មុខមាត់ថ្មីនៅលើដែនដីវីរភាព

ធូហឿង - អានហៀវ

07/03/2024 15:12

ផ្តើមពីតំបន់ដីរហោឋាន អតីតមូលដ្ឋានបដិវត្តន៍រហូតមកទល់បច្ចុប្បន្ននេះ ឃុំ អានមិញបាក់ ស្រុក អ៊ូមិញធឿង (ខេត្ត កៀនយ៉ាង) ត្រូវបានគ្របដណ្តប់ដោយផ្ទៃដីដាំដំណាំហូបផ្លែពណ៌បៃតង ប្រព័ន្ធហេដ្ឋារចនាសម្ព័ន្ធតភ្ជាប់គ្រប់ច្រកល្ហក ផ្ទះសំបែងធំទូលាយ

អ៊ូមិញធឿង ជាដែនដីពោរពេញទៅដោយប្រពៃណីបដិវត្តន៍ រួមមានស្រុក អានបៀន អានមិញ វិញធន់ និង អ៊ូមិញធឿង (ខេត្ត កៀនយ៉ាង)។ ឈានចេញពីគ្រាប់បែកគ្រាប់រំសេវ សង្រ្គាមដោយមានការឈឺចាប់ បាត់បង់ជាច្រើនស្រុក អ៊ូមិញធឿង សព្វថ្ងៃនេះកំពុងរស់រានឡើងវិញយ៉ាងខ្លាំងក្លា...

ក្នុងអំឡុងខែឆ្នាំតស៊ូប្រឆាំង អាណានិគម បារាំង និង ចក្រពត្តិ អាមេរិក ឈ្លានពាន ស្រុក អ៊ូមិញធឿង ជាតំបន់អតីតមូលដ្ឋានបដិវត្តន៍ កន្លែងសាខាបក្សដំបូងបង្អស់នៃបក្ខភាគខេត្ត កៀនយ៉ាង ត្រូវបានបង្កើតឡើង។

cuoc song moi o u minh thuong 11A.JPG — "ផ្តើមពីស្រុកក្រីក្រ កសិកម្មសុទ្ធសាធ ឧស្សាហកម្ម ពាណិជ្ជកម្ម សេវាកម្មអភិវឌ្ឍយឺតយ៉ាវមួយដោយសារធ្វើបរិវត្តកម្មចំទិសដៅ រហូតមកទល់ពេលនេះ សេដ្ឋកិច្ចអភិវឌ្ឍស្ថិរភាពជាបង្គួររួមចំណែកបង្កើតបានជាមុខមាត់ថ្មីសម្រាប់ស្រុក អ៊ូមិញធឿង" - លោក យឿង គ្វកឃើយ - អនុប្រធានគណៈកម្មាធិការប្រជាជនស្រុក អ៊ូមិញធឿង (ខេត្ត កៀនយ៉ាង)។

តាំងពីនៅលើដីមួយតឹកៗ នៅទីនេះ ឈាមរបស់ជនរួមជាតិ យុទ្ធជនរាប់ម៉ឺននាក់ត្រូវបានបង្ហូរចុះដើម្បីដណ្តើមឯករាជ្យ សេរីភាពមកវិញ។

អញ្ជើញមកដល់ស្រុក អ៊ូមិញធឿង ក្នុងអំឡុងថ្ងៃដើមនិទាឃរដូវ យើងខ្ញុំលែងនៅប្រទះឃើញស្ថានភាពស្ងាត់ជ្រងំ បែកភក់ជ្រាំដូចពីមុនទៀតហើយ ផ្ទុយទៅវិញគឺខ្សែផ្លូវក្រាលកៅស៊ូ បេតុងត្រូវបានចាក់ដល់ភូមិ សក្ខីភាពឱ្យជីវភាពថ្មីមួយបានមកកាន់បងប្អូនជនជាតិ។

cuoc song moi o u minh thuong 9A.JPG — មណ្ឌលស្លាកស្នាមសង្គ្រាមព្រៃស្មាច់ បាងបៀនភូ និងទីសក្ការៈបូជាវីរយុទ្ធជនពលី អ្នកមានគុណបំណាច់ស្រុក វិញធន់ គឺជា "អាសយដ្ឋានក្រហម" អប់រំប្រពៃណីស្នេហាជាតិ លទ្ធិវីរភាពបដិវត្តន៍និយមសម្រាប់មនុស្សជំនាន់សព្វថ្ងៃនេះនិងទៅអនាគត

