ប្រភពទុនសរុបសម្រាប់អនុវត្តកម្មវិធីគោលដៅជាតិស្តីពីការអភិវឌ្ឍសេដ្ឋកិច្ច - សង្គមនៅតំបន់ជនជាតិភាគតិច និងតំបន់ភ្នំក្នុងឆ្នាំ ២០២៥ របស់ខេត្ត ថៃង្វៀន គឺមានចំនួនជាង ១.៤០០ ពាន់លានដុង ដែលក្នុងនោះប្រភពទុនថវិកាមជ្ឈិមមានចំនួនជាង ១.៣០០ ពាន់លានដុងនិងទុនថវិកាមូលដ្ឋានមានចំនួនជាង ១២៣ ពាន់លានដុង។ ទោះជាយ៉ាងនេះក៏ដោយ ដល់នៅចុងខែ វិច្ឆិកា ឆ្នាំ ២០២៥ ការបើកផ្តល់ប្រាក់ប្រភពទុនសរុបនៃកម្មវិធីទើបតែសម្រេចបានជាង ៦២៧ ពាន់លានដុងប៉ុននោះ ស្មើនឹងប្រហែល ៤៣% ផែនការប្រភពទុន។ ប្រភពទុនសរុបដែលមិនបើកផ្តល់ប្រាក់បាន ស្នើឱ្យសងថវិការដ្ឋវិញគឺចំនួន ១៣១ ពាន់លានដុង ដែលក្នុងនោះទុនវិនិយោគមានចំនួន ២៧ ពាន់លានដុងនិងប្រភពទុនអាជីពរដ្ឋបាលមានចំនួនជាង ១០៣ ពាន់លានដុង។
យោងតាមលោក ផាន់ ឌឹក គឿង អនុប្រធានមន្ទីរជនជាតិនិងសាសនាខេត្ត ថៃង្វៀន ដំណើរការនៃការរៀបចំអនុវត្តកម្មវិធីនៅមានភាពស្ទាក់ស្ទើរ ជាពិសេសនៅថ្នាក់ឃុំ វឌ្ឍនភាពនៃការអនុវត្តគម្រោង អនុគម្រោង កម្មវត្ថុជាទូទៅនៅមានភាពយឺតយ៉ាវ។ អត្រាបើកផ្តល់ប្រាក់លើគម្រោងមួយចំនួននៅតែទាប គម្រោងមួយចំនួនមិនទាន់បើកផ្តល់ប្រាក់ឬត្រូវប្រគល់ជូនថវិការដ្ឋវិញ។ ការងារត្រួតពិនិត្យឃ្លាំមើលត្រូវបានយកចិត្តទុកដាក់ដឹកនាំប៉ុន្តែមិនទាន់បានទៀងទាត់ទេ ការងារធ្វើសំយោគរបាយការណ៍មិនទាន់ពេញលេញ ទាន់ពេលវេលា។ នៅថ្នាក់ឃុំ ការតាមដានប្រភពទុនមិនទាន់បានស្អិតល្មួតនៅឡើយទេ ជាពិសេសគឺប្រភពទុនដែលសល់ផ្ទេរពីឆ្នាំមុនៗ មករបាយការណ៍យឺត ព័ត៌មានរបាយការណ៍មិនពេញលេញនាំឱ្យមន្ទីរ ផ្នែកថ្នាក់ខេត្តដែលជាម្ចាស់គម្រោងសមាសភាគមិនមានព័ត៌មានដើម្បីរាយការណ៍វាយតម្លៃគម្រោងនៅទូទាំងខេត្ត។ ដូច្នោះ មន្ទីរជនជាតិនិងសាសនាមិនមានតួលេខដើម្បីធ្វើសំយោគ តួលេខបច្ចុប្បន្ននេះយកពីរតនាគាររដ្ឋផ្តល់ឲ្យស្ទើរតែទាំងស្រុង។
នាយករងនៃមន្ទីរជនជាតិនិងសាសនាខេត្តបានបកស្រាយថា មូលហេតុនៃស្ថានភាពនេះដោយសារក្រោយពីពេលអនុវត្តអាជ្ញាធរមូលដ្ឋានពីរថ្នាក់ ការទទួលប្រភពទុនកម្មវិធី គម្រោងនៅតែមានភាពយឺតយ៉ាវ ការផ្ទេរបន្តតួលេខកម្មវិធី គម្រោងដើម្បីអនុវត្តបន្តមិនទាន់ស្អិតល្មួត។ ពេលវេលាចាប់ពីពេលរួមបញ្ចូលគ្នាដើម្បីបន្តអនុវត្តសុក្រឹតភាពកម្មវិធី គម្រោងក្នុងឆ្នាំនៃកម្មវត្ថុមួយចំនួនមិនគ្រប់ដើម្បីអនុវត្ត។ល។
ដើម្បីធានាបាននូវការបញ្ចប់គោលដៅបើកផ្តល់ប្រាក់ទុនកម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំ មន្ទីរជនជាតិនិងសាសនាខេត្ត ថៃង្វៀន ស្នើសុំគណៈកម្មាធិការប្រជាជនខេត្ត ពិចារណា ដឹកនាំអង្គភាព មូលដ្ឋាននានាឱ្យកាន់តែមានភាពសកម្ម ម៉ឺងម៉ាត់ក្នុងការងារដឹកនាំ បង្គាប់ការនិងការរៀបចំអនុវត្តថែមទៀត ផ្តោតយ៉ាងអស់ទំហឹងដើម្បីពន្លឿនបើកផ្តល់ប្រាក់ប្រពភទុនដែលបានប្រគល់ឲ្យ ជាពិសេសប្រភពទុនអាជីពរដ្ឋបាលនិងគម្រោង អនុគម្រោងដែលមានវឌ្ឍនភាពយឺត ជាពិសេសគឺកម្មវត្ថុស្ថិតក្នុងគម្រោង៖ ៣, ៥, ៦, ៧, ៨, ៩ និង ១០ បំពេញសំណុំឯកសារបើកផ្តល់ប្រាក់ឱ្យបានទាន់ពេលវេលាតាមរយៈរតនាគាររដ្ឋ។ ថ្នាក់ដឹកនាំស្ថាប័ន អង្គភាព មូលដ្ឋានទទួលខុសត្រូវដោយផ្ទាល់អំពីលទ្ធផលនៃការបើកផ្តុល់ប្រាក់ ចាត់តាំងប្រគល់ភារកិច្ចទៅឱ្យការិយាល័យឯកទេស អង្គភាពអនុវត្តជាក់លាក់ តម្រូវឱ្យមានផែនការនិងគ្រោងថវិកាលម្អិត ដាច់ខាតមិនទុកឲ្យកើតស្ថានភាពយឺតយ៉ាវដោយសារហេតុផលអត្តនោម័ត្ត ខ្វះការសម្របសម្រួលឬខ្វះការជំរុញក្នុងអំឡុងពេលអនុវត្តភារកិច្ច ដោះស្រាយការទទួលខុសត្រូវឱ្យបានឆាប់រហ័សចំពោះស្ថាប័ន អង្គភាព និងបុគ្គលដែលអសកម្ម ឬខ្វះទទួលខុសត្រូវក្នុងការរៀបចំការអនុវត្ត៕
អត្ថបទនិងរូបថត៖ ហ្វាង ថាវង្វៀន - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្ន័យ៖ យ័ញលើយ
