សហករណ៍មួយចំនួននៅភូមិសាស្រ្តទីក្រុង ហូ ជីមិញ បាននិងកំពុងជំរុញរាល់គំរូចងសម្ព័ន្ធរវាងកសិករ សហករណ៍ និងសហគ្រាស ដើម្បីកសាងខ្សែចង្វាក់តម្លៃកសិផលបិទជិត ស្ថិរភាពចាប់ពីផលិតកម្មរហូតដល់ការលក់និងទិញផលិតផល។
រាល់គំរូចងសម្ព័ន្ធទាំងនេះមិនត្រឹមតែជួយកសិករស្ងប់ចិត្តធ្វើកសិកម្មប៉ុននោះទេ ថែមទាំងរួមចំណែកលើកកម្ពស់គុណភាពផលិតផល បង្កើតពាណិជ្ជសញ្ញាកសិផលមូលដ្ឋានទៀតផង។ ក៏ប៉ុន្តែ ដើម្បីពង្រីកឲ្យទូលាយគំរូនេះចាំបាច់មានការឧបត្ថម្ភពីរដ្ឋ ដំណោះស្រាយជម្នះរាល់កំហិតទាំងឡាយក្នុងគំនិតរបស់អ្នកផលិតតាំងពីមុនមក ដោយមើលឃើញផលប្រយោជន៍ចំពោះមុខ ភ្លេចគុណតម្លៃយូរអង្វែងនៃកេរ្តិ៍ឈ្មោះ គុណភាពផលិតផលឲ្យស្ថិរភាព។
* ចងសម្ព័ន្ធដើម្បីឲ្យកសិករស្ងប់ចិត្តក្នុងផលិតកម្ម
ដើម្បីការអភិវឌ្ឍប្រកបដោយស្ថិរភាព សហករណ៍កសិកម្មជាច្រើននៅភូមិសាស្រ្តទីក្រុង ហូ ជីមិញ បានសកម្មបង្កើតគំរូចងសម្ព័ន្ធផលិតកម្មនិងការលក់និងទិញកសិផលតាមទិសដៅជំនាញ។ តួយ៉ាងគឺសហករណ៍កសិកម្ម និងសេវាកម្ម ចូវផា (ឃុំ ចូវផា) ត្រូវបានបង្កើតឡើងតាំងពីខែ មិថុនា ឆ្នាំ ២០២២ ដោយមានសមាជិកចំនួន ៤០ នាក់ ជំនាញដាំបន្លែហូបស្លឹកនៅលើផ្ទៃដី ២០ ហិកតា បរិមាណផលជាមធ្យមពី ៤ ទៅ ៥ តោនក្នុងមួយថ្ងៃ ក្នុងនោះ សម្រេចតាមស្តង់ដារ VietGAP ចំនួន ១៥ ហិកតា។
សហករណ៍ចាប់ផ្តើមធ្វើការចងសម្ព័ន្ធផលិតកម្ម និងការលក់និងទិញបន្លែហូបស្លឹកជាមួយនឹងមាមីងកសិករចាប់ពីខែ មិថុនា ឆ្នាំ ២០២៣ សមាជិកទាំងឡាយនៃសហករណ៍បានទទួលការបណ្តុះបណ្តាលអំពីបច្ចេកទេស ឧបត្ថម្ភថវិកាទិញគ្រាប់ពូជ សម្ភារកសិកម្មគ្រឿងបរិក្ខារ គ្រឿងយន្តជាដើម។ សមាជិកទាំងឡាយនៃសហករណ៍ បានឧបត្ថម្ភការលក់និងទិញផលិតផលជាមួយនឹងសហគ្រាសទាំងឡាយនៅក្នុងនិងក្រៅក្រុង ក្នុងតម្លៃប្រមូលទិញស្ថិរភាពចំនួន ៦.០០០ ដុងក្នុងមួយគីឡូក្រាម។