នៅឃុំ អានមិញបាក់ បងប្អូនជនជាតិអភិវឌ្ឍចេកណាំវ៉ាជាង ២.៤០០ ហិកតា អាស្រ័យហេតុដូច្នោះហើយជីវភាពត្រូវបានកែលម្អយ៉ាងច្បាស់ក្រឡែត។

លោក ង្វៀន វ៉ាន់ឌាន លេខា ប្រធានភូមិ គិញណាំ ឃុំ អានមិញបាក់ មានប្រសាសន៍ថា៖ "ទូទាំងភូមិមានចំនួន ៤១៦ ក្រុមគ្រួសារ ក្នុងនោះមានបងប្អូនជនជាតិ ខ្មែរ ចំនួន ៦៤ ក្រុមគ្រួសារ។ ក្រុមគ្រួសារទាំងឡាយនៅក្នុងភូមិ មិនត្រឹមតែដាំចេកណាំវ៉ាប៉ុណ្ណោះទេ ថែមទាំងដាំស្វាយ ក្រូចថ្លុង វិនិយោគលើការចិញ្ចឹមត្រី លើកកម្ពស់ប្រាក់ចំណូល។ តួយ៉ាងគឺក្រុមគ្រួសារលោក លី វ៉ាន់ទិញ ដោយមាន ២ ហិកតាស្វាយ ក្រូចថ្លុង ចិញ្ចឹមខ្យងហោង ចិញ្ចឹមត្រី រកបានប្រាក់ចំណូលចំនួន ២០០ លានដុងក្នុងមួយឆ្នាំ។ ឆ្នាំ ២០២៣ ចំណូលជាមធ្យមរបស់ប្រជាជនក្នុងភូមិក្នុងមនុស្សម្នាក់សម្រេចបានចំនួន ៤៥ លានដុងក្នុងមួយឆ្នាំ អត្រាក្រុមគ្រួសារក្រីក្រថយចុះមកនៅត្រឹមចំនួន ៣,៣៦% ប៉ុណ្ណោះ"។

cuoc song moi o u minh thuong 2.JPG — ដោះស្រាយបញ្ហាសង្គមល្អជួយជីវភាពប្រជាជន អ៊ូមិញធឿង ត្រូវបានលើកកម្ពស់ឥតឈប់ឈរ

ឆៀងចូលទស្សនាឃុំ មិញធន់ ធ្វើដំណើរលើផ្លូវក្រាលកៅស៊ូត្រង់ភ្លឹង សងខាងផ្លូវគឺជាសួនផ្កាកំពុងដល់រដូវរីកស្រស់បំព្រង ផ្ទះសំបែងធំទូលាយ យើងខ្ញុំមានអារម្មណ៍ថានិទាឃរដូវកំពង់ឈានចូលមកដល់យ៉ាងច្បាស់ក្រឡែត។

លោក យ៉ាញ់ អ៊ូត អនុលេខាសាខាបក្ស អនុប្រធានភូមិ មិញតឹន រំភើបរីករាយចែករំលែកថា បច្ចុប្បន្នគ្រួសារលោកមានស្រូវចំនួន ១១ ហិកតា ផលិតបាន ២ រដូវក្នុងមួយឆ្នាំ ចំណូលស្ថិរភាពជិត ២០០ លានដុង ក្នុងមួយឆ្នាំ។ ប៉ុន្មានឆ្នាំកន្លងទៅថ្មីៗ នេះ ការផលិតកម្មរបស់កសិករអំណោយផល មានប្រសិទ្ធភាពយ៉ាងខ្លាំងបានជាអត្រាក្រុមគ្រួសារក្រីក្រក្នុងភូមិបានថយចុះជាលំដាប់ជារៀងរាល់ឆ្នាំ។ យោងតាមទិន្នន័យរបស់គណៈកម្មាធិការប្រជាជនឃុំ មិញធន់ បច្ចុប្បន្ន ឃុំទាំងមូលនៅតែប្រហែល ៤% ក្រុមគ្រួសារ ក្រីក្រប៉ុណ្ណោះ ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ៥០ លាន ដុងក្នុងមួយឆ្នាំ។ សេដ្ឋកិច្ចជាចម្បងគឺដាំដុះស្រូវគុណភាពខ្ពស់គួបផ្សំចិញ្ចឹមត្រីឬដាំដំណាំហូបផ្លែគួបផ្សំដាំបន្លែបង្ការ។

