទាំងនេះបានសកម្មចូលរួមពិនិត្យ ព្យាបាលជំងឺជូនប្រជាជននៅមូលដ្ឋាន រួមចំណែកដល់ការកាត់បន្ថយស្ថានភាពបញ្ជូនឡើងទៅមន្ទីរព្យាបាលខ្សែរយៈលើ កាត់បន្ថយការហួសចំណុះមន្ទីរព្យាបាលខ្សែរយៈខេត្តនិងមជ្ឈិម។
ដើម្បីអនុវត្តការងារថែទាំសុខភាពជូនប្រជាជនអោយកាន់តែល្អថែមទៀត ផ្នែកសុខាភិបាលខេត្ត ឡាវកាយ នឹង បន្តបង្កើនសមត្ថភាពបណ្តាញខ្សែរយៈមូលដ្ឋាន ការបណ្តុះបណ្តាលនិងអភិវឌ្ឍន៍ប្រភពធនធានបុគ្គលិកសុខាភិបាលសម្រាប់តំបន់ជនជាតិភាគតិច ការផ្សព្វផ្សាយអប់រំសុខភាព។ ខេត្ត ឡាវកាយ ខិតខំប្រឹងប្រែងដល់ឆ្នាំ ២០២៥ មានវេជ្ជបណ្ឌិតកម្រិតឧត្តមសិក្សា ៥០% (វេជ្ជបណ្ឌិតឯកទេសកម្រិត ១ និងវេជ្ជបណ្ឌិតឯកទេសកម្រិត ២) នៅបណ្តាមន្ទីរពេទ្យខ្សែរយៈស្រុកធានាមានវេជ្ជបណ្ឌិតឯកទេសកម្រិត ១ ផ្នែកពិនិត្យអ្នកជំងឺផ្ទាល់ចំនួន ២ នាក់ - លោកស្រី ផាម បិចវ៉ឹន នាយិការងមន្ទីរសុខាភិបាលខេត្ត ឡាវកាយ។
មន្ទីពេទ្យពហុព្យាបាលស្រុក បាក់ហា ពីមុននេះព្យាបាលបានតែករណីជំងឺសាមញ្ញៗ ប៉ុណ្ណោះ។ ចំពោះករណីស្មុគស្មាញតម្រូវការជំនាញខ្ពស់វិញ មន្ទីរពេទ្យចាំបាច់បញ្ជូនឡើងទៅមន្ទីរពេទ្យខ្សែរយៈលើដើម្បីព្យាបាលជំងឺ។ ដោយសារតែមានគម្រោង ៥៨៥ និងវេជ្ជបណ្ឌិត ៥ នាក់ត្រូវបានបណ្តុះបណ្តាល វេជ្ជបណ្ឌិត ឯកទេសកម្រិត ១ ក្នុងនោះមានវេជ្ជបណ្ឌិតកុមារ វ៉ាង សែវសាវ ជនជាតិ ម៉ុង មន្ទីរពេទ្យអាចព្យាបាលបានករណីពិបាកៗ ដូចជា៖ ការវះកាត់សរីរាង្គក្នុងពោះ ការវះកាត់ផ្នែកសម្ភព ការវះកាត់ដោយប្រើម៉ាស៊ីនឆ្លុះ...។
វេជ្ជបណ្ឌិតនៅមន្ទីរពេទ្យពហុព្យាបាលស្រុក បាក់ហា ធ្វើរោគវិនិច្ឆ័យព្យាបាលជំងឺជូនអ្នកជំងឺ
អ្នកស្រី យ៉ាង ធីសួ ជាជនជាតិ ម៉ុង នៅភូមិ ឡែងផាង ឃុំ ណឹមម៉ន ស្រុក បាក់ហា នាំកូនមកពិនិត្យព្យាបាលជំងឺបានចែករំលែកថា៖ "កាលពីមុននេះ កូនឈឺគ្រួសារខ្ញុំតែងតែទៅរកគ្រូ សែន ប៉ុន្តែតាំងពីខ្ញុំនាំកូនមកពិនិត្យនិងព្យាបាលជំងឺនៅទីនេះ ដោយបានវេជ្ជបណ្ឌិត សាវ យល់ដឹងអំពីទំនៀមទម្លាប់និងរបៀបរបបនៃការរស់នៅនោះបានជាពិនិត្យព្យាបាលត្រូវជំងឺ ខ្ញុំមានទំនុកចិត្តខ្លាំង។ ពីពេលនេះតទៅគ្រួសារមានអ្នកឈឺគឺខ្ញុំនឹងនាំទៅមន្ទីរពេទ្យព្យាបាលហើយ"។
បរិញ្ញាសុខាភិបាលសហគមន៍លោក វ៉ឿង វ៉ាន់យុង ពិនិត្យមើលជំងឺជូនអ្នកស្រី ហាងសុ៊ង ជាម្តាយកុមារ ស៊ុង ខាយហ្វា (ជនជាតិ ម៉ុង នៅឃុំ ថាញ់ប៊ិញ ស្រុក មឿងឃឿង) នៅមណ្ឌលសុខភាពឃុំ ថាញ់ប៊ិញ
បន្ទាប់ពីច្បាមការសិក្សារៀនសូត្រវេជ្ជបណ្ឌិតឯកទេសកម្រិត ១ អស់រយៈពេល ២ ឆ្នាំនៃគម្រោង ៥៨៥ វេជ្ជបណ្ឌិតផ្នែកសម្ភព ស៊ុង សែវត្វា ជនជាតិ ម៉ុង បានវិលត្រឡប់មកមន្ទីរពេទ្យពហុព្យាបាលស្រុក មឿងឃឿង វិញ។ បញ្ចប់វគ្គសិក្សារួចរាល់ វេជ្ជបណ្ឌិត ត្វា ស្ទាត់ជំនាញបច្ចេកទេសវេជ្ជសាស្រ្តថ្មីមួយចំនួន ព្យាបាលទាន់ពេលវេលាករណីជំងឺស្មុគស្មាញជាច្រើន។ "បច្ចុប្បន្ននេះ ខ្ញុំអាចអនុវត្តជាក់ស្តែងការវះកាត់ខាងក្រោមនៃស្បូន វះកាត់ស្បូនដោយប្រើម៉ាស៊ីនឆ្លុះអូវែនិងករណីសង្គ្រោះបន្ទាន់ពិបាកៗ គ្រោះថ្នាក់ ហើយបានសង្គ្រោះជីវិតស្ត្រីជាម្តាយនិងក្មេងៗ ជាច្រើននាក់បានទាន់ពេលវេលាក្នុងវិនាទីប្រឈមនឹងការស្លាប់រស់" - វេជ្ជបណ្ឌិត តា្វ បញ្ជាក់បន្ថែមដូច្នេះ។
បង ថែន វ៉ាន់ហ៊ុយ បុគ្គលិកសុខាភិបាលភូមិ ស៊ីនចាយ ឃុំ ណាហូយ ស្រុក បាក់ហា (ខេត្ត ឡាវកាយ) អញ្ជើញពិនិត្យមើលជំងឺនិងពិគ្រោះយោបល់សុខភាពជូនបងប្អូនជនជាតិ
យោងតាមលោកវេជ្ជបណ្ឌិត ង្វៀន ក្វាងហ៊ឹង អនុប្រធានមន្ទីរពេទ្យពហុព្យាបាលស្រុក បាក់ហា គម្រោង ៥៨៥ មានឥទ្ធិពលវិជ្ជមានយ៉ាងប្រាកដដល់មន្ទីរពេទ្យនៅតំបន់ភ្នំ ហើយជាពិសេសគឺមន្ទីរពេទ្យខ្សែរយៈស្រុក។ យើងខ្ញុំមានបំណងចង់បានគម្រោង ៥៨៥ បន្តបានដាក់ដំណើរការដើម្បីជួយប្រភពធនធានមនុស្សមានគុណភាពខ្ពស់សម្រាប់មូលដ្ឋាន។
ជាទីពំនឹងសុខាភិបាលនៅជាយនៃតំបន់ភ្នំ
យោងតាមលោក លី មិញងៀ នាយកមណ្ឌលសុខាភិបាលស្រុក មឿងឃឿង កងជួរបុគ្គលិកសុខាភិបាលនៅតាមភូមិនិគមមានតួនាទីសំខាន់ខ្លាំងណាស់។ ពួកគាត់គឺជា "ជំនួយការដ៏សំខាន់ពីចម្ងាយ" កត្តាដ៏សំខាន់ក្នុងការងារថែទាំសុខភាពបឋមជូនបងប្អូនជនជាតិ។ ទោះបីស្ទើរតែទាំងអស់ត្រូវតែទទួលបន្ទុកមុខតំណែងការងារបន្ថែមក្នុងពេលដំណាលគ្នា កម្រិតមុខជំនាញនៅមានកម្រិតក៏ដោយ ក៏ប៉ុន្តែការរួមវិភាគទានរបស់ពួកគាត់បានជួយឲ្យប្រជាជននៅតំបន់ភ្នំស្ងប់ចិត្តលំនឹងជីវភាពរស់នៅផ្តើមពីនោះអភិវឌ្ឍសេដ្ឋកិច្ច កសាងស្រុកកំណើត។
បណ្តាបុគ្គលដូចរូបបង វ៉ាង យីយូ ជនជាតិ បូអ៊ី នៅភូមិ ឡាវហូវ ឃុំ ថាញ់ប៊ិញ ស្រុក មឿងឃឿង ដោយបាន បំពេញការងារខាងសុខាភិបាលភូមិនិគមជាង ១០ ឆ្នាំកន្លងមកនេះត្រូវបានចាត់ទុកថាជាភ្នាក់ងារជំនួយការពីចម្ងាយដ៏សំខាន់របស់ផ្នែកសុខាភិបាលខេត្ត ឡាវកាយ ក្នុងការងារថែទាំសុខភាពបឋមជូនបងប្អូនជនជាតិនិងការបង្ការ ទប់ស្កាត់ជំងឺរាតត្បាតនៅមូលដ្ឋាន
បង ថែន វ៉ាន់ហ៊ុយ បុគ្គលិកសុខាភិបាលប្រចាំភូមិ ស៊ីនចាយ ឃុំ ណាហូយ ស្រុក បាក់ហា ទោះបីរវល់ជាមួយការងារគ្រួសារក៏ដោយ ក៏នៅតែត្រៀមខ្លួនជានិច្ចអញ្ជើញទៅសួរសុខទុក្ខ ពិនិត្យជំងឺជូនអ្នកជំងឺរាល់ពេលទទួលការស្នើសុំជំនួយពីសុខាភិបាល។ ដោយមានជំនួយរបស់បង ហ៊ុយ ប្រជាជនជាច្រើននាក់នៅឃុំ ណាហូយ ទទួលបានការពិគ្រោះព្យាបាលជំងឺ ដឹងពីវិធីថែទាំខ្លួនដោយខ្លួនឯងដើម្បីកែលម្អសុខភាព។
បងប្អូនជនជាតិភាគតិចដូចជាបង វូ សែវយេ (ជនជាតិ ម៉ុង នៅឃុំ ថាយ យ៉ាងផូ ស្រុក បាក់ហា) មានឱកាសទទួលបានសេវាកម្មថែទាំសុខភាពបឋមនៅមន្ទីរពេទ្យពហុព្យាបាលស្រុក បាក់ហា
មិនត្រឹមតែពិនិត្យជំងឺ ថែទាំសុខភាពបឋមប៉ុណ្ណោះទេ បុគ្គលិកសុខាភិបាលភូមិនិគមនៅតំបន់ជ្រៅ តំបន់ឆ្ងាយដាច់ស្រយាលនៃខេត្ត ឡាវកាយ ក៏ជាអ្នកចលនាផ្សព្វផ្សាយដ៏មានប្រសិទ្ធភាពផងដែរ។ បង វ៉ាង យីយូ ជនជាតិ បូអ៊ី នៅភូមិ ឡាវហូវ ឃុំ ថាញ់ប៊ិញ ស្រុក មឿងឃឿង ជាបុគ្គលិកសុខាភិបាលប្រចាំភូមិអស់រយៈពេលជាង ១០ ឆ្នាំកន្លងមកនេះបានមានប្រសាសន៍ថា៖ "លក្ខខណ្ឌជីវភាពរស់នៅរបស់បងប្អូនជនជាតិនៅមានការលំបាកលំបិនខ្លាំងបានជាខ្ញុំចាំបាច់ធ្វើដំណើរទៅដល់គ្រួសារនីមួយៗ ដើម្បីចលនាផ្សព្វផ្សាយពីរបៀបរបបហូបចុកប្រកបដោយអនាម័យ របៀបរបបបង្ការនិងទប់ស្កាត់ជំងឺរាតត្បាតលើកទឹកចិត្តគូស្វាមីភរិយាឱ្យអនុវត្តផែនការគ្រួសារ"។ល។
គុណភាពនៃការព្យាបាលជំងឺនៅមន្ទីរពេទ្យខ្សែរយៈស្រុកដូចជា មឿងឃឿង កាន់តែប្រសើរឡើងពីមួយថ្ងៃទៅមួយថ្ងៃ រួមចំណែកកាត់បន្ថយការបញ្ជូនឡើងទៅមន្ទីរព្យាបាលខ្សែរយៈលើដែលមិនចាំបាច់
បច្ចុប្បន្ន ខេត្ត ឡាវកាយ មានវេជ្ជបណ្ឌិតឯកទេសកម្រិត ១ ចំនួន ៣១៤ នាក់ (ស្មើនឹង ៣០ ភាគរយនៃចំនួនវេជ្ជបណ្ឌិតសរុប)។ ដោយឡែកខ្សែរយៈស្រុក មានវេជ្ជបណ្ឌិតឯកទេសកម្រិត ១ ចំនួន ៤៩ នាក់ ហើយមានវេជ្ជបណ្ឌិតឯកទេសកម្រិត ២ ចំនួន ១០ នាក់ សម្រាប់ពិនិត្យព្យាបាលជូនអ្នកជំងឺផ្ទាល់។ លោកស្រី ផាម ប៊ិចវ៉ឹន នាយិការងនៃមន្ទីរសុខាភិបាលខេត្ត ឡាវកាយ មានប្រសាសន៍ថា ដើម្បីបំពេញការងារថែទាំសុខភាពជូនប្រជាជនឱ្យកាន់តែប្រសើរឡើង ផ្នែកសុខាភិបាលខេត្ត ឡាវកាយ នឹងបន្តពង្រឹងសមត្ថភាពបណ្តាញខ្សែរយៈមូលដ្ឋាន ការបណ្តុះបណ្តាលនិងការអភិវឌ្ឍធនធាន បុគ្គលិកសុខាភិបាលសម្រាប់តំបន់ជនជាតិភាគតិច ឃោសនាផ្សព្វផ្សាយអប់រំផ្នែកសុខភាព ដើម្បីកម្ចាត់ចោលទំនៀមទម្លាប់អន់ថយបន្តិចម្តងៗ កសាងរបៀបរបបនៃការរស់នៅប្រកបដោយសុខភាពល្អ បរិបូររបស់បុគ្គលម្នាក់ៗ គ្រួសារនីមួយៗ និងសហគមន៍។
ខេត្ត ឡាវកាយ ខិតខំប្រឹងប្រែងដល់ឆ្នាំ ២០២៥ មាន ៥០ ភាគរយវេជ្ជបណ្ឌិតមានសញ្ញាបត្រកម្រិតឧត្តមសិក្សា (វេជ្ជបណ្ឌិតឯកទេសកម្រិត ១ និងវេជ្ជបណ្ឌិតឯកទេសកម្រិត ២) នៅតាមបណ្តាមន្ទីរពេទ្យខ្សែរយៈស្រុកធានាមានវេជ្ជបណ្ឌិតឯកទេសកម្រិត ១ ផ្នែកពិនិត្យអ្នកជំងឺផ្ទាល់ចំនួន ២ នាក់៕
អត្ថបទ៖ ហា្វងតឹម
រូបថត៖ ត្រុងជិញ
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ មិថុនា ឆ្នាំ ២០២២ ដោយ៖ ចន្ថា
