ទន្ទឹមនឹងការជួយឧបត្ថម្ភផ្ទះលំនៅ កម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំក៏ផ្តោតការយកចិត្តទុកដាក់ជាសំខាន់ទៅលើការមធ្យោបាយចិញ្ចឹមជីវិតប្រកបដោយនិរន្តរភាព ជួយមាមីងបងប្អូនម្ចាស់ការអភិវឌ្ឍសេដ្ឋកិច្ច រួចផុតពីភាពក្រីក្រប្រកបដោយនិរន្តរភាព។ គំរូមួយក្នុងចំណោមគំរូដ៏មានប្រសិទ្ធភាពនៅ ដុង ថ គឺការឧបត្ថម្ភកូនពូជនិងដើមទុនផលិតកម្មជូនក្រុមគ្រួសារទាំងឡាយ។
គ្រួសារបងប្រុស លី វ៉ាន់តៀន ភូមិ តឹនអាន ឃុំ ដុង ថ ស្ថិតក្នុងក្រុមគ្រួសារជិតខ្សែបន្ទាត់នៃភាពក្រីក្រ។ ខែ សីហា ឆ្នាំ ២០២៣ គ្រួសារបងប្រុសត្រូវបានឧបត្ថម្ភគោមេបន្តពូជ ២ ក្បាលរបស់គម្រោង។ ក្រោយពីពេលទទួលបានគោមកចិញ្ចឹម ដើម្បីគោធំធាត់និងបន្តពូជបានល្អ រួមជាមួយនឹងការផ្តោតការយកចិត្តទុកដាក់ជាសំខាន់ទៅលើការកសាងទ្រុងរោង បងប្រុស តៀន ក៏ថែទាំយ៉ាងហ្មត់ចត់តាមការណែនាំរបស់កម្មាភិបាលបសុពេទ្យឃុំ។
បងប្រុស លី វ៉ាន់តៀន សោមនស្សរីករាយឱ្យដឹងថា គ្រួសាររបស់បងប្រុសមានមនុស្សចំនួន ៥ នាក់ ចំណូលចម្បងគឺធ្វើស្រែ ចម្ការតាមភ្នំ កាប់ឈើស៊ីឈ្នួល ជីវភាពលំបាកលំបិនណាស់។ បានរដ្ឋយកចិត្តទុកដាក់ឧបត្ថម្ភគោមេបន្តពូជចំនួន ២ ក្បាលដើម្បីមានប្រភពចំណូលយូរអង្វែងបន្ថែម គ្រួសារបានព្យាយាមថែរក្សាឲ្យបានល្អដើម្បីសត្វគោបន្តពូជបានទៀងទាត់ បង្កើនប្រភពចំណូលសម្រាប់គ្រួសារ។
លោក ង្វៀន ហ្វាងយ៉ាង អនុប្រធានគណៈកម្មាធិការប្រជាជនឃុំ ដុង ថ បានឲ្យដឹងថា កម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំ កម្មពិធីពិតជាបានផ្លុំជំនោរខ្យល់ថ្មីមួយចូលទៅក្នុងជីវភាពរស់នៅរបស់មាមីងបងប្អូន។
ដើម្បីប្រភពទុនវិនិយោគរបស់កម្មវិធីសម្រេចបានប្រសិទ្ធភាពខ្ពស់បំផុត គណៈកម្មាធិការប្រជាជនឃុំបានចេញផែនការ ជូនដំណឹងដល់បណ្តាភូមិនិងប្រជាជនស្ថិតក្នុងមុខសញ្ញាបានទទួលផលចុះឈ្មោះតម្រូវការជួយឧបត្ថម្ភ ផ្តើមពីនោះបែងចែកដើមទុនអនុវត្តគម្រោង អនុគម្រោង។
ចាប់តាំងពីឆ្នាំ ២០២៣ ផ្តើមពីប្រភពទុនរបស់កម្មវិធី ឃុំបានជួយឧបត្ថម្ភផ្ទះលំនៅរាប់រយខ្នងជូនក្រុមគ្រួសារបងប្អូនជនជាតិភាគតិចក្រីក្រ ដោយមានថវិកាសរុបរាប់សិបពាន់លានដុង ឧបត្ថម្ភស៊ីទែនទឹកប្រើប្រាស់ជាង ៥០០ គ្រឿងជូនមាមីងបងប្អូន ឧបត្ថម្ភផ្លាស់ប្តូរមុខរបរជូនក្រុមគ្រួសារក្រីក្រចំនួន ៤០ គ្រួ ដោយមានថវិកាចំនួន ៤០០ លានដុង ជួសជុលថែទាំផ្លូវរាប់សិបខ្សែជាប្រចាំ ឧបត្ថម្ភមាន់ពូជ ពពែ គោរាប់ពាន់ក្បាលនិងដំណាំជូនបងប្អូនជនជាតិភាគតិច ។ល។
ទន្ទឹមនឹងនោះ ហេដ្ឋារចនាសម្ព័ន្ធដូចជាផ្លូវថ្នល់ សាលារៀន ស្ថានីយ៍សុខភាពក៏ត្រូវបានយកចិត្តទុកដាក់វិនិយោគផងដែរ បង្កើតលក្ខខណ្ឌងាយស្រួលសម្រាប់ប្រជាជនធ្វើដំណើរទៅមក សិក្សារៀនសូត្រនិងថែទាំសុខភាព។ ដល់ដំណាច់ឆ្នាំ ២០២៤ អត្រាក្រុមក្រួសារក្រីក្រតាមស្តង់ដារពហុវិមាត្រនៃឃុំថយចុះនៅចំនួន ១២%។
ក្នុងរយៈពេលខាងមុខ គណៈកម្មាធិការប្រជាជនឃុំ ដុង ថ នឹងបន្តពិនិត្យពិច័យឡើងវិញ ចាប់យកតម្រូវការរបស់មាមីងបងប្អូនដើម្បីបែងចែកដើមទុននិងដាក់ដំណើរការគម្រោងនានាប្រកបដោយប្រសិទ្ធភាព ចំចំណុចសំខាន់បំផុត។ ជាពិសេស ឃុំនឹងផ្តល់អាទិភាពដល់គំរូផលិតកម្មចងសម្ពន្ធគ្នា ប្រើបច្ចេកវិទ្យាខ្ពស់ក្នុងគោលបំណងបង្កើតចេញផលិតផលមានតម្លៃ និរន្តរភាព ជួយមាមីងបងប្អូនម្ចាស់ការចូលរួមក្នុងខ្សែចង្វាក់ផលិតកម្ម៕
អត្ថបទនិងរូបថត៖ អ្នកយកព័ត៌មាន
ប្រែសម្រួលនិងបញ្ចូលទិន្នន័យ៖ យ័ញលើយ
