លោក យ័ញភុក នាយកមន្ទីរជនជាតិនិងសាសនាខេត្ត អានយ៉ាង បានឲ្យដឹងថា ថវិកាអនុវត្តកម្មវិធីសរុបរបស់ខេត្ត អានយ៉ាង គឺចំនួន ៣៥៤,១៥០ ពាន់លានដុង ក្នុងនោះដើមទុនអាជីពគឺចំនួន ១៩៦,៣៣២ ពាន់លានដុងនិងប្រភពថវិកាវិនិយោគអភិវឌ្ឍគឺចំនួន ១៥៧,៨១៨ ពាន់លានដុង។ ប៉ាន់ប្រមាណដល់ថ្ងៃទី ៣០ ខែ មិថុនា អត្រាទម្លាក់ទុនវិនិយោគអភិវឌ្ឍគឺជិត ៦៧ ពាន់លានដុង សម្រេចបានចំនួន ៤២,៤៣% ផែនការ ដើមទុនអាជីពគឺជាង ១៤,៥ ពាន់លានដុង សម្រេចបានចំនួន ៧,៣៩% ផែនការប្រចាំឆ្នាំ។
ក្រោយពេលមានសេចក្តីសម្រេចចិត្តលេខ 920/QĐ-TTg ចុះថ្ងៃទី ១៤ ឧសភា ឆ្នាំ ២០២៥ របស់នាយករដ្ឋមន្ត្រីនៃរដ្ឋាភិបាល "កែសម្រួលខ្លឹមសារមួយចំនួននៃកម្មវិធីគោលដៅជាតិស្តីពីការអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំដំណាក់កាលឆ្នាំ ២០២១ - ២០៣០ ដំណាក់កាលទី ១ ពីឆ្នាំ ២០២១ ដល់ ឆ្នាំ ២០២៥" ភ្លាម គណៈកម្មាធិការប្រជាជនខេត្ត អានយ៉ាង បានបែងចែកឱ្យមន្ទីរ ផ្នែកនិងឃុំ សង្កាត់ តំបន់ពិសេសដាក់ដំណើរការ ផ្តោតលើការអាទិភាពសម្រាប់ភូមិសាស្រ្តលំបាកលំបិនដូចជាតំបន់ បៃនូយ តំបន់ព្រំដែន តំបន់ជាប់មាត់សមុទ្រនិងកោះសមុទ្រ ។ល។
បច្ចុប្បន្ននេះ ទូទាំងខេត្តមានគម្រោងចំនួន ៥ កំពុងអនុវត្ត។ នោះគឺ៖ ជួយឧបត្ថម្ភផ្ទះលំនៅជូនចំនួន ១១៣ ក្រុមគ្រួសារ លើកគុណភាព បើកទូលាយគម្រោងទឹកប្រើប្រាស់ប្រមូលផ្តុំចំនួន ៩ ឧបត្ថម្ភទឹកប្រើប្រាស់ចែករំលែកជូនប្រជាជនចំនួន ២ ក្រុមគ្រួសារ (គម្រោងទី ១) កសាងផ្លូវគមនាគមន៍ជនបទប្រវែង ២២ គីឡូម៉ែត្រ សាងសង់ថ្មីនិងជួសជុលស្ពានចំនួន ៥ រំគាយលុបធារដីនិងសាងសង់របងសាលាចំនួន ២ (គម្រោងទី ៤) លើកគុណភាព ជួសជុលសាលាចំណេះទូទៅអន្តេវាសិកជនជាតិអនុវិទ្យាល័យចំនួន ៥ រៀបចំចំនួន ១១ ថ្នាក់លើកម្ពស់សមត្ថភាពជូនសហគមន៍និងកម្មាភិបាលអនុវត្តកម្មវិធីនៅគ្រប់លំដាប់ថ្នាក់ជូនចំនួន ៤៦១ លើកនាក់ចូលរួម (គម្រោងទី ៥) ជួយឧបត្ថម្ភសាងសង់ កែលម្អ ជួសជុលស្ថាប័នវប្បធម៌ កីឡាចំនួន ១៣ នៅតាមភូមិតំបន់បងប្អូនជនជាតិភាគតិច (គម្រោងទី ៦) រៀបចំពីធីសន្និសីទសារគមនាគមន៍ចំនួន ២០ ផ្សព្វផ្សាយអប់រំច្បាប់ក្នុងចំណោមបងប្អូនជនជាតិភាគតិចជូនចំនួន ៨០០ លើកអ្នកចូលរួម ដាក់ពង្រាយផ្តល់ជូនចែកចាយចំនួន ៤៨.៣៨៤ ផលិតផលកាសែត ទស្សនាវដ្តីផ្តល់ជូនតាមកាលកំណត់នៅតំបន់ជនជាតិភាគតិចនិងតំបន់ភ្នំ (គម្រោងទី ១០)។