cuoc song moi o u minh thuong 12A.jpg — សាលាចំណេះទូទៅអន្តេវាសិកជនជាតិមធ្យមសិក្សាបឋមភូមិស្រុក អានបៀន កន្លែងថែទាំ បណ្តុះបណ្តាល សិក្សារៀនសូត្ររបស់យុវជន ក្មេងជំទង់ជនជាតិភាគតិចតំបន់ អ៊ូមិញធឿង

លោក យឿង គ្វកឃើយ អនុប្រធានគណៈកម្មាធិការប្រជាជនស្រុក អ៊ូ មិញធឿង បានឲ្យដឹងថា ជាមធ្យមក្រុមគ្រួសារនីមួយៗ នៅក្នុងស្រុកមានផ្ទៃដីផលិតចំនួន ៤ ហិកតា។ ប្រជាជនដាំដុះស្រូវ បន្លែបង្ការ ចេកណាំវ៉ាផង ចិញ្ចឹមជលផលផង ទទួលបានប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ៦១ លានដុងក្នុងមួយឆ្នាំ។ ឆ្នាំ ២០២៣ ស្រុក អ៊ូមិញធឿង ផ្តោតសំខាន់ជាពិសេសទៅលើការងារកាត់បន្ថយភាពក្រីក្រ ដោះស្រាយបញ្ហាការងារធ្វើ។ រហូតមកទល់បច្ចុប្បន្ននេះ អត្រាក្រុមគ្រួសារក្រីក្រ ក្នុងស្រុកនៅចំនួន ៣,៩៦% (ថយចុះចំនួន ២,៤១% បើធៀបនឹងឆ្នាំ ២០២២)។

រួមចិត្តគំនិតគ្នាកសាងនិងអភិវឌ្ឍស្រុកកំណើត
អញ្ជើញមកកាន់ វិញធន់ ចំឱកាសរំលឹកអនុស្សាវរីយ៍ខួប ៦០ ឆ្នាំបង្កើត ស្រុក យើងខ្ញុំចាប់អារម្មណ៍បានថាបរិយាកាសប្រឡងប្រណាំងកសាងជនបទថ្មីកំពុងប្រព្រឹត្តទៅដ៏ផុសផុលនៅលើភូមិសាស្ត្រស្រុក។

cuoc song moi o u minh thuong 13B.jpg — ក្នុងនាមជាស្រុកស្ថិតក្នុងតំបន់ អ៊ូមិញធឿង មុខមាត់ស្រុក វិញធន់ សព្វថ្ងៃនេះផ្លាស់ប្តូរហួសកម្រិតធម្មតា

លោក ចូវ ង៉ុកកឹន លេខាគណៈកម្មាធិការបក្សឃុំ ផុងដុង មានប្រសាសន៍ថា៖ "ផុងដុង គឺជាឃុំមួយក្នុងចំណោមឃុំទាំង ៣ មានបងប្អូនជនជាតិ ខ្មែរ រស់នៅច្រើនរបស់ស្រុក វិញធន់។ បងប្អូនជនជាតិ ខ្មែរ ជាទូទៅផលិតកសិកម្ម។ ចាប់តាំងពីពេលចាប់ផ្តើមកសាងជនបទថ្មី មុខមាត់ឃុំបានផ្លាស់ប្តូរនិងអភិវឌ្ឍឥតឈប់ឈរ ជីវភាពបងប្អូនជនជាតិ ខ្មែរ ត្រូវបានបន្តកែលម្អនិងកើនឡើង អត្រាក្រុមគ្រួសារក្រីក្រដល់ដំណាច់ ឆ្នាំ ២០២៣ ថយចុះមកនៅត្រឹមចំនួន ៣,៨% ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ៥៤,៥ លានដុងក្នុងមួយឆ្នាំ"។