យោងតាមលោក លេ ក្វាងណាម សមាជិកនៃសហករណ៍កសិកម្ម និងសេវាកម្ម ចូវផា គ្រួសាររបស់លោកកំពុងដាំដុះលើផ្ទៃដីជិត ២.០០០ ម៉ែត្រការ៉េបង្កើតថ្នាលបណ្តុះបន្លែពូជផង និងដាំបន្លែបង្ការហូបស្លឹកគ្រប់ប្រភេទក្នុងផ្ទះសំណាញ់ផង មានដូចជា ស្ពៃជើងទា ត្រកួន ស្ពៃចង្កឹះ។ល។ មួយលើកៗ គ្រួសាររបស់លោកប្រមូលផលបន្លែបានប្រហែលជាង ៤ តោន ដោយទទួលបានប្រាក់ចំណេញប្រហែលជាង ១៥ លានដុងក្នុងមួយលើកៗ។ លោក ណាម មានប្រសាសន៍ថា៖ "ចូលរួមសហករណ៍ គ្រួសាររបស់ខ្ញុំត្រូវបានអាជ្ញាធរមូលដ្ឋានគ្រប់លំដាប់ថ្នាក់ក៏ដូចជាស្ថាប័នជំនាញឲ្យចូលរួមក្នុងថ្នាក់រៀនហ្វឹកហ្វឺនអំពីបច្ចេកទេសដាំបន្លែ បន្ទាប់ពីប្រមូលផលរួចត្រូវបានសហករណ៍ចុះមកដល់ចម្ការផ្ទាល់ដើម្បីប្រមូលទិញ ធានាការលក់និងទិញផលិតផល ការនាំចេញ តម្លៃមានស្ថិរភាពជួយឲ្យមាមីងកសិករយើងស្ងប់ចិត្តក្នុងផលិតកម្ម"។
លោក ង្វៀន វៀតទឺ នាយកសហករណ៍ផលិតកម្មកសិកម្ម - សេវាកម្ម ចូវផា ឱ្យដឹងថា កាលពីមុនកសិករក្នុងភូមិសាស្រ្តឃុំដាំបន្លែត្រូវគិតគូរការលក់ដោយខ្លួនឯង ប៉ុន្តែឥឡូវនេះបានស្ងប់ចិត្តក្នុងផលិតកម្មហើយ។ ផលិតផលត្រូវបានសហករណ៍ធានាម៉ៅទិញទាំងអស់ ដូច្នេះមាមីងបងប្អូនគ្រាន់តែដាំ និងថែទាំចម្ការបន្លែតាមស្តង់ដារដែលសហករណ៍បានស្នើ ខាងប្រមូលផល និងការលក់និងទិញផលិតផលមានសហករណ៍ធានាហើយ។
ចំណែកគំរូចងសម្ព័ន្ធរៀបចំផលិតកម្ម ការកែច្នៃបឋម និងកែច្នៃជលផលផ្សារភ្ជាប់ជាមួយនឹងការលក់និងទិញផលិតផលរបស់សហករណ៍ជលផល ង្វៀនផាត សង្កាត់ ភឿកថាំង ត្រូវបានដាក់ឱ្យដំណើរការតាំងពីឆ្នាំ ២០២៣។ សហករណ៍បានដំណើរការចងសម្ព័ន្ធជាមួយនឹងការប្រមូលទិញជលផលដោយមាននាវាចំនួន ៤ ចេញទៅនេសាទក្នុងសង្កាត់។ លើសពីនេះ សហករណ៍ក៏បានប្រមូលទិញវត្ថុធាតុដើមពីនាវានេសាទត្រីមួយចំនួនទៀត ហើយអនុវត្តការកែច្នៃបឋម ការលក់និងទិញនៅក្នុងនិងក្រៅភូមិសាស្រ្តទីក្រុង។
ផលិតផលរបស់សហករណ៍ត្រូវបានជូនវិញ្ញាបនបត្រផលិតផល OCOP ផ្កាយ ៣ ថ្នាក់ខេត្តក្នុងឆ្នាំ ២០២៤។ បច្ចុប្បន្ននេះ សហករណ៍បានពង្រីកទូលាយការលក់និងទិញផលិតផល ចុះហត្ថលេខាលើកិច្ចព្រមព្រៀងសហប្រតិបត្តិការជាមួយក្រុមហ៊ុនភាគហ៊ុន សាយហ្គន តឹមតឹម ដែលជាអង្គភាពធំមួយជំនាញផ្នែកនាំចេញជលផលក៏ដូចជាកសិផលទៅកាន់ទីផ្សារ រុស្ស៊ី។ ក្រុមហ៊ុនបានវាយតម្លៃខ្ពស់ចំពោះតម្លៃនៃគំរូចងសម្ព័ន្ធដែលសហករណ៍ធ្វើឡើង។
