ក្នុងនាមជាអ្នកមានប្រជាប្រិយភាព លោកក្លាយជាស្ពានមេត្រីសំខាន់មួយ រួមចំណែកដល់ការជំរុញអភិវឌ្ឍន៍សេដ្ឋកិច្ច-សង្គម ព្រមទាំងអភិរក្ស និងលើកតម្កើងតម្លៃវប្បធម៌ដ៏វិសេសវិសាលរបស់ជនជាតិ ខ្មែរ ក្នុងមូលដ្ឋានទៀតផង។
រីកសាយភាយស្មារតីសាមគ្គីភាព និងការអភិវឌ្ឍសេដ្ឋកិច្ច
កាលពីមុន ដោយមានបទពិសោធន៍ជាប្រធានភូមិតាំងពីឆ្នាំ ២០០១ រហូតដល់ ២០១៥ ក្រោយមកក៏មានមុខងារជាលេខាភូមិរហូតដល់ឆ្នាំ ២០១៩ លោក ថាច់ប៊ិញ បង្កើតបានប្រជាប្រិយភាពដ៏រឹងមាំក្នុងប្រជាជន។ ក្នុងរយៈពេលប៉ុន្មានឆ្នាំកន្លង លោកបានបំពេញការងារឃោសនា ចលនាយ៉ាងល្អឥតខ្ចោះ ពាំនាំគោលការណ៍ណែនាំ មាគ៌ារបស់បក្ស គោលនយោបាយនិងច្បាប់របស់រដ្ឋចូលទៅក្នុងការរស់នៅរបស់បងប្អូនជនជាតិ ជាពិសេសគឺមាមីងបងប្អូនជនជាតិ ខ្មែរ នៅឃុំ ញ៉ាប៊ិច។
ដោយជ្រួតជ្រាបរាល់លក្ខណៈវិនិច្ឆ៍យរបស់អ្នកមានកិត្យានុភាព លោក ប៊ិញ ចែករំលែកថា លោកមិនបានរើសអើងចំពោះក្រុមជនជាតិណាមួយទេ ហើយតែងតែជាគំរូល្អក្នុងការប្រតិបត្តិតាមមាគ៌ា គោលនយោបាយ ច្បាប់ ព្រមទាំងចូលរួមយ៉ាងសកម្មរាល់ចលនាប្រឡងប្រណាំង ការកាត់បន្ថយភាពអត់ឃ្លានកាត់បន្ថយភាពក្រីក្រ ការការពារសន្តិសុខនិងសណ្តាប់ធ្នាប់ ការរក្សាអត្តសញ្ញាណវប្បធម៌ និងសាមគ្គីភាពសហគមន៍។
ភាពស្និទ្ធស្នាល និងការយល់អំពីជីវភាពរស់នៅរបស់ប្រជាជនបានជួយលោក ប៊ិញ ក្លាយជាទីបង្អែកយ៉ាងរឹងមាំសម្រាប់សហគមន៍។ រាល់ពេលប្រជាជន ជាពិសេសគឺមាមីងបងប្អូនអ្នកភូមិ ស៊ូយង៉ាង ជួបលំបាក ពួកគាត់តែងតែមកជួបលោកដើម្បីជួយដោះស្រាយ។
តួយ៉ាងគឺគ្រួសាររបស់លោក ឡឹមផុង (អាយុ ៥៥ ឆ្នាំ) នៅភូមិ ស៊ួយង៉ាង។ ប្រហែល ១០ ឆ្នាំមុន នៅពេលគ្រួសារលោក ឡឹមផុង នៅជួបលំបាក ប្រាក់ចំណូលភាគច្រើនពឹងផ្អែកលើការធ្វើស្រែចម្ការនិងស៊ីឈ្នួលនោះ លោក ប៊ិញ បានចលនាគ្រួសាររបស់លោក ផុង ឱ្យខ្ចីដើមទុនពីធនាគារគោលនយោបាយសង្គម ដើម្បីអភិវឌ្ឍសេដ្ឋកិច្ច។ អាស្រ័យដោយមានការណែនាំ និងការពិគ្រោះរបស់លោក ប៊ិញ នៅឆ្នាំ ២០២១ គ្រួសាររបស់លោក ផុង សាងសង់បន្ទប់ជួលបានមួយជួរហើយ ដោយមានរាប់សិបបន្ទប់ នាំមកប្រភពចំណូលស្ថិរភាព។
លោក ផុង ចែករំលែកដោយក្តីរំភើបថា៖ “អាស្រ័យដោយមានការជួយ និងការណែនាំក្នុងការរកស៊ីរបស់លោក ប៊ិញ ទើបជីវភាពគ្រួសារខ្ញុំកាន់តែមានស្ថិរភាព។ គ្រួសារខ្ញុំដឹងគុណ និងគោរពលោក ប៊ិញ ខ្លាំងណាស់! គាត់ពិតជាអ្នកមានកិត្យានុភាពពិតប្រាកដ ជួយគ្រប់គ្នានៅក្នុងភូមិឱ្យជម្នះការលំបាក”។
