ព្យុះលេខ ១៣ និងកាលភ្លៀងទឹកជំនន់ប្រវត្តិសាស្ត្រកន្លងទៅថ្មីៗ នេះបង្កឲ្យខូចខាតអន្តរាយយ៉ាងធ្ងន់ធ្ងរអំពីអាយុជីវិតមនុស្សនិងទ្រព្យសម្បត្តិដល់ប្រជាជននៅខេត្ត ដាក់ឡាក់។ មានផ្ទះជិត ៧០០ ខ្នងនៅក្នុងខេត្តទាំងមូលត្រូវរលំបាក់ទាំងស្រុង ផ្ទះប្រហែល ១.៤០០ ខ្នងរងការខូចខាតយ៉ាងធ្ងន់ធ្ងរ ផ្ទះជិត ១០៦.០០០ ខ្នងត្រូវលិចលង់ក្នុងទឹក ក្នុងចំណោមនោះមានផ្ទះប្រហែល ១០.០០០ ខ្នងត្រូវការជួសជុល លើកគុណភាព។
នៅក្នុងពិធីបើកការដ្ឋានសាងសង់ លោក តា អាញ់ទន់ ប្រធានគណៈកម្មាធិការប្រជាជនខេត្ត ដាក់ឡាក់ ស្នើមន្ទីរ ផ្នែក អង្គភាពសាងសង់និងអាជ្ញាធរឃុំ សង្កាត់ ឲ្យប្រមូលផ្តុំប្រភពកម្លាំងជាអតិបរមាតាមពាក្យស្លោក “អ្នកណាមានអីជួយនឹង” រៀបចំការសាងសង់ឲ្យបានម៉ឺងម៉ាត់ ឆាប់រហ័សនិងធានាបានគុណភាព និរន្តរភាព ប្រសិទ្ធភាពនៃគម្រោងនីមួយៗ។ ក្រុមគ្រួសារស្ថិតក្នុងក្របខ័ណ្ឌទទួលបានការឧបត្ថម្ភសម្របសម្រួលយ៉ាងស្អិតល្មួតជាមួយអាជ្ញាធរនិងអង្គភាពសាងសង់ដើម្បីដំណើរការសាងសង់ប្រព្រឹត្តទៅដោយរលូន កាត់បន្ថយពេលវេលាបញ្ចប់ការសាងសង់ ជួសជុល ឆាប់បានលំនឹងជីភាពរស់នៅ ក្នុងពេលជាមួយគ្នានេះដែរ បន្តខិតខំប្រឹងប្រែង ឈោងឈានឡើងយ៉ាងសកម្មក្នុងដំណើរការដោះស្រាយផលវិបាកគ្រោះមហន្តរាយធម្មជាតិ ។
លោកឧត្តមសេនីយ៍ត្រី ត្រឹន ថាញ់ហាយ មេបញ្ជាការរងយោធភូមិភាគ ៥ សង្កត់ធ្ងន់ថា ដោយមានប្រពៃណីសាមគ្គីភាព ភក្តីភាពកងទ័ព - ប្រជាជនផ្សារភ្ជាប់គ្នាស្អិតល្មួត កងកម្លាំងយោធាមានបំណងជួយប្រជាជនឱ្យឆ្លងកាត់ការលំបាកលំបិន លំនឹងជីវភាពរស់នៅ ឆាប់បានប្រជុំជីវភាពធម្មតាឡើងវិញហើយអភិវឌ្ឍសេដ្ឋកិច្ច។
លោកឧត្តមសេនីយ៍ត្រី ត្រឹន ថាញ់ហាយ ស្នើថា អង្គភាពដែលបានប្រគល់ភារកិច្ចចាំបាច់រៀបចំកងកម្លាំងប្រកបកដោយវិទ្យាសាស្ត្រ ពង្រីកស្មារតីម្ចាស់ការ ច្នៃប្រតិដ្ឋ ធានាថាការសាងសង់ស្របតាមស្តង់ដារ ទាន់ពេលវេលាកំណត់ មានសុវត្ថិភាពជាដាច់ខាត។ កម្មាភិបាល យុទ្ធជនម្នាក់ៗ ចាត់ទុកនេះជាទំនួលខុសត្រូវ មនោសញ្ចេតនាដ៏ថ្លៃថ្លាសម្រាប់ជូនប្រជាជនតំបន់រងគ្រោះមហន្តរាយធម្មជាតិ។
មុននោះ កាលពីថ្ងៃទី ២៦ ខែ វិច្ឆិកា នៅឃុំ ស៊ន់ឡាញ់ ក្រសួងនគរបាលបានសហការជាមួយគណៈកម្មាធិការប្រជាជនខេត្ត ដាក់ឡាក់ រៀបចំពិធីបើកការដ្ឋានសាងសង់ផ្ទះលំនៅចំនួន ១៦ ខ្នងជូនក្រុមគ្រួសារប្រជាជនទាំងឡាយនៅលើភូមិសាស្ត្រខេត្តដែលមានផ្ទះត្រូវរលំបាក់ដោយសារព្យុះលេខ ១៣ និងកាលទឹកជំនន់បង្កឡើងកន្លងទៅថ្មីៗ នេះ។
តាមរយៈនោះ ក្រសួងនគរបាលឧបត្ថម្ភសាងសង់ផ្ទះមួយខ្នងៗ ចំនួន ៥០ លានដុង គណៈកម្មាធិការប្រជាជនខេត្ត ដាក់ឡាក់ ឧបត្ថម្ភចំនួន ៦០ លានដុង។ ក្រសួងនគរបាលបានប្រគល់ឲ្យនគរបាលខេត្ត ដាក់ឡាក់ សម្របសម្រួលជាមួយអាជ្ញាធរមូលដ្ឋានពន្លឿនវឌ្ឍនភាពសាងសង់ ខិតខំសម្រេចរួចរាល់និងប្រគល់ផ្ទះសំបែងមុនថ្ងៃទី ៣១ ខែ ធ្នូ ឆ្នាំ ២០២៥ ដើម្បីឱ្យក្រុមគ្រួសារទាំងឡាយអាចប្រារព្ធពិធីចូលឆ្នាំថ្មីសកល បុណ្យចូលឆ្នាំថ្មី ២០២៦ នៅក្នុងផ្ទះសំបែងថ្មី។
ក្នុងឱកាសនេះ ក្រុមការងារក្រសួងនគរបាលបានប្រគល់អំណោយរបស់លោកឧត្តមសេនីយ៍ឯក លឿង តាមក្វាង រដ្ឋមន្ត្រីក្រសួងនគរបាលដល់ក្រុមគ្រួសារទាំងឡាយនៅលើភូមិសាស្ត្រឃុំ ស៊ន់ឡាញ់ ស្របពេលនោះដែរប្រគល់ជូនអង្ករចំនួន ៨០ តោន សម្ភារៈប្រើប្រាស់ដ៏ចាំបាច់ប្រចាំថ្ងៃដល់ប្រជាជននៅខេត្ត ដាក់ឡាក់ ក្នុងគោលបំណងដោះស្រាយផលវិបាកខូចខាតអន្តរាយបង្កឡើងដោយទឹកជំនន់៕
ដំណឹងនិងរូបថត៖ តឿងគ្វឹន - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលនិន្នន័យ៖ យ័ញលើយ
