តាងនាមក្រុមការងារ ប្រធានក្រុមប្រឹក្សាជនជាតិនៃរដ្ឋសភា ឡឹម វ៉ាន់ម៉ឹន បានថ្លែងច្បាស់ថា ការអប់រំនិងសុខាភិបាលត្រូវបានបក្សយើងកំណត់ថាជាសសរស្តម្ភសំខាន់ៗ ក្នុងយុទ្ធសាស្ត្រអភិវឌ្ឍមនុស្ស វៀតណាម ប្រកបដោយបរិយាប័ន្ន ក្នុងគោលបំណងឆ្លើយតបតម្រូវការអភិវឌ្ឍរបស់ប្រទេសជាតិនៅពេលឈានចូលយុគសម័យថ្មី។ ស្ថាប័នភាវូបនីយកម្មនូវគោលការណ៍របស់បក្ស រដ្ឋសភាបានចេញសេចក្តីសម្រេចជាច្រើនស្តីពីយន្តការ គោលនយោបាយពិសេសដោយឡែក លេចធ្លោជាងគេដើម្បីធ្វើការស្ទុះផ្លោះអភិវឌ្ឍអប់រំនិងបណ្តុះបណ្តាល យន្តការ គោលនយោបាយពិសេសមួយចំនួនបង្កើតការស្ទុះផ្លោះសម្រាបការងារការពារ ថែទាំនិងលើកកម្ពស់សុខភាពប្រជាជន។ ទាំងនេះជាសេចក្តីសម្រេចចិត្តមានអត្ថន័យសំខាន់ៗ ដោយមានវិសាលភាពជះឥទ្ធិពលយ៉ាងទូលំទូលាយ ពាក់ព័ន្ធដោយផ្ទាល់ដល់ប្រជាជន ជាពិសេសគឺតំបន់បងប្អូនជនជាតិភាគតិច តំបន់ដែលមានល័ក្ខខ័ណ្ឌសេដ្ឋកិច្ច - សង្គមលំបាកលំបិនខ្លាំង។
ថ្នាក់ដឹកនាំក្រុមប្រឹក្សាជនជាតិនៃរដ្ឋសភាថ្លែងថា ក្រោយពីរួមបញ្ចូល ខេត្ត កាម៉ៅ ត្រូវបានវាយតម្លៃថាមានសក្តានុពល ឧត្តមភាពជាច្រើនដើម្បីបើកចេញបរិយាកាសអភិវឌ្ឍន៍ថ្មីដោយមានសក្តានុពលនិងទីជំហរថ្មី។
តាងនាមថ្នាក់ដឹកនាំខេត្ត លេខាគណៈកម្មាធិការបក្សខេត្ត កាម៉ៅ ង្វៀន ហូហាយ ទទួលយកមតិយោបល់ សំណើនិងបញ្ហាទាំងឡាយដែលក្រុមការងារក្រុមប្រឹក្សាជនជាតិនៃរដ្ឋសភាលើកឡើង។ យោងតាមលេខាគណៈកម្មាធិការបក្សខេត្ត កាម៉ៅ ទាំងនេះគឺជាមតិយោបល់សំខាន់ មានលក្ខណៈតម្រង់ទិសដៅអំពីគោលនយោបាយផង មានអត្ថន័យជាក់ស្តែងចំពោះការងារដឹកនាំ ប្រតិបត្តិការនិងការអនុវត្តរបស់មូលដ្ឋាន។ នាពេលខាងមុខ ខេត្ត បន្តបញ្ជ្រាបការយល់ដឹងនិងអនុវត្តបណ្តាគោលការណ៍របស់បក្ស គោលនយោបាយ ច្បាប់របស់រដ្ឋយ៉ាងម៉ឺងម៉ាត់ ផ្តោតលើការដឹកនាំអនុវត្តសេចក្តីសម្រេចទាំងឡាយរបស់រដ្ឋសភា បណ្តាកម្មវិធីគោលដៅជាតិនិងគោលនយោបាយចំពោះតំបន់បងប្អូនជនជាតិភាគតិចប្រកបដោយប្រសិទ្ធភាព ក្នុងនោះផ្តោតសំខាន់លើការលើកកម្ពស់គុណភាពអប់រំ ថែទាំសុខភាពប្រជា អភិវឌ្ឍប្រភពធនធានមនុស្ស ធានាសុខុមាលភាពសង្គមនិងលើកកម្ពស់ជីវភាពខាងសម្ភារៈនិងស្មារតីរបស់បងប្អូនជនជាតិភាគតិចពីមួយជំហានទៅមួយជំហាន៕
អត្ថបទ៖ ទ្រុងហៀវ - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