មិនត្រឹមតែធ្វើឲ្យរីកសាយភាយស្មារតីនៃការអភិវឌ្ឍសេដ្ឋកិច្ចប៉ុននោះទេ លោក ប៊ិញ ក៏ជាអ្នកត្រួសត្រាយផ្លូវក្នុងចលនាកសាងជនបទថ្មីផងដែរ ជាពិសេសគឺការប្រគល់ធារដីសម្រាប់គម្រោងផ្លូវល្បឿនលឿន យ៉ាងៀ - ចើនថាញ់ នៅចុងឆ្នាំ ២០២៥។ ទោះបីជាគ្រួសារលោកមានផ្ទៃដីចម្ការកៅស៊ូជិត ១,៩ ហិកតាត្រូវបានរងផលប៉ះពាល់ បណ្តាលឱ្យប្រាក់ចំណូលថយចុះប្រហែល ៤០% ក៏ដោយ លោកនៅតែជាគំរូល្អក្នុងការគាំទ្រគម្រោង។
គំរូរបស់លោក ប៊ិញ បានបង្កើតការឯកភាពគ្នាយ៉ាងខ្លាំងនៅក្នុងសហគមន៍ ជាពិសេសក្នុងចំណោមបងប្អូនជនជាតិភាគតិច។ តួយ៉ាងគឺករណីរបស់លោក ឡឹមហៅ ក្រោយពីបានលោក ប៊ិញ ចលនានិងផ្សព្វផ្សាយ គាត់បានសម្រេចចិត្តប្រគល់ផ្ទៃដី ០,៧ ហិកតាសម្រាប់គម្រោងផ្លូវល្បឿនលឿន។ លោក ហៅ ចែករំលែកថា ដោយបានឃើញការនាំមុខ និងមានកិត្យានុភាពរបស់លោក ប៊ិញ លោក ហៅ និងប្រជាជនក៏ធ្វើតាម។
បំផុសគំនិតដល់ការថែរក្សាអត្តសញ្ញាណវប្បធម៌ជនជាតិ
មិនត្រឹមតែជួយប្រជាជនឱ្យមានស្ថិរភាពផ្នែកសេដ្ឋកិច្ចប៉ុននោះទេ លោក ប៊ិញ ក៏ជាអ្នកបំផុសគំនិតមួយរូបផងដែរ តែងតែក្រើនរំលឹកប្រជាជនអំពីការថែរក្សាអត្តសញ្ញាណវប្បធម៌របស់បងប្អូនជនជាតិ។ យោងតាមលោក ប៊ិញ បច្ចុប្បន្ននេះ បេតិកភណ្ឌវប្បធម៌ជាច្រើនរបស់បងប្អូនជនជាតិភាគតិចកំពុងប្រឈមមុខនឹងហានិភ័យនៃការបាត់បង់ និងក្លែងចាកភាពដើម។ ដូច្នេះ ការងារឃោសនាជូនប្រជាជន ជាពិសេសយុវជនជំនាន់ក្រោយត្រូវតែអនុវត្តជាប្រចាំ ដើម្បីថែរក្សា និងលើកតម្កើងប្រពៃណីរបស់ជនជាតិ។ លោកតែងតែដាស់តឿនដល់កូនក្មួយ និងមាមីងបងប្អូនកុំឱ្យភ្លេចអត្តសញ្ញាណវប្បធម៌របស់ខ្លួន ផ្តោតសំខាន់ទៅលើការបង្ហាត់បង្រៀនឲ្យយុវវ័យជំនាន់ក្រោយ។
បងស្រី ឡឹម ធីស្វៀន (អាយុ ៤៧ ឆ្នាំ នៅឃុំ ញ៉ាប៊ិច) បានឱ្យដឹងថា លោក ប៊ិញ ជាអ្នកមានកិត្យានុភាពតែងតែសកម្មក្នុងការចលនាប្រជាជនឱ្យអភិវឌ្ឍសេដ្ឋកិច្ចគ្រួសារ។ លោកតែងតែក្រើនរំលឹកក្រុមគ្រួសារបងស្រីកុំភ្លេចអត្តសញ្ញាណជាតិ ចាំបាច់ណាស់ការថែរក្សាពិធីកិច្ចប្រពៃណី និងចូលរួមក្នុងសកម្មភាពវប្បធម៌ និងទៅវត្តក្នុងរដូវបុណ្យទាន។ តាមបងស្រី ស្វៀន ប្រជាជនក្នុងភូមិនរណាក៏ស្គាល់ និងគោរពស្រឡាញ់លោក ប៊ិញ ដែរ។
