អញ្ជើញថ្លែងសុន្ទរកថាក្នុងពិធី លោក ឡឹម មិញដាំង អនុលេខានៃគណៈកម្មាធិការបក្សខេត្ត វិញឡុង សង្កត់ធ្ងន់ថា ខែកម្មករនិងខែធ្វើសកម្មភាពស្តីអំពីសុវត្ថិភាព អនាម័យក្នុងពលកម្មឆ្នាំ ២០២៦ គឺជាសកម្មភាពមានអត្ថន័យខាងនយោបាយ - សង្គមយ៉ាងជ្រាលជ្រៅ ស្តែងពីការយកចិត្តទុកដាក់របស់បក្ស រដ្ឋចំពោះវណ្ណៈកម្មករ ហើយក៏ជាឱកាសដាស់ឱ្យភ្ញាក់ចលនាប្រឡងប្រណាំងក្នុងផលិតកម្ម នវានុវត្តន៍ច្នៃប្រតិដ្ឋ បង្កើនផលិតភាពពលកម្មទៀតផង។
ដោយកត់សម្គាល់ និងលើកសរសើរចំពោះការរួមវិភាគទានរបស់សហគមន៍សហគ្រាស និងកងជួរកម្មករ ពលករ លោក ឡឹម មិញដាំង បញ្ជាក់ថា នេះគឺជាកងកម្លាំងស្នូលដែលបង្កើតទ្រព្យសម្បត្តិសម្ភារៈដោយផ្ទាល់ រួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច ធានាសុខុមាលភាពសង្គម និងរក្សាស្ថិរភាពនយោបាយ - សង្គមក្នុងមូលដ្ឋាន។
នាពេលខាងមុខ គ្រប់លំដាប់ថ្នាក់ ផ្នែក មូលដ្ឋាន សហគ្រាស និងអង្គការសហជីពត្រូវបន្តយកចិត្តទុកដាក់ថែមទៀតចំពោះជីវភាពសម្ភារៈនិងស្មារតី ការពារសិទ្ធិនិងផលប្រយោជន៍ស្របច្បាប់របស់ពលករ កសាងកងជួរកម្មករកាន់តែរឹងមាំពីមួយថ្ងៃទៅមួយថ្ងៃ បំពេញតម្រូវការអភិវឌ្ឍន៍ក្នុងបរិបទថ្មី។
សង្កត់ធ្ងន់តួនាទីគន្លឹះនៃធនធានមនុស្ស ថ្នាក់ដឹកនាំខេត្តបានស្នើសុំឱ្យសហគ្រាសផ្តោតលើការបណ្តុះបណ្តាល បង្កើនទឹកដៃ ជំនាញឌីជីថលជូនពលករ។ ហើយកែលម្អលក្ខខណ្ឌធ្វើការ ធានាសុវត្ថិភាព និងអនាម័យពលកម្ម ដោយចាត់ទុកនេះជាកត្តាមូលដ្ឋានគ្រឹះសម្រាប់អភិវឌ្ឍន៍ប្រកបដោយស្ថិរភាព។ អង្គការសហជីពត្រូវបន្តផ្លាស់ប្តូរខ្លឹមសារ វិធីសាស្រ្តប្រតិបត្តិការឱ្យកាន់តែខិតជិតនឹងមូលដ្ឋាន ក្តាប់និងដោះស្រាយទាន់ពេលវេលារាល់សំណើរបស់ពលករ ពង្រីកទូលាយរាល់ចលនាប្រឡងប្រណាំងពលកម្មពូកែ ពលកម្មច្នៃប្រតិដ្ឋ។ លើសពីនេះ សមាជិកសហជីព កម្មករម្នាក់ៗត្រូវរៀនសូត្រឥតឈប់ឈរ បង្កើនចំណេះដឹងជំនាញ វិន័យ និងសម្របខ្លួនយ៉ាងសកម្មជាមួយនឹងតម្រូវការបរិវត្តកម្មឌីជីថល។
យុទ្ធនាការប្រឡងប្រណាំងចំណុចខ្ពស់ក្នុងខែកម្មករឆ្នាំ ២០២៦ លោក ង្វៀន ភុកលិញ ប្រធានសហជីពពលកម្មខេត្ត វិញឡុង បានអំពាវនាវសមាជិកសហជីព ពលកម្មឱ្យលើកកម្ពស់ស្មារតី "នវានុវត្តន៍ច្នៃប្រតិដ្ឋ បង្កបង្កើនផលិតភាពពលកម្ម" រួមចំណែកជាមួយនឹងសហគ្រាសអភិវឌ្ឍប្រកបដោយស្ថិរភាព។ សហជីពគ្រប់លំដាប់ថ្នាក់គួរតែជំរុញចលនាប្រឡងប្រណាំងពលកម្មច្នៃប្រតិដ្ឋ កៀរគរធនធានដើម្បីថែទាំជីវភាពរបស់កម្មករ ពង្រឹងការសន្ទនា ដោះស្រាយសំណើរបស់ពលករទាន់ពេលវេលា និងផ្តោតលើកិច្ចការសុវត្ថិភាព អនាម័យពលកម្ម។
នៅក្នុងពិធីបំផុសចលនា គណៈកម្មការរៀបចំបានជូននិមិត្តរូបជួយឧបត្ថម្ភសាងសង់ផ្ទះមហាសាមគ្គីចំនួន ៧ ខ្នង សមាជិកសហជីពស្ថិតក្នុងស្ថានភាពលំបាក ដោយចំណាយថវិកាសរុប ៤២០ លានដុង ព្រមទាំងជូនឧបត្ថម្ភ ៣០០ ចំណែក (តម្លៃ ៥០០.០០០ ដុងក្នុងមួយចំណែក) ជូនសមាជិកសហជីព និងពលករ ខ្មែរ ដែលមានជីវភាពលំបាក៕
អត្ថបទ និងរូបថត៖ ថាញ់ហ្វា
ប្រែសម្រួល៖ ចន្ថា
