នៅចុងខែ តុលា និងខែ វិច្ឆិកា ព្យុះ និងទឹកជំនន់បានបង្កការខូចខាតអន្តរាយដ៏
មហាសាលដល់មនុស្ស ទ្រព្យសម្បត្តិរបស់ប្រជាជនបណ្តាខេត្តតំបន់ភូមិភាគកណ្តាល និង តីង្វៀន ធ្វើឱ្យបាក់ រលំផ្ទះចំនួន ១.៦៣៥ ខ្នង និងខូចខាតធ្ងន់ធ្ងរចំនួន ៣៩.៤៦១ ខ្នង។
ប្រឈមនឹងស្ថានភាពនោះ លោកនាយករដ្ឋមន្ត្រីនៃដ្ឋាភិបាល ផាម មិញជិញ បានចុះហត្ថលេខាលើសារទូរលេខលេខ 234/CĐ-TTg នៅថ្ងៃទី៣០ ខែវិច្ឆិកា បំផុស "យុទ្ធនាការ ក្វាងទ្រុង" កៀរគរកម្លាំងរួមសាងសង់ឡើងវិញយ៉ាងឆាប់រហ័ស ជួសជុលផ្ទះលំនៅ តាំងទីលំនៅឡើងវិញជូនក្រុមគ្រួសារទាំងអស់ដែលមានផ្ទះត្រូវរលំបាក់ ទឹកកួចរសាត់ទៅ ដោយសារគ្រោះធម្មជាតិ។ គោលដៅនៃយុទ្ធនាការនេះគឺបញ្ចប់រួចរាល់ការជួសជុលផ្ទះលំនៅត្រូវខូចខាតមុនថ្ងៃទី៣១ ខែធ្នូ ឆ្នាំ២០២៥ សាងសង់ឡើងវិញ តាំងទីលំនៅឡើងវិញជូនក្រុមគ្រួសារមានផ្ទះត្រូវរលំបាក់ ទឹកកួចរសាត់ទៅទាំងអស់មុនថ្ងៃទី៣១ ខែមករា ឆ្នាំ២០២៦។
តាំងពីអំឡុងថ្ងៃដើមខែធ្នូ ឆ្នាំ២០២៥ ភ្លាម បណ្តាខេត្ត ដាក់ឡាក់ យ៉ាឡាយ ខាញ់ហ្វាក្វាងង៉ាយ ឡឹមដុង រួមជាមួយនឹងកងកម្លាំងយោធា នគរបាល និងបណ្តាក្រសួង ផ្នែកពាក់ព័ន្ធបានដាក់ដំណើរការ "យុទ្ធនាការ ក្វាង ទ្រុង" យ៉ាងសកម្ម។ ដល់ថ្ងៃទី៨ ខែធ្នូ ឆ្នាំ២០២៥ បានបើកការដ្ឋានសាងសង់ផ្ទះត្រូវបាក់រលំទាំងស្រុងឡើងវិញចំនួន ៩៧១ ខ្នងក្នុងចំណោមផ្ទះចំនួន ១.៦៣៥ ខ្នង និងជួសជុលផ្ទះរួចរាល់ជាស្ថាពរចំនួន ៣៤.៦២៧ ខ្នងក្នុងចំណោមផ្ទះចំនួន ៣៩.៤៦១ ខ្នងត្រូវខូចខាត។
រួមជាមួយនឹងប្រភពកម្លាំងរបស់រដ្ឋ ការសាងសង់ថ្មី ជួសជុលផ្ទះជូនប្រជាជនទទួលបានការ ឧបត្ថម្ភពីអង្គការបុគ្គលជាច្រើនទាំងក្នុង និងក្រៅប្រទេសដោយមានស្មារតី "នរណាមានកម្លាំងកាយចូលរួមជាកម្លាំងកាយ នរណាមានរបស់ទ្រព្យចូលរួមជារបស់ទ្រព្យ នរណាមានច្រើនចូលរួមច្រើន នរណាមានតិចចូលរួមតិច" ជួយប្រជាជនស្ថិរភាពលំនៅឋាន មានកន្លែងគោរពបូជាបុព្វការីជន និងអបអរសាទរបុណ្យចូលឆ្នាំថ្មី ឆ្នាំមមី អដ្ឋស័ក ក្នុងលក្ខណៈប្រកបដោយសុវត្ថិភាព កក់ក្តៅ៕
អត្ថបទ៖ កាសែត ព័ត៌មាន និងជនជាតិ
រូបថត៖ ទីភ្នាក់ងារព័ត៌មានវៀតណាម
បញ្ចូលទិន្ន័យ៖ ចន្ថា
