ថ្នាក់ដឹកនាំនៃបញ្ជាការដ្ឋានការពារព្រំដែន រួមជាមួយថ្នាក់ដឹកនាំខេត្ត តៃនិញ ថ្នាក់ដឹកនាំស្រុក ស្វាយទាប ខេត្ត ស្វាយរៀង (កម្ពុជា) បានប្រគល់គោពូជចំនួន ២០ ក្បាល (មានតម្លៃ ២០ លានដុងក្នុងមួយក្បាល) ដល់គ្រួសារចំនួន ២០ ស្ថិតក្នុងស្ថានភាពលំបាកនៅតំបន់ព្រំដែននៃប្រទេសទាំងពីរ (គ្រួសារវៀតណាមចំនួន ១០ គ្រួនិងគ្រួសារកម្ពុជាចំនួន ១០ គ្រួ) នៅក្នុងឃុំចំនួន ២ គឺឃុំ ឡុងធន់ (ខេត្ត តៃនិញ) និងឃុំ មនោរម្យ (ស្រុក ស្វាយទាប ខេត្ត ស្វាយរៀង) គោលបំណងជួយប្រជាជនអភិវឌ្ឍសេដ្ឋកិច្ច លំនឹងជីវិតរស់នៅ រឹតបណ្តឹងចំណងសាមគ្គីភាព និងមិត្តភាព។
អញ្ជើញថ្លែងសុន្ទរកថាក្នុងកម្មវិធី ឧត្តមសេនីយ៍ត្រី វ៉ូ ក្វឹកអ៊ឹន អនុប្រធានស្នងការនយោបាយនៃកងទ័ពការពារព្រំដែន បានសង្កត់ធ្ងន់ថា៖ ក្នុងរយៈពេលប៉ុន្មានឆ្នាំចុងក្រោយនេះ ក្រសួងការពារជាតិវៀតណាម បានសម្របសម្រួលជាប្រចាំជាមួយក្រសួងការពារជាតិនៃប្រទេសមានព្រំដែនរួមគ្នា ដើម្បីរៀបចំសកម្មភាពផ្លាស់ប្តូរមិត្តភាពការពារព្រំដែន ដោយហេតុនេះបន្តបញ្ជាក់ពីសាមគ្គីភាពរវាងកងទ័ព អាជ្ញាធរមូលដ្ឋាន និងប្រជាជននៃភាគីទាំងពីរ រួមចំណែកដល់ការកសាងព្រំដែនសន្តិភាព ស្ថិរភាព សហប្រតិបត្តិការ និងអភិវឌ្ឍន៍។
ចំពោះព្រំដែនវៀតណាម-កម្ពុជា កម្មវិធីនេះនឹងត្រូវធ្វើឡើងជាលើកដំបូងនៅឆ្នាំ២០២២ នៅខេត្ត ប៊ិញភឿក។ ចាប់ពីថ្ងៃទី១៣ ដល់ថ្ងៃទី១៤ ខែវិច្ឆិកា ឆ្នាំ២០២៥ កម្មវិធីផ្លាស់ប្តូរមិត្តភាពការពារព្រំដែនវៀតណាម-កម្ពុជាលើកទី២ នឹងប្រព្រឹត្តទៅនៅខេត្ត តៃនិញ និងខេត្ត ស្វាយរៀង រៀបចំរួមគ្នាដោយក្រសួងការពារជាតិនៃប្រទេសទាំងពីរ។
រួមជាមួយនឹងសកម្មភាពផ្លាស់ប្តូរទាំងឡាយ បញ្ជាការដ្ឋានកងការពារព្រំដែនបានអនុវត្តសកម្មភាពជាក់ស្តែងជាច្រើន ដើម្បីឧបត្ថម្ភដល់ប្រជាជននៅសងខាងព្រំដែនដូចជា៖ “និទាឃរដូវព្រំដែនធ្វើឱ្យចិត្តអ្នកភូមិកក់ក្តៅ” “ជួយកុមារទៅសាលារៀន” “កូនធម៌របស់ប៉ុស្តិ៍កងការពារព្រំដែន”... ជាពិសេស កម្មវិធី ”ជួយកុមារទៅសាលារៀន” ត្រូវបានអនុវត្តតាំងពីឆ្នាំ ២០១៦ ហើយបានឧបត្ថម្ភដល់សិស្សចំនួន ៨៧២ នាក់ ស្ថិតក្នុងស្ថានភាពលំបាកនៅតំបន់ព្រំដែនកម្ពុជា ដោយមានកម្រិតឧបត្ថម្ភប្រចាំខែចំនួន ៥០០,០០០ ដុង/សិស្ស បន្ថែមពីលើសិស្សវៀតណាមរាប់រយនាក់ត្រូវបានឧបត្ថម្ភជាប្រចាំ។ ទាំងនេះគឺជាសកម្មភាពមានសារៈសំខាន់មនុស្សធម៌យ៉ាងជ្រាលជ្រៅ រួមចំណែកដល់ការពង្រឹងសាមគ្គីភាព និងមិត្តភាពរវាងរដ្ឋ កងទ័ព រដ្ឋាភិបាល និងប្រជាជននៅសងខាងព្រំដែនវៀតណាម-កម្ពុជា។
នៅក្នុងកម្មវិធីផ្លាស់ប្តូរមិត្តភាពការពារព្រំដែនឆ្នាំនេះ ក្រសួងការពារជាតិក៏នឹងប្រគល់អគារអឌ្ឍអន្តេវាសិកមួយខ្នង មានតម្លៃ ២៥ ពាន់លានដុង និងបន្ទប់ព័ត៌មានវិទ្យាទំនើបមួយដល់សាលាបឋមសិក្សា បេនកូវ (ខេត្ត តៃនិញ)។ ក្នុងពេលជាមួយគ្នានេះ ផ្តល់អាហារូបករណ៍ “ជួយអ្នកទៅសាលារៀន” ចំនួន ៦០ ខ្នង ម្នាក់ៗ មានតម្លៃ ២ លានដុង ដល់សិស្ស ៦០ នាក់ (ជនជាតិវៀតណាម ៣០ នាក់ និងជនជាតិកម្ពុជា ៣០ នាក់)។ ពីមុន កងកម្លាំងពេទ្យយោធានៃប្រទេសទាំងពីរក៏បានសម្របសម្រួលពិនិត្យ និងផ្តល់ថ្នាំដោយឥតគិតថ្លៃដល់ប្រជាជនជិត ១.០០០ នាក់នៅតំបន់ព្រំដែនទាំងពីរ បង្ហាញពីស្មារតីសាមគ្គីភាព តភ្ជាប់ទំនាក់ទំនង និងរួមគ្នាលើកកម្ពស់មិត្តភាពរវាងវៀតណាម និងកម្ពុជា៕
ដំណឹង និងរូបថត៖ មិញភូ-ទីភ្នាក់ងារពណ៌មានវៀតណាម
ប្រែសម្រួល៖ សឺនហេង
