ឧបត្ថម្ភមធ្យោបាយចិញ្ចឹមជីវិតជួយបងប្អូនជនជាតិរួចផុតពីភាពក្រីក្រ

ង្វៀនយុង - ទីភ្នាក់ងារព័ត៌មានវៀតណាម

08/12/2025 13:55

នាពេលកន្លងទៅ ការងារកាត់បន្ថយភាពក្រីក្រនៅខេត្ត ដាក់ឡាក់ ជាពិសេសនៅតំបន់បងប្អូនជនជាតិភាគតិច កត់សម្គាល់ឃើញការផ្លាស់ប្តូរជាច្រើនដោយសារគំរូឧបត្ថម្ភមធ្យោបាយចិញ្ចឹមជីវិតតាមតម្រូវការនិងស្ថានភាពជាក់ស្តែងរបស់ប្រជាជន។ ចាប់ពីការឧបត្ថម្ភកូនពូជ ដំណាំពូជ រហូតដល់ហ្វឹកហ្វឺនបច្ចេកទេសនិងការត្រួតពិនិត្យដំណើរការផលិតកម្ម គំរូកាត់បន្ថយភាពក្រីក្រទាំងឡាយបានបង្កើតមធ្យោបាយចិញ្ចឹមជីវិតប្រកបដោយចីរភាព ជួយក្រុមគ្រួសារជាច្រើនឈោងឈានឡើងលំនឹងសេដ្ឋកិច្ច។

លោក ង្វៀន ឌឹកថាំង នាយកសាខានាយកដ្ឋានអភិវឌ្ឍន៍ជនបទ មន្ទីរកសិកម្មនិងបរិស្ថានខេត្ត ដាក់ឡាក់ បានមានប្រសាសន៍ថា ការជ្រើសរើសគំរូទាំងឡាយដែលធានាបាននូវភាពសមស្របជាមួយទំនៀមទម្លាប់ កម្រិតប្រពលវប្បកម្ម សមត្ថភាពវិនិយោគនិងលក្ខខណ្ឌផលិតកម្មជួយប្រជាជនស្ងាប់អារម្មណ៍អភិវឌ្ឍសេដ្ឋកិច្ច។ គម្រោងទាំងឡាយត្រូវបានសាងសង់ឡើងដោយផ្អែកលើសំណើរបស់សហគមន៍ ប្រជាជនជ្រើសរើសកូនពូជ គ្រឿងបរិក្ខារដោយខ្លួនឯងក្នុងតំបន់ដើម្បីធានាបាននូវគុណភាពនិងតម្លៃសមរម្យ បង្កើតការឯកភាពគ្នាខ្ពស់។

គំរូទាំងឡាយមិនត្រឹមតែផ្តល់ "សន្ទូច" ប៉ុននោះទេ ថែមទាំងជួយមាមីងបងប្អូនផ្លាស់ប្តូរទម្លាប់ផលិតកម្ម ពង្រឹងបន្ថែមការភ្ជាប់ខ្លួនជាមួយនឹងវិទ្យាសាស្ត្របច្ចេកវិទ្យាថែមទៀត។

គ្រួសារបងប្រុស អ៊ី លិចនីអេ ភូមិ ខាញ់ ឃុំ គឺពូយ ខេត្ត ដាក់ឡាក់ បានឧបត្ថម្ភកាហ្វេពូជជិត ៤០០ ដើមមានតម្លៃជិត ២០ លានដុងដើម្បីអភិវឌ្ឍសេដ្ឋកិច្ច។

ក៏ប៉ុន្តែ បើយោងតាមលោក ថាំង ដំណើរការអនុវត្តជួបការលំបាកលំបិនដោយសារមុខសញ្ញាទទួលផលភាគច្រើនជាក្រុមគ្រួសារក្រីក្រ បងប្អូនជនជាតិភាគតិច កម្រិតផលិតកម្មនៅមានកម្រិត ត្រូវការចំណាយពេលច្រើនដើម្បីផ្សព្វផ្សាយ ផ្លាស់ប្តូរការយល់ដឹង ។ល។

លោកលើកជាសំណើថា ដើម្បីគោលនយោបាយមានភាពបន្តរដ្ឋសភនិងក្រសួង ផ្នែកឆាបចេញកម្មវិធីគោលដៅជាតិស្តីពីការកាត់បន្ថយភាពក្រីក្រប្រកបដោយនិរន្តរភាពដំណាក់កាល ២០២៦ - ២០៣០ (រួមមានយន្តការ គោលនយោបាយ ឯកសារណែនាំ ។ល។) ទន្ទឹមនឹងនោះ រដ្ឋាភិបាលគួរតែឆាប់ចេញអនុក្រឹត្យស្តីពីស្តង់ដារភាពក្រីក្រពហុទិសដំណាក់កាលបន្តដើម្បីឲ្យមូលដ្ឋានមានមូលដ្ឋានដំណើរការអនុវត្ត។

ដោយសារស្រុះស្រួលចិត្តគំនិតរបស់អាជ្ញាធរនិងប្រជាជន អត្រាក្រុមគ្រួសារក្រីក្រទូទាំងឃុំ គឺពូយ ខេត្ត ដាក់ឡាក់ ថយចុះពីជាង ៥៧% ឆ្នាំ ២០២០ មកនៅត្រឹមជិត ៥០% នៅចុងឆ្នាំ ២០២៤។

កម្មវិធីឧបត្ថម្ភមធ្យោបាយចិញ្ចឹមជីវិតមិនត្រឹមតែជួយប្រជាជនរាប់ពាន់ក្រុមគ្រួសាររួចផុតពីភាពក្រីក្រប្រកបដោយចីរភាពប៉ុននោះទេ ថែមទាំងសំខាន់ជាងនេះទៅទៀតបានផ្លាស់ប្តូរផ្នត់គំនិតផលិតកម្មទៀតផង។ ប្រជាជនលែងនៅរង់ចាំ ពឹងផ្អែកហួសហេតុពេកទៅលើរដ្ឋទៀតហើយបែរជាម្ចាស់ការងាកទៅរកបច្ចេកវិទ្យា ពង្រីកគំរូនិងជឿជាក់លើខ្លួនឯងឈោងឈានឡើងដោយកម្លាំងពលកម្មរបស់ខ្លួនផ្ទាល់។ នេះគឺជាមូលដ្ឋានគ្រឹះដើម្បីខេត្ត ដាក់ឡាក់ បន្តកាត់បន្ថយភាពក្រីក្រប្រកបដោយចីរភាពនៅក្នុងឆ្នាំបន្តៗ ទៀត៕

អត្ថបទនិងរូបថត៖ ង្វៀនយុង - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ

កាសែត ព័ត៌មាន និង ជនជាតិ