នាំយកចូលឆ្នាំមុនពេលកំណត់មកកាន់អ្នកក្រីក្រតំបន់ព្រំដែន អានភូ

កុងម៉ៅ

08/01/2026 10:21

នាព្រឹកថ្ងៃទី ៦ ខែ មករា នៅឃុំព្រំដែន អានភូ យុវជនកុម្មុយនិស្ត ហូ ជីមិញ នគរបាលខេត្ត អានយ៉ាង សហការជាមួយយុវជនកុម្មុយនិស្ត ហូ ជីមិញ ខេត្ត អានយ៉ាង និងគណៈកម្មាធិការប្រជាជនឃុំ អានយ៉ាង (ខេត្ត អានយ៉ាង) បានរៀបចំពិធីបើកប្រតិបត្តិការ “និទាឃរដូវស្ម័គ្រចិត្ត” ឆ្នាំ ២០២៦ ដោយមានសកម្មភាពជាក់ស្តែង មានអត្ថន័យជាច្រើន ជួយក្រុមគ្រួសារគោលនយោបាយ ក្រុមគ្រួសារក្រីក្រ ក្រុមគ្រួសារមានស្ថានភាពលំបាកលំបិន សិស្សសាលាលេងកម្សាន្តនានិទាឃរដូវ ទទួលស្វាគមន៍ចូលឆ្នាំថ្មីសប្បាយរីករាយ កក់ក្តៅ។

លោកវរសេនីយ៍ឯក ឡេ ភូថាញ់ នាយករងនគរបាលខេត្ត អានយ៉ាង (អ្នកទី ២ ពីខាងស្តាំមក) និងអ្នកតំណាងធ្វើពិធីកិច្ចប្រគល់ជូនផ្ទះ “ថ្ងៃទី ១៩ ខែ សីហា” ដល់គ្រួសារលោកស្រី កាវ ធីបឿង នៅភូមិ អានថាញ់ ឃុំ អានភូ ខេត្ត អានយ៉ាង។

ឆ្លងតាមរយៈកម្មវិធី នគរបាលខេត្ត អានយ៉ាង ជាមួយនឹងអង្គភាពទាំងឡាយរួមដំណើរជាមួយមានបំណងចង់សម្តែងស្មារតីស្រឡាញ់រាប់អានគ្នាទៅវិញ ទៅមក ចែករំលែកការលំបាកលំបិនជាមួយអាជ្ញាធរ ប្រជាជន កងកម្លាំងនគរបាលមូលដ្ឋាននិងប្អូនៗ សិស្សសាលាតំបន់ព្រំដែននៃឃុំ អាភូ រួមចំណែកកសាង អភិវឌ្ឍមូលដ្ឋាន។

លោកវរសេនីយ៍ឯក ឡេ ភូថាញ់ នាយករងនគរបាលខេត្ត អានយ៉ាង (អ្នកទី ៣ ពីខាងឆ្វេងមក) និងលោកស្រី ក្វាច់ តូយ៉ាង លេខាគណៈកម្មាធិការបក្សឃុំ អានភូ ប្រគល់ជូនផ្លាកនិមិត្តសញ្ញាតំណាងអាហារូបករណ៍ "ប្អូនធម៌នៃសម្ព័ន្ធយុវជនកុម្មុយនិស្ត ហូ ជីមិញ" ដល់សិស្សសាលាពិការនិងមានស្ថានភាពលំបាកលំបិននៅលើភូមិសាស្រ្តឃុំ អានភូ។

លោកវរសេនីយ៍ឯក ឡេ ភូថាញ់ នាយករងនគរបាលខេត្ត អានយ៉ាង ផ្តល់ផ្លាកនិមិត្តសញ្ញាប្រគល់ជូនផ្ទះ “ថ្ងៃទី ១៩ ខែ សីហា” ដល់គ្រួសារលោកស្រី កាវ ធីបឿង នៅភូមិ អានថាញ់ ឃុំ អានភូ ខេត្ត អានយ៉ាង។