cuoc song moi o u minh thuong 3.JPG — កម្មាភិបាលការិយាល័យកសិកម្មស្រុកអញ្ជើញចុះពិនិត្យគំរូស្រូវគុណភាពខ្ពស់របស់គ្រួសារលោក យ៉ាញ់អ៊ូត (ខាងឆ្វេង) ជនជាតិ ខ្មែរ នៅភូមិ មិញតឹន ឃុំ មិញធន់ ស្រុក អ៊ូមិញធឿង

ដោយមានស្មារតីសាមគ្គីភាព រួមចិត្តគំនិតគ្នា ប្រជាជនភូមិ គិញ ២ អា ឃុំ តឹនធន់ ស្រុក វិញធន់ បានផ្លាស់ប្តូរផ្នត់គំនិត របៀបធ្វើ ជំរុញបរិវត្តកម្ម រចនាសម្ព័ន្ធដំណាំដាំដុះ សត្វចិញ្ចឹមយ៉ាងខ្លាំងក្លា ឆ្លងតាមរយៈនោះលើកកម្ពស់ប្រាក់ចំណូលជូនបងប្អូនជនជាតិ។

តួយ៉ាងគឺក្រុមគ្រួសារលោក ឡេ វ៉ាន់ដយ ដោយមានគំរូដាំដុះស្រូវឆ្លាស់គ្នាជាមួយ ផ្លែម្រះ ត្រសក់នៅលើផ្ទៃដីចំនួន ២ ហិកតា ទទួលបានប្រាក់ចំណូលបានពី ៧០ ដល់ ៨០ លានដុងក្នុងមួយរដូវ ក្រុមគ្រួសារលោកស្រី ធីបឿល មានតែផ្ទៃដីដាំបន្លែបង្ការតួចមួយប៉ុន្តែដោយសារដឹងដាំដុះឆ្លាស់គ្នាជាមួយនឹងប្រភេទបន្លែបានជារួចផុតពីភាពក្រីក្រ…

cuoc song moi o u minh thuong 10A.JPG — *កូនក្មួយបងប្អូនជនជាតិ ខ្មែរ នៅតំបន់ដីបដិវត្តន៍ឃុំ ផុងដុង ស្រុក វិញធន់*

លោក វ៉ ថាញ់ស៊ន់ ប្រធានគណៈកម្មាធិការឃោសនាអប់រំគណៈកម្មាធិការបក្សស្រុក ប្រធានមជ្ឈមណ្ឌលនយោបាយស្រុក វិញធន់ បានឲ្យដឹងថា បច្ចុប្បន្នស្រុក វិញធន់ មានចំនួន ៧ លើ ៧ ឃុំ សម្រេចស្តង់ដារជនបទថ្មី ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ៦២ លានដុង ក្នុងមួយឆ្នាំ។ អត្រាក្រុមគ្រួសារក្រីក្រនៅចំនួន ២,៨%។ ពង្រីកប្រពៃណីបដិវត្តន៍ ស្រុកនឹងបន្ត អនុវត្តគោលដៅ ភារកិច្ចអភិវឌ្ឍសេដ្ឋកិច្ច - សង្គមដោយជោគជ័យ លើកកម្ពស់ជីវភាពប្រជាជន ខិតខំប្រឹងប្រែងដល់ឆ្នាំ ២០២៥។ ចំនួន ៧ លើ ៧ ឃុំ សម្រេចស្តង់ដារជនបទថ្មីកម្រិតលើកកម្ពស់។ តិចបំផុតឃុំចំនួន ១ ឡើងទៅសម្រេចស្តង់ដារជនបទថ្មីគំរូៗ៕

អត្ថបទ៖ ធូហឿង
រូបថត៖ អានហៀវ
បញ្ចូលទិន្នន័យដោយ៖ យ័ញលើយ