យោងតាមលោកស្រី កាវ ធីយៀវធុយ នាយិកាសហករណ៍ជលផល ង្វៀនផាត បានឲ្យដឹងថា តម្លៃដែលសហករណ៍ប្រមូលទិញជលផលពីនាវានេសាទត្រីមានស្ថិរភាព តភ្ជាប់យ៉ាងខ្ជាប់ ខ្ជួន ដូចជាលើកហើយទើបតែនេសាទរួចហើយខណៈពេលត្រីកាម៉ុងទទួលបានផលតែតម្លៃត្រីធ្លាក់ចុះមកត្រឹម ១៨.០០០ ទៅ ១៩.០០០ ដុងមួយគីឡូក្រាម ប៉ុន្តែសហករណ៍នៅតែប្រមូលទិញឱ្យមាមីងបងប្អូនក្នុងតម្លៃចាប់ពី ២០.០០០ ទៅ ២១.០០០ ដុងក្នុងមួយគីឡូក្រាម។ នៅពេលវត្ថុធាតុដើមមិនគ្រប់គ្រាន់ តម្លៃទីផ្សារឡើងដល់ ២៥.០០០ ទៅ ២៦.០០០ ដុងក្នុងមួយគីឡូក្រាម មាមីងបងប្អូននៅតែលក់ឱ្យសហករណ៍ក្នុងតម្លៃដែលបានព្រមព្រៀងពីដំបូងគឺ ២១.០០០ ទៅ ២២.០០០ ដុងក្នុងមួយគីឡូក្រាម។
ប្រជានេសាទនៅសង្កាត់ ភឿកថាំង មាននាវានេសាទត្រីកំពុងចងសម្ព័ន្ធក្នុងដំណាក់កាលលក់និងទិញជាមួយសហករណ៍ជលផល ង្វៀនផាត បានឱ្យដឹងថាការចូលរួមក្នុងខ្សែចង្វាក់នេះបានបង្កើតឱ្យស្ថិរភាពសម្រាប់យើងខ្ញុំ ក្នុងដំណើរការនេសាទ និងផលិតកម្មទាំងមូល។ អាស្រ័យហេតុនោះ យើងខ្ញុំមិនបារម្ភអំពីតម្លៃ និងការនាំចេញផលិតផលទៀតឡើយ។
*ធ្វើឱ្យរីកសាយភាយគំរូអភិវឌ្ឍន៍កសិកម្មប្រកបដោយស្ថិរភាព
យោងតាមស្ថិតិរបស់សាខានាយកដ្ឋានអភិវឌ្ឍន៍ជនបទទីក្រុង ហូ ជីមិញ បច្ចុប្បន្នទីក្រុងទាំងមូលមានសហករណ៍ចំនួន ៤១៩ ក្នុងនោះមានសហករណ៍ជាច្រើនបាននិងកំពុងដំណើរការគំរូចងសម្ព័ន្ធពីដំណាក់កាលផលិតកម្មដល់ការលក់និងទិញផលិតផល។ គំរូទាំងនេះរួមចំណែកដល់ការបង្កើតខ្សែចង្វាក់តម្លៃកសិផល ជួយកសិករខិតចូលជិតវិទ្យាសាស្ត្របច្ចេកទេស លើកកម្ពស់ទិន្នផល និងគុណភាព ព្រមទាំងកាត់បន្ថយហានិភ័យនៅលើទីផ្សារ។
ទោះជាយ៉ាងណាក៏ដោយ យោងតាមសាខានាយកដ្ឋានអភិវឌ្ឍន៍ជនបទ (មន្ទីរកសិកម្ម និងអភិវឌ្ឍន៍ជនបទទីក្រុង ហូ ជីមិញ) សកម្មភាពចងសម្ព័ន្ធនៅតែប្រឈមមុខនឹងកំហិតជាច្រើន ជាពិសេសក្នុងការធានាការនាំចេញផលិតផល។ មូលហេតុចម្បងត្រូវបានគេកំណត់ ថាជាទ្រង់ទ្រាយផលិតកម្មតូចតាច កង្វះដើមទុនវិនិយោគ គុណភាពផលិតផលមិនស៊ី ចង្វាក់គ្នា និងស្តង់ដារមិនទាន់បានផ្សព្វផ្សាយឱ្យទូលំទូលាយ។ លើសពីនេះ ចងសម្ព័ន្ធរវាង សហគ្រាស និងកសិករពិតជាមិនទាន់ស្ថិរភាពនៅឡើយ ការបំពានកិច្ចសន្យានៅតែកើតមានឡើង ធ្វើប៉ះពាល់ដល់កេរ្តិ៍ឈ្មោះ និងខ្សែចង្វាក់ផ្គត់ផ្គង់។