លោកវរសេនីយ៍ឯក ឡេ ភូថាញ់ នាយករងនគរបាលខេត្ត អានយ៉ាង បានឱ្យដឹងថា យុទ្ធនាការ "និទាឃរដូវស្ម័គ្រចិត្ត" ឆ្នាំ ២០២៦ នៅឃុំ អានភូ ជាសកម្មភាពដ៏មានអត្ថន័យជាក់ស្តែង ប្រែក្លាយគោលការណ៍របស់ក្រសួងនគរបាល នគរបាលខេត្ត អានយ៉ាង ស្តីពីការបំផុសចលនាប្រឡងប្រណាំង "បំផុត ៣៖ ក្រឹត្យវិន័យបំផុត - ស្មោះត្រង់បំផុត - ជិតស្និទ្ធប្រជាជនបំផុត" ឱ្យទៅជាភាពជាក់ស្ដែង។ សកម្មភាពទាំងនេះនឹងជួយលើកស្ទួយតួនាទីឈានមុខ ស្ម័គ្រចិត្តក្នុងការអនុវត្តរាល់សកម្មភាពចលនា មនោសញ្ចេតនាសង្គម រួមកម្លាំងជាមួយសហគមន៍ ផ្សារភ្ជាប់នឹងការអនុវត្តជោគជ័យពេលមមាញឹក ធានាសន្តិសុខ សណ្តាប់ធ្នាប់មហាសន្និបាតលើកទី ១៤ របស់បក្ស ការបោះឆ្នោតជ្រើសតាំងតំណាងរដ្ឋសភានីតិកាលទី ១៦ ក្រុមប្រឹក្សាប្រជាជនគ្រប់លំដាប់ថ្នាក់ អាណត្តិ ២០២៦ - ២០៣១ ជាដាច់ខាត ការពារសេចក្តីសុខសាន្ត សុភមង្គលរបស់ប្រជាជនក្នុងឱកាសបុណ្យចូលឆ្នាំថ្មីឆ្នាំ មមី អដ្ឋស័ក ២០២៦។

លោកវរសេនីយ៍ឯកកបម្រុង ខា ត្រឿងវឹង ប្រគល់ជូនអំណោយដល់ក្រុមគ្រួសារក្រីក្រ ក្រុមគ្រួសារជិតខ្សែបន្ទាត់នៃភាពក្រីក្រនៅលើភូមិសាស្ត្រឃុំ អានភូ ខេត្ត អានយ៉ាង។

កម្មវិធី "និទាឃរដូវស្ម័គ្រចិត្ត" ឆ្នាំ ២០២៦ រួមមានសកម្មភាពសុខុមាលភាពសង្គម គម្រោងកិច្ចការមានអត្ថន័យ ជាក់ស្តែងជាច្រើន ច្បាមជាប់ភារកិច្ចនយោបាយរបស់កងកម្លាំងនគរបាល រួមចំណែកលើកកម្ពស់ជីវភាពសម្ភារៈ ស្មារតីជូនប្រជាជន ជួយប្រជាជនតំបន់ព្រំដែនលំនឹងជីវភាព ស្ងប់ចិត្តផ្សារភ្ជាប់ជាមួយតំបន់ព្រំដែនមាតុភូមិ។ សកម្មភាពទាំងនេះក៏លើកទឹកចិត្តប្រជាជនឱ្យគោរពគោលការណ៍ មាគ៌ារបស់បក្ស គោលនយោបាយ ច្បាប់រដ្ឋ បទប្បញ្ញត្តិរបស់មូលដ្ឋានយ៉ាងម៉ឺងម៉ាត់ សាមគ្គីភាព រាប់អានគ្នាស្អិតល្មួត រួមគ្នាកសាងតំបន់ព្រំដែនឱ្យកាន់តែសម្បូររុងរឿង៕

អត្ថបទនិងរូបថត៖ កុងម៉ៅ - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ

កាសែត ពត៌មាន និង ជនជាតិ