ដើមទុនក៏ត្រូវបានឧបត្ថម្ភវិនិយោគក្នុងការអភិវឌ្ឍអប់រំ - បណ្តុះបណ្តាល លើកកម្ពស់គុណភាពប្រភពធនធានមនុស្ស ថែទាំសុខភាពប្រជាជន លើកកម្ពស់កាយសម្បទា មាឌខ្លួនជនជាតិភាគតិច បង្ការ ប្រយុទ្ធប្រឆាំងនឹងកង្វះអាហារូបត្ថម្ភកុមារទៀតផង។ ដើមទុនថែមទាំងត្រូវបានអនុវត្តការងារសមភាពយេនឌ័រនិងដោះស្រាយបញ្ហាចាំបាច់ជាបន្ទាន់ចំពោះស្ត្រីនិងកុមារ វិនិយោគលើការអភិវឌ្ឍក្រុមជនជាតិភាគតិចមានចំនួនមនុស្សតិចតូចនិងក្រុមជនជាតិនៅមានការលំបាកលំបិនច្រើន ។ល។ ទៀតផង។
យោងតាមនាយកមន្ទីរជនជាតិនិងសាសនាខេត្ត អានយ៉ាង លោក យ័ញភុក បច្ចុប្បន្ននៅក្នុងខេត្តមានជនជាតិចំនួន ២៩ រស់នៅជាមួយគ្នា ក្នុងនោះមានបងប្អូនជនជាតិភាគតិចជាង ១៩០.០០០ នាក់ ស្មើនឹង ៥,១៦% នៃចំនួនប្រជាជនខេត្ត។ អំឡុងឆ្នាំកន្លងទៅ គោលនយោបាយសុខុមាលភាពសង្គម អភិវឌ្ឍសេដ្ឋកិច្ច លុបបំបាត់ភាពអត់ឃ្លានកាត់បន្ថយភាពក្រីក្រ ជួយលើកកម្ពស់ជីវភាពខាងសម្ភារៈ ស្មារតីជូនបងប្អូនជនជាតិភាគតិចបានមជ្ឈិមនិងខេត្តយកចិត្តទុកដាក់ជាបន្ត។ ផ្តើមពីនោះ ជំរុញការអភិវឌ្ឍកសិកម្ម ជនបទ ពង្រីកសក្តានុពល ឧត្តមភាពនៃតំបន់នីមួយៗ។ ប្រជាជនបានអាស្រ័យផលគ្រប់របប គោលនយោបាយរបស់បក្ស រដ្ឋ ខិតខំឈោងឈានឡើង កសាងភូមិនិគម ស្រុកកំណើតសម្បូររុងរឿង ។ល។ ឥតឈប់ឈរ។
ដូច្នោះហើយ ក្រោយពីពេលរួមបញ្ចូលខេត្តទាំងពីរ អានយ៉ាង និង កៀនយ៉ាង (ចាស់) ចូលគ្នាភ្លាម គណៈកម្មាធិការប្រជាជនខេត្ត អានយ៉ាង បានរួសរាន់អនុវត្តបណ្តាសេចក្តីសម្រេចចិត្តដែលបានអនុម័ត ផ្តោតលើការណែនាំ បង្គាប់ការមូលដ្ឋាន អង្គភាពអនុវត្តទៅតាមមុខងារ ភារកិច្ច អំណាចដែលបានកំណត់ប្រគល់ឱ្យ ធានាការអនុវត្ត និងប្រើប្រាស់ដើមទុនប្រកបដោយប្រសិទ្ធភាពដោយមានប្រព័ន្ធអាជ្ញាធរមូលដ្ឋានពីរថ្នាក់។
បណ្តាគម្រោង ខ្លឹមសារការងារកំពុងអនុវត្តមុនអំឡុងពេលរួមបញ្ចូលគ្នាគឺបន្តអនុវត្តត្រឹមត្រូវតាមផែនការ បញ្ជីរាយនាម សេចក្តីសម្រេចចិត្តដែលត្រូវបានថ្នាក់មានសមត្ថកិច្ចអនុម័ត។
ក្នុងករណីមានផ្លាស់ប្តូរអំពីគោលដៅ ភារកិច្ចនិងផែនការត្រូវបានប្រគល់ឱ្យស្រាប់ដើម្បីអនុវត្តកម្មវិធីក្រោយកែសម្រួល អង្គភាព មូលដ្ឋានពិនិត្យពិច័យ លើកសំណើរ មានលិខិតផ្ញើទៅមន្ទីរជនជាតិនិងសាសនាដើម្បីធ្វើសំយោគ រាយការណ៍ជូនលំដាប់ថ្នាក់មានសមត្ថកិច្ចពិចារណា ណែនាំ ដោះស្រាយបញ្ហាកកស្ទះ ការលំបាកលំបិនឱ្យបានទាន់ពេលវេលា ក្នុងគោលបំណងឆ្លើយតបទៅនឹងតម្រូវការអភិវឌ្ឍសេដ្ឋកិច្ច - សង្គមរបស់ខេត្តក្នុងដំណាក់កាលថ្មី៕
អត្ថបទនិងរូបថត៖ កុងម៉ៅ
ប្រែសម្រួលនិងបញ្ចូលទិន្នន័យ៖ យ័ញលើយ