លោក ង្វៀន ហុងថាយ ប្រធានគណៈកម្មាធិការប្រជាជនឃុំ ញ៉ាប៊ិច មានប្រសាសន៍ថា៖ លោក ថាច់ប៊ិញ ជាអ្នកមានកិត្យានុភាពគំរូម្នាក់ក្នុងមូលដ្ឋាន។ នឹងតួនាទីរបស់ខ្លួន លោក ប៊ិញ បានភ្ជាប់ទំនាក់ទំនងរវាងប្រជាជនជាមួយនឹងអាជ្ញាធរក្នុងវិស័យជាច្រើនដូចជា៖ វប្បធម៌ សេដ្ឋកិច្ច សង្គម ការកសាងជនបទថ្មី។ លោកធ្វើជាគំរូសម្រាប់សហគមន៍ផង និងបានចលនាមាមីងបងប្អូនឱ្យគាំទ្រ និងជួយឱ្យគម្រោងផ្លូវល្បឿនលឿន យ៉ាងៀ - ចើនថាញ់ ឲ្យអនុវត្តបានយ៉ាងរលូនផង។ ដោយសារការរួមចំណែករបស់លោក មូលដ្ឋាននេះមិនត្រឹមតែបានអភិវឌ្ឍសេដ្ឋកិច្ចប៉ុននោះទេ ថែមទាំងរក្សាបាននូវតម្លៃវប្បធម៌ប្រពៃណីទៀតផង។
យោងតាមលោក ថាយ បច្ចុប្បន្នឃុំ ញ៉ាប៊ិច មានចំនួន ១៧ ក្រុមជនជាតិរស់នៅ។ នេះជាកត្តាស្នូលបង្កើតចម្រុះជាតិសាសន៍ វប្បធម៌សម្បូណ៌បែប និងចម្រុះពណ៌ក្នុងមូលដ្ឋាន។ ដើម្បីបន្តស្មារតីថែរក្សាអត្តសញ្ញាណជាតិដែលលោក ប៊ិញ ផ្តើមគំនិត មូលដ្ឋានបានជំរុញការឃោសនាវប្បធម៌ចាប់ពីកិច្ចប្រជុំសាខាបក្សតូចបំផុតរហូតដល់សកម្មភាពសិល្បៈ និងកីឡានៅចុងសប្តាហ៍របស់ប្រជាជន។ តាមរយៈការចលនាប្រឡងប្រណាំងផ្សារភ្ជាប់សហគមន៍តាមរយៈកំណាព្យ តន្ត្រី របាំ កីឡា ស្មារតីនៃសាមគ្គីភាព និងការអភិរក្សតម្លៃវប្បធម៌ត្រូវបានរីកសាយភាយយ៉ាងទូលំទូលាយ។
លោក ថាយ មានប្រសាសន៍ថា តាមការកំណត់ទិសដៅក្នុងរយៈពេលយូរអង្វែង ឃុំ ញ៉ាប៊ីច នឹងរៀបចំធនធានជាក់លាក់ ដើម្បីស្តារនិងបន្តថែរក្សាតម្លៃវប្បធម៌ប្រពៃណី ព្រមទាំងពង្រឹងទំនាក់ទំនងរវាងនិគមនិងនិគម ភូមិនិងភូមិ។ ឃុំមានគម្រោងសាងសង់គំរូនិគម ភូមិវប្បធម៌ បង្កើតកន្លែងសម្រាប់ប្រជុំសកម្មភាព ការលេងកម្សាន្តសហគមន៍ ហើយឈានដល់ពង្រីកគំរូនេះក្នុងឃុំទាំងមូល និងតំបន់ជិតខាង។
ជាមួយនឹងការរួមចំណែកដ៏លេចធ្លោរបស់លោកក្នុងរយៈពេលប៉ុន្មានឆ្នាំមកនេះ លោក ប៊ិញ បានទទួលការសរសើរ និងការលើកសរសើរជាច្រើនពីអាជ្ញាធរគ្រប់លំដាប់ថ្នាក់។ លោកក៏បានផ្តល់កិត្តិយសជាជនជាតិភាគតិចគំរូរបស់ខេត្ត ត្រូវបានទទួលស្គាល់ចំពោះសមិទ្ធផលដ៏លេចធ្លោរបស់លោកក្នុងកិច្ចការជនជាតិ និងការអនុវត្តគោលនយោបាយជនជាតិរបស់បក្សនិងរដ្ឋ...
លោកពិតជាគំរូដ៏ភ្លឺស្វាងនៃស្មារតីលះបង់ ការលះបង់អស់ពីចិត្តពីថ្លើមនិងការទទួលខុសត្រូវ ដោយដើរតួនាទីយ៉ាងសំខាន់ក្នុងការបង្កើតធ្លុងមហាសាមគ្គីប្រជាជនទាំងមូល ថែរក្សាការរស់នៅក្នុងសហគមន៍ ទន្ទឹមនោះរួមចំណែកយ៉ាងសំខាន់ក្នុងការអភិវឌ្ឍជនបទថ្មីលើកកម្ពស់នៅឃុំ ញ៉ាប៊ិច៕
អត្ថបទ និងរូបថត៖ ក ហ្គឿយហ៍
ប្រែសម្រួល៖ ចន្ថា
