ក្នុងការតម្រង់ទិសដៅអភិវឌ្ឍទេសចរណ៍ប្រកបដោយចីរភាព ខេត្ត ខាញ់ហ្វា ជំរុញមាំការអភិរក្ស ធ្វើអាជីវកម្មតម្លៃបេតិកភណ្ឌវប្បធម៌ ចាម ក្នុងគោលបំណងធ្វើពិពិធកម្មផលិតផលទេសចរណ៍ លើកស្ទួយអត្តសញ្ញាណវប្បធម៌អន្តោគ្រាមក្លាយជាផលិតផលទេសចរណ៍ពិសេសដាច់ដោយឡែករបស់មូលដ្ឋាន។
យោងតាមនាយកមន្ទីរវប្បធម៌ កីឡានិងទេសចរណ៍ខេត្ត ខាញ់ហ្វា លោក ង្វៀន វ៉ាន់ហ្វា ប្រព័ន្ធបេតិកភណ្ឌវប្បធម៌ ជាពិសេសគឺប្រាង្គ ប្រាសាទ ចាម មិនត្រឹមតែជាមោទកភាពរបស់បងប្អូនជនជាតិ ចាម និងប្រជាជនមូលដ្ឋានប៉ុននោះទេ ថែមទាំងជាទ្រព្យសម្បត្តិវប្បធម៌ជាតិទៀតផង។ ខេត្តបាននិងកំពុងដាក់ដំណើរការដ៏ស៊ីចង្វាក់នឹងគ្នាបណ្តាគម្រោងស្តារឡើងវិញ ជួសជុល ស្ថាបនាកេរដំណែលឱ្យល្អប្រសើរជាងមុនក្នុងគោលបំណងបំពេញតម្រូវការវប្បធម៌ ជំនឿរបស់ប្រជាជន។ ទន្ទឹមនឹងនោះ ខេត្ត ខាញ់ហ្វា កសាងកម្មវិធីទេសចរណ៍វប្បធម៌ដ៏ទាក់ទាញជាច្រើន និងរៀបចំនៅតាមប្រាសាទលោកយាយ ពោណាហ្ការ៍ ប្រាសាទ ពោក្លុងហ្ការាយ ។ល។ ទាក់ទាញភ្ញៀវទេសចរអញ្ជើញមកទស្សនា សិក្សាស្រាវជ្រាវពីតម្លៃតិកភណ្ឌ។
តម្រង់ទិសដៅដល់ឆ្នាំ ២០៣០ ខេត្ត ខាញ់ហ្វា លើកគោលដៅអភិវឌ្ឍផលិតផលទេសចរណ៍វប្បធម៌ - ប្រវត្តិសាស្ត្រផ្សារភ្ជាប់ជាមួយនឹងបេតិកភណ្ឌ ចាម តាមទិសដៅចីរភាព ដោយផ្តោតលើការអភិរក្សស៊ីជម្រៅគួបផ្សំការទាញយកផលឆ្លងកាត់បទពិសោធ។ ខេត្តនឹងពង្រឹងបន្ថែមកិច្ចសហប្រតិបត្តិការជាមួយវិទ្យាស្ថានស្រាវជ្រាវ សាកលវិទ្យាល័យនិងអាជីវកម្មទេសចរណ៍ក្នុងគោលបំណងកសាងផលិតផលទេសចរណ៍វប្បធម៌ពិសេសដាច់ដោយឡែក ផ្សព្វផ្សាយរូបភាពវប្បធម៌ ចាម ចេញទៅកាន់តំបន់និងអន្តរជាតិ។ ការធ្វើអាជីវកម្មតម្លៃបេតិកភណ្ឌវប្បធម៌ ចាម ផ្សារភ្ជាប់ជាមួយនឹងការអភិវឌ្ឍទេសចរណ៍ត្រូវបានរំពឹងថានឹងបង្កើតចំណុចលេចធ្លោខុសប្លែក សម្រាប់ទេសចរណ៍ ខាញ់ហ្វា ស្រពពេលជាមួយគ្នានេះដែររួមចំណែកដល់ការថែរក្សា សាយភាពតម្លៃវប្បធម៌ប្រពៃណីរបស់បងប្អូនជនជាតិ ចាម ក្នុងជីវិតសហសម័យ៕
អត្ថបទនិងរូបថត៖ ង្វៀនថាញ់ - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ
