កើតឆ្នាំ ១៩៣៣ លោក ក្ប៉ះអ៊ៃថៀ បានលះបង់ពេញមួយជីវិតខ្លួនសម្រាប់បុព្វហេតុបដិវត្តន៍និងការអភិវឌ្ឍនៃភូមិ ម៉ាយ៉ាយ។ ក្រោយថ្ងៃរំដោះ លោកនាំមុខគេក្នុងការចលនាបងប្អូនជនជាតិមកតំបន់ដីថ្មីដើម្បីរានឆ្ការដីចោលទំនេរ បង្កើតភូមិ អភិវឌ្ឍផលិតកម្ម បង្កើតបានជាភូមិ ម៉ាយ៉ាយ សព្វថ្ងៃនេះ។ ដើម្បីរំលឹកគុណបំណាច់នោះ អ្នកភូមិបានយកឈ្មោះលោកដាក់អោយនាមដ្ឋានជាច្រើនដូចជាភូមិ ម៉ាយ៉ាយ ល្បាក់ទឹកធ្លាក់ ម៉ាយ៉ាយ ទំនប់ ម៉ាយ៉ាយ ជ្រោះ ម៉ាយ៉ាយ ។ល។ ប្រការគួរអោយមានតម្លៃជាងនេះទៅទៀតគឺស្មារតីស្នេហាជាតិនិងជំនឿស្មោះស្ម័គ្រចំពោះបក្សរបស់លោក ក្ប៉ះអ៊ៃថៀ បានក្លាយជា "ប្រភពដើមក្រហម" ក្នុងលំហូរអភិវឌ្ឍនៃភូមិនិគម។ ដោយមានបក្ខជនចំនួន ៧ នាក់ក្នុងគ្រួសារ វង្សត្រកូលលោក អាម៉ាយ៉ាយ ក្លាយជាគំរូតួយ៉ាងដ៏ឆ្នើមអំពីប្រពៃណីបដិវត្តន៍នៅមូលដ្ឋាន។
ក្នុងគ្រួសារលោកជាច្រើនជំនាន់បាននិងកំពុងស្នងបន្តឧត្តមគតិបដិវត្តន៍ដោយសកម្មភាពជាក់ស្តែង។ លោក បះ វ៉ាន់ហ៊ើម (កើតឆ្នាំ ១៩៥០) ជាកូនប្រសារប្រុសពៅរបស់លោក ក្ប៉ះ អ៊ៃថៀ ធ្លាប់ជាលេខាសាខាបក្សដំបូងនៃភូមិ ម៉ាយ៉ាយ ពីឆ្នាំ ២០០៦។ លោក ហ៊ើម បញ្ជាក់ថា៖ ‟ដរាបណានៅមានដង្ហើមគឺនៅតាមបក្ស នៅមានសតិចងចាំគឺនៅតាមបក្ស។ នោះគឺជាសម្បថនិងជាជំនឿគ្មានអ្វីរង្គោះរង្គើរបស់ខ្ញុំក៏ដូចជាគ្រួសារទាំងមូល”។
បច្ចុប្បន្ននេះ សាខាបក្សនិគម ម៉ាហ្សាយ មានបក្ខជនចំនួន ២៦ នាក់ កើនឡើងជាង ៣ ដងបើប្រៀបធៀបនឹងគ្រាដើម បង្ហាញឱ្យឃើញពីការសាយភាយយ៉ាងខ្លាំងក្លាក្នុងការងារកសាងបក្សផ្តើមពីស្នូលតួយ៉ាងទាំងឡាយដូចជាគ្រួសាររបស់លោក អាម៉ា យ៉ាយ។ សមាជិកក្នុងគ្រួសារតែងតែបង្ហាញពីតួនាទីនាំមុខរបស់បក្ខជន។ តួយ៉ាងគឺលោក ឡា អខយ (កើតឆ្នាំ ១៩៥១) ជាកូនប្រសាច្បងរបស់លោក កប៉ា អ៊ីធៀ ជាក្រុមគ្រួសារមួយមានជីវភាពធូរធារក្នុងនិគម។ នៅពេលរដ្ឋត្រូវការដីសម្រាប់សាងសង់តំបន់តាំងទីលំនៅឡើងវិញ លោក ខយ បានស្ម័គ្រចិត្តបរិច្ចាគដីរបស់គ្រួសារចំនួន ២,២ ហិកតា ដើម្បីធ្វើលំនៅជូនប្រជាជនចំនួន ៦២ ក្រុមគ្រួសារ។ សម្រាប់លោក “បក្ខជនត្រូវតែធ្វើជាគំរូ តែងតែនាំមុខគ្រប់សកម្មភាព ចេះចែករំលែក ណែនាំគ្នាក្នុងការរកស៊ី រក្សាសុភមង្គលគ្រួសារ និងរស់នៅគោរពច្បាប់”។
លេខាសាខាបក្សនិងជាប្រធាននិគម ម៉ាហ្សាយ លោក ឡា អអា មានប្រសាសន៍ថា គ្រួសាររបស់លោក កប៉ា អ៊ីធៀ មានបក្ខជនជាច្រើនជំនាន់ ចាប់តាំងពី ១០ ឆ្នាំរហូតដល់ ៦០ ឆ្នាំក្នុងជួរបក្ស។ ជំនាន់បក្ខជនក្នុងគ្រួសារតែងតែមានកិត្យានុភាពក្នុងសហគមន៍ តាំងពីពាក្យសម្ដីដល់សកម្មភាព ជាពិសេសក្នុងការអភិវឌ្ឍសេដ្ឋកិច្ចតែម្តង។ បក្ខជនភាគច្រើននៅក្នុងសាខាបក្សសុទ្ធតែខិតខំរៀនសូត្រ និងធ្វើតាមគំរូដ៏ភ្លឺស្វាងនោះ រួមដៃគ្នាកសាងស្រុកកំណើត។
លោកស្រី កាវ ធីវៀនភឿង លេខាគណៈកម្មាធិការបក្សឃុំ ដឹតបាំង បានអះអាងថា៖ “គ្រួសារសមមិត្ត កប៉ា អ៊ីធៀ គឺជាគំរូមួយក្នុងចំណោមគំរូប្រពៃណីបដិវត្តន៍ក្នុងមូលដ្ឋាន។ នេះជាប្រភពលើកទឹកចិត្តដ៏ធំធេងសម្រាប់ចលនាកសាងបក្ស និងអភិវឌ្ឍន៍ជនបទថ្មី”។
រឿងរ៉ាវពីគ្រួសាររបស់លោក អាម៉ា យ៉ាយ គឺជាសក្ខីភាពគំរូនៃចំណងមិត្តភាពរឹងមាំរវាងអង្គការបក្សនិងប្រជាជន។ នោះក៏ជាសក្ខីភាពជាក់ច្បាស់សម្រាប់គ្រួសារមួយដែលរស់នៅដោយឧត្តមគតិ សាមគ្គីភាព ទំនួលខុសត្រូវ - ហើយបន្ទាប់មកដោយជំនឿនិងឆន្ទៈនោះ ពួកគាត់បានជម្នះរាល់ការលំបាកលំបិន រួមចំណែកចែងចាំងពន្លឺរបស់បក្សបន្ថែមទៀតក្នុងការរស់នៅសហគមន៍សព្វថ្ងៃ និងនាពេលអនាគត៕
អត្ថបទនិងរូបថត៖ ហ្វាយណាម - ស៊ន់ហ៊ុយ
ប្រែសម្រួលដោយ៖ យ័ញ លើយ - លឺ ធីអៀនថាញ់