លោក វូ ង៉ុកដាំង សាខានាយកដ្ឋានអភិវឌ្ឍន៍ជនបទយល់ឃើញថា ការចងសម្ព័ន្ធសហគ្រាសនិងកសិករនៅមិនស្ថិរភាព ហើយការបំពានកិច្ចសន្យាកើតឡើងជាញឹកញាប់។ កសិករមិនបានបំពេញតាមកិច្ចសន្យាលក់ផលិតផលឱ្យសហគ្រាសទេ តែរក្សាទុកហើយរង់ចាំបានតម្លៃខ្ពស់ទើបលក់ ឬក៏លក់ឱ្យសហគ្រាសផ្សេងទៀតក្នុងតម្លៃខ្ពស់ជាង។ ប្រការនេះបណ្តាលឱ្យសហគ្រាសអសកម្មក្នុងការប្រមូលទិញ ការលក់ផលិតផលកសិផល ហើយថែមទាំងបាត់បង់កិត្យានុភាពជាមួយនឹងដៃគូដោយសារពួកគាត់បានចុះកិច្ចសន្យាជាមុន ប៉ុន្តែមិនធានាកិច្ចសន្យា។ ការអនុវត្តក្នុងការចងសម្ព័ន្ធផលិតកម្ម ការលក់ផលិតផលដោះស្រាយបានចំណោទនោះ ដោយធានាផលប្រយោជន៍សម្រាប់ភាគីទាំងពីររវាងកសិករ និង សហគ្រាសអំពីតម្លៃ និងការនាំចេញ។
ជាក់ស្តែងបានបង្ហាញឱ្យឃើញថា នៅពេលកសិករចូលរួមក្នុងខ្សែចង្វាក់ចងសម្ព័ន្ធ តម្លៃលក់កសិផលរបស់កសិករតែងតែខ្ពស់ជាង ១០ ដល់ ២០% បើប្រៀបធៀបនឹងរបៀបលក់និង ទិញតាមប្រពៃណី ដោយសារធានាគុណភាព បញ្ជាក់ប្រភពដើម និងចុះកិច្ចសន្យារយៈពេលវែង។ សហករណ៍មួយចំនួនក៏ពង្រីកកិច្ចសហប្រតិបត្តិការនាំចេញ អះអាងបញ្ជាក់កេរ្តិ៍ឈ្មោះកសិផលរបស់ទីក្រុង ហូ ជីមិញ នៅលើទីផ្សារអន្តរជាតិ។
ក្រៅពីតម្លៃសេដ្ឋកិច្ច សហករណ៍ជាច្រើនបានអនុវត្តស្តង់ដារផលិតកម្ម VietGAP GlobalGAP សរីរាង្គ ជួយកាត់បន្ថយការប្រើសារធាតុគីមីហួសកម្រិត ការពារបរិស្ថានអេកូឡូស៊ី ព្រមទាំងបង្កបង្កើតតំបន់ផលិតកម្មប្រមូលផ្តុំ ងាយស្រួលសម្រាប់ការគ្រប់គ្រងគុណភាព និងបញ្ជាក់ប្រភពដើម។ នេះជាមូលដ្ឋានគ្រឹះដ៏សំខាន់សម្រាប់ទីក្រុង ហូ ជីមិញ អភិវឌ្ឍវិស័យកសិកម្មទីក្រុងតាមទិសដៅបៃតង ឆ្លាតវៃ និងចីរភាព។
លោក ដាំង មានប្រសាសន៍ថា៖ "ដើម្បីឱ្យគំរូនេះរីកសាយភាយយ៉ាងទូលំទូលាយនោះ ត្រូវមានការរួមដំណើរពីរដ្ឋក្នុងការឧបត្ថម្ភដើមទុន គ្រឿងយន្ត ការជំរុញនិងផ្សព្វផ្សាយពាណិជ្ជកម្ម ការកសាងពាណិជ្ជសញ្ញា និងការបណ្តុះបណ្តាលធនធានមនុស្សសម្រាប់ សហករណ៍"៕
អត្ថបទ៖ ហ្វាងញី រូបថត៖ ទីភ្នាក់ងារព័ត៌មាន វៀតណាម
ប្រែសម្រួលដោយ៖ អៀងថាន